مشاهدة النسخة كاملة : أريد مساعدة بخصوص مقابلة العمل
BatoOol
04/12/2006, 05:25 PM
السلام عليكم والرحمة
صراحة ما عرفت وين أحط موضوعي بالضبط ...يعني في أي قسم ...قلت أحطه في هالقسم قلت يمكن أحد يساعدني فيه
بإختصار مفيد يا أخواتي ...أنا مقدمة على وظيفة ...وبيسوون معاي مقابلة ..وهذه أول مقابلة لي ..يعني في حياتي ما سويت مقابلة ...وصراحة أنا قلقة جدا ..ومتخوفة من الأسئلة ونوعها ..فياريت إلى عندهم خبرة وإشتغلوا ...أتمنى يساعدوني ..ويعطوني من خبراتهم ..ويعطوني شو هي نوعية الأسئلة اللي دايما تقريبا يسألونه الشغل
يااااااااريت إنكم ما تهملون رسالتي:sad:
اتريا ردودكم:salam:
ضياء النور
04/12/2006, 05:52 PM
هلا اختي
انا ما ادري طبيبعه شغلك بتكون في القطاع الخاص او الحكومي بس لا تخافي وخليكي مرتاحه جدا اول شي راح يسألونك عن دراستك ويش درستي وكيف طبيعة تخصصك وانتي تكلمي وبكل راحه وحتى لو تمزحي عادي اهم شي تتكلمي وتبينيلهم انك جريئه ونفس الوقت مستعده للعمل واذا سالوكي عن الراتب كم تبي قبل عن تدخلي المقابلة اسالي البنات الي بالشركة عن كيف رواتبهم وحددي الراتب من راتبهم الى اعلى يعني اذا كان الراتب 2000 قولي من 2000 الى 3000 فهمتي
ولا تخافي ابدا ابدا وحطي في بالك ان الله تعالى لو ما وفقك بهذي المقابلة معناه ان الله بيعوضك بالاحسن
ولا تنسي يا اختي الدعاء اهم شي
والله يوفقك يارب وطمنينى ايش صار لك بعد المقابلة
بالتوفيق
miss pinky
04/12/2006, 09:35 PM
هلا اختي ..
اهم شي في المقابله الثقه في النفس وعدم الارتباك ..
وبعدين هم بيسالونج شوي عن تخصصج .. وعن خبراتج .. ومهاراتج
ولازم تكون عندج خلفيه عن المؤسسه او اهيئه الي بتسويلج المقابله
يعني تكون عندج بعض المعلومات عنهم .. اما عن طريق الموظفين ..
او عن طريق النت .. وبالتوفيق ان شاااء الله
اسيرة قلبه
04/12/2006, 10:12 PM
http://www.3roos.com/up3/asoorah.gif
ينقل لركن سوالف بنات عروس
http://www.3roos.com/up3/asoorahe.gif
business_girl
04/12/2006, 10:20 PM
معظم الأحيان.. اول سؤال يكون.. تكلمي عن نفسج
وبعدين مثل ما ذكرواالأخوات
وانتي في نهاية المقابلة بيني لهم انج مهتمه .. واسأليهم عالأقل سؤالين ..
الله يوفقج ان شاءالله
BatoOol
05/12/2006, 03:27 AM
مشكورات يا أخواتي على النصائح
ضياء النور
miss pinky
business_girl
صراحة أنا مانكر إني متوترة وخايفة ..بس كيف أعرف معلومات عن المكان اللي بشتغل فيه ..يعني حتى لو كان مستشفى؟؟؟ بس قسم ماله خص في الطب ؟؟؟
يا أخت business_girl كيف يعني أسألهم .....أعطيني مثال لو سمحتي؟؟:shy:
الشهد و الدموع
05/12/2006, 11:10 AM
هلا أخت Batooool ....
فالج طيب ...
بحكم أني أشتغل في قسم التوظيف بوزارة الإسكان كأخصائية توظيف ، فراح أعطيج لمحة للأسئلة ...
1- أول شي راح يقلونلج قوليلنا من هي بتول حسب نهج السيرة الذاتية ...
فأنتي راح تقولينلهم أسمك و تخصصك و عمرك و وين دارسة ....إلخ
2- راح يسألونج عن طبيعة تخصصك و في أي مجالات داخل ...
3- راح يسألونج عن المكان إللي راح تشتغلين فيه يعني مثلاً شتعرفين عن وزارة الإسكان ؟؟ و إذا تبين نصيحتي دخلي عالنت و طلعي معلومات عن المكان إللي طالبينج فيه للتوظيف ....
4- راح يسألونج عن تقبلج للعمل في القطاع الخاص و العام ... و أي شئ تفضلين
5- راح يبونلج أمثلة يعني لنفترض أن صار جذي و جذي شنو راح تكون ردة فعلج و شلون بتتصرفين ؟؟؟
6- بيقولونلج تخيلي نفسج في موقع عمل شنو إللي راح تسوينه ؟
7- شنو طبيعة تعاملج مع زملائج في العمل ؟ إذا كنتي تعصبين أو تنفعلين
المقابلة كلها على بعضها ما تستغرق 10 دقائق بس حطي بالج ترى أي مقابلة في الدنيا عشان تحظين بفرصة عمل لا بد أنج تكونين واثقة من نفسج و غير مرتبكة و لي قالولج كلمة تردين عليهم بعشر ترى هم يحبون الوحدة إللي تتكلم وايد ، و إللي تشرح و إللي تطلع فيها ... و أي شئ يقولونه قولي إيه و إنشالله ... و فالكم طيب
و بينيلهم أنج وحدة شغولة و متحمسة للشغل
أتمنى أكون فدتج بشئ لو هو قليل ، و سمحيني على القصور و موفقة بإذن الله يارب
BatoOol
05/12/2006, 05:05 PM
مشكووووووووووووووووورة يا أخت الشهد والدموع ..ما قصرتي
وصراحة فدتيني ..بس عندي بعض الإستفسارات ..ما فهمت هالسؤال - راح يبونلج أمثلة يعني لنفترض أن صار جذي و جذي شنو راح تكون ردة فعلج و شلون بتتصرفين ؟؟؟
ومشكورة يا أختي
طيب إنتوا ما تبون موظفين(r) :shy: :shy: