مشاهدة النسخة كاملة : بناااااات الإمارااااات العزيزاااات .........نداااااااء لكم من البحرين
Black Shade
17/01/2007, 09:07 AM
قوه بنات شلونكم :cool2:
ما اطولها ... انا هالاسبوع رايحه دبي وودي اعرف احسن المحلات حق العبايات عندكم وين صايره ؟؟؟
بس تره ما ادل إلا المجمعات :down:
حبايبي والله تكفون ردو علي بأسماء المحلات الراقيه والحلوه عندكم ....
ولكم من البحرين أحلى تحيه :clap: :flower:
دمعة عيوني
17/01/2007, 09:16 AM
مرحبا اختي..
في البدايه بغيت اقولج اسماء المحلات اللي اعرفها...
واللي اجوف ان خياطتها روعه..
عندج في مركز وافي.. لارين و even black
وعندج في الملا بلازا.. sweet lady و blue lady
والله هالمحلات اللي اعرفها.. واتمنى بنات دبي يفيدونج بالمزيد
والسموحه
دلع الأمارااات
17/01/2007, 09:23 AM
يــــــا مرحبــــا فيـــج مليــــون... بتنوريـــــــــنا الغـــــاليـــه....
حبيبتي اذا تبـــين في مكـــان خاص بس للشيل و العبايات,,,,,,, مركز *بو الهيـــل*
و الصراحه انا من بوظبي.... اذا بتمرين علينا بدليـــــج بأمانك روعــــــه......
و في بعد مصممين للعبايات... اعرف وحده شغلهـــا عدل اذا بغيتي رقمها ببعثلج ع الخاص.......
تحيــــــاتي........* دلــــعـ *
شموخ 2007
17/01/2007, 10:47 AM
يا هلا والله بأهل البحرين..
ماشاء الله ختيه العبي عندكم في البحرين حدث ولا حرج ..
المهم انا بالنسبه لي بقولج سيري بو هيل ولو اني انا ما اروح له :)
بس والله دايما اشوف البنات يلبسن اشياء حلوه من عنده..
وفي الشارجه بعد عندج السوق القديم مركز ساره .. دايما اشوف بنات خالتيه يلبسن عبي يوم اسألهن يقولولي من ساره :)
وعندج بنات مواطنات في البيوت ماشاء الله عليهن يبدعن .. انتي بس ادللي علينا ونحن حاضرين :)
Black Shade
17/01/2007, 11:21 AM
بعد عمري والله انتو على راسي من فوق :bigsmile:
دمعة عيوني ............ فديت عيونج مشكوره يالغالية (f)
دلع الامارااات....... يا احلى دلع والله ياريت تدزين رقمها على الخاص وما قصرتي على المعلومات فديتج والله (f)
شموخ 2007 ............. يا كل الشموخ حبيبتي والله تسلمين لي يالغاليه(f)
واذا تامرووون على اي شي من البحرين ترى حاضرييين للطيبين والله ................ :yes:
شموخ 2007
17/01/2007, 11:45 AM
هي صح بغيت اخبرج اختي في محل في البستان اسمه غواني ..
حلو وااايد .. وعند في الشارجه مركز عهود للشيل والعبايا .. يمكن يعيبج شي ..
Black Shade
17/01/2007, 12:18 PM
شموخ 2007
الف شكر لج يا قلبي انتي