المساعد الشخصي الرقمي

مشاهدة النسخة كاملة : وين أتسوق فـ تايلند ؟؟



"صبا"
27/01/2007, 12:02 PM
السلام عليكم و رحمة الله

كيفكم أخواتي :)

الوالده راح تروح تايلند لمده اسبوع إن شاء الله و تحب تعرف منكم أماكن التسوق الممتازة

وين تنصحوها تروح؟؟

و كيف تتجهز للسفر ؟؟ الجو عندهم كيف الان ؟!

و الله يسعدكم

حرف_عنيد
27/01/2007, 01:15 PM
هلا الغالية

بالنسبة لتايلند اللبس العادي لانها دولة استوائية ما فيها برودة

بالنسبة للتسوق عندج الطوكيو او اللي اسمه mbk هذا اشهر واحد عندهم طبعا انا اتكلم عن بانكوك بالذات واسعاره حلوة ومعقولة

وفيه مراكز ثانية بس اغلى بس الحلو اللي لا يطوفكم وبتحصلون عندهم بلاوي حتى لو بالجملة هو
الجاينا تاون السوق الصيني بس نصيحة لا يكون معاكم يهال لانه مكان اشوي صعب التحرك فيه ومب من اتشوفونه اتقولون عنه وع ترا داخل هال واع بتشوفون بلاوي كل الاشياء تطلع من صوبهم كل شي يخطر في بالج بتحصلينه انا جربت السوق الصيني في سنغافورة وخبروني عن اللي في ماليزيا بس ما ايون مثل ما في تايلند صدق فيه بلاوية وعجايب شوفوه هو اكبير وايد بس ان شاء الله من اتروحون له اتعرفون وين تدخلون وتطلعون لانه هو مفتوح ولازم تتخششون علشان اتشوفون الشغلات الحلوة

"صبا"
28/01/2007, 01:10 PM
أهـــلا بك

مشكورة جداً على ردك اللي افادني كثير

الرحلة ان شاء الله ماراح يكون معانا أطفال

جزاك ربي كل خير ووفقكم لما تحبين

فانيلة وشورت
10/02/2007, 02:36 AM
تايلند التسووووووووووووووووووووق فيها بصراحة أنا ماعجبني أبد مو غروووووور لا بس موحلوة
عندك الجو حار روحي :
1 / لجزيرة رشا وبوكيت
2/ جزيرة ماي هونغ صن فيها شلالات رهيبة اسمها شلالات فاسو وفيها منتجعات للصحة ةالعلاج وفيها المساج لا يفوتك
3/ سوق طوكيو حلو و أم بي كي ونصيحة نصيحة إذا أنتي أو الوادة تلبسون نظارات سوي نظارات عندهم ترى عندهم الفحص رخيص ونظاراتهم رخيصة وصدق ظمير عندهم وختى لو ماأمدى الوقت تاخذينهى ممكن يرسلون النظارة عن طريق البريد وخلال 15 يوم عندك أمي سوت نظاره لها تقول على كثر النظارات اللي سويتها زي هذي مالقيت .
4/ سوق شعبي ورخيص مرة يفتح يوم الأحد بس اسمه sunday market
5/ شوربة حلوة اسمها توم يام كنج والناس اذواق
6/ في شارع أسمه نانا كله عرب ممكن تسكنون فيه ماعدا فندق اسمه جريس كله شباب وبنات مو حلو
7/ مجمع لوتس جميع انواع البضائع الالكترونية
8/ في مجمعات اسمها
أ / seacon square
ب / siam center
ج/ سيام دسكفري سنتر
د/ gaysorn plaza
ولا تنسين السوق العائم حلو
في منتجع اسمه هوت هن وشام تطل الشاليهات على بتايا
وهذا اللي رحته واسفه على الإطالة