شو الدارج اكثر شي عشان العيد قرب..وانا... [الأرشيف]

مزاجيـه

03/12/2006, 02:29 AM

شو الدارج اكثر شي عشان العيد قرب..وانا... بصراحه ما سويت شي ومليت من الجلابيات ..

يعني شو الالوان الدارجه والقطع يعني على عيد رمضان كان جلد النمر الحين شو ..:confused:

والله وايد تعبت

..اتريا ردودكم مشكورات ومأجورات ان شاء الله..

دمتم بخير(f)

Daisy_Sweetheart

03/12/2006, 02:42 AM

لووووووووول زين ليش تبجيييين فديتج عادي خخخخخخخخخخ

مدري والله ان شاء الله البنات يساعدونج ,,

بس انا بقولج شنو مفكره اسويي للعيد ,,

بسوي زيبـرا ZEBRA على عبايتي على جنب في ايد وحده ,,
على شكل عشوائي ,

وبسوي معاه طقم تنـوره لـف مع كعب أسـود شكله مال العشرينات ,, عرفتيه؟؟ قديم شكله مثل بنات الافلام القديمه ,,

وبلبس معاه بلوز بيـضـه ومعاها SwaTer سوداء لأنه بيتنا وايد بارد يعني بشـتي خخخخ

وبتكون الابه طالعه والاكمام عرفتي كيف؟؟ وبحط بروش على العبايه على شكل ZEBRA كيووت صح؟؟ خخخخ

كأني طولت عليج وطلعت من الموضووع خخخخ

بس حبيت اساعدج واعطيج افكار ,,

ان شاء الله اعجبتج ,,, وووهذي كشختي البسيطه للعيد خيتوووو

وسلام

مزاجيـه

03/12/2006, 04:37 PM

مشكوووووووووووووووووووووو ووووووووووره حبيبتي لانج عبرتيني ..

و وااااااااااااااااايد فكرتج حلوه..تتهنين بلبسج ان شاء الله..

دمتي بخير

بنت أبووووها

04/12/2006, 02:47 AM

إيه والله ميزاجية أنا كمان محتارة .. ومحتاجين موضوع نناقش فيه هالسالفة

عسى البنات يفيدونا .. وينورونا بأفكارهم.. فديتهم أنا ..

the dreamer

04/12/2006, 02:55 AM

انا اشوف اغلب الماركات منزله اللون البنفسجي حلوو اللون و غريب
مثلاً هاينك بنفسجي مع عقود طويله ذهبي واوووو ... من فترةطايحين بالاكسسواريز الذهبي

طبعا البنفسجي درجات انتي نقي اللون الحلووو ...

اممم عموماً بشكل عام راجعين لموضة الستينات الملابس ، الاحذيه ، الارواج مثلاً راجعين للأحمر جتهم فتره قاطعوه و صارت الارواج اغلبها الوان فاتحه ..

هتاف القصيم

04/12/2006, 11:24 PM

ان شالله فكرتي تحت التنفيذ وهي 00000000000000تقدرين تقولين00 تيور00 روب 00جلاابيه من اقماش الليكرا وسوي فبه قصه صدر مع تكسيرات بلوسط طويله طول الفستان بعدين اسويله قاردن مع احزام صخيف فوق القصه وان شالله يطلع شكله كول ودمتي بخير

الصيدلانيه

05/12/2006, 02:03 AM

أنا بعد محتاره وراسي داير

Daisy_Sweetheart

08/12/2006, 12:54 AM

للــــــــــــرفع

قموشة

08/12/2006, 02:12 AM

مى توو محتاره بس شكلى بلبس تايغر

Alien

08/12/2006, 09:38 AM

طبعاً من دون دوار راس

شفت النوع الدراج لهذا العيد شي واحد :

كثري من أستخدام القطع مثل الجاكيت أو أربطة عنق بحيث تناسب بدلتك

أما اللون الدراج البنفسجي و العنابي

أن شاء الله فهمتي مني

دمتي بود

بنوته_كشخه

08/12/2006, 12:02 PM

مراااااااااااااااحب

انا اشوف وايد ماركات طايحين في ال zebra
انا خاطريه في zebra مع وردي

و ان شاء الله لي رجعه

تحياتي

مزاجيـه

08/12/2006, 09:46 PM

تسلمون على تواصلكم وان شاء الله كل وحده تطلع اكشخ وحده في العيد(بين اهلها)

وبالنسبه للتايغر كان وااااااايد منتشر العيد الماضي اما الزيبرا الوردي اضن بيطلع وااااااااو

دمتم بخير

تلوله

08/12/2006, 10:16 PM

فعلا يا ينات اللون البنفسجي هو الموضه...

كمان ( الفـــرو) جاكيت او ايشارب اوفه منتشر بشكل كبييييير حتى بالسهرات تصدقون؟؟

..فعلا رجعوا للأشياء القديمة بس ياليت الباقين يشاركون

بأفكارهم و المصممات كذلك...

العروس سوسو

08/12/2006, 10:23 PM

سمعت في برنامج للموضة انه الاحمر لون الموسم

والتنانير القصيرة والواسعة والجزم الطويلة ايلي مقدمتها مدورة مو مبوزة

OM SAAODY

09/12/2006, 02:50 AM

للرفع :)

مزاجيـه

09/12/2006, 12:29 PM

مشكوراااااااااااااااااااا ااااااااااات على تواصلكم وياليت اللي عنها صور تحطها..

دمتم بخير

الزعل

09/12/2006, 12:44 PM

يا ريت والله

مزاجيـه

09/12/2006, 01:25 PM

مشكوراااااااااااااااااااا ااااااااااات على تواصلكم وياليت اللي عنها صور تحطها..

دمتم بخير

مهجة الروووح

09/12/2006, 02:42 PM

حبيباااتي شحالكن ... بقول شي ممكن ؟ لووول

أحس التايقر و هالاسوالف ماال اول يعني صراحة شبعنا منهم لين قلنا بس ...
الصراحة طفحت كل مكان و كل موديل فهد و ابيض واسود .. نصيحة لا تسوون منهم بعد شو رايكم ؟
اول ما طلعت موضتها اوكي بنسويها لكن الحينة ؟ احس ما ينفع لازم شي ثاني يديد .. لوول

أنا احس الموديلات الكلاسيكية وااايد حلوة و ما تكوون دفشة ...

شوفوا هالبودي احسبه وايد حلو و ترتوبب .. و فكرة منج و الموديل يطلع تووحفة لوول ..

سبحان الله و بحمده سبحان الله العظيم

مهجة الروووح

09/12/2006, 02:45 PM

موديل ثاني ..

سبحان الله و بحمده سبحان الله العظيم

مهجة الروووح

09/12/2006, 02:50 PM

وهذا مودييل رووعة وايد عيبني( كلاسيكي) .. وعاد انتي دورج في التفنن في الالوان

سبحان الله و بحمده سبحان الله العظيم

مهجة الروووح

09/12/2006, 02:54 PM

يالله حبيباتي ..شو عندي لكن بعد ..؟

هممم .. هيييه ! هذا الموديل الكلاسيكي (الأسووود) تقدرين تغيرين لونه للبنفسجي مثلا و تضيفين اكسسوار بسيط كوردة او سلسلة كرستال او لولو بسيطة ..

سبحان الله و بحمده سبحان الله العظيم

مهجة الروووح

09/12/2006, 02:56 PM

هذا واااايد كيووووت .. حتى لونه وايد حلو .. اذا تحسيبه اوفر شوي تقدرين تبسطينه

مثلا الشرايط النازلة من الكم مووول مالها داعي و مخربه الديزان بدونها الديزاين وايد احلى ،وبدال ما يكوون شفاف تقدرين تبطنينه بقطعة بيج

سبحان الله و بحمده سبحان الله العظيم

مهجة الروووح

09/12/2006, 03:03 PM

شوفو هذا شقااايل كيوووت ...تعيبني هالديزاينات ..

بس تدرون شو عيبه ؟

ألواانه وااايد مخربه .. يباله الواان قوية و شررحة و يصيير تووووب

سبحان الله و بحمده سبحان الله العظيم

مهجة الروووح

09/12/2006, 03:09 PM

هذا الموديل حلو ... بس متى يصير احلا ..؟ واحلا ؟؟

يوم تكون القطعة متدرجة لونيا من اسفل إلى أحلا و تكون الطبقات اقل كثافة

بعد شي زيادة ... تخيلو على الحزام في الويط و الطرف الايمن و الطرف الايسر .. ورود شوارفسكي حمرا ..

يعني تخيلو هذا الحزام >>>>>( )=====(وردة بالنص)=====( )

و وردة على الجنبين

سبحان الله و بحمده سبحان الله العظيم

مهجة الروووح

09/12/2006, 03:13 PM

بنوتات تراني اشوفكن تحت لوول اتمنى الموديلات تعيبكن ..^__^

يالله نكمل ..

هذا الموديل جديييم مالافلام الستينات .. بس اشوفه كيوت .. و مثل ما قلت عيبه الوانه .. و بعد شي ثاني ..

حاولي اذا عيبج الموديل ما تسويين طبقات طويله غيريه شويه ...

سبحان الله و بحمده سبحان الله العظيم

مهجة الروووح

09/12/2006, 03:19 PM

هذا حلو بس مستحييل تلبسين جيه حق العيد ..

عشان جيييه شورايج .. تسووين موديل القطعة الــ .. الـــ ماعرف شو اسمها ..
يعني تخلين الحزام المفتوح هذا اللي شكل ربطة الجوتي على اساس انه توب (بودي)
و التنورة طبقات ..بس خليها قطعة سادة من عند الخصر لين الحوض تقريبا، عقب انزلي و سوي الطبقات ..

و الالوان انتي حرة فيها تقدرين تستشيرين ..

سبحان الله و بحمده سبحان الله العظيم

مهجة الروووح

09/12/2006, 03:26 PM

هذا الموديل واايد حلو ..

بس لازم القطعة تكون سادة .. و تلبسين تحته بنطلون مشكوك ؟ اقصد عليه شكك و خرز هالسوالف ،بنطلوون ابيض ...

اذا لبستي البنطلون المشكوك ماله احس داعي لقطعة الدانتيل المبطنة الموديل ..

الالوان على كيفج و اذا ما عيبج الموديل بالبنطلون بعد برااحتج حبيبتي لووول .. بس احس البنطلوون حلوو

سبحان الله و بحمده سبحان الله العظيم

مهجة الروووح

09/12/2006, 03:33 PM

أحس هالاحمر حلووو بس يكون طوييل من تحت مش توب ..حتى درجة اللون حلوة

سبحان الله و بحمده سبحان الله العظيم

مهجة الروووح

09/12/2006, 03:36 PM

و الختااام ... ان شاء الله عيبتكم الموديلات ...عن نفسي اخترت لي كم موديل واتمنى اني قدرت افيدكن ..

سبحان الله و بحمده سبحان الله العظيم

مزاجيـه

09/12/2006, 04:28 PM

تسلم يمناك على الردود اللي تطيب الخاطر وجزاك الله خير الجزاء...

دمتي بخير

أحلاهم & وأتحداهم

09/12/2006, 09:16 PM

حبيبتي الموضة الدارجة حاليا

هي الكاروهات بجميع درجاتها

الكروهات الاحمر والاسود والاخضر

الكاروهات الابيض والاسود

والرمادي

والبني

ولحد الحين موضة التايجر والزبرا موجوده

وبالتوفيق ياقلبي

Daisy_Sweetheart

10/12/2006, 11:57 AM

مراااااااااااااااحب

انا اشوف وايد ماركات طايحين في ال zebra
انا خاطريه في zebra مع وردي

و ان شاء الله لي رجعه

تحياتي

>>>>> تراني حـيـل ملـقـوفه استحملوني :shy:

بنووووووووووووووووووووتــ ه بقولج شغله ويارب تعجبج :ok:

شرايج تسوين تنوره زيبرا طبعا موديل السمكه بس من ورا طويله لها ذيل وكسرات عرفتيه
وسوي كرفتـه زيبـرا وحطي عليها كرستالات ابيض واسود على شكل زيـبرا او شكل خطوط او احرف اسمج ,, صغيره وناعمه ,,

واشتري بادي وردي نفس لون العلك <<<< :gum:

وحـطي عليـه كريستالات ورديه ناعمه اصغر حجم حطيها على اطراف البادي من تحت وعلى الاكمام ,, وسوي طوق ناعم من نفس القطعه بس اخلطي لون وردي مع زيبرا ...............وووووجني مـصــخــتــها؟؟ :sad:

وبس ان شاء الله فهمتي خيتوو لاني ماعرف افهم ,,, :salam:
وسامحيني على اللقافــه :gum:

خيتج

دايزي :gum:

رذاذ الورد

10/12/2006, 04:08 PM

بنات معليش ايش هوا ال
zebra

.

مهجة الروووح

10/12/2006, 08:14 PM

>>>>> تراني حـيـل ملـقـوفه استحملوني :shy:

بنووووووووووووووووووووتــ ه بقولج شغله ويارب تعجبج :ok:

شرايج تسوين تنوره زيبرا طبعا موديل السمكه بس من ورا طويله لها ذيل وكسرات عرفتيه
وسوي كرفتـه زيبـرا وحطي عليها كرستالات ابيض واسود على شكل زيـبرا او شكل خطوط او احرف اسمج ,, صغيره وناعمه ,,

واشتري بادي وردي نفس لون العلك <<<< :gum:

وحـطي عليـه كريستالات ورديه ناعمه اصغر حجم حطيها على اطراف البادي من تحت وعلى الاكمام ,, وسوي طوق ناعم من نفس القطعه بس اخلطي لون وردي مع زيبرا ...............وووووجني مـصــخــتــها؟؟ :sad:

وبس ان شاء الله فهمتي خيتوو لاني ماعرف افهم ,,, :salam:
وسامحيني على اللقافــه :gum:

خيتج

دايزي :gum:

حبيبتي يا حبذا لو تحطين رسمه او تخطيط بسيط توضحين الموديل اللي في بالج ..

رذاذ الورد ... هذا هو الزيبرا
http://akimages.crossmediaservices.com/dyn_li/200.0.88.0/LIZC_imageg_net/graphics/product_images/pLIZ1-2102423reg.jpg

سبحان الله و بحمده سبحان الله العظيم

Daisy_Sweetheart

11/12/2006, 08:18 AM

للأسف بنات ماعرف احط الصوره

بس بقولكم شلون وانتوو تخيلووو

موديل السمكه اللي من فوق ضيق ومن تحت واسع ,,بس لاتسوينه حيل ضيق ,,

وسوي من الخلف ذيل يعني اطول من قدام بشوي ,,

وسوي مع الذيل كسرات بدال الفتحه اللي من ورا عرفتووو شلون؟؟

ولاتنسوووون الكــعـــب خخخ اهم شي

وخيتووو اللي تسال عن الزيبراا ,,,, هو الحمار الوحشي ,, الحمار المخطط ,,

ويارب فهمتووو لأني ماعرف افهم ,, :)

شاطئ الـرووح

11/12/2006, 08:37 AM

افكار حلوووة

وانا بعد محتارة في العباة .. ماعرف شو اسوي

وياليت احد يساعدني

بس انا ماحبها واايد يعني تكون بشكل ناااعم واايد

أم يزوويه

11/12/2006, 09:11 AM

انا بعد محتاره

ماسة

11/12/2006, 02:10 PM

انا سويت عباءة العيد فيها قطعة زبيرا حرير + ورد وريدة بس انا استبدلتها ببيضاء

حتى تكون عملية اكثر

Daisy_Sweetheart

11/12/2006, 02:23 PM

افكار حلوووة

وانا بعد محتارة في العباة .. ماعرف شو اسوي

وياليت احد يساعدني

بس انا ماحبها واايد يعني تكون بشكل ناااعم واايد

مرحبابج خيتووو

عاد انا غراااااااااامـي العباايااات فديتج :ok:

شوفي هالموديل ,, طبعا انا احب العبايات الناعمه ,,

تكون العبايه عادي مثل الثوب مفتوحه من جدام وفيها سحاب على جنب والسحاب يكون كريستالات سوده ناعمه عرفتيه؟؟

والله يسلمج واليد تكون مثل القفاز Armwormar ان شاء الله عرفتي قصدي ,, :shy:

وسوي من ورا رسمة ورد محمدي تكون ناعمه وتطريز ومحدده كريستالات احمر ,, طبيعا حجم متوسط ,,

وواذا تبين تسوين على الكم ارسمي ورود صغار بالكريستالات او تطريز ,, :gum:

وان شاء الله فهمتي وووووووووووووووووووان شاء الله اعجبج الموديل خيتووو :shy: :shy:

ريفآل

11/12/2006, 06:29 PM

السلآم عليكم...^!^...صبآح الورد

انآ مفكرة آلبس تنورة قصيرة يكون لونهآ بنفسجي

وآبي آلبس جزمه طويله تكون (فرو) آبيــض..وبعمل فيهآ حركه من تحت بالشرآيط

بسوي عقدة على شكل وردة بنفس القمآش التنورهـ..على حسب مآيكون لونهآ مثلآ

(وردة بنفسجيه وفيهآ آلمآسة ذهبيه)

والبلوزه تكون كم طويل وفيهآ حركة بسيطة يآ تطريز بخيوط آو رسومآت نآعمة

يكون للونهآ (آبيض)..+ ربطة على الرقبة تكون مموجة بين البنفسجي والذهبي والآبيض

+ آكسسوآر ذهبــي نآعم...مثل ===>> حزآم ذهبي )

===> طبعآ بشتي حييل لآن الجو عندنآ مووووووووووت بررد

8
8
8
كلّ الي فوق مجردّ فكرة مآفي شيئ جىهز..والفكرة لسى مو أكيد

ممكن أغير رآيي لآن صرآحه انآ على طول اغير رآيي ومىفي شيئ يعجبني بسهوله

الله يعين يآرب.................شكرا عآلموضوع..(مزآجية)..الله يوفقك خيتو

00
آختكم/
ريفآل

غصن الشوق

11/12/2006, 07:13 PM

صراحه انا ماعندي فكره

بس اهم شي تلبسين عل عمرك

مو شي بناتي

وانشاء الله اول ما اشوف موديل اقولك

تحـــــــــــــــــــــــ ـــــياتي لك

مزاجيـه

12/12/2006, 01:39 AM

تسلمون على مشاركاتكم
وياليت اللي عندها موديل فستان او عبايه تحط صوره لان ممكن انتي مسويه الموديل من فتره بس وحده منا ماتكون شافته ويعيبها.....

ودمتم بخير

مزاجيـه

16/12/2006, 03:59 PM

انا خذت بدله لثاني يوم(( عند اهلي))
بنطلون جنز اسود عل رمادي وفيه قطع فضيه من نكست وقميص رمادي فيه نفس القطع من كمايو..

بنزل لكم الصور بعدين..

باقي لي بدله لاول يوم((عند اهل ريلي :( )) ما ادري اذا بيمديني افصل او لا؟؟

ان شاء الله تكونون خلصتوا انتوا بعد..

دمتم بخير

OM SAAODY

16/12/2006, 04:11 PM

بصرااحه انا موووعاارفه شنو الدارج

مهجة الروح انتي نفسي عااجبني الفستان الازرق

بعدين انامن زمااااان عن ديرتنا وومغتربه ومادري شنو نزل جديد ومن زمان عن العزايم

اخاف اشتري شئ قديم

OM SAAODY

16/12/2006, 04:18 PM

بنات هذا شفته من موقع ثاني

شرايكم فيه

http://img187.imageshack.us/img187/6221/9154gl2.jpg

وهم هذا ************

بس شرايكم فيه ابي افصل مثله لزوااج عندناا بس ممكن ااسكر الفتحه وومكن اغير اللون

http://img220.imageshack.us/img220/2622/5802tj8.jpg

تنصحوني اافصله ؟؟

رهوفي القمر

16/12/2006, 04:21 PM

يسلمووووووووووووو حبيبتى ماقصرتى

OM SAAODY

18/12/2006, 01:53 AM

للرررفع

*درب المحبه*

18/12/2006, 02:15 AM

عن نفسي بلبس اسود في اسود

لكن اللي لاحظته ان اللون الاحمر والاخضر والباذنجاني وايد دارجين

وحتى قبل يومين شفت على قناة المستقبل خبيره ازياء تقول ان هالالوان دارجه

زهرة الربيع3

18/12/2006, 03:41 AM

تسلمين اختي علي الموضوع
وانا بعد لاحظت ان الموضه الستنات دارج
وعلي العقود والاكسوارات الذهبي اللون

ودمــــــــــــــــــــــ ــــــــــتم بـــــــــــــــــــــــو د

مزاجيـه

18/12/2006, 09:09 PM

مشكورات على المشاركه

دمتم بخير

بنت أبووووها

19/12/2006, 02:57 AM

أم خالد

الصور ما طلعت يا ريت تحملينها مرة ثانية ..

هياااااام

19/12/2006, 07:50 AM

ألوان الشتا الحين الأحمر و الأخضر
الله يعيني لما أحدد اللون يختفي من السوق الله يستر و ما بقى شي على العيد..

خواطر©

19/12/2006, 08:09 AM

السوق كله.....................

اسود.................. رصاصي................. بنفسجي........

انتي عاد ركبي كل هالالوان بتنسيق حلو..............

wispy girl

21/12/2006, 01:10 PM

الوحده تلبس اللي يناسبها وبدون ماتشوف الموضه واللي دارج لانه ممكن اللي دارج مايناسبها واللألوان ماتناسبها...وانا من طبعي مااشوف اللي دارج البس اللي انا يعجبني......والحمدالله اللي البسه كل حد يسألني عنه.........مع مااتابع الموضه كل من افكاري...حتى الاكسسوارات انا بعض الاحيان اركبها...........
وهالعيد انا فصلت فستان بسيط هاينك من الخلف وداخله فيه كركش صغير على الهاينك ومن جدام على الصدر امسويه لفه يمين وشمال وعليهم الكركش يعني من والهاينك من ورا الى اللفتين من جدام.........وتحت الصدر فولك خط وبعدين من ورا حزام ينربط ومن تحت قصه وسيعه واربعات طبقات باللونين السماوي والبحري تقريبا............وسويت ورده نسيطه تنحط على اللفتين..........وسويتلي خط من الفولك للشعر..................واكسسوار للرجل...واشتريت حلق وخاتمين.................وبلم شعري على فوق بمووس بشبره ورديت سماويه..............والصندل اللي يعزكم سماوي فاتح مع لمعه فضيه...........

وهذا استايلي اون شاء الله يعجبكم

توتة البحرين

21/12/2006, 03:49 PM

انا شريت بدله حق العيد اول يوم تنوره طبقات وكل طبقه فيها شلش و تكون قصيره ولونها زيتي اخضر و فوق شريت بدي لونه بنفسجي قامغ و فوقه بلوزه قصيره إلى تحت الصدر لونها اخضر زيتي وعلشان الجو بارد اليد طويله وبروش من شلش ودانتيل وحجر بنفسجي وذهبي على شكل ورده احطه على البدله من فوق على جنت والصندل لونه تدرجات البنفسجي والوردي وفيه ذهبي ومديل الستينات وبس الى حد الان