مشاهدة النسخة كاملة : قــولي لي شو هوايـــاتج وابداااااعج. أقول لج شو البزنس اللي يناسبج.بميزانية منــاسبة
ليالي العين
14/12/2006, 02:31 PM
السلام عليكم
طبعا من العنوان تعرفون شو محور الموضوع
وايد من البنات يريدن يسون مشروعهن الخاص وانتي يمكن منهن ...:cool2: مكتب ليالي العين للاستشارات بأمور المشاريع الصغيرة.. يساعدج ويقول .
مترددة!!!
محتارة بموضوع البزنس !! :think:
خايفة الخسارة !!! :down:
ميزانيتج ما تعرفين تضبطينها :sad: !!!
شو راااااااااااااااااااااااا اااااايكم تستفيدون من افكااااري وخاصة اني اتميز بأفكار جهنمية سداسية محكمة التثبيت. :qaq:
قولي لي ...
شو مواهبج؟
هواياتج؟
بشوة تتميزين؟ :up:
كم ميزانيتج ؟
وان شاء الله بساعدج باعطائج شو البزنس المناسب لج ... تناسبا مع المعلومات اللي بتجاوبيني اياها عنج .
وان شاء الله ما راح اعطيج الا الشي اللي اشوفة مطلوووب وفعااال :yes: ... ومب بزنس اي كلام او منتشر والناس شبعانه منه.
حتى لو ما عندج اي ميول ومحتارة فوق هذا .. انا اساعدج بفكرة بزنس.. :clap:
يالله يا بنات بلادي ... خاصة اللحين بعد الانتخابات لاعضاء المجلس الوطني .. ان شاء الله اكيد راح يكون هناك صندوق لدعم المشاريع الصغيرة للشباب ... خاصة للبنات اذا كان البزنس مالها يباله راس مااال وناجح مية بالمية .
بـــــــــــــــــانتظار جوابكم للأسئلة .. وان شاء الله
ليــــالي العين بتجاوبكم . واللي تبا السرية براعيها بعد واضمن لها ذلك واللي تبا تراسلني عالخاص ما عندي مانع .. :salam:
الجرح الأليم
14/12/2006, 02:53 PM
امممم انا ابا ادش بزنس بس ماعرف شو ؟ظ
بما اني خريجه ادراه اعمال بس ماعرف البزنس اللي بيمشي معاي
ممكن تساعديني
ام غفار
14/12/2006, 03:30 PM
انا سيدة في الاربعين من العمر وأرغب في اقامة مشروع خاص ولكني لاادري من أين أبدء
ليالي العين
14/12/2006, 03:53 PM
الجرح الأليم ما شاء الله عليج ادارة اعمال
بس قوليلي شو الاشياء اللي تناسبج وتلاقين نفسج فيها ؟
هواياتج ؟
لأن ببالي كذا شيء فكرة بس اريد الانسب منهم لج .. ما اقدر اعطيج كل الافكار اللي براسي عشان يكون فية مجال لباقي البنات ان ياخذون بقية الافكار.
وخبريني شوي عن ميزانيتج .
.................................................. ...................
أم غفار نفس الشي ياليت تكتبين الاشياء اللي تجيدينها ...
او حرفة معينه ...
واذا عندج ميزانية وكم اللي تقدرين تحطينه بشغلج ...؟
وبما انج متزوجة فأفضل شي لج طبعا العمل المنزلي عالنت بدلا من الطلعات اللي ممكن تأخرج عن مراقبة البيت والزوج.
.................................................. ...........................
بنات اللي تريد اساعد ها بليز تجاوب اسئلتي بأول الموضوع عشان يسهل علي افهم شو اللي يناسبكم واوصلها بأنسب فكرة موجودة براسي .
وتتكلم شوي عن شخصيتها بعد في بعض كلمات.
بانتظاركم
.................................................. .....................................
بالنسبة لي انا حاليا اخطط لمشروووع يونيك ما فية حد مسوي منه لا بالعين ولا ببوظبي .. من قبل المواطنات او المواطنين اقصد.
وربحة 100 بالمية وحاليا ارتب اموري الداخلية وان شاء الله قريب بشوف النور .. والموضوع يمشي بسرية تامة . واهوة شي يختص بالنسااء والموضة .
عيون النرجس
14/12/2006, 03:55 PM
احب الاشياء يلي تخص المكياج وايضا الطبخ الحمدالله هاي الاشياء يلي افضلها بس بعد احب كل شي واريد تحددي لي المشروع يلي يناسبني
ام غفار
14/12/2006, 04:02 PM
والله لو اقول اليك اني لالجيد شي ما كذب عليك ولكن أمنية حياتي ان اتعلم خياطة وانا أمارس
مهنة التدريس في البيت ومدخولي يتراوح بين 1000و600ومنذ أربعة اشهر انهية دورة في الكومبيوتر
ليالي العين
14/12/2006, 04:08 PM
عيون النرجس قلتي تحبين المكياج ... هل انتي ماكييرة او ممكن تصيرين ماكييرة ؟
الماكييرة من انجح الوظايف هالفترة ... حتى لو البنت تعرف تحط مكياج لازم تروح عند ماكييرة اذا عندها عرس احد close مثل اخوها او اختها عشان تطلع بمظهر يديد.
الماكييرات الحريفات راتبهن بالشهر (اللي يشتغلن لحسابهن الخاص اقصد) ويكونن ممتازات .. = 35 ألف درهم .. تخيلوااااا ... ان شاء الله لو تسوينة الشغل بالبيت تفتحيلج مكان خاص . خاصة اذا كنتي دايمن تجددين ومبدعة ... فصدقيني ما بتكونين شي قديم بالنسبة للبنات .
فعلى طول بقولج صيري ماكييرة ... اذا ما تقدرين اطرحي دورة مكياج للبنات واتعاقدي معاهن الدورة ب معدل 500 درهم تقريبا . حسب كفائتج .
اذا مب لدرجة الحرافة وترسمين لكل انواع العيون ....
حاولي تبتكرين شي ينحط على الوجة بعد وضع مكياج السهرة او الاعراس مثل تسوين بعمل فراشة صيرة مسواية من ورود تكونين قصصتيهن ويكون طولها سانتي ونص بس مثلا
وتسوين اشكال غير الفراشة .. مثلا وردة الاشياء اللي تتركب او تتلصق مؤقت عالجسم كالكتف او الصدر .. هاذي جدا ملفته وشكلها مغري للاعراس... واستخدمي فيها الفصوص الكرستال . بالنسبة للتفاصيل اتركها لج انا اعطيج بس الفكرة بشكل مبسط وسطحي وطبعا الميزانية لهالشي ما تتعدى حتى ال 100 درهم. تسوين فيها 5 او 7 اشكال . تبيعين الوحدة ب 20 وطالع حسب الحجم وكمية الشغل والفصوص اللي فيها.
دام قلتي مكياج يعني هالشي بعد تقدرين تفلحين فية لان فية الوان وتناسق ويخص الفاشن.
شرايج فيها ؟ وممكن ابحث هالفكرة معاج عالخاص اذا رسيتي عليها
عيون وساع
14/12/2006, 04:08 PM
اختي ليالي مشكورة على هاي المبادرة الطيبة منج
شوفي انا احب المكياج واحب اخلي مكياج لاخواتي وبنات اختي
ياترى شو البزنس الي يناسبني ؟وكم احتاج ميزانية؟
ليالي العين
14/12/2006, 04:21 PM
أم غفاار تعرفين ان سن الاربعين جدااااااااا رائع انج تغطين موضوع الخياطة فية ....
لكن لو طرحت عليج موضوع خياطة لازم تكونين شاطرة فية لدرجة عاالية وتعرفين لما تخيطين تسوين خياطة نظيفة ومرتبة وما فيهابروز لعيوب جسم الزبونة.
وراتبج ما اعتقد يسمح اني اقولج هاتي فلبينية خياطة .
بس الحل الحلووو وما بكلفج .... افا عليج
قومي بخياطة بسيطة للانجري ما فيها هالتعقيدات اهم شي تعرفين امور الخياطة الاساسية .. وبعض الذوق .
وخاصة انج تعطين دروس بالبيت لأطفال اكيد جية تضربين عصفورين بحجر تدرسين الاطفال .
وتعزمين يوم امهاتهم عندج بالبيت تتناقشين امور اطفالهم ومرة وحدة تعرضين اللانجري اللي عندج يعني استفدتي من الامهات والاولاد بعد.
بالنسبة لتجنب التعقيدات خيطي اللانجري فري سايز يعني ستريج كبدااية .
الستريج منه هدفين اول شي ما تتلعوزين بالتوضيق والتوسيع من تحت وغيره .
وثانيا ما بتخسرين بالقطعة لانها ستريج يعني تناسب مقاسين او 3 مقاسات ... بدل ام تخيطينها قطعة عادية لقياس واحد وتطيح بجبدج
الستريج تكون فرصته للشراء 3 مرات لو كانت قطعة عادية مب ستريج.
حتى الحرمة بتشتريها بتتردد يمكن تمتن وما بناسبها اللانجري بس يوم تشترية ستريج واهيه تعرف انها ممكن تمتن بتلبسها عقب عادي لانه ستريج.
.................................................. .......................
ميزانية 600 درهم تقريبا اشتري شرايط ودانتيل نقشاته حلوة وقطع ستريج .. وسوي 5 موديلات تقريبا والوانهم تكون حلوووة .
وبيعي الوحدة على 150 درهم اذا كان طويل .. اذا قصير 100 درهم .. هذا المعدل بشكل عام وحسب الشغل بالقطعة ..
مرة ثانية انا اعطي الموضوع سطحي وعلى العضوة تفكر بالتفاصيل اذا عجبتج خبريني اساعدج بالتفاصيل بالخاص .. اذا احتجتيها وعشان ما اعطيها لبنت ثانية بالبحرين نفس الفكرة .
........................................
بنات اللي تستقر على وحدة من افكاري تخبرني عشان ما اقولها واعيدها لبنت ثانية بنفس الدولة .
ليالي العين
14/12/2006, 04:32 PM
عيون وساع العفو حبيبتي .. انا يهمني ان كل وحدة تكون فعاااله بمحيطها
بالنسبة لحبج للمكياج واتوقع الكثير من البنات يقولولي انهن يحبن المكياج ويمكيجن ...
بقوللج نفس الكلام اللي قلته للأخت عيون النرجس ... نحن ندور المكياج الفظييييع اللي فية حركات حلوة وغريبة وجرئية وما يكون بنفس الوقت شي معنجش على قولتنا الاماراتيين.
لما نبدل صفحات وكتالوج الماكييرات ندور شي حلوو وحركة مكياج يديد على الساحة
هل انتي عندج هالقدرة على الابداع؟! وانج لما تمكيجين الناس تسوين وتضيفين على المكياج شغلات غريبة مثل رموش تكون نهايت اخر شعيراتها فصوص صغيرة سوارفسكي اصغر حجم بالطول على لون فستان البنت وانج تمكيجين العايلة كبداية وربيعاتج وصديقات خواتج ... من عرس واحد تتمكيجون فيه واعلان بالمنتديات يكفي ان اكثر من 10 بنات اييونج .
بالنسبة للميزانية الماكييرة تقريبا عدتها 10 الاف درهم كاااملة . فهل باستطاعتج على هالميزانية ؟
من ناحيتي اذا كنتي بروفيشنال وبامكانج دايمن تجددين وواثقة من مكياجج وبشهادة وايدات 10 الاف ترومين ترجعينها لج في شهر واحد .
.................................................. .....................
عيون النرجس
14/12/2006, 04:57 PM
اشكرج اختي ليالي العين نحن الاماراتيات غالب علينا الحياء ولا فكرتج حلوه وروعه الصراحه بس يريدلها تشجيع من جميع النواحي حلو إن نفكر بشي ونخليه مطور ومميز في نفس الوقت
اشكرج مره ثانيه على ردج وافكارج الرائعه والله يوفقج الغاليه في دنيا واخره
ام غفار
14/12/2006, 05:17 PM
اشكرك لياليالعين من كل قلبي ولكن انت لم تفهمي انيي لا لعرف الخياطة ابدا وكنت اود ان التحق
بدورة خياطة "غشيمة" الفكرة عجبتني جدا ولكني لم اعرف مذا قصدتي بالنجري
ليالي العين
14/12/2006, 05:18 PM
عيون النرجس العفووو حبيبتي
اذا عندي انا هالقدرة عالمساعدة والله ما ابخل فيها عليكم
وشيكي الخاص رديت على استفساراتج .
ليالي العين
14/12/2006, 05:21 PM
أم غفااار محشوم اللي يقولج انج غشيمة ... وانا كنت عارفة انج ما تعرفين بالخياطة وتبين تلتحقين بدورة
وانا اشجعج روحي وخذي دورة خياطة بسيطة ...
اللانجري = قمصان النوم الطويلة والقصيرة .
والعملية جدا سهلة فقط انج بعد قص القطع الستريج تحددين الطول والعرض تخيطين على الاطراف الدانتيل او الشرايط الحلوة ... ترومين تشوفين تصاميم من الانترنت وتسوين شراتها تقريبا
واهيه جداااا ناجحة وخاصة لج بعد . وبعدها ترومين تطورين من اسلوبج بالخياطة وتسوين قمصان النوم قطع الشيفون والحرير وقصات ... وان شاء الله اذا كثر الشغل ترومين تيبين فلبينية تساعدج .
وان شاء الله حتى بتييج طلبات تفصيل خاصة .
ceres
14/12/2006, 05:33 PM
حبيت اشكرج على موضوعج اللي بيفيد البنات خصوصا اللي قاعدات بالبيت
انا بصراحه ما احتاج اي بزنس لاني اشتغل ومب ملحقه اتنفس ^_^
بس رفيجتي تموت في الكمبيوتر يعني تسوي مواقع وتركب منتديات وسوالف البرمجه والكمبيوتر اللي انا اساسا ما افهم فيها^_^
حبيبتي ممكن تخبريني شو البزنس اللي يناسبها ^_^
ومشكوره مقدما
أم ثلاث وردات
14/12/2006, 07:10 PM
مشكوره يا الغالية على هال
أم ثلاث وردات
14/12/2006, 07:20 PM
سوري بنتي الصغيره ضغطت على اضافة الرد:dd:
مشكوره حبيبتي على هالفكره:z_clap: الحلوه مثلج طبعا
حبيبتي الوالده الله يحفظها تسوي دخون روعة وريحته تخبل وعطور ومخمريه :up:
وأسعارهم وايد مناسبه بس كيف اوصلهم ماعرف:think:
++وله++
14/12/2006, 07:30 PM
حبيبتي ليالي العين .اشكرك من كل قلبي على هذا الموضوع الأكثر من رائع
والله يجعله في ميزان حسناتك.
اناأموت في اي شي يخص الموضه وحتى ساعات ارروح للمحلات اللي
تبيع ادوات الخياطه واشتري اي شي يعجبني قبل ما ألقى الموديل وأ حب اشتري الأقمشه لدرجة اني مرات أجمعها وماأخيطها عند الخياط احس انه بيخربها...يمكن تستغربين مني...لأني بصراحه ابد ماخيط دايما البس جاهز...وهوايتي دايما احب اصمم ملابس ..بس لا تقولين لي خيطي لأني اتمنى هذا الشي واموت فيه بس انا ملوله والخياطه يبي لها صبر ............يعني بختصارانا اشوف نفسي بين الأقمشه..وطبعااجيد المكياج بمتيازبشهادة الجميع وحتى في الأعراس انا اتمكيج بروحي.والكل يفتكر اني مسويته عند الصالون.....بس مستحيل امكيج.لأن ظروفي الأجتماعيه ماتسمح لي بصراحه ......وانا متخرجه من الجامعه بس جالسه في البيت..ومتزوجه وعندي أطفال..وبالنسبه للميزانيه..الحمدلله..متوسطه ....بس انا احب بدايتي تكون بسيطه لأني أحس اني ماعرف في التجاره..ومشكوره والله يجزاك خير ويوفقك في كل حياتك بأذن الله
ليالي العين
14/12/2006, 11:44 PM
ان شاء الله باجر ارد عليكم بنات ... وابشرووااا و فالكم طيب
ام غفار
15/12/2006, 09:54 AM
أسفة ليالي العين لعدم التواصل لان لمس كان الجمعة وسيرنا على الاهل ولكن الفكرة ما زالت عاجبتني وانا جادة في الموضوع لكني اخبرت صديقتي بالموضوع وقالت انها سوف تلتحق
بالدورة معي ولكنها سوف تذهب للحج وانا لا اريد ان اذهب بدونها للعلم انها تملك بوتيك ناجح جدا
في القرية
ليالي العين
15/12/2006, 01:25 PM
ceres عزيزتي ....
أنسب شي لها انها تسوي تصميم مواقع خاصة .. خاصة للتاجرات عندنا بالمنتدى ومنتديات ثانية ... اللي عندهن بضايع وزباين ويريدن يفتحن موقع عرض لبضايعهن بس يبن مواقع بتكلفة معقولة ...
تسوي موقع واحد وتحطة كنموذج لشغلها .. وتحط موضوع بركن التسوق لكل التاجرات نداء اللي تبا موقع ...
وبالمرة تعرض خدماتها للبنات ... حتى تعرض خدمات للي يبا منتدى لنفسة خاص فية .
بحيث الزبونة او التاجرة تختار درجات اللون وعدد الصفحات والاقسات وبالتنسيق مع زميلتج .
وان شاء الله الموضوع يعجبها .. وحسب الشغل يزيد السعر.
ليالي العين
15/12/2006, 01:31 PM
أم ثلاث وردات
الله يحفظ لج بنتج ... والوالدة بعد
بس ممكن تشرحين لي شو قصدتي (ما اعرف كيف اوصلهم) ؟
تقصدين عملية التسويق ولا توصيل الطلبات للبنات ولا شو قصدتي؟
انتظر اجابتج
ليالي العين
15/12/2006, 01:45 PM
++ وله ++
يا قلبي اكيد ما راح اقولج انج تكونيين ماكييرة نظرا مثل ما قلتي .. وخاصة ان عندج أطفال الله يخليهم لج .
ميزانيتج البسيطة تساعدج انج تيبين فلبينية تعرف تخيط وماكينة وأدوات الخيااطة البسيطة ..
تحطينها بغرفة صغيرة بالبيت وتشترين مانيكان واحد .
ما شاء الله عندج القطع وايد وببالج الموديلات .
فكرة مشروووعج جدا واضحة . سوي فساتين السهره كبداية تكون قطعتها بسيطة لكن القصة جدا رائعه ومسوية لووك بالفستان . ولا تنسين الحجر والكرستال يلعب دور ودرجات الألوان بالفستان .
أول فستان اهوة اللي بحدد نظرة البنات لج .. يا بكون بالقمة او بكون ولا شي
فأول فستان ركوزي فية كل جهووودج
وان شاء الله نشوف نموذج اعمالج بركن التسوق
والميزانية تقريبا راتب الفلبيتية 500 درهم + الماكينة + ادوات الخياطة البسيطة كمقص والوان الخيوط + كرستال + مانيكان = ان شاء الله ما تعدي 3500 درهم اماراتي
.................................................. ..............................................
ام غفاار
انتي وصديقتج بكون وااايد حلو بتكبر المساحة المشاركة بالرأي والاقتراحات ما بينكم وبتكون الاختيارات محددة اكثر
وكل وحدة تشجع فيكم الثانية وتكمل الثانية
وان شاء الله تروح وترد من الحج بالسلامة ....
والله يوفقكم
الجرح الأليم
15/12/2006, 02:01 PM
هلا الغاليه بقولج شو كان اهتمامي انا وصديقتي اولا من سته تقريبا استلمنا مشروعين الاول عباره عن كوفي شوب وفي نت طبعا سوينا له ميزانيه ورتبنا له كل شي حتى الديكووور والارضيه والادوات والعمال كله بسعره طبعا وسويناله بحث كامل وعطيناه بدون ماناخذ شي والحمدالله الشغل وااايد ماشي عنده وهو فاتح في بوظبي بصراحه وااايد استانسنا
وهوااايتي ماعرف بس ابا اكون بزنس وومن هههه بس ماعرف كيف
والميزتنيه بسيطه ووممكن يساعدوووني لاهل
حتى عندي امي اللله يحفظها تسوي دخون وعطووور وكريمات الجسم بالدهن العون والعطور الفرنسيه بس ماعرف كيف اسوي دعايه او اسوق الها
حق الناس شاطره بس حقي اوحق اهلي لا
ممكن تساعديني
الجرح الأليم
15/12/2006, 02:02 PM
هلا الغاليه بقولج شو كان اهتمامي انا وصديقتي اولا من سته تقريبا استلمنا مشروعين الاول عباره عن كوفي شوب وفي نت طبعا سوينا له ميزانيه ورتبنا له كل شي حتى الديكووور والارضيه والادوات والعمال كله بسعره طبعا وسويناله بحث كامل وعطيناه بدون ماناخذ شي والحمدالله الشغل وااايد ماشي عنده وهو فاتح في بوظبي بصراحه وااايد استانسنا :ok:
وهوااايتي ماعرف بس ابا اكون بزنس وومن يعني مسؤؤله عن شغل هههه بس ماعرف كيف
والميزتنيه بسيطه ووممكن يساعدوووني لاهل
حتى عندي امي اللله يحفظها تسوي دخون وعطووور وكريمات الجسم بالدهن العون والعطور الفرنسيه :ok: بس ماعرف كيف اسوي دعايه او اسوق الها
حق الناس شاطره بس حقي اوحق اهلي لا :angry:
:sad:
ممكن تساعديني
بيت الموضة
15/12/2006, 02:23 PM
انا ابغيج تراسليني عالخاص وتخبريني بالتفاصيل
أم مي مي
15/12/2006, 04:55 PM
هلا حبيبتي
انا خريجه هندسة ديكور هواياتي الرسم والفن التشكيلي والتنسيق
اريدك تساعديني تكفيين
ليالي العين
15/12/2006, 06:54 PM
الجرح الأليم
مبروووك على نجاح الكوفي شوب ..
بالنسبة للوالدة اكيد العملية سهله ... دعاية بركن التسوق اهيه اول خطوة للبنات انهم يعرفونج .
بنت تطلب من عندج قرشة عطر طرشية ومعاه تيستر مثلا نوعين دخون و 3 عطور ثانية .
اذا عيبها بترد تطلب منج قرشة دخون من التيستر اللي شمته وطبعا على كل تيستر مكتوب اسمه والسعر...
الشهره بالمنتدى جدااا سريعة وتغطين اكبر كمية ومساحة من البنات بالدولة ويمكن بعد خارجها اهم شي ... الجودة للعطور والكريمات تكون رااائعه ... والاسعار مناسبة.
بالنسبة للكوفي شوب
اذا كان زواره من المواطنين النساء او الرياييل ترومين تستفيدين وتسوين دعاية حج الزباين لعطور الوالدة
سووا مناديل بعطر الوالدة مغلفة بكيس صغير مثل تغليف الكلنكس المعطر اللي الناس تنضف ايدها بس هذا اللي انتي بتحطينه يكون هدايا للناس بعد ما تشرب الكوفي
يعني نبهي العامل اذا الزبون ريال يعطية من المعطر الرجالي
واذا حرمة يعطيها من المعطر النسائي
ما دامت الميزانية موجودة عندكم ... سوي هالكلنكس المعطر . جية ضربتي عصفورين بحجر
غطيتي سوق المنتدى فية البنات
وغطيتي زباين الكوفي شوب غالبا يكون الشباب فية .
بعدين اذا عيبهم بسألون عن العطر ويقولهم العامل ان هذا ياخذونة من عند وحدة تسوية ببوظبي ويستخدمونة كتغيير جو للكوفي يعني لا يقولون انه لنفس صاحبة الكوفي.
واللي يبا بياخذ الرقم .
شرايج!!
ليالي العين
15/12/2006, 06:57 PM
بيت الموضة .
عزيزتي على الاقل تجاوبيني عالاسئلة المكتوبة بأول مشاركة بالموضوع
ولا تنسين تذكرين الميزانية ..
وعلى اساسها اطرح الفكرة ما اقدر الا جية .
بانتظارج الغالية كملي 16 مشاركة وترومين تستخدمين الخاص
ليالي العين
15/12/2006, 07:00 PM
علوية الحلوة
حبوبة اريد اعرف انتي من أي دولة ؟
وشو الميزانية اللي ترومين عليها ؟
عشان اعرف شوة بالضبط اللي يناسبج ... ترى السكن من منطقة لثانية تفرق معاها الفكرة .
يعني الففكرة ناجحة ببوظبي والعين
بس مب ناجحة بدبي وجية
بالانتظار الغالية
ceres
15/12/2006, 08:31 PM
حبيبتي ليالي
مشكووووووووووووووووووووور ه يا عمري على الفكرة الحلوه^_^
الله يوفقج يا رب^_^
ندايم
15/12/2006, 09:17 PM
غاليتي...
برسلج على الخاص.....
http://www3.0zz0.com/2006/12/15/17/91528208.gif
ليالي العين
15/12/2006, 09:20 PM
ceres شيكي الخاص
الغالية ندايم بانتظار رسالتج
العنزية1400
15/12/2006, 09:51 PM
مواهبي ؛ يمكن الاعمال اليدويه والاشغال
هواياتج؛ النت بس
بشوة تتميزين؛ ما عندي
كم ميزانيتج ؛ 20 الف ريال
++وله++
16/12/2006, 12:44 AM
ليالي العين مشكوره ياعمري على الرد ...........بس حبيت اسألك عن المحلات اللي تبيع أدوات الخياطه والأقمشه وأقمشة العبايات وخاصة
اللي بالجمله في دبي.........وحبيبتي الفكره اللي طرحتيها بالضبط هي اللي كانت تدور ببالي وفعلا شجعتيني عليها بس ممكن تعطيني أفكار للتسويق.:flower:
نجمة الفجر 2000
16/12/2006, 04:24 AM
السلام عليكم الغالية
اتمنى تساعديني لاني والله حاسة نفسي واااايد تايهة
شو مواهبج؟
مواهبي ما اعرف ’’’’’ ماعندي مواهب للأسف ,,,,
هواياتج؟
والله انا احب الخياطة بشكل عام وبشكل خاص الاعمال اليدوية اللي فيها خياطة وبشكل محدد اكثر صناعة العلب الكبيرة والصغيرة وذات الافكار الغريبة من الشبك البلاستيك اذا تعرفينه وبعد احب اسوي منه شنط ومحافظ صغيرة احب ابدع فيه بس بسبب العيال والبيت شوي مرات ما احصل وقت ,,,, ويعد احب اصمم ازياء يمكن تكون خفيفة وبسيطة اذا تحبين بطرش لج رسمة تشوفين ,,,,
احب التلوين ومزج الالوان ,,,,,
احب احط فصوص في الملابس او خرز لاني حاليا عرفت شلون يسوون الخرز اللي معلق من جهة .... وسويته في علبة ,,,
وبعد احب اسوي اكلات بالتحديد الحلا بس ما شي ميزانية للأسف ويوم تكون في ميزانية للأٍف ما شي ما انعطى وفيه
،،،،
وشو بعد ما ادري ,,,
بشوة تتميزين؟
كم ميزانيتج ؟
والله الميزانية مرات الف ومرات بالميات ,,,,,
والله يوفقج وييسر لج الخير ان شا الله دنيا واخره
ً اختكم في الله @
ليالي العين
16/12/2006, 11:45 AM
عزيزتي ندايم شيكي الخاص.
.................................................. ...................
العنزية 1400
ميزانيتج ساعدتني اني اطرح لج أكثر من فكرة بس
ما راح اقولج شغله صغيرة او بسيطة .
ودام انت ياوكي بالاعمال اليدوية.. شرايج تسوين اكسسوارات بنفسج تشترين الاداة ما اعرف شو يسمونها بس اهيه اللي يضيقون فيها الحلقة والقفلات .
وتشترين بقيمة 500 درهم مب اكثر حتى من ألف درهم الحجر والكرستال تسوين طقم كامل حلق واكسسوار الرقبة واسويرة اليد وتكون طقم .
يعني اذا شفتي فيديو كليب من قال .... لنبيل شعيل . كانت العارضة لابسة سلاسل الرقبة الراااهيه وكله شوارفسكي
ممكن تسوين هالاشياء وقبلها ترسمينها بدفتر وتبدين تشتغلين وممكن تدخلين الخرز معاها واي شي تشوفينه ويخطر ببالج.
البنات وخاصة عندكم بالرياض اجواء الحفلات والعزايم ولمة البنات .. يكفي انج تلبسين قميص سادة وهاي نك .. وتلبسين فوقة هالاكسسوار بألوان حلوة ويمكن يدخل فيها اللولو والفرو الكحلي ويكون شكلللللله ملفت للبنات .
شرايج بالفكرة ؟ على فكرة شغله عمل هالاشياء سهله البنت تسويها.
ليالي العين
16/12/2006, 11:49 AM
++ وله ++
العفوو حبيبتي .... وانا انتظر اشوف نموذج من اعمالج قريبا ان شاء الله بركن التسوق. وعلى فكرة انا طارحة موضوع فساتين فخمة بركن الازياء لمصمم لبناني ترومين تشوفينها وتسوين شراتها وتستلهمين منها.
ليالي العين
16/12/2006, 11:57 AM
نجمة الفجر 2000
بحاول اعطيج شي مختلف وما راح اكرر لج نفس كلام البنات...
تتميزين بالخياطة العادية وشغل الخرز ... راج اجمعهم لج بفكرة وحدة انج تسوين قمصان سااااااااادة بكم طويل
وتزينينها بخرز او ب حجر الكوارتز اللي يبيعونه بمحل ملك وشاهين ببوظبي .. او محلات اللي تبيع ادوات الخياطة
ترومين بالقميص تزينينة ب اطرافة بحرير او قطع دانتيل ....
سوي 3 نماذج مثلا لج وحطيهم بركن التسوق اللي يبا شراته . او زينيها بترتر حتى بشكل مرتب ...
بنات الجامعة يحبون هالسوالف واللي ادور قمصان حلوة بسعر مب غالي شرات المحلات.
شكل القمصان والقصات تقدرين تلاقينها بالنت سوي سيرج بجوجل.. بيطلع سوالف الكت والبوديهات والكم الطويل .
اختاري الاشياء الناعمة والحلوة والراقية بالقصة واللون سوي منها .
وياليت اشوف شي من تصاميمج عالخاص.
واريد تعليقج عالفكرة المطروحة عزيزتي. والله يوفقج
دهن_الــــورد
16/12/2006, 12:00 PM
:shy: جزااااااااااااااااااااااا ااااااااااااااااج الله الف خير لانج تبين تنفعين البنات...موفقه اختي ليالي...
ليالي العين
16/12/2006, 12:28 PM
دهن الورد العفوووو حبيبتي ....
وان شاء الله اكبر عدد من البنات يستفيدون ونرفع القدرة الانتاجية لمجال الصناعة الضعف عن عام 2006
ونشهد حركة سوقية وانتاجية كبيرة محلية ومن دول الخليج. :clap:
مــنى الكـعبي ^^
16/12/2006, 09:14 PM
هلا ليالي انا ابه اسوي مشروع ناجح مثل افتح محل او بقالة بس اخاف ما ينجح عطيني رايش
عيون وساع
16/12/2006, 10:37 PM
اختي ليالي العين
اذا على العشرة الاف موجودة
وعن الابداع المشكلة لبنات اختي وخواتي ما يحبون المكياج الي فوق العادة يحبون الناشرل والدمج بين الالوان ,بحاول اسوي لانفسي هاي الحركات وبشوف كيف تطلع معاي
ومشكورة وايد يا الغالية على مساعدتج لي.
نجمة الفجر 2000
16/12/2006, 10:45 PM
نجمة الفجر 2000
بحاول اعطيج شي مختلف وما راح اكرر لج نفس كلام البنات...
تتميزين بالخياطة العادية وشغل الخرز ... راج اجمعهم لج بفكرة وحدة انج تسوين قمصان سااااااااادة بكم طويل
وتزينينها بخرز او ب حجر الكوارتز اللي يبيعونه بمحل ملك وشاهين ببوظبي .. او محلات اللي تبيع ادوات الخياطة
ترومين بالقميص تزينينة ب اطرافة بحرير او قطع دانتيل ....
سوي 3 نماذج مثلا لج وحطيهم بركن التسوق اللي يبا شراته . او زينيها بترتر حتى بشكل مرتب ...
بنات الجامعة يحبون هالسوالف واللي ادور قمصان حلوة بسعر مب غالي شرات المحلات.
شكل القمصان والقصات تقدرين تلاقينها بالنت سوي سيرج بجوجل.. بيطلع سوالف الكت والبوديهات والكم الطويل .
اختاري الاشياء الناعمة والحلوة والراقية بالقصة واللون سوي منها .
وياليت اشوف شي من تصاميمج عالخاص.
واريد تعليقج عالفكرة المطروحة عزيزتي. والله يوفقج
السلام عليكم الغالية
اختيه تصدقين فكرت بافكار وايدة بس هاي الفكرة ما ادري ليش ما
طرأت على بالي يبالي اجرب وان شا الله اول ما اكمل واحد راح اطرشه لج على الخاص عسب تعطيني التعليمات الخاصة بالتعديلات اللازمة .......... مشكوووووووووووووووووووووو ووووووووووووووووووووووورة واااااااااااااااااااااااا ااااااااااااااااااااااااا ااااااااايد على سعيج لمساعدة الاخرين بخصوص تصميماتي راح ادز لج الحين كم تصميم وان شا الله يكونون على المتسوى
والله يوفقج وييسر لج الخير ان شا الله دنيا واخره
@ اختكم في الله@
الجرح الأليم
16/12/2006, 10:57 PM
الغاليه ليالي الكوفي هب مالنا احنا سويناه حق ريال من بوظبي طلب منا نحن نسويله الترتيبات واذا عيبه بكمل ويانا بس المشكله انا ماعرف الريال علشان اطلب منه نحن شرحناله وسويناله بحث وبوربوينت وكان الشغل حلو حتى تخيلي سويناله مجسم عن الكوفي والحمدالله مشى وااايد عليه اقبال
الحين انا خاطري استلم شي اشغل نفسي فيه واحب اي شي فيه اداره وتعب وشغل بس مادري
ليالي العين
16/12/2006, 10:58 PM
رقيقة الاحساس
الدكان او البقالة مشروع اصلا ناااجح...
خااااصة اذا كانت بحاره او تحت منطقة او بناية سكنية
الناس صحيح تروح تشتري من الماركت او الجمعيه لكن مردها تنسى انها تشتري الحليب او يطلع فجأة الخدامة نست تكتب شي
او الخبز ما كفى ... ومثل هالاشياء وكلنا ندري وتصير تقريبا بكل بيت
وخاااصة بطاقات الكمبيوتر مطلوبة والاشياء اليومية كالحليب والخبز الصلصلة ... اكيد فهمتي علي
وحاولي تسوين توصيل طلبات للبيوت يكوون الهندي عنده سيكل ....
او حساب لين اخر الشهر مثل الدكاكين اغلبها تسوي
بس احلى شي يوم تكون البقالة بمنطقة ما فيها دكاكين او حارة ما شي عدالها دكان .
ومعرووووف الدكاكين تدخل فلوووس ...
وعليج فيها غاليتي
واذا خذتي رخصة دكان وسويتيه حاولي تطبقين المقترحات اللي عطيتج اياها
وبالتوفيـــــــــــــــــ ـق
ليالي العين
16/12/2006, 11:08 PM
عيون وساع
ان شاء الله تنجح معاج
ومب شرط خواتج وبنات اختج
دوري حد من بنات العايلة او ربيعاتج تمكيجينها يوم اذا عندهم عرس او حفلة .. وتكون تحب الاوفر.. يعني دوري حد يحب الاوفر وسوي .. بس قبل ما تبدين تمكيجين
فكري بمكياج يديد وحركات حلوة
والله يوفقج واتمنى اشوفلج شي قريب
ليالي العين
16/12/2006, 11:11 PM
نجمة الفجر 2000
الحمدلله انها عجبتج والاهم نجاحها ... وانا مستعدة ارتب معاج الموضوع من البداية ..
ومستعدة لاستقبال اول تصميم لج ...
والعفووووو حبيبتي
ليالي العين
16/12/2006, 11:14 PM
الجرح الأليم
ممكن اعرف انتي من اي امارة ؟
وان شاء الله باجر برد عليج .. بشي يناسبج
والسموووحة بس لأني قفلت خلااص
شفافة الشوق
17/12/2006, 08:37 AM
شو مواهبج و هواياتج ؟
1- تصميم الأزياء (فقط تصميم )
2- أستطيع ان اعمل اوراق عمل للطالبات او المدرسات ( بشكل حلو )
3- أقدر ارسم رسومات طفولية يعني (( تصلح لقصص الأطفال ))
4- العمل على البور بوينت
5- احب اطالع المجلات واااااايد وااااايد و ايمعهن (( حتى اعق بعضهن من كثرهم ))
6- احب ايمع صور مكياج (( يعني من المجلات )) يعني صورة الويوه اللي مكيجينها
+++++ بس احب فوق كل هذا اني اشتغل من خلال البيت فقط يعني من خلال النت فقط +++++
&&&&& و بصراحة أنا اعرف اصمم من ضمن الازياء اللانجري &&&&&&&&&&&&
و خاطري فيوم اسوي لانجري اماراتي
كم ميزانيتج ؟
بما اني ما اشتغل
انا احصل كل شهر 500 درهم (( مصروفي الشهري ))
و طبعا اصرفها على نفسي طول الشهر
و بعد في نص الشهر تخلص عني
(((((((((((((((((((((((((((((((((((((((((((((((((( (((((((((((((((((((((((( انتظرج )))))))))))))))))))))))))))))))))))))))))))))))))) ))))))
ليالي العين
17/12/2006, 02:31 PM
ليالي العين مشكوره ياعمري على الرد ...........بس حبيت اسألك عن المحلات اللي تبيع أدوات الخياطه والأقمشه وأقمشة العبايات وخاصة
اللي بالجمله في دبي.........وحبيبتي الفكره اللي طرحتيها بالضبط هي اللي كانت تدور ببالي وفعلا شجعتيني عليها بس ممكن تعطيني أفكار للتسويق.:flower:
عزيزتي ++وله++
توني انتبهت على طلبج اسمحيلي
اماكن البيع بدبي وبالتحديد سعر الجملة عند صوب سوق نايف كل شي يخطر عبالج هناك
يعني روحي يوم تكونين فاضية من الصبح للظهر ... لأن بتشوفين واااااااااااااااااااااايد اشياء يبالج تتمعنين .
فيه هناك الدكاكين والمحلات اللي عدال سوق نايف اذكر كذا محل لما كنت امر اشوف يبيعون طيات أقمشة العبي والشيل بسعر الجمــــلة وليس مفرق. وعندهم كل الانواع.
بالنسبة لشغل الخياطة عندج محل يبيع بالجملة بعد ذاك الصوب اسمه
<< كرت المحل ميودتنه
turbush trading CO
اهوة 3 طوابق محل صغيررووون بس بسعر الجملة عنده خرز وريش واجراس صغيرة ودراهم ومعدن واللي ما يخطر حتى عبالج.
بطرشلج رقمهم عالخاص.
بالنسبة للتسويق رفيقنا الاول والاخير المنتديات .. وبعض الصور من اعمالج وتكون شغلها توووب .
والسمووحة
ليالي العين
17/12/2006, 02:37 PM
الجرح الأليم
انتظرج تقوليلي انتي من اي امارة او مدينة
ان شاء الله تكونين من العين
لأن عندي مشروع ناجح بالعين .... ويباله شغل ومتابعه وادارة قوية وذكية
بانتظارج
ليالي العين
17/12/2006, 02:39 PM
شفافة الشوق
برجعلكم بعد البريك
الجرح الأليم
17/12/2006, 04:05 PM
مرحبا ملاييييين ولايسدن في ذمتيه ليالي العين
انا مب من العين ولا شياته انا من راس الخيمه بس الحمدالله اهلي في كل مكااان
ليالي العين
17/12/2006, 05:46 PM
شفافة الشوق
الحل باللانجــــــــــــــــــ ــــــــري + تعاون
كيف !!! ... انا بشرحلج.
تتعاونين مع بنت من المنتدى تكون من الامارات ولها قدرة على الخياطة وتطلع تشتري الاغراض وكل هذا ... حتى لو ما حصلتي مواطنة عندها راس المال وكله بس تفتقر للتصميم او عندها راس مال بس ما تعرف تسوي مشروع
ترومين تطرحين الطلب بهذا الركن بييونج وايد من البلاد..
عليج انتي الجهد اللي نسمية خلف الكواليس (تصمميمن اللانجري + تلونينه + تحددين القطع المستخدمة + درجة اللون + كافة لاشرح على كل ديزاين او تصميم )
الخطوة الثانية تمررين التصاميم المرسومة بايميل لشريكتج وتتفقون فيما بينكم على ابرز التصاميم اللي بتتنفذ وبتشوف النور. ويمكن بعد تتشاورون بلون القطعة وهالامور.
طبعا تكون المناقشة والتواصل بالمسنجر والايميلات . والمسجات بعد بالتلفون لان لازم تعرفون بعض.
اهيه عليها الطلعة وشراي الاغراض والمصاريف والخياطة .. وانتي عليج تسوين الدعاية بالنت وتسوقينه بالمنتديات وتصممين.
الارباح طبعا اهيه بتكون اكثر لانها الممولة الرئيسية او ممكن اهيه حتى تقولج النص بالنص الارباح. لأنج قاعدة تسوقينهم وتيبين الزباين
كل هذا وانتي قاعدة بالبيت
اهم شي بالنسبة للميزانية (دفتر رسم + قلامة تلوين + سكانر عشان تسوي سكانينج للتصاميم وتطرشينهم لشريكتج))
وان شاء الله يكبر وتبطلون محل ... أو ممكن تكون شريكتج راس مالها يسمح تبطل محل .. تحطون فلبينية .
تعرفين ان شاء الله لو بطلتوا محل
بخااااااااااااااااااااااا ااااااااااااااااااااطري المجلات اللي عندج اغطي ديكور المحل كله من صفحات المجلة
على الارض على الجدران وحتى الكراسي والطاولات حتى طاولة الكاشيير والاثاث كله بورق المجلات ... ويتغطى طبعا فوق اوراق المجلة الموجودة على الارضية بمادة عازلة عشان مع مشي الزباين ما ينطرن
على فكرة هذا تصاميم غريبة غربية ... صعب تتنفذ ههههههه
اهم شي الفكرة الشريكة وعلى اللانجري ترسين عليها ... لأنها وايد تناسبج والممولات موجودات بس يبن افكار
ليالي العين
17/12/2006, 07:01 PM
الجرح الأليم
اسمحيلي طولت عليج..
انا من زمان ما زرت رأس الخيمة يمكن من 11 سنة
بس اتوقع فية مراكز تسوق او مولات او مجمعات
الفكرة كالتالي.... انا من ناحيتي عجبني قدرتج على انج تمسكين الدكوريشن من اول ويديد وفيج روح القيادة اللي ساعدني اقولج تسوين محل صغير باحد هاذي المجمعات
تكون مكان للاهتمام بالاطفال لحين الاب والام او الاهل يخلصون مشاوريهم بالمجمع
المكان يكون مقسم مثلا
قسم صغير مترين فية 3 امتار كله رمل احمر ناعم
قسم للكور وتسلق والي فيها زحلقانة تييج كاملة .
قسم كراسي للقعدة حج المربيات اللي معاهم البيبي الصغااار اللي ما كملوا السنة يدخلون بعربانتهن.
قسم للعيد الميلاد
وترومين اكيد تكملين ابتكار الباقي
وعند الكاونتر فلبينية بنفس الوقت تقص التيكيت للياهل مثلا مقدار 15 درهم ويكون الوقت مفتوووح
وبنفس الوقت وراها ثلاجة فيها عصير وماي وتبيع حلاوة وشيبس يعني العصير بدرهمين
يعني شوي تكسبين مردهم اليهال يدلعون قدام الاهل نبا ونبا من هذا وايوعون
وحطي ديكور كله ألوان واتفنني
وشوفي عدد اليهال باليوم اللي يدشون فرضا باليوم 10 تدخلين 150 درهم باليوم
بالشهر 4500 درهم المعدل الوسط
بنهاية الويك اند الكل يطلع وخااااااااااااااااااااصة بالمناسبات والاعياد يكون بدل ال 10 يمكن يوصلون 20 فبكون دخل الشهر 9000 درهم والديكور اشياااااااااااااااء بسيطة درفانة على زحلقانة وقسم رمل احمر والوان .
وشي ما يباله تطوير او مراجعة بلدية ولا شي
بس اهم شي تهتمون بنظافة المكان وترومين تحطين فلبينية عالكاونتر والثانية تمشي تراقب السير.
واليهال من البيبي معاهن مربيات لعمر 10 سنوات مثلا .
وأرييييييييييييييييد رايج على فكرة انا ما اعرف اذا عندكم شرات هالشي بمول براس الخيمة ؟
انتظر ردج
الجرح الأليم
17/12/2006, 08:07 PM
هلا الغاليه الفكره واااااايد حلوه بس الاجار غالي ونحن عندنا في المنار موووول قسم الالعااااااب فيه كل شي بس مافيه هذا الشي والظاهري مول بعد فيه قسم صغير حق الالعاب سيايير وزحلقااانه وبس هالمكانين الناس اتسيرلهم بصيح من القهر
ليالي العين
17/12/2006, 10:27 PM
الجرح الأليم
بحاول افكرلج بشيء يديد ... مع ان الفكرة اللي طرحتها لج جداااا مربحة ومضمونة.
++وله++
17/12/2006, 11:53 PM
يااااااااااااااااارب يوفقك ويسعدك ويعطيك على نيتك أختي ليالي العين
وألف شكرا على المعلومات .......وعلى كل الوقت اللي تقضينه في مساعدة البنات
أم ثلاث وردات
18/12/2006, 12:18 AM
مشكوه حبيبتي ليالي العين على تواصلج وتعاونج معانا
والله يعطيج الصحة والعافية:clap:
حبيبتي أنا أقصد الثنين التسويق والتوصيل
بنت-الكويت
18/12/2006, 01:08 AM
انا اموت في قراءة الروايات و اطنح في اني اكون كاتبة بس ماني عارفة من وين ابدي ؟
ودي أألف رواية و اطبعها ؟ بس ما اعرف كم احتاج (( فلوس )) و ما اعرف كيف الاجراءات ؟
لمسة إحساس
18/12/2006, 05:07 PM
a7ab ,,, al ta9weir ,,, '7a9a 9war min al 6bi3a ,,,
??? sho momken a sawe
Thxxx a lot habobua
دنيا الأحلام
18/12/2006, 09:37 PM
هلا أختي ...
أنا هوايتي الأشغال اليدوية
وأعرف أسوي نثور للأعراس
ليالي العين
18/12/2006, 10:48 PM
الجرح الأليم
روح التصميم والقيادة ... وترتيب المواضيع والمشاريع احلى شي فيج عايبني
ممكن تستفيدين تسوين دعاية بطريقتج الخاصة
للمحلات او اماكن بالعام او بالاسواق
انج تسوين ديكوريشن وترتبين اقسام المحل وشوة نوع الديكور المستخدم وكللل شي
يعني مثل استشارية ديكور وتصميم ... تسوين دعاية عن طريق المنتديات او اوراق دعاية A4 وتوزعينها .
ممكن يكون المكان ... كوفي شوب بعد او صالون او محل بالسوق او محل بمول او نت كافية وغيره
ولو تقدرين تصورين المكان اللي سويتيه انتي وربيعتج ببوظبي الكوفي شوب
وايد زين
او يصورة الريال ويطرش لكم الصور
لانه بساعدج كنموذج من عملج وبنات المنتديات هم نافذتج خاصة صاحبات الصالونات الراقية والمشاغل .
............................................
ليالي العين
18/12/2006, 10:56 PM
++وله++
الله يسلمج الغالية ... وحياج حبيبتي بأي وقت والله يوفقكم
.................................................. ...............................
أم ثلاث وردات
اكييييد التسويق ناغذتج الأولى الانترنت
من منتديات وركن التسوق وما شاء الله هناك الكثير من المنتديات
واللي تطلب منج مثلا عطر طرشيلها تيستر بكلنكس ومغطاي بورقة المنيوم صغيرة تيسترات من الدخون اللي عندج والعطور
منها اشترت منج ... ومنها فرصة شمت باقي الانواع وخذت فكرة بتزيدين نسبه ان البنت نفسها تشتري من عندج مرة ثانية وتطلب شي يديد بعد لنها شمته بالتيستر.
وبعدها ايضا سوقي ما بين الاهل والصديقات ... عندكم عزيمة بالبيت او حفلة ناس يايين حطي من دخون الوالدة الغاوي وروحي الناس
والعطور بعد ... وحتى لوشن الجسم حطي منه على ايدج يمكن صديقة او قريبتج تتروحه ويعيبها .
بالنسبة للتوصيل احلى شي سلم واستلم بشركات التوصيل داخل الامارات
ايليت او دبي كوريور او فاست او امبوست ... كلهم يوصلون يطرشون الاغراض وايوبولج فلوسج .. ما فية حل غيرهم
والله يعطيكم الصحة والعافية وللوالدة بعد
ليالي العين
18/12/2006, 10:58 PM
بنت الكويت .. كم عمرج ؟
لمسة احساس ... انتي من اي امارة ؟
دنيا الاحلام .. انتي من اي امارة ؟
ان شاء الله باجر اجاوبكم بس انتظر اجوبتكم
تابعووووووووووووووووووووو وووووووني
الجرح الأليم
19/12/2006, 12:38 PM
احم احم احرجتيني الغاليه
المهم ربيعتي سوت الدعايه هذه عن طريق الناس واللي يشتغل في الشركااات بس قالولها شو الشهادات عندج نحن مانييب الى مصممين معروووفين او تخيلي هنود واثقين منهم
حسبي الله عليهم احبطو معنوياتنا الله يسامحهم والكل طلب شهايد بس نحن ماعدنا عدنا خبره بس في مجال الدراسه وكبيره بس بعد بجرب يمكن
لمسة إحساس
19/12/2006, 01:38 PM
ليالي العين
min Abu Dhabi
ليالي العين
19/12/2006, 05:24 PM
الجرح الأليم
ولا يهمج ... بعطيج بعد فكرة اخيرة يبالها تنسيق وذوق وتصميم وفن
انج تسوين ديكور لطاولة مناسبات او بالتحديد اعراس
الميزانية ب الف درهم تسوين 4 نماذج من الديكور لطاولة العرس
اشتري طاولة وحدة وكرسي واحد بس
وسويلها ترتوب حلوووو مع غطا مخمل او شيفون وحركات وورد مع شموع بطريقة معينه
مثلا بطاولة ادمجي لونين مع بعض حلوين
الكرسي لفي الشريطة من نفس لون الطاولة على شكل فيونكة من وراء
بكلمة وحدة اتفننيييييييييييييييييييي ييييييي
سوي هالشي بروحج وترومين كبداية تسوينة ...
مثلا سوي مرة تصميم لطاولة لونها أحمر مع ذهبي
ومرة كحلي مع ابيض ثلجي
ومرة بطيخي
ومرة أخضر تفاحي وطبعا هاذيل الاربع موديلات مع الكرسي مالهن.
وكل مرة صوري التصميم وحطي صورهن بالمنتدى للبنات مع اسعارج ...
واكييييد صالات الاعراس براس الخيمة موجودة وكل يوم ما شاء الله عرس
والصالات ما عندها خدمة الطاولات والكراسي الديكوريشن بس عندهم خدمة الاكل للقاعه.
روحي رمسيهم وحاولي تنسقين معاهم وعطيهم الاربع صور لج وقوليلهم انج قادرة تنفذين فية حالة يعرضون الصور لأي حد يحجز قاعه
يمكن المعرس او الزبون يعجبهم واحد من شغلج ويطلبون وحدة من هالتصاميم تتنفذ للعرس
ويمكن من بنات المنتدى وايد ما شاء الله بعرسن يطلبن من عندج الوان معينه تسوينها لطاولة عرسهن
وان شاء الله يبيلج 2 عمال او فلبينيتين يسون وياج الديكور لطاولات العرس ....
طبعا باشرافج وتصميمج للطاولات والكراسي.
او ممكن تقولين للعروس والمعرس راوني صورة الكوشة وعلى اساسه بتسوين لهم تصميم للطاولات والكراسي وعميزانيتهم
وربحها كبير لأنج تسوين لقاعه عرس مب لطاولتين او 3
اتمنى صدق تختارين هالفكرة لأنها جدااااااا حلوة والاعراس مكثرهاااا وكل يوم . وبدايتج بتكون بالنت مع 4 نماذج من الديكور للطاولة والكرسي.
شرايج حبوبة !!
ليالي العين
19/12/2006, 05:28 PM
لمسة احساس
براسلج عالخاص
ليالي العين
19/12/2006, 05:47 PM
دنيا الأحلام
عليج فيها نثور الاعراس
اهم شي يكون اختيااارج وتشكيلتج جدا حلوة
واعرضي 3 او 5 نماذج للبنات بركن التسوق والله بتوصلج ردود كثيرة من البنات سوا بهالمنتدة ومنتديات ثانية
وحطي اسعارج وانج توصلين لكل الامارات منها تظهرين ابداعج ومنها تتسلين ومنها مصدر دخل لج
شو رايج لا تتردين واباج اذا عندج نموذج لو واحد اللحين حطية بركن التسوق .
واذا حسيت انه يباله ملاحظات او شي بالنسبة للديكور او المحتويات او لاسعر ابدا ما بتردد
وياليت تطرشيلي الصورة اذا تبين عالخاص .
بانتظارج
لمسة إحساس
19/12/2006, 05:51 PM
mashkora ya 7lwa
ahlameye
19/12/2006, 07:09 PM
[SIZE="4"][COLOR="Navy"]حبيبتي
عجبني كثير موضوع البزنس وارائج الجميلة كانت اكثر من رائعة انت وين من زمان انا ادور على هل الامور بس ماعرف شلون وجدتج ان شاء الله باقرب فرصة اراسلج على الخاص
ليالي العين
19/12/2006, 09:00 PM
لمسة احساس
العفوووو حبوبة
************************************************** **
ahlameye
فالج طيب حبوبة اهم شي تكون معلومات مستوفية عنج وبانتظار ردج بالخاص
الجرح الأليم
19/12/2006, 09:05 PM
بصراحه فكره وااايد حلوه وانشالله بدرسها وبخطط إلها ماشالله عليج
خليتيني اشغل مخي صح
ليالي العين
20/12/2006, 11:36 AM
الجرح الأليم
وهذا اللي نباه عاد رديلنا الجميل باالابداع والجهد اللي يبيض الوية حبوبة
.................................................. .................................................. ............
ahlameye
برد ان شاء الله عالخاص مالج اليوم .
الجرح الأليم
20/12/2006, 12:16 PM
افا عليج الغاليه ماطلبتي غالي والطلب رخيص
بعد ما اخلص المشرووووع وبحط الصور واول صوره بطرشها لج
مرووووم
20/12/2006, 12:17 PM
انا احب الرسم واتمنى اني ازور مزادات لبيع اللوحات عشان اشتري لي لوحات
أم مي مي
20/12/2006, 02:19 PM
هلا حبيبتي انا من عمان مو من الامارات
ميزانيتي تقريبا 2000 -300درهم
ليالي العين
20/12/2006, 07:56 PM
مروووم
كلامج وااايد خطير ... نحن نتكلم عن بزنس يسويلج راس مال حلو وتصيرين مستقلة وناجحة .. انصدمت قلتي تحبين الرسم وبعد شوي تشترين لوحات غيرج ؟!!!! يعني كأنك يا زيد ما غزيت
هل الرسم من ناحيتج متوسع ليشمل غير اللوحات ؟
وكم ميزانيتج ؟
وكم عمرج ؟ عشان اعطي شي يناسب الاجوبة اللي بتكتبينها لي.
ليالي العين
20/12/2006, 08:01 PM
علوية الحلوة
نفس الشي تكتبيلي كم عمرج ؟
وشوة هواياتج وبشوة تتميزين ؟
او مهنة بسيطة او شوة تلاقين نفسج فية ؟
أســوم
21/12/2006, 02:55 AM
همممم ... مشكووره عالموضوع الحلو ..
أنا قصتي قصه ...
أنا عندي مواهب وااايد الحمدلله ..
عندي موهبة التصميم والجرافيكس بالدرجه الأولى ....
وهذي الشغله اللي الحين أنا ماشيه فيها ...
وكنت باديه فيها من قبل 6 سنين تقريبا ...
وعندي موهبة تصميم الملابس ..
وكنت أصمم ملابسي وفساتيني للأعراس بروحي ..
وبديت تجارتي المنزليه بدفعه من الجلابيات اللي كنت مسوتنهم والحمدلله لاقت اقبال كبير
في أقل من شهر خلصت كل الجلابيات ..
وعقب قلت أسوي شيل ..
والشيل نفس الشي .. خلصن نفس اليوم ...
والحين رديت مره ثانيه للتصميم ...
المشكله اني مو راسيه على بر ..
كل يوم لي بزنس .. وانا مو حابه أكمل جي ..
لأني أبي أفتحلي محل متخصص يكون أفضل ..
بس بعد مو حابه فكره مكرره ...
حتى الحين سالفة التصميم .. مع اني وايد مبدعه فيها الحمدلله .. والألبومات اللي سويتها
تخبلن عليها البنات ... لكن ... أحس اني بديت أمل ... حابه أرد مره ثانيه أسوي شيل ..
وامس يالسه أفكر لو اني أتخصص فالميك أب ... لاني بعد أعرف أحط ..
ومره أفكر اني أسوي محل للألبومات وتجهيز الأعراس ..
ومره أفكر لو يكون محل هدايا .......
هممم .. ماعرف ...
بالنسبه لراس المال ...
حاليا ... ما عندي ولا فلس ... (r)
بس عموما .... راس مالي 1000 درهم شهريا ..
شو رايج ؟؟؟
:think:
أسراري
21/12/2006, 09:20 AM
أنا أحب أصمم قمصان نوم وجلابيات وبتديت أول دفعه من تصاميمي بس كنت حابه أتوسع وأنتقل للخطوه الي بعدها بس مب عارفه كيف؟؟؟؟!!!!
نـــورهم
21/12/2006, 06:51 PM
احب الكمبيوتر وخريجة دبلوم حاسب
ابي وضيفه في هالمجال وبذات فالفوتوشوب هالبرنامج مدمنه عليه اجلس عليه بساعات مامل
شفافة الشوق
22/12/2006, 07:18 AM
شفافة الشوق
الحل باللانجــــــــــــــــــ ــــــــري + تعاون
كيف !!! ... انا بشرحلج.
تتعاونين مع بنت من المنتدى تكون من الامارات ولها قدرة على الخياطة وتطلع تشتري الاغراض وكل هذا ... حتى لو ما حصلتي مواطنة عندها راس المال وكله بس تفتقر للتصميم او عندها راس مال بس ما تعرف تسوي مشروع
ترومين تطرحين الطلب بهذا الركن بييونج وايد من البلاد..
عليج انتي الجهد اللي نسمية خلف الكواليس (تصمميمن اللانجري + تلونينه + تحددين القطع المستخدمة + درجة اللون + كافة لاشرح على كل ديزاين او تصميم )
الخطوة الثانية تمررين التصاميم المرسومة بايميل لشريكتج وتتفقون فيما بينكم على ابرز التصاميم اللي بتتنفذ وبتشوف النور. ويمكن بعد تتشاورون بلون القطعة وهالامور.
طبعا تكون المناقشة والتواصل بالمسنجر والايميلات . والمسجات بعد بالتلفون لان لازم تعرفون بعض.
اهيه عليها الطلعة وشراي الاغراض والمصاريف والخياطة .. وانتي عليج تسوين الدعاية بالنت وتسوقينه بالمنتديات وتصممين.
الارباح طبعا اهيه بتكون اكثر لانها الممولة الرئيسية او ممكن اهيه حتى تقولج النص بالنص الارباح. لأنج قاعدة تسوقينهم وتيبين الزباين
كل هذا وانتي قاعدة بالبيت
اهم شي بالنسبة للميزانية (دفتر رسم + قلامة تلوين + سكانر عشان تسوي سكانينج للتصاميم وتطرشينهم لشريكتج))
وان شاء الله يكبر وتبطلون محل ... أو ممكن تكون شريكتج راس مالها يسمح تبطل محل .. تحطون فلبينية .
تعرفين ان شاء الله لو بطلتوا محل
بخااااااااااااااااااااااا ااااااااااااااااااااطري المجلات اللي عندج اغطي ديكور المحل كله من صفحات المجلة
على الارض على الجدران وحتى الكراسي والطاولات حتى طاولة الكاشيير والاثاث كله بورق المجلات ... ويتغطى طبعا فوق اوراق المجلة الموجودة على الارضية بمادة عازلة عشان مع مشي الزباين ما ينطرن
على فكرة هذا تصاميم غريبة غربية ... صعب تتنفذ ههههههه
اهم شي الفكرة الشريكة وعلى اللانجري ترسين عليها ... لأنها وايد تناسبج والممولات موجودات بس يبن افكار
مشكورة يا حبيبتي
و بخصوص مواهبي الثانية انتظرج ++++ اكيد عندج حلو ++++++++ و ما قصرتي
و انا انتظر اي بنت خاطرها تتعامل وياي
و تقدر تخيط اناااااااا مستعدة
ليالي العين
22/12/2006, 01:23 PM
أســـوم
غاليتي شوفي انتي وايد مزاجية .. ومزاجيتج هاذي ما تسمح تبطلين محل وتتخصين بشي واحد ... ولا بتملين السالفة كلها بأقل من شهرين
ولو اني لاحظت من كلامج انج مب ناجحة في شي منهم كنت بقولج لا تجازفين وارسي على شغلة وحدة لكــــــــــن
ما شاء الله عليج ناجحة بالشيل والجلابيات والفساتين والالبومات وتصميم الجرافيكس
نصيحتي لج اول شي تسوين شغلج على النت وبس
يعني انسي سالفة محل
بالنت على كيفج توقفين على كيفج تغيرين لان ما فيها خساااير ما فيها لا بنا ولا ايجار ولا موظفات ولا كهرباء
ولا تنسين ميزانيتج الف درهم بالشهر .... فراح نتفق ان شغلج يكون بالنت بالمنتديات ولا بقولج سوي موقع لج خاص سوقي فية اغراضج لا
حطية بمووضوع بمنتدى متى ما مليتي ترومين تسكرين الموضوع وتبدين موضوع يديد بشغلة غيرها يديدة وجية
وانتي قلتي انج مليتي الحال كل مرة تسوين شي تبين ترسين على شي محدد
انا اقولج
وهاذي نصيحتي الثانية
فتحي باب الطلبات على اساس انج مصممة وحطي من اعمالج
وانج مستعدة تنفذين طلبات البنات اللي تبا
ألبومات خاصة جلابيات مع شيلتها شيل طلعه تصميم جرافيكس
وعلى كل وحدة حطي صور من شغلج ... وبالتالي بتكونين منفذة لطلبات البنات والعمل اللي بتمارسينه ما بتملين منه لانهن طلبات مدفوع عليهن فلوس فما فية مجال للملل.
بالنسبة انج ما تحبين المكرر فأريد اشوف صور من نماذج شغلج عالخاص عشان اقدر اساعدج بكيف انطور شغلج فيصبح غير مكرر بعيد عن الروتين لو اضفنا علية شي يديد يميزج عن باقي البنات اللي لهن نفس البزنس.
بانتظار صور من بعض اعمالج
ليالي العين
22/12/2006, 01:47 PM
أسراري
أهنيييج على البدء والنجاح بعملج والنية بالتوسع ان شاء الله
بما انهن لانجري فاتوسعي 1 تسوين شباشب الله يعزج طقم للانجري.
2 تسوين روب طقم مع اللانجري
3 تسوين لانجري شبية بماركات فيكتوريا سكريت وغيرها يعني نفس الستايل
4 تسوين بيبي دول مع اكسسوار الشعر الخاص فيه من الفرو او غيرة.
بالنسبة التوسع بتصميم الجلابيات
1 سوي كليبات شعر طقم مع الجلابيات
2 شيلة طلعه او البيت كطقم مع جلابيات
بالنسبة للتوسع جغرافيا ... خذيلج مندوبة اذا حابة تسوقلج أو المنتدى مالنا غنى عنه والانترنت بالمنتديات الللي فية
يعطيج اكبر تغطية مساحة لدول الخليج وكافة مناطق الامارات . بجهد أقل وبوقت أقل.
واذا انتي حابه هالشغل وناوية تتخصصين فية وعندج زباين دايمن اييونج ويرجعون لج كل فترة وينتظرون جديدج
سوي موقع خاص فيج واعرضي كل صور منتوجاتج والاسعار ... وانشرية بين زباينج يخزنونة بال favorits بالكمبيوتر
والله يوفقج
ليالي العين
22/12/2006, 01:58 PM
نـــــــــورهم
ما شاء الله عليج فكرتي لج كالتالي بس اهم شي تتميزين قدام زبوناتج باالأمانة والثقة .
انج تستخدمين برنامج الفوتو شوب بتعديل صور العروس والمعرس بحفل الملكة
ما راح اقول حفل العرس .. لأن اغلب الناس تييب ناس مصورين من استيديو يسوون البوم العرس
عشان جية قلتلج حفلة الملجة اكيد خوات العروس او المعرس يصورون العروس بفستانها وكم صورة مع المعرس يلبسها الشبكة وغيره .
ابتدي اول شي مع قريباتج او صديقاتج او حتى اختج . وعدليها بالفوتو شوب حطي خلفيات سوي دمج ومرة صورة بالابيض والاسود اتفنني .
ممكن يكون شغلج بعد لحفلة الاطفال بعيد الميلاد يعطوونج الناس صور ولدهم او بنتهم ضبطيها بالفوتوشوب ومثل ما قلنا كل صورة لها سعرها مثلا
يا انج تحاسبينهم الصورة مثلا 20 ريال او 15 ريال
او تقولين لهم كم ميزانيتكم واذا ترومين يا نورهم تسوين البومات بكون جدا رائع عشان الزباين يحسون ان الميزانية اللي حطوها شاملة البوم . حلوو ومرتب وديكور وتصميمة رائع
غير حفلة الملكة وحفلات الاطفال ممكن صور شخصية لبنت متصورة باستيديو او مصورة نفسها بالبيت قبل ما تروح اعراس تصور نفسها عالطاير بما انها متعدلة تعطيج صورها وتعدلينها لها .
وانتي ترومين تشوفين حسب المانسبات اللي تقام عندكم بالرياض او الحفلات على اساسه تسوين .
واكبرررررررررر شي فعااال بهالفكرة ومثمر
انج تتعاقدين مع كذا صالون اللي يصورون عارضاتهم لما يحطون مكياج ترومين تاخذين انتي الصور للعارضات بمكياج الصالون وتعدلينها العارضة بالفوتوشوب وتصورينها بكاميرتج الديجيتال مثلا ويدفعون علية الصالون لج .
حــاولت اعطيج الفكرة بشكل جدااا عام وسطحي واتمنى انج انتي تشوفينها باللي يناسبها بجوكم بالرياض او بالاحرى السعودية
وان شاء الله تتوفقين يا قلبي
ليالي العين
22/12/2006, 02:03 PM
شفافة الشوق
هذا انسب شي شفته عليج من ضمن مواهبج
بالنسبة للشريكة (اللي تخيط).
اكتبي موضوع يديد انج ادورين وحدة بمنطقتج وضمن شروطج.
او ابحثي بركن خبرات وافكار .
والله يوفقج
versace
22/12/2006, 10:47 PM
مرحبا اختي ..اشكرج على طرحج لهذا الموضوع..بصراحه كانت عندي رغبه في اخذ دورة مكياج وامارس الشغل في البيت بس...الله ما كتب ..المهم انا الحين اريد ابزنس وماعرف شو اسوي ..بالمناسبه قمت باخذ بعض القطع وعملت اثواب الفراشه وطلعت حلوه ..اذا ممكن تقترحين علييه اشياء غيير ممكن اني اكسب من وراها :).وجزاج الله الف خير..
أحلي نواعم
22/12/2006, 11:59 PM
هلا وغلا اختي ليالي العين ... وتسلمين علي هذا الموضوع اللي طرحتيه وبيكون انشاء الله في ميزان حسناتج ان شاء الله ...وانشاء الله.. الله يوفقج ويسعدج مثل ما تحاولين اتساعدين غيرج ..
.... طبعا انا هوايتي كثيره والحمد لله مثل الرسم والتصميم وتسريحات الشعر والقص والصبغ
.. مزج الكريمات والزيوت..... تنسيق الديكور المنزلي رسم البراويز وخياطتها ... الطبخ وخاصه الحلويات الصغيره والمكعبات من الحلو والمالح...
لكن ؟؟؟؟؟؟؟؟؟؟
لكن هواياتي المفضله واللي احس حابه اسويها وابدع وابتكر فيها الرسم علي القماش تركيب الخرز والرينبوعلي الملابس والمناديل والشباصات تنسيق علب الهدايا ... يعني كل شي متعلق بالاعمال اليدويه..... والحمد لله اتميز بالابتكار وهذي شهاده اغلب صديقاتي
ميزانتي لا تتعدي الالف درهماحاليا... عمري وسط الثلاثين...متزوجه وام عيال الله يحفظهم
وشكرا حبيبتي وجزاج الله خير علي الخدمه.
إحساس أنسانه
23/12/2006, 12:17 AM
والله الموضوع حلو
شلونج شخبارج؟؟؟
المووهم انا مادري شقول لج
موضوعج عجبني واايد وياليت استفيد منج
انا ودي اسوي بزنس بس بصراحه ما اعرف شنو
المشروع ولا اعرف شلون ابتدي وراس مال حالياً ماعندي
بتقولين لي حق شنو اميل بصراحه ولا شي بس احس نفسي
اذا ابتديت بشغله وحبيتها اعرف اجيدها بعيد عن سوالف الخياطه
وبعيد المكياج والشنط والعطورات وهالسوالف ودي بشي غير
وأكثر شي أعرف أسويه بحياتي أني أكتب خواطر
أحب أكتب خواطر وخيالي واسع مادري شنو تنصحيني فيه؟؟؟
السموحه طولت عليج عزيزتي
نـــورهم
23/12/2006, 02:38 AM
هههههههههه ياحبي لك ليالي والله هذي شغلتي مع قريباتي بس ودي ادخل هالمجال بنت
عندي تصاميم روعه واطبعه بجوده عاليه بس شورك وهدايت الله
Love_Babies
23/12/2006, 02:22 PM
اختي انا من متى خاطري يكونلي بزنس خاص.........حتى لو أبدأ بشي بسيط
أنا تخصصي تكنولوجيا أعمال تجارية....ساعديني في هالشيء
ليالي العين
24/12/2006, 04:51 PM
versace
بطرح لج حلين
بالنسبة لدورة المكياج .. أنا اسوق سي ديهات ايمان السيد اول 30 حلقة كلة تحط مكياج عرايس وومال اعراس
وتشوفين كل شي بدقة سعر النسخة 250 درهم شامل التوصيل .
من توزيع الفاونديشن والكونسيلر والبودرة والدمج الالوان واللمعة ورسم الايلاينر من قريب تشوفين كل هذا
اذا حابة . وتبدين تصيرين ماكييرة لاني كررت الكلام للبنات بأول الموضوع يعرفن يمكيجن بس ظروفهن ما تسمح.
واذا انتي واثقة من انج تسوين مكياج حلوو بعد الدورة او بهالسي ديهات يعني تكملين وعقبها تبتكرين بروحج زيادة Go Ahead
المكياج للبنات بالاعراس تحطينة ب 250 او 300
سبيشل 350 او 400
مكياج عروس 2500 وطالع. حسب كفائتج .
.................................................. ...
الحل الثاني بالنسبة للجلابيات الفراشة اريد اشوف صورها عالخاص او بعض منهن لو وحدة .
وابا اعرف كم ميزانيتج ؟
بس نصيحة لا تتكلين وايد بشغلج على جلابيات الفراشة لانها موضة يت ومردها بتروح .
انتظر بقية المعلومات منج.
ليالي العين
24/12/2006, 05:08 PM
أحلى نواعم
ما شاء الله على هالابداع كله
بس انا عندي فكرة لج شوي مجاااازفة فيها
تعتمد بالاول والاخير على ذووووقج بس.
ما اشك بذوقج
لكن اتكلم عن الذووووق اللي جدا راقي بدرجة A+
عندج لج فكرة مشرووع موضوعه محدد تسوينة بروحج لكن بتركيز واتقان .
الفكرة اهيه
تسوين انتي قطعة اقمشة السهره بنفســـــــــــــــــــــ ـــــــــــــــــــــــــ ــــــــــج
وتسوقين القطع
بتقوليلي يباله غزل الخيوط وما اعرف شوة وصبغة وغغيره بقولج ... سمعي فكرتي للاخير واريد ردج من بعدها ورايج.
مثال على شغلج :
اشتري قطعة سااادة حرير أخضر الرويان الغامق شوي (لون الحشيش الاخضر)
تكونين مجهزة الموديل مرسوم وحاطة فكرتج كلها بورقة وقلم مرسومة بالرصاص. وتبدين تنفذينها عملي
تيبين المعصار اللي يلمع لون ذهبي من المكتبة ينباع ترسمين فية رسوماتج سوا كانت ورود او خطوط مموجة
يعني تكون متناسقة
خلصنا من المعصار ولحد ما يجف ... ويكون مسواي بطريقة نظيفة على القطعة .
تيبين خرز او ترتر وفصوص وتبدين تعبين الورود مثلا يعني تخيطين الترتر او الخرز علية بذوووقج
انا مجرد اعطيج الفكرة سطحية وانتي تبحثين فيها .
والترتر يكون لونة مناسب بين اللمعة الصفرا والقماش الاخضر .
مثال ثاني حرير كحلي وترسمين خطوط طولية مموجة من اللمعة المعصار الفذي الفاتحخطين عدال بعض وداخل مفرغ ما فية شي
وتعبين داخلها سوا بالخياطة او الزق او الكوي كله فصووووووووووص ابيض او فضي شوارفسكي
احس انه واااااااااااااااااااااااا ااايد حلوووو
وترومين تسوقين القطعة تتفصل من قبل الزبونة لعرس او اي شي
وانتي وشطارتج تطورين وتحطين بالقطعة شي ثاني وبدل سادة تصير مشجرة وانتي تكملين فوقها .
واللحين شرااااايج ؟
ليالي العين
24/12/2006, 05:17 PM
احساس انسانه و LOVE BABIES
برد عليكم المسااء
نـــــــــــــــــورهم شفتي هههه
شدي حيلج بالموضوع والله يوفقج
versace
24/12/2006, 05:24 PM
مرحبا الغاليه ..مشكوره على الرد (كنت انتظره بفارغ الصبر) المهم بغيت اكلمج اكثر عن المكياج ..احس اني حااابه بشكل فضيــــــــــــــــــــع اني امكيج (على فكره كانن ربيعاتي ايني عشان احطلهن ميكياج ....:)..وكل حد كان يشجعني اني استمر بس انا كنت اخاف من ردة فعل الشخص اللي اتعامل وياه (ادري ان الشغله يبغيلها شوية صبر) بس شكلي بكلم الوالده في الموضوع "السيديهات"وبرد عليج :) مشكووووووره واايد
إحساس أنسانه
24/12/2006, 06:12 PM
اووووووووووووكي
بنتظرررررر
:)
ليالي العين
24/12/2006, 06:35 PM
versca
بالانتظار حبوبة ... بس اذا تبيني اقيم وياج الشغل بساعدج لكني واااايد جرئية بتعليقاتي
بالشغل .
البعض يحب النقد القوي والبعض ما يحبة اللي تشويفينة يناسبج سوية
ليالي العين
24/12/2006, 06:53 PM
احساس انسانه
شيكي الخاص
.................................................. .............
Love_Babies
ساعديني بعمرج؟
وميزانيتج ؟
وانتي من بوظبي صح ؟
عشان اقدر اعطيج شي مناسب واحدد الفكرة اكثر اللي بعرضها لج
بانتظاااارج
بنت الزباره
24/12/2006, 09:47 PM
حبيبتي انا حبيت آخذ رايج بفكره عندي وتقريبا جمعت كل المعلومات عنها وباقي بس القرار اني ابتدي فيها ولا لا بس بليييييييز ردي علي لاني ابي ارتب اموري واقرر
انا ميزانيتي 1500 وحابة اشتري نظام D J واجيب وحده تشتغل واعطيها نسبه عن كل مره تروح فيها D J انا عرضت الفكره على هلي وهم وافقوا وهم بيعطوني باقي التكاليف وانا ارجعها لهم لما اشتغل في المشروع بس ما اعرف اعطي البنت اللي بتشتغل معاي كم انا بخلي تأجير D J 750 في اليوم .
بليييز ردي علي
Love_Babies
24/12/2006, 11:55 PM
احساس انسانه
شيكي الخاص
.................................................. .............
Love_Babies
ساعديني بعمرج؟
وميزانيتج ؟
وانتي من بوظبي صح ؟
عشان اقدر اعطيج شي مناسب واحدد الفكرة اكثر اللي بعرضها لج
بانتظاااارج
انا عمري 24 وميزانيتي 1000 شهريا وأنا من دبي........اتمنى انج تساعديني
Daisy_Sweetheart
25/12/2006, 12:51 AM
بسم الله الرحمن الرحيم,,
حبـيـبـتي مشكوره على هالموضووع الحلوو وان شاء الله ماثقل عليج ,,
انا الله يسلمج عندي هوايات وايد هههههههههه
بس اموت بشي اسمه اعمال يدويه وحرف ,,, والحمدلله عندي خبره اني اسوي اكسسوارات اساور وحركات للنظارات ووللشنط ووللاحذيه واحب اصمم عبايات وملابس بشكل عام دووم اشيائي سبشل والكل يستغرب لمه يعرفون اني اانا سويتها (( طبعا بدون مبالغه )) :)
وثاني هوايه امووووووووووت على الميك اب والتسريحات ,, مع انه ماعندي وقت لهم بس اموووت عليهم :)
وثالث هوايه هههههههههه ادري مصختها ,,
احب الرسم السريالي وبالفحم وكتابة الشعر واحب بصراحه كل شي يعني من كل شي احب شوي ..
وان شاء الله تلاقين الشي اللي يناسبني لأني بصراحه احترت بعمري ,..
تفاحة حمرا
25/12/2006, 01:20 AM
قوة اختي دراستي محاسبه واعرف للكمبيوتر ماخذه دورة واحب الاعمال اليدويه بس من زمان مااشتغلت فيه واحب الرسم بس نفس الشي من زمان ماارسم الحين
وانا مااشتغل لي سنتين متخرجه من الكليه شرايج انفع بشنو
غلاي انتي
25/12/2006, 04:19 AM
هلااا يالغلاا مشكوره ع الفكرة الحلوة
مواهبي كثيره منها الميك آب وشغل الخرز والاكسسورات بس مالي فيهم كثير وهوايتي كتابة الشعر والخواطر والرسم
وموهبتي اللي اكثر شي احبهاا المكياج مميزه بأن المكياج اللي اسويه لي ولامي روووعه كثير مدحوه
ميزانتي للأسف ماعندي ميزانيه
ومشكوره مرة ثانيه واشكر لك حسن تعاملك ورحابة صدرك في التعامل مع هالعدد الكبير من البنات وهذا يدل على طيبة قلبك وحبك للناس ولعمل الخير ومشكوره لانك خليتيني اعبر عن مواهبي واعجز عن شكرك وربي يرزقك من افضل رزقه ويوفقك بحياتك
باااااااااااااااااايوووو
أم مي مي
25/12/2006, 04:41 PM
علوية الحلوة
نفس الشي تكتبيلي كم عمرج ؟
وشوة هواياتج وبشوة تتميزين ؟
او مهنة بسيطة او شوة تلاقين نفسج فية ؟
عمري 24
تخصصي ديكور
هواياتي الرسم التنسيق
احب الازياء وتنسيق الديكور
جربت اعمل ديكورات محلات بس بعدني احس اني احتاج افكار جديده وحلوه
ياريت تساعديني :clap: :clap: :clap:
ليالي العين
25/12/2006, 05:54 PM
بنت الزباره
شيكي الخـــاص
.................................................. ..............
Love _ Babies
حبوبة ممكن تشرحيلي شوي شو كنتوا تسوون او دراستكم في تكنولوجيا أعمال تجارية ؟ لأن ببالي مفهوم ويمكن غلط
تقصدين E-Commerce
لأني مب وايد بالمصطلحات بالعربي.
انتظر ردج وان شاء الله على طول بعطيج الفكرة .
.................................................. ...........
Daisy_Swaeetheart
الغالية بغيت صور من اعمالج الغريبة للاكسسوارات فية بالي شي بس اريد اول تصورين لي شغلج واريد اعرف مدى التكنك مالج لاي درجة من التمكن والتركيب وأي ستايل ينضم له ؟ شجعتيني اشوفهم شكلي بعطيج شي يخص هالمجال بس عشان اوضح الفكرة لازم اشوف الصور
بانتظار عالخاص حبوبة
.................................................. ..........
تفاحة حمراء
حبوبة انتوو بالكويت ما شاء الله فن
البيوت من داخل مرسومة والوان يعيبني شغلكم
اباج تركزين عالرسم .. مع ان كان نفسي انج ترسمين للي يطلب بالبيوت جدران او كورنر بالبيت ترسمينة بألون مائية خاصة .
أو كورنر بغرفة النوم للأطفال ترسمين شجر وورود شي منظر طبيعي طفولي
بالمطبخ مثلا زاوية تستغل لرسم عليها . او كبت الملابس قديم لونه بني ممكن تصبغينه للبنت ابيض بعدين ترسمين فوقة بشغلات تحبها او خدع بصرية بالرسم ... او تزخرفين اطارات الكبت باللون الذهبي اللي يوفة على باله صدق اطار موجود بالكبت يعني شي ثلاثي الابعاد... عند درج البيت ... او القبة للبيت .
كنت بقولج تسوين هالبزنس خاصة اذا كان رسمج خطييير
اذا ما ترومين تسوين هالنوع من البزنس للبيوت والفلل ... وصعبة عليج كبنت
ممكن تسوين مشروعج للرسم للمدارس سوا نشاط لوحة لبنت يعني مثل الخطاط وتعاااالي ماشاء الله وايد امهات عندهن عيال اولاد او بنات وما يعرفون يسوولهم لوحات .. ممكن تكون لوحة قرءانية لحصة الدين او لوحة ملصق عليها اسعافات اولية وممكن اشياء متطورة مثلا رسمة موجودة بالكتاب تنفذينها لدرس العربي... يعني بدل الخطاط والوافدين اللي عندكم
ممكن بعد تشاركين تسوين دعاية بالمنتدى لرسمج وتسوين لبعض الطلبات للمدارس اثناء الاحتفالات تسويلهم طلب ترسمين عالقماش ليوم وطني او حفلة تخرج او يوم رياضي او حفل تكريم
يا كثر المناسبات بالمدارس او معارض وفيها ناس يايين ... حاولي تركزين عالمدارس سوا لوحات انشطة للطلبة وبييج بالهبل طلبات
او رسم لايام المدارس الخاصة ...
شرااايج بهالفكرة ؟
ليالي العين
25/12/2006, 05:58 PM
غلاي انتي
ركزي عالميك خاصة بمجتمع السعودي وما شاء الله كثر التكشخ بالاعراس والعزايم ولمات البنات
وعشان الميزانية عشان تصيرين ماكييرة محتاجة يمكن 5 الاف بشكل مبدئي
بس قبل ما احاول ابحث معاج شغله الميزانية ارسليلي عالخاص شغل من مكياجج على اختج الصغيرة او رسمة عين لج او اي حد
واذا شغلج البنات متخبلين علية وعاجبهم .. ممكن تفتحين قسم بالبيت للضيفات والزباين يتمكيجن عندج ..
اذا الميزانية صعبه ابدي اللحين لللاهل وثديقاتج عن كل وحدة 250 او 300 ريال
يعني محتاجة تمكيجين 20 وحدة . وتجمعين 5 الالف تشترين فيها العدة للمكياج .
وان شاء الله تكونين قدها
وخبريني اذا فية شي يصعب عليج بهالفكرة اللي انا طرحتها لج
ليالي العين
25/12/2006, 06:01 PM
علوية الحلوة
بحاول اجمعلج كم صورة لديكور ورسم نفس الفكرة اللي طرحتها لتفاحمة حمراء من الكويت اقري اللي كتبته لها
بس انتي بكون شغلج على المحلات والديكور ... لأني شفتج جربتي هالنوع من الزباين
ادربي على الرسم وبرفقلج اليوم او بكرة شوي صور وببعثهم عالخاص لج ... اتذكر عندي ايميل رسم ثلاثي الابعاد يخبببببببببببببببل لواحد اجنبي معرووف
اذا لقيته بحط الصور لج بالخاص
والسمووووحة عالتاخير بالرد
أحلي نواعم
25/12/2006, 10:35 PM
أحلى نواعم
ما شاء الله على هالابداع كله
بس انا عندي فكرة لج شوي مجاااازفة فيها
تعتمد بالاول والاخير على ذووووقج بس.
ما اشك بذوقج
لكن اتكلم عن الذووووق اللي جدا راقي بدرجة A+
عندج لج فكرة مشرووع موضوعه محدد تسوينة بروحج لكن بتركيز واتقان .
الفكرة اهيه
تسوين انتي قطعة اقمشة السهره بنفســـــــــــــــــــــ ـــــــــــــــــــــــــ ــــــــــج
وتسوقين القطع
بتقوليلي يباله غزل الخيوط وما اعرف شوة وصبغة وغغيره بقولج ... سمعي فكرتي للاخير واريد ردج من بعدها ورايج.
مثال على شغلج :
اشتري قطعة سااادة حرير أخضر الرويان الغامق شوي (لون الحشيش الاخضر)
تكونين مجهزة الموديل مرسوم وحاطة فكرتج كلها بورقة وقلم مرسومة بالرصاص. وتبدين تنفذينها عملي
تيبين المعصار اللي يلمع لون ذهبي من المكتبة ينباع ترسمين فية رسوماتج سوا كانت ورود او خطوط مموجة
يعني تكون متناسقة
خلصنا من المعصار ولحد ما يجف ... ويكون مسواي بطريقة نظيفة على القطعة .
تيبين خرز او ترتر وفصوص وتبدين تعبين الورود مثلا يعني تخيطين الترتر او الخرز علية بذوووقج
انا مجرد اعطيج الفكرة سطحية وانتي تبحثين فيها .
والترتر يكون لونة مناسب بين اللمعة الصفرا والقماش الاخضر .
مثال ثاني حرير كحلي وترسمين خطوط طولية مموجة من اللمعة المعصار الفذي الفاتحخطين عدال بعض وداخل مفرغ ما فية شي
وتعبين داخلها سوا بالخياطة او الزق او الكوي كله فصووووووووووص ابيض او فضي شوارفسكي
احس انه واااااااااااااااااااااااا ااايد حلوووو
وترومين تسوقين القطعة تتفصل من قبل الزبونة لعرس او اي شي
وانتي وشطارتج تطورين وتحطين بالقطعة شي ثاني وبدل سادة تصير مشجرة وانتي تكملين فوقها .
واللحين شرااااايج ؟
مشكوره اختي وماشاء الله عليج وعلي افكارج .... عيني عليج بارده.
بفكر اسويها ... وبصراحه الفكره فيها مجازفه .... العمليه سهله عندي ..لكن المشكله كيف امشي اللي اسويه... وخاصه انه التعب فيه تعب جسمي ومادي ..ويمكن ما تمشي ... بس بدرس الفكره عدل وبعدين اقرر...
علي العموم مشكوره حياتي وكم يسوا ردج وطول بالج وجزاج الله خير والله يوفقج ويهنيج يارب.
طفله الحب
26/12/2006, 12:07 AM
مرحبا اختي
اول شي مشكوره ع الموضوع
امممممممممممممم
هواياتج؟
- ايلس ع النت ، ووممكن اتفرغ يوم كامل ماعندي شي اوبمعنى ثاني يالسه 24 ساعه ع النت !_!
-اول شي كنت اصمم بطايق ، وكنت حاطه اعلان في المنتديات،وواللي اطرش لي صورة ريلها مثلا واصمم لها وهكذا ،،
- صممت بطايق مثل اللي تنباع في المحلات ،لكن للأسف حاولت اتعامل ويا وايد مكتبات بس ماشي فايده
- وصممت بطاقة عرسي بعد :)
-بعدها قمت اصمم شيل، واخيطها ، وكان الموضوع ماشي وحلو ، رغم انه يحتاج شويه راس مال(لقطع الشيل+الخياطه ) وكان كل شي اوكي >بس مليت وغيرت> رغم اني افكرارجع بس محتاجه راس مال
- وعقب قمت اشتري، بضاعه متنوعه بالجمله وابيعها >بس مليت وايد واحس انه مافي شي جديد او ابداع
- رجعت للتصميم، وصممت موقع خاص فيني اعرض بضاعتي وعقبتها كنت اصمم صفحات لبنات في موقعي، يعني اللي ماعندها موقع وتحب تعرض بضاعتها، اصمم لها صفحه خاصه في موقعي
- واحب اصمم الالعاب الزوجية ، يعني عندي شطرنج الحب بس بصراحه متحطمة لان وحده طلبت مني كمية ، ودفعت وايد والمهم لما ارسلته كنسلت الطلب، وصار اختلاف في اللعبه ما بين الحلال والحرام ،
بس غيرت اللعبه الحين ويالسه ادور مطبعه تطبع لي بسعر حلو ؟ اذا عندج؟(في عيمان+الشارجه)
لان طباعه البيت وايد اتخسر حبر ورق استديو الخ
-في النهاية ماارسي على بر
كم ميزانيتج ؟
حاليا مفلسه ، بس خلينا نقول مبدأيا -500-1000 درهم
والسموحه طولت علييج:)
تفاحة حمرا
26/12/2006, 02:52 AM
مشكورة افكارج ماشاء الله حلوة مبين انج شاطره بهالمجال في شكثر ناااس مايعرفون شنو يقررون او شنو يحبون يتوضفون وانتي تنبهينهم على شغلات حلوة فيهم
انا والله صعبه على هالشغل رغم انه عجبني حيل بس مااظن زوجي بيرضى
بس بصراحه يعطيج العافيه ومااحب اتعبج اكثر من جذيه
Love_Babies
26/12/2006, 07:05 AM
بنت الزباره
شيكي الخـــاص
.................................................. ..............
Love _ Babies
حبوبة ممكن تشرحيلي شوي شو كنتوا تسوون او دراستكم في تكنولوجيا أعمال تجارية ؟ لأن ببالي مفهوم ويمكن غلط
تقصدين E-Commerce
لأني مب وايد بالمصطلحات بالعربي.
انتظر ردج وان شاء الله على طول بعطيج الفكرة .
.................................................. ...........
Daisy_Swaeetheart
الغالية بغيت صور من اعمالج الغريبة للاكسسوارات فية بالي شي بس اريد اول تصورين لي شغلج واريد اعرف مدى التكنك مالج لاي درجة من التمكن والتركيب وأي ستايل ينضم له ؟ شجعتيني اشوفهم شكلي بعطيج شي يخص هالمجال بس عشان اوضح الفكرة لازم اشوف الصور
بانتظار عالخاص حبوبة
.................................................. ..........
تفاحة حمراء
حبوبة انتوو بالكويت ما شاء الله فن
البيوت من داخل مرسومة والوان يعيبني شغلكم
اباج تركزين عالرسم .. مع ان كان نفسي انج ترسمين للي يطلب بالبيوت جدران او كورنر بالبيت ترسمينة بألون مائية خاصة .
أو كورنر بغرفة النوم للأطفال ترسمين شجر وورود شي منظر طبيعي طفولي
بالمطبخ مثلا زاوية تستغل لرسم عليها . او كبت الملابس قديم لونه بني ممكن تصبغينه للبنت ابيض بعدين ترسمين فوقة بشغلات تحبها او خدع بصرية بالرسم ... او تزخرفين اطارات الكبت باللون الذهبي اللي يوفة على باله صدق اطار موجود بالكبت يعني شي ثلاثي الابعاد... عند درج البيت ... او القبة للبيت .
كنت بقولج تسوين هالبزنس خاصة اذا كان رسمج خطييير
اذا ما ترومين تسوين هالنوع من البزنس للبيوت والفلل ... وصعبة عليج كبنت
ممكن تسوين مشروعج للرسم للمدارس سوا نشاط لوحة لبنت يعني مثل الخطاط وتعاااالي ماشاء الله وايد امهات عندهن عيال اولاد او بنات وما يعرفون يسوولهم لوحات .. ممكن تكون لوحة قرءانية لحصة الدين او لوحة ملصق عليها اسعافات اولية وممكن اشياء متطورة مثلا رسمة موجودة بالكتاب تنفذينها لدرس العربي... يعني بدل الخطاط والوافدين اللي عندكم
ممكن بعد تشاركين تسوين دعاية بالمنتدى لرسمج وتسوين لبعض الطلبات للمدارس اثناء الاحتفالات تسويلهم طلب ترسمين عالقماش ليوم وطني او حفلة تخرج او يوم رياضي او حفل تكريم
يا كثر المناسبات بالمدارس او معارض وفيها ناس يايين ... حاولي تركزين عالمدارس سوا لوحات انشطة للطلبة وبييج بالهبل طلبات
او رسم لايام المدارس الخاصة ...
شرااايج بهالفكرة ؟
إختي في تخصصي كنت أسوي أنظمة,برامج,مواقع,فيديو
هالأشياء اللي كنت أسويها بس محتارة في بزنس اسويه يخص هالسوالف
سوسو الصغيره
26/12/2006, 07:15 AM
صباااح الخير
اولا انا ما عندي موهبه
وثاني شي احب اقرا قصص رومنسيه
ميزانيتي في حدود 150.000 درهم
هاااا شو رايج
غلاي انتي
26/12/2006, 07:37 AM
غلاي انتي
ركزي عالميك خاصة بمجتمع السعودي وما شاء الله كثر التكشخ بالاعراس والعزايم ولمات البنات
وعشان الميزانية عشان تصيرين ماكييرة محتاجة يمكن 5 الاف بشكل مبدئي
بس قبل ما احاول ابحث معاج شغله الميزانية ارسليلي عالخاص شغل من مكياجج على اختج الصغيرة او رسمة عين لج او اي حد
واذا شغلج البنات متخبلين علية وعاجبهم .. ممكن تفتحين قسم بالبيت للضيفات والزباين يتمكيجن عندج ..
اذا الميزانية صعبه ابدي اللحين لللاهل وثديقاتج عن كل وحدة 250 او 300 ريال
يعني محتاجة تمكيجين 20 وحدة . وتجمعين 5 الالف تشترين فيها العدة للمكياج .
وان شاء الله تكونين قدها
وخبريني اذا فية شي يصعب عليج بهالفكرة اللي انا طرحتها لج
مشكوووووووووره عجبتني الفكرة خاصه اني احب احط الميك آب مافيه شى صعب علي يالغاليه بس براسلك ع الخاص
مشكووووووورة
ليالي العين
26/12/2006, 12:54 PM
أحلى نواعم
حبيبتي ولا يهمج لا مجازفة ولا شي
ب 200 ريال فقط
خذي قماشين كل واحد نص وار حرير .. واحد لونة اخضر والثاني فوشي او وردي الهادي . = 60 ريال يمكن
واشتري الادوات من المكتبة = 100 ريال
ومن محل الخياطة اشتري الترتر او فصوص او الخرز = 40 ريال
والوقت بكون قليل لانج تشتغلين على نص وار فقط والتكلفة مناسبة لانج تنزلينهم بعد تنفيذهم للبنات بالمنتدى عم اسعارج
وممكن يتخيطون لجلابية الفراشة او تنووووورة حلوووة لسهره لأنه شغلها راااقي .
وممكن الزبونة تعجبها وتوديها الخياط تخيطها بس بالماكينة او تاجرة تشتريها وتكون مصممة وتاخذ الاقمشة من عندج
جية وفرتي الجهد والمال .
ليالي العين
26/12/2006, 01:09 PM
طفلة حب
ما شاء الله عجبني انج تبين تنفردين
وانا عجبني موضوع اللعبة الزوجية لاني كنت افكر البنات كله يستوردنها ما فية وحدة تسويها بروحها
بالعكس اشجعج تسوين وحدة بس على الاقل عندج فكرة عن شكل ومحتوى الالعاب الموجودة بالنت والي تنباعب ركن التسوق
عشان تنزلين شي احلى منها ومبتكر
واكيد تعرفين اذا نزلتي الموضوع بركن التسوق البنات بيعبهن شي يديد
بالنسبة لمشكلة الطبع والنسخ
انا اعرف ان الشارقة فية هناك محلات للنسخ واااايد رخيصة بنات الهندسة المعمارية يروحون هناك ينسخون بوسترات التخرج
بس اسم محل معين ما اعرف ترومين تنزلين الموضوع كطلب لبنات الشارقة
ودقي تلفون على المحل بعد ما تاخذين الرقم من البدالة
واسالي عن اسعاره واختاري الاحسن
بالنسبة من وين اتيبين الفلوس
سوي نسخ لوحدة بس
واعرضيها بالمنتدى ركن لاتسوق
ولمي الطلبات وقوليلهن التسليم مثلا بعد 10 ايام اللحين نلم الطلبات والدفع مقدما
اكيد على الاقل 5 بنات بطلبن بهالفلوس او اكثر وبفلوسهن وديها المطبعه ينسخون الكميات
او تتسلفين من احد بالبيت
او تشركين معاج وحدة بالمشروع تمولج
يعني فية اكثر من حل لموضوع البادجت
الله يوفقج حبوبة
ليالي العين
26/12/2006, 01:44 PM
تفاحة حمراء
العفووو غاليتي ... ادري بكون شوي صعب عليج بس على الاقل سوي انشطة للطلبة
يعني كخطاطة وترسمين لوحة نشاط لاي مادة من الكتاب او اي نشاط صفي.
وحطي اسعار زينة وابدي بالمنطقة اللي انتي ساكنة فيها . صدقيني بستانسون اللي حولج بدل سوالف الخطاط الهندي ومحل وما اعرف شوة .
والله يوفقج
.................................................. .........
Loove_Babies
امممممممم ليش ما تسوين فلاشات خاصة للتاجرات او اللي تسوي موقع لها بنفسها بس محتاجة فلاش بروفشنال
ياليت تكون عندج هالخاصية ... بتفيدج وايد خاصة لصاحبات المواقع ممكن للتاجرة بعد تسويلها فلاش فيها كل بضايعها
بتأثير وحركة حلوة بدل ما تجمع مواضيعها ويقولون لها الصور مب طالعه او صور ناقصة او ما اعرف شوة
ابدي بفلاش واحد فروشنال صور مثلا مكياج من اللي عندج او فلاش جلابيات صدقيني التاجرة اللي تحب تبدع وواثقة من نفسها ومسوتلها موقع
اكيد بتطلب منج تسويلها فلاش لموقعها او فلاش ترسلة لكل او اي زبونة تبا تشوف شوة عندها من كل البضايع .
تأثير الفلاش على الزبونة اقوى دايمن من ان التاجرة تعرف بس صور وكلام بالاسعار
دايمن الفلاش يجذب ويأثر على نفس المشتري
انتظر ردج حبوبة ........
ليالي العين
26/12/2006, 01:47 PM
غلاي انتي
الحمدلله ان الفكرة عجبتج وشدي حيلج وبانتظارج
.................................................. ......................
سوسو الصغيرة
ان شاء الله برد عليج بس ممكن اعرف كم عمرج؟
وشو الاشياء اللي تمارسينها او تجيدينها
او تحسين تتميزين بشيء عن غيرج ؟
نجمة المسا
26/12/2006, 08:24 PM
هلا أختي أنا بصراحه وايد...معجبه بأفكارت....الحلوه هذي......بكلمت عن نفسي.....
أنا متزوجه....وأم 3 أولاد.......وأدرس في الكليه..... ومن البيت ما أطلع....
أقدر أقولت....مبدعه في الرسم ....كل شي محتاج ورقه وقلم.......
أناة أحب أكثرشي أصمم مجوهرات.....وخاصه الألماس...والدهب الأبيض
وأحب تصميم اللاينجري...وأحب أستفيد من هواياتي.....
بصراحه ميزانيتي والله هنه...مش وايد في حدود 1000 و2000 درهم.....
خبريني...شو أقدر أسوي......؟
وكيف.....؟؟
ويزات الله خير.....................:shy:
Love_Babies
26/12/2006, 10:30 PM
تفاحة حمراء
العفووو غاليتي ... ادري بكون شوي صعب عليج بس على الاقل سوي انشطة للطلبة
يعني كخطاطة وترسمين لوحة نشاط لاي مادة من الكتاب او اي نشاط صفي.
وحطي اسعار زينة وابدي بالمنطقة اللي انتي ساكنة فيها . صدقيني بستانسون اللي حولج بدل سوالف الخطاط الهندي ومحل وما اعرف شوة .
والله يوفقج
.................................................. .........
Loove_Babies
امممممممم ليش ما تسوين فلاشات خاصة للتاجرات او اللي تسوي موقع لها بنفسها بس محتاجة فلاش بروفشنال
ياليت تكون عندج هالخاصية ... بتفيدج وايد خاصة لصاحبات المواقع ممكن للتاجرة بعد تسويلها فلاش فيها كل بضايعها
بتأثير وحركة حلوة بدل ما تجمع مواضيعها ويقولون لها الصور مب طالعه او صور ناقصة او ما اعرف شوة
ابدي بفلاش واحد فروشنال صور مثلا مكياج من اللي عندج او فلاش جلابيات صدقيني التاجرة اللي تحب تبدع وواثقة من نفسها ومسوتلها موقع
اكيد بتطلب منج تسويلها فلاش لموقعها او فلاش ترسلة لكل او اي زبونة تبا تشوف شوة عندها من كل البضايع .
تأثير الفلاش على الزبونة اقوى دايمن من ان التاجرة تعرف بس صور وكلام بالاسعار
دايمن الفلاش يجذب ويأثر على نفس المشتري
انتظر ردج حبوبة ........
لا اختي انا فالفلاش مب لين هناك
شو شيء ثاني اقدر اسويه
الجرح الأليم
27/12/2006, 10:32 PM
السلاااام عليكم بنات شحالج ليالي
انا الحمدالله بديت اول شي سويت سله حلاوه بس حلوه لليهال
والحين يالسه اصمم الكراسي وبعد الهدايا
واممممم وبس
ليالي العين
28/12/2006, 12:37 PM
نجمة المسا
lLove_babies
إن شاء الله لامساء برد عليكم
.................................................. ...........
الجرح الأليم
الله يوفقج ولا تنسين تلحقينا بالصور
ليالي العين
28/12/2006, 10:02 PM
نجمة المسا
الغالية دام قلتي شاطرين بتصميم ورسم المجوهرات عليج فيها
ما ادري اذا يسوون بالكويت مسابقة دولية لأحسن رسم لطقم مجوهرات
بالامارات تصير مرة بالسنة بدبي بس ما اذكر متى
سوي عملية البحث بالتلفون شوفي الجهات او محلات المجوهرات اللي دايمن يحبون ينزلون تصاميم فريدة ويديدة
وتعرفين انهم ممكن يسمعولج او صاحب المحل ممكن يستقبل ويدور المتميز ويشجع المواطنين
انتي مب خسرانه ولا شي
راح تشغلين بس ورقتج وقلمج وارسمي كذا طقم
واختاري احلى 3 ديزاينات وشليها لهم اذا قالولج نحن موافقين
قوليلهم انتو مب خسرانين راح اوريكم ديزايناتي وانا وحدة اعرف ذوق الجمهور عندنا .
تشجعي بكم تصميم وارفعي السماعة وابحثي .. والله يوفقج
ليالي العين
28/12/2006, 10:08 PM
Love_Babies
الغالية ليش ما تفتحين مكيتب صغير بركن التسوق تنفذين فية طلبات البنات وتساعدينهم بحل واجباتهم لنفس مجال تخصصج
انظمة او تكتب كود برنامج وغيره
وكله بسعره ...
ويا كثرهن البروجكتات يوم يعطون الدكاترة واجبات
وصدقيني سويلج دعايةو محترمة بركن التسوق وسوي استبيان بركن قسم الكمبيوتر
وبتلاحظين ان بعض البنات يعانون من صعوبة حلهم للبرامج وغيره .
ليالي العين
28/12/2006, 10:09 PM
كل عــــــــــــــــــام وأنتو بخـــــير وعيــــــــــــــــدكم مبــــــــــــارك
وان شاء الله راح ارجع لكم بهذه الصفحة الاسبوع اللي بعد العيد
بنت-الكويت
29/12/2006, 02:02 AM
ودي اخذ دورة تصفيف شعر و عمري 20 سنة
بس ما اعرف شلون ووين ؟
حبيبة الغامدي
29/12/2006, 11:33 AM
ام غفار احتاج لمخلصه لي بالمكتب بالنسبه اذا تحبين راسليني خاص
طفله الحب
01/01/2007, 09:39 PM
طفلة حب
ما شاء الله عجبني انج تبين تنفردين
وانا عجبني موضوع اللعبة الزوجية لاني كنت افكر البنات كله يستوردنها ما فية وحدة تسويها بروحها
بالعكس اشجعج تسوين وحدة بس على الاقل عندج فكرة عن شكل ومحتوى الالعاب الموجودة بالنت والي تنباعب ركن التسوق
عشان تنزلين شي احلى منها ومبتكر
واكيد تعرفين اذا نزلتي الموضوع بركن التسوق البنات بيعبهن شي يديد
بالنسبة لمشكلة الطبع والنسخ
انا اعرف ان الشارقة فية هناك محلات للنسخ واااايد رخيصة بنات الهندسة المعمارية يروحون هناك ينسخون بوسترات التخرج
بس اسم محل معين ما اعرف ترومين تنزلين الموضوع كطلب لبنات الشارقة
ودقي تلفون على المحل بعد ما تاخذين الرقم من البدالة
واسالي عن اسعاره واختاري الاحسن
بالنسبة من وين اتيبين الفلوس
سوي نسخ لوحدة بس
واعرضيها بالمنتدى ركن لاتسوق
ولمي الطلبات وقوليلهن التسليم مثلا بعد 10 ايام اللحين نلم الطلبات والدفع مقدما
اكيد على الاقل 5 بنات بطلبن بهالفلوس او اكثر وبفلوسهن وديها المطبعه ينسخون الكميات
او تتسلفين من احد بالبيت
او تشركين معاج وحدة بالمشروع تمولج
يعني فية اكثر من حل لموضوع البادجت
الله يوفقج حبوبة
هلا حبووبه
مشكووووووووره واييييييييييد
ومشكوووره ع التشجيييع
^_^ سويت لعبه يديده ، والحمدالله خلصتها^_^
"ليله حب"
ان شاء الله تعجب البنات اللعبه ،،
^_^
تسلمييييييييييييييييييييي ين الغاليه
والله يوووفقج دنيا واخرهـ
رامـــه
02/01/2007, 04:56 AM
أشكرك من كل قلبي على سعة صدرك للحريم و البنات الضعافى مثلنا و جزاك الله خير
انا اولا طالبة حاسب تربوي على وشك تخرج بإذن المولى
و ميزانيتي المبدئية 10 آلاف ريال و ممكن أدبر غيرهم
صديقاتي يسموني أم الأفكار لأني لو تحمست لشيء أخطط لمراحله بدقة و أدقق فيه حتى يتميز
بس من ناحية فكرتي للبزنسي القادم بإذن الله متضاربة كل يوم
كيف؟؟
لو اسمع في التلفزيون أو النت أو يجذبني موضوع أو حتى سطر بالجريدة الاعلانية شيء أبدأ أفكر فيه حتى أحطه مشروع متكامل و احدد موقعه و ميزانيته حتى الموظفات أختارهم خخخ و توزيع العمل و كلش ,,
و مشكلتي كل يوم طاري !! ما أثبت على فكرة !!
أنا نسيت أقولك اهتمامي وهو الفاشن: الملابس و الموضة و الكياشة مررررة أموت فيها و مدري ويش أسوي بأفكاري ذولي ؟!!
عاد بأقولك أخر فكرة فكرت فيها :
أنا أسكن بمدينة ( سعودية ) سكانها أكثر من نص مليون ,و هالسنتين اللي راحوا فتحت فيها مجمعات و كل يوم مركز جديد, و صاروا الناس يشترون غالي بعد ما كانوا ما يتعدون 300 ريال باللبسة الواحدة ,, و صاروا يلبسون أولاهم على 200-400 ريال و منهبلين بالتطووور ,,عاد اهل ديرتي يقولون هذي طفرة المدينة و لازم الذكي يستغلها
عاد وش فكرتي ؟
أنا هالايام خطر لي أطلب طقم لبس كامل بلوزة - و تنورة- و شنطة و جزمة و اكسسوار رووعة كأنه حق عرايس من المواقع اللي تبيع و توصل داخل امريكا حتى كان الطقم من 5 قطع كامله ب500 ريال + سعر الشحن (مدري كم سعر الشحن)
عااااد أنا قلت ممكن أشوف لي أدمية ساكنة سكن دايم بأمريكا و أمينة و اعرفها زين و مخلصة و تخاف الله أشاركها(ما أعرف بالضبط كيف طريقة مشاركتي لها)) و أوفر للناس اللي يبونه من المواقع الأجنبية عن طريقها و بعد فكرت بخطة تطويرية يمكن تتمحور حولها بالمستقبل ثمرة المشروع بالنسبة لي :إني أفتح بوتيك بديرتي و أجيب بضايع نادرة من هالشركات و المواقع الأجنبية و أجيب لي كاتلوجات لهم و يشوفون الناس و يطلبون منهم و يدفعون مقدم و يأخذون وصل و أجيبها لهم بعد كم يوم
و بس
وش رايك ؟؟!!
مدري مين الشخص اللي راح يكون بامريكا و هل يكفي شخص واحد و هل الفكرة يرجى لها الاستمرار؟
هل برأيك فيه فكرة أفضل من كذا تناسبني أكثر :
تخصص حاسب- هواية الفاشن- في مدينة نامية- برأس مال صغير
أرجوك أهتمي برسالتي
و شكرا لكــــــــــــــــــ
Love_Babies
02/01/2007, 09:35 AM
Love_Babies
الغالية ليش ما تفتحين مكيتب صغير بركن التسوق تنفذين فية طلبات البنات وتساعدينهم بحل واجباتهم لنفس مجال تخصصج
انظمة او تكتب كود برنامج وغيره
وكله بسعره ...
ويا كثرهن البروجكتات يوم يعطون الدكاترة واجبات
وصدقيني سويلج دعايةو محترمة بركن التسوق وسوي استبيان بركن قسم الكمبيوتر
وبتلاحظين ان بعض البنات يعانون من صعوبة حلهم للبرامج وغيره .
السلام عليكم
أختي قوليلي كيف أبدأ اسوي هالشيء؟
رامـــه
04/01/2007, 11:11 PM
أنتظر ردك أختى ليالي العيــن
hamida
05/01/2007, 12:02 AM
اختي انا املك ارض في عمان الاردن وحابه اعمل عليها عماره استثماريه شقق وابيعها
ويكون الربح حسب راس مالك وسيكون الربح كبير لان الشقق في عمان مطلوبه وتباع بسرع بمجرد ما ينتهي البناء وفي خلال فتره قصيره ونستطيع ان نكرر العمليه ونتوسع واذا وفقنا الله يصبح لدينا شركه
نسجل عقود رسميه اما ان تحضري شخصيا لعمان او توكلي من ينوب عنكي وتستطيعي استشاره محامي ليكون كل شئ واضح وموثق انا نازله لعمان في 8/1 /2007 ان شاء الله وارجوا ان نلتقي هناك
العمليه جدا سهله ومربحه 100%
وربنا يجيب اللي فيه الخير للجيع
اختي هذي فكرتي واريد شريك فهل تستطيعي مساعدتي
طايره في السماء
05/01/2007, 12:52 AM
لو سمحتي ساعديني
انا متزوجة وعندي ولد
كنت ادرس ترجمة انجليزي بالجامعة
وخلصت الفاونديشن
والسنة الأولى
لكن ماكملت لان زوجي مايبيني أدرس
المهم انا رسامة كنت ارسم
قبل ماأتزوج
وشاركت بكذا معارض
بس بعد ماتزوجت
ماحصلت فرصة للرسم
وودي اشغل وجتي بشي مفيد
بدل ما أجعد طول اليوم اقابل الشوتايم
=فراشه=
05/01/2007, 12:57 AM
انا عندي قريبتي تعرف بالكروشيه والسناره وتسوي منها ملابس روعه وجربت على بناتي كم قطعه وحلوين جدا وحتى انها تسوي من الصوف ملابس داخليه على حركات حلوه وبلايز ..واشياء كثير وانا طلبت منها تنفذلي كم قطعه داخلي وتنوع .......
لانالداخلي 1_ماياخذ وقت كثير
2_وارخص علينا ...كبدايه
وففتي ..ففتي بيني وبينها........هي بالتفصيل ..وانا التسويق
هل برأيك ممكن يكون مشروع ناجح
من فضلك عطيني رأيك
حزينه
06/01/2007, 09:58 PM
انا ما اعرف من وين ابدا وبصارحه وظيفه ما لقيت بس ابغي ادش في البزنس موب عارفه الطريق المناسب واللي بوقفني على ريولي اترياج الغاليه على الخاص واذا في مجال نتكلم
نورت الدنيا
06/01/2007, 10:12 PM
آنا عن نفسي خلصت الجامعه تخصص علم اجتماع وعقب تزوجت والحين عندي بنت وقاعده فالبيت وال
والصراحه ماعندي هوايه معينةومدخولي الشهري تقريبا 1000 ريال
ياليت تنصحيني
ودي بحبك
06/01/2007, 10:18 PM
هلا الغاليةووفقج الله بكل شئ دام قلبج يساعدالكل
حبيبتي
انا ما عندي هواية معينة بس احب التجارة بيع وشراء
وانااحس اني فاهمةالناس شوتبى فاحب اشتري البخوروالعطورواقلام الكحل والخ
واحب اكون مندوبة
حاليا اجمع البضاعة وتكون عالقد بس المشكلة لوعرضت هالبضاعة شوبيشترواالناس عقب؟؟
وافكر اني اسوي مثل دكان صغيرعندي لانه منطقتنابعيدة عن الدكاكين لليهال طبعا
بس بعدني افكر
الدخل مااقول انه بيدي بس زوجي يدفع عني واحيانايكون عندي بحدودال500
اتمنى اسوي توزيعات بس كيف ابدءفيها ومتى معرف!!؟؟
ساعديني
جزاج الله خير
ليالي العين
07/01/2007, 03:49 PM
بنت-الكويت
تصفيف الشعر هل تشمل من عندج قص الشعر ؟ وهل انتي عندج موهبة وحابة عشان جية تلتحقين بدورة وتنمينها ؟
ولا ما تعرفين ابدا بس نفسج تلتحقين بدورة تصفيف وتتعلمين من الصفر؟
وكم ميزانيتج ؟ وهل عندج استعداد تفتحين محل قص شعر للأطفال او محل كوافير نسائي من ناحية النفسية والميزانية وموافقة الاهل ؟
انتظر ردج عشان اعطيج الفكرة المناسبة ....
************************************************** ************************************************** ***
حبيبة الغامدي
هلا فيج الغالية
************************************************** ************************************************** ***
طفلة حب
هلا فيج والحمدلله انج كملتيها
والله يوفقج فيها ويرزقج من حلاله يا رب .. ونشوفها قريب بركن التسوق
************************************************** ************************************************** ***
رامه
اشكرج على المعلومات الكاملة اللي عطيتيني اياها
عن نفسي اقولج عن فكرتج GO AHEAD
الفكرة حلوة ومناسبة للبيئة اللي انتي ساكنة فيها
زحمة ... طلب عالمعروضات بشكل كبير ... توفر الميزانية عند الناس ... الكم الهائل من السكان ... وجود بضائع وملابس جديدة غير موجودة بسوقكم
ابدي افتحي محل يكون ايجاره هين عليج ... ونسقي مع تاجرة او ثنتين من المنتدى بركن التسوق اييوبولج كتالوجات من المصانع من امريكا
عندج ما شاء الله كذا تاجرة معروفات بأمانتهن وصدقهن وقدامى ويعرفن السوق بأمريكا مثل زيزينا وحميدة و غيرهن
نوعي بأكثر من شغلة مثلا ملابس اطفال الاخت زيزينا طارحة اطقم اطفال تاخذ العقل والاخت اعتقد حميدة اذا ما خاب ظني تنزل قمصان بسعر المصنع
يعني حطي اكثر من شغله بمحلج عشان اكبر فئة يزورونج ... توصية مني لج .... هاتي البضايع اللي ممكن ما تكون لها محلات عندكم او موجودة باحد المحلات يعني بس متوفرة عندج
وخلي معاج شريك علية ايجار المحل ولج انتي تييبين البضاعه .. وعليج له انج تسددين قيمة الايجار له او تاخذين قرض من البنك اذا كنتي تشتغلين
بس اهم شي تكونين على ثقة ان بضاعتج مطلووووبة وبطير على طول من الزباين اول ما توصل.
والله يوفقج
************************************************** *************************************************
Love_Babies
العملية سهله اول شي تبدا مشاركاتج من ركن الحاسب والكمبيوتر والبرامج فية بنات يبون مساعدات شوفي شو نوع الاسئلة اللي اكثر شي البنات يبنها هل اهوة جافا هل اهوة فيديو لبروجكت او مشروع تخرج هل اهوة موقع يسوونة واهوة بروجكتهم لمساق معين وما عرفن يصلحنه وغيره
حددي الشغلات اللي تحسين عليها طلب من البنات وفي مجال تخصصج واعرضي عليهم خدماتج سوا بالعام او بالخاص كبداية
وبعدين اطرحي موضوعج بركن التسوق بأكثر من منتدى .. وكل شي بسعره اعرف بنات يسوون بزنس بالتقارير والبحوث بالامارات عندنا ما شاء الله سوقهن اكثر من مااااشي ومضغووطات صارن .
اتمنى فكرتي وصلتج والله يوفقج
ليالي العين
07/01/2007, 04:10 PM
sharoo-e5
هلا فيج
ياليت تشرحيلي شوي اصحاب التسويق والادارة شو من اعمال يمارسونها لان معلوماتي عن هالتخصص شوي ناقصة فياليت تخبريني ببعض الامور اللي تسوونها . وسؤال ثاني عندج شي تحبينه او هواية او ميزة خاصة فيج ؟
وان شاء الله انتظر ردج ومن بعدها ارد عليج من عيووني .
************************************************** ************************************************** ***
hamida
فكرتج جدا حلوة واكيد مربحة ومثمرة 100 بالمية انا من رأيي تطرحين موضوع بهالقسم مال واعمال عن بحثج لشريك
وانا ان شاء الله بشوف واكيد بسال اذا احد يحب يشاركج وصدقيني اذا لقيت والله ما بتردد وعلى طول ببعثلج خاص
والله يوفقج
ليالي العين
07/01/2007, 04:28 PM
طايره في السما
ممكن اعرف ميزانيتج ؟ وتبعثيلي من بعض الرسومات اللس سويتيها ؟
لان براسي كذا شغلة بس اريد احددها بأجوبتج .. هل زوجك يقبل انج تشتغلين ؟
انتظر ردج حبوبة وان شاء الله خير
************************************************** ************************************************** ****
==فراشه==
انا وحدة احب الكروشية على فكرة ... والفكرة حلوة بس ملاحظة صغيرة على كلامج
خليها تشتغل على الملابس الداخلية اول شي كم حبة وكل حبة موديل او اذا عندج شي يديد لج صوريه وحطية بركن التسوق مع اسعار معقووولة لشغل الكروشية
وخليها تسوي كروشية للاطفال مثل طاقية عن البرد لحديثي الولادة قفازات وشال على الطلب وحركات بنات ومن بعدها تتوسع قمصان وتنانير .
انا شارية لعيد الاضحى تنورة كروشية ب 255 درهم تخيلي .
والكروشية موضته على طول الواحد يقدر يلبسها يعني ما نقول قديم علية ... وممكن تسوقون كميات وتنزلون اسعار بالجملة للخارج .. اهم شي ركزوا على الاطفال حديثي الولادة والبنات ... ويكون شغلها نظيييف وزين
وتدخل الالوان حلوة ومتناسقة بالشغل يكون ملفت.
والله يوفقكم يا رب.
************************************************** ************************************************** *****
حزينه
عطيني بياناتج حبوبة العمر والميزانية وشو دراستج واذا فية هوايات او شي مارستيه من قبل؟
ومن شخصيتج افضللها وايد ان تدخل بزنس شراكة مع احد ....
بس خلني اشوف اجوبتج ويمكن افصص المعلومة لج اكثر
ليالي العين
07/01/2007, 04:39 PM
نورت الدنيا
ليش ما تعطين وحدة من البنات او تساهمين بفلوس بمشروع .. بحيث هالفلوس تكونين قادرة انج تستغنين عنهن لكم شهر ويكون المشروع مربح وسمعتي عنه
وتبين تساهمين فية ويردولج الالف .. الفين مثلا
لان لحد اللحين لو بطرح عليج مشروع بزنس ما اقدر لان المعلومات احسها شوي ناقصة قدامي ان ما عندج هواية او ما مارستي شي من قبل ... فما بجازف اللحين بوقولج اي بزنس يمكن ما يناسبج ...
لحد اللحين اللي اشوفة انسب شي لج انج تحطين شي من فلوسج باي مشروع تساهمين فية لوحدة شاطرة بس ناقصها فلوس وتردلج بعد شهر او اكثر فلوسج مع الفايدة ...
اتصفحي قسم مال واعمال واقري وخذي بعض الافكار من البنات وشوفي المطروح وانتقى الافضل
بس لا تنسين اذا فية شي تعرفينه ونسيتي تخبريني فية بكون وايد اوووكي والصفحة هاذي موجودة لكم كلكم على طول
************************************************** ************************************************** ****
ودي بحبك
برد عليج بعدين لان يونا نااس ههههه
والسموووحة
ليالي العين
07/01/2007, 08:29 PM
ودي بحبك
خلينا نركز على موضوع الدكان مثل ما قلت بكتابة سابقة لي لوحدة من الخوات بهالموضوع
الدكان جداااا ناجح لو عدالج سوبرماركت عوود الناس الدكان تمر علية كل يوم
او مردها تنسى شي من اغراض الجمعية ويطرشون الابو او لاسايق او الطباخ يروح الدكان
حليب او خبز او صلصلة او تسوين شي فجاة المقادير ما كفت وتطرشين بسرعه الطباخ يشتري من الدكان يعني الدكان لليهال وللكبار بعد واغراض البيت والمطبخ بعد
سياره ماره تشتري لبن او عصير او اي شي
الدكان فكرةر ااائعه وخاصة ان المنطقة ما فيها دكاكين ... وانا انصحج تسوين دكان صغيروون
وغير انج تحبين البيع والشراء ترومين تمارسين شغلج الخاص تشترين بالجملة وتسوقين من النت زي ما قلتي وخاصة انج تحبين هالسوالف
لكن اذا سويتي دكان اريح بكون لج وبييج مدخول شهري وحطي هنيدي فية وخللللي ميزانيتج علية بدل البيع والشرا بالمنتدى
والسموحة طولت عليج
الملكة سـ
07/01/2007, 09:42 PM
يعطيج العافية ليالي العين
أنا ودي أسوي مشروع والميزينية موجودة وفوق 30 ألف بس ودي بمشروع وايد ناجح
راح أدزلج على الخاص وأفهمج كل شي بس أعذريني لبكرة أو بعدة لأني وايد تعبانة
وألف شكر لج الغلا
راعية اللاب توب
08/01/2007, 04:33 AM
هلا حبيبتي
انا بصراحه مالي هوايه<< لاتضحكين علي
لكن عندي فكره وابي رايك فيها ابي افتح محل وابيع فيه بضاعه مابي نشاط واحد
ابي كذا شكل ممكن جلابيات وممكن شنط تقليد الماركه
وممكن ادوات مكياج يعني انا شفت البنات هنا يبيعون اشياء كثير حلوه
ممكن اخذ منها واعرضها بالمحل.........
وش رايك انا متردده وكم يكفي ميزانيه.....
ردي على الخاص ارجوك
رامـــه
13/01/2007, 02:18 PM
مشكورة حبيبتي
رامـــه
13/01/2007, 02:23 PM
مشكورة حبيبتي :shy:
سحر الشرق
13/01/2007, 03:13 PM
يعطيج الف عافيه اختي ليالي العين
انا هوايتي تصميم الازياء..
Meerah
13/01/2007, 03:26 PM
السلام عليكم
اهلين حبيبتي ليالي العين ... اشحالج؟
مشكووورة على هذا الموضووووع الأكثر من رائع...
بصراحة أنا من زمان ناوية أبا اسوي مشروع بس الكسل والتردد والميزانية .. والوقت كلها مؤثرات مب عارفة كيف أبدأ
المهم بقولج شو هواياتي واهتماماتي .. وبقولج فكرتي وأباج اطورينها...او تعطيني نصايح بخصوصها..
شوفي حبيبتي انا عندي هوايات كثيرة منها التصميم ... يعني اصمم بالفتوشوب .. او حتى تصاميم أزياء .. أحب التصوير والتقاط لقطات نادرة وجميلة جدا تهمني الصورة الجميلة والمميزة .... أحب القراءة كثيرا كثيرا ..... حاليا ادرس ماجستير إدارة ..... أحب الابداع والتفنن في كل شئ من اصغر اهتماماتي إلى اكبرها .... وأحب الرسم ... عندي اهتمامات غيرها بس هذه اهمها ...
أنا فكرت في مشروع تصاميم سواء كروت بطاقات .. تصاميم لخدمة الشركات مثل البرزنتشنز بالبوربوينت (طبعا يكون بيرفكت ) لوجو ..
وبعد فكرت تصاميم أزياء .....
ما ادري شو رايج وكيف ممكن أبدأ؟؟
ومشكورة فديتج ما تقصرين (*_*)
ويزاج الله خير ...
دمعة حزينه
13/01/2007, 07:08 PM
واااااااااااااااااااااايد حلو موضوعج
ليالي العين
13/01/2007, 08:14 PM
السلام عليكم
اشكر كل اللي كتب بالموضوع واللي طلب مني مساعدة بفكرته
اسمحولي لكـــــــن راح ارد عليكم اخر يوم بالويك اند
والسموحة وحبيت ابلغكم عشان ما تحسون اني اهملت هالصفحة
وشكرا لكم وان شاء الله الكل برد على استفساراته
بنتي حبيبتي
17/01/2007, 02:18 PM
اختي ممكن تساعديني انا احب الميك اب و احب التدريس خصوصا الصغار واحب عمل التوزيعات والهدايا وتخصصي كمبيوتر بس مب عارفة شنو اسوي او ابتدي خصوصا الاعلان لاني جديدة بالمنطقة ومحد يعرفني وماعندي ميزانية الله يخليك تساعديني بافكار وجزاك الله كل خير
محبطه
17/01/2007, 02:35 PM
انا احب الملابس ولقيت لي مشروع حلو بس المشكله الشحن تحطمت لان البضاعه من خارج الدوله
عطيني حل اذا عندح
فديت عيونه
21/01/2007, 05:31 PM
اتأقلم مع كل الناس...انتي ستايل بكون ستايل انتي لا بكون... عاد مو لأ لأ.. اقدر ابين اني قريب منج؟؟
منظمة و مرتبة بس ما وايد في الطبخ... احب اكون دائما انيقة على الرغم من اني ملتزمة و لله الحمد
الناس يثقوا فيني ولله الحمد بسبب اني لما يريدوني جد اكون جد لما ربشة.. اكثر وحدة مجنونة
البنات يقولوا ذوقي حلو وانا اعرف هذا الشئ
احب اقرا الكتب ... ولساني حلو.. انا موظفة حكومية... مهندسة جديدة بعدني
دائما مشغولة وهذه بروحة مشكلة... لان عندي وايد ربيعات غير شغلي.. غير حلقات الذكر مع البنات
والاهل ..
ميزانيتي بين 20 ريال الى 150 ريال عماني زيدي صفر علشان تعرفين بالدرهم
هذه قصة حياتي
ليالي العين
21/01/2007, 07:49 PM
الملكة ســ
حبوبة انتظر تراسليلي عالخاص بس اريد التفااصيل لا تنسين مع اسم الدولة والمنطقة.
.................................................. ..........................
راعية اللاب توب
هل المحل بكون بأمريكا .. او راح تفتحينة بموطنج الاصلي واعتقد انج سعودية .. اذا بأمريكا انتي ادرى بالمنطقة الساكنة فيها .. هل فية اقبال على الشنط والميك اب والجلابيات العربية الاجانب يحبونها .. ولا ما في اقبال ؟
وانا معاج فية اشياء حلوة تنعرض بالمنتدى .. اطلب منج لو سمحتي تشوفين المنطقة اللي انتي فيها وابدي بشي بسيييط وبأمريكا عادي تسوين بازار قدام منطقة سكنج مب عيب عندهم شوووفي في اقبال واذا كان كبيرة افتحي محل
والبداية اللحين بضاعه بسيطة منوعه وافتحي بازار وحطي عليها اعلان new
انتظر ردج حبوبة ... وشيكي الخاص
************************************************** ************************************************
رامه
العفووو حبيبتي
************************************************** ******************************************
سحر الشرق
الغالية بياناتج اواايد ناقصة ..كم مازنيتج ؟ وكم عمرج وباقي البيانات اللي طلبتها بالصفحة الاولى الموضوع الاول !!
انتظر ردج
ليالي العين
21/01/2007, 08:04 PM
Meerah
حبوبة اريد افكر لج بشي فنتكة
وبرد عليج بالخاص .. ما اريد اعطيج اي فكرة .. اريد افكر زيادة ..والسموحة وبكون ردي لج بالخاص
************************************************** ************************************************** *
دمعه حزينة
تسلمين الغلا ومشكووورة عالتشجيع
************************************************** **************************************************
بنااااات باقي المواضيع اللي ما رديت عليهم ان شاء الله قبل نهاية الويك اند برد عليكم
واريد اقوووول اللي عندها موضوع تطرحة لان السبت راح اغلق الموضووووووع
والشكر لكم
أم ميار
22/01/2007, 11:08 AM
:salam: السلام عليكم وحبيت اشكرج اختي ليالي العين على هالموضوع الحلو.....
حبيت اشارك في الموضوع....
انا عمري 23 ، مدخولي الشهري(1000- 2000) ريال شهرا.:
انا احب اسوي الخلطات العربيه والفرنسيه... (( خلطات للعبايات والفراش وخلطات العود والبخور))
واصمم العبايات والجلابيات و الانجري....
..... وشكرا اختي .....:shy:
ابتسامة الأمل
22/01/2007, 11:25 AM
المهره الوحيده اللي بيدي الفوتوشوب وميزانيه صفر
وقاعده بالبيت
واعرف نفسي اذا مسكت شي واتقنتة ابدع فيه
يعني ملكه الابداع عندي في كل شيئ الحمد لله
وخاطري اتعلم خلطات عطور وكريمات جسم
احس نفسي بنتج شيئ
لو اعرف اساسيات الأشياء بس
-------------------------------
في انتظار ردك
شجون وفتون
22/01/2007, 12:35 PM
السلام عليكم انا حبيبتى احب اى شى حميل رسم مثلا بس مو باحتراف بس معقول واحب اسوى الاشياى الى تخص البيبى من لبس السابع واشياء سرير البيبى والكل يعجبه والستائر فى بيتى وانا كمان كوافيرا اشتغلت فتره كويله فى المكياج والشعر وشغلى حلو بس انا ابغى اشتغل وانا فى البيت ولك جزيل الشكر اذا افدتنى
أم جنات وجمانة
23/10/2007, 03:27 PM
أختي ..
السلام عليكم ورحمة اللهوبركاته..
بصراحة أنا نفسي:
أعمل مشروع مربح وأنا في بيتي لأني أم لطفلتين رضيعتين وأفضل أتفرغ لهما خصوصا وهما في هذا العمر:1_81::1_81:
هواياتي عديدة لكن للأسف ماأطورها بل أشعر أنها ماتت:cry:
أحب الرسم والفنون بأنواعها درست أساسيات الخياطة درست المستويات الثلاث لتجويد القرآن..لكن أشعر أني لاأتقن شيئا معينا لأني منذ فترة طويلة لم أطور نفسي رغم أني طموووووحة جدا:groupwave:
علما أن دراستي ثانوية عامة(علمي)
أنا بانتظارك عزيزتي..
مع محبتي...:8875:
عيون السهر
24/10/2007, 01:29 AM
يعطيك العافيه حبيبتي على الموضوع الممويز واللي يجعله في ميزان حسناتك
انا هواياتي احب الاشغال بصورة عامة وبصورة خاصه احب تغليف الهدايا .......مشكلتي اني بدية مشروعي الصغير انا وصديقتي .....بس مكلتنا مو عارفين كيف ننمية ونموله كويس .....ساعديني دخلت السنة الثانيه من بدءي للمشروع وبصراحه حلمى اوصل انا وصديقتي من ركن تغليف إلى محل تغليف ...ماابغى واوصل مرحلة الاحباط...
بدور الليل
24/10/2007, 03:10 AM
شو مواهبج؟
تصدقين ما ادري.. ما اتوقع اني فالحة بشي.. اعرف اسوي اساور الخيوط بس ما اتوقع انها موهبة.. امي دايم تقول ((انتي موهبتك الاقناع)) بس ما اتوقع يفيد الاقناع بدون مشروع خخخ
هواياتج؟
احب اكتب الشعر و الخواطر واحب اي شغل اسويه بايديني.. ما ابي بزنس له دخل بالشعر لانها هواية لا اكثر..
بشوة تتميزين؟
اتميز بالطموووووووووووووووووح العالي و دايم احلم بالمستحيل و اوصل له.. احب التحدي خاصة تحدي الذات.. و احب الاشياء الصعبة اللي تحتاج ذكاء و مو كل احد يفلح فيها
كم ميزانيتج ؟
ميزانيتي غير محددة لكن اكيد ما راح تكون كبيرة يعني اكيد 10,000 او اقل
بقول لك شوي عن نفسي.. انا عمري 19 سنة (صغيرونة) ادرس اقتصاد و لي تجارب ناجحة بالبيع.. كنت اشترك بالبازارات و الاسواق.. كانت تجارتي بسجادات الصلاة و كنت متفردة فيها لكن الحين الكل صار يتاجر فيها.. بعت مرة سلاسل و بروشات عليها علم المملكة و بوك ماركرز و كسبت لكن برضو الحين صار الكل يسويها.. اكثر ربحت طلعته كان 11,000 في اسبوع و هذا شي رهيييييييب بس بما ان الكل صار يتاجر بنفس البضاعات ما عاد يطلع لي ربح كبير و احيانا اطلع بخسارة..
انا ابي تجارة ما اكون ملزومة فيها لان عندي دراستي يعني بس ابيع بالبازارات و الاسواق.. في الوقت الحالي ابي شي يكون فريد من نوعه و مميز و يلاقي رواج بين الحريم بدون ما تكون ميزانيته عالية جدا..
اما في المستقبل فناوية افتح محل (ما راح اقول لكم يبيع ايش.. سر) خاص بالنساء..
اتمنى انك تساعديني و انا اسفة اذا طولت عليك و لك مني جزيل الشكر مقدما..
احلام النهار
27/10/2007, 08:50 AM
انا صراحه ما اعرف ياليت تساعديني
انا احب الفلوس:21_207:
بس ما اعرف اجمعها
نفسي افتح روضه للاطفال
بس ما ادري ايش طلباتها
لاتساليني عن الميزانيه
اخاف تصكوني عين:2_106:
امزح معاكم الميزانيه صفر
بس ياليت تقولين لي الاسس لان عندي نيه من جد اني ابحث في هذا المجال
شمعة زوجي
27/10/2007, 12:08 PM
هلا حبيبتي ... أشكرج على طرح هالموضووووع الرااااااااائع وان شاء الله يكون في ميزان حسناتج....
بقولج عن نفسي انا بصراااحه أحب الطباعه وأشياء تخص الكمبيوتر يعني أبا تكون شغلتي عالكمبيوتر والنت بس يعني شغل منزلي ....على الرغم إنه تخصصي أعمال تجارية عامة بس حبيت اتفيديني بشي ....
وتسلميـــــــن
كسولة جدا
27/10/2007, 01:37 PM
هلا حبيبتي مشكورة على مساعدتك للبنات و الله يجزيك كل خير
انا اصلا موظفة
معلمة لغة عربية بس اتمنى يكون لي شغل خاص فيني
أحب الطباعة و أشغال الكمبيوتر
و بعد شاطرة في عمل خلطات للجسم و البشرة
ماعندي للاسف راس مال حاليا
انا حلوة
27/10/2007, 09:04 PM
السلام عليكم
اشكر كل اللي كتب بالموضوع واللي طلب مني مساعدة بفكرته
اسمحولي لكـــــــن راح ارد عليكم اخر يوم بالويك اند
والسموحة وحبيت ابلغكم عشان ما تحسون اني اهملت هالصفحة
وشكرا لكم وان شاء الله الكل برد على استفساراته
السلام عليكم
كان هذا اخر رد لكاتبة الموضوع و ذلك يوم " 13 / 1 / 2007 "اي من " 10 " اشهر
لذلك سيغلق الموضوع و سيفتح عند طلب كاتبة الموضوع