شنو الحل لمثل حالتي ( بليززز ساعدوني الله لا يهينكم ) وجزاكم الله الف خير

[مريم11111]

السلام عليكم

اشلونكم يا حلوين كلكم ؟؟؟؟؟

بصراحه انا ابيكم تساعدوني بمشكلتي وهي ان شعري صار له سنه تقريبا واقف على طوله 00انا شعري طويل ( تحت ظهري وانا ابيه يطول اكثر لكنه واقف ولي الحين على طوله ولا زاد 00فشنو اسوي علما من اني استخدم خلطه مكونه ( زيت النخاع+ زيت الخروع + زيت النارجيل ) وبعض الاحيان اضع الحناء

اللي عندها الحل او انها عانت من نفس المشكله واقدرت تعالج شعرها اتمنى لا تبخل على بالرد

بانتظار مساعدتكم بليييييييييييز :(:(:(

[*~نبض القلوب~*]

سلام اختي كويتيه

تدري السبب انك ما تجديدينه كل شهر يعني ما تقصين اطرافه

ضروري ان تقصي شعرك شهرين عشان يطول بسرعه ويتجدد

اتمنى اني اكون ساعدتك ;)

[حسـاسّـــــه]

ياهلا وغلا ببنت الكويت واهل الكويت..

- سوي تحليل دم..يمكن عندك نقص من الداخل..نقص دم..نقص كمية الهيموجلوبين,, نقص بالفيتامينات.

- انتبهي لأكلك..يمكن غيرتي اكلك.. او نوعية اكلك .

- ومثل ماتفضلت الأخت نبض القلوب يمكن طولتي ماقصيتي اطراف شعرك ..ومن اهم علاج الشعر بعد التغذيه والتحليل ،،قص اطراف الشعر.

- وماشاءالله خلطتك ممتازه..الزيوت اللي فيها كلها مغذيه ومعروفه بإنها تطول وتكثف الشعر.

وانشاءالله اني افدتك ياغاليه..واذا محتاجه خلطات،،قوليليok;)
تحيــــــــــــاتي

[مريم11111]

مشكورين اخواتي على النصيحه والمشاركه والظاهر ما كو حل الا اني اقصه واروح اسوي تحليل دم :(

[asala15]

انا مع الاخت نبض القلوب ...كل ما تقصينه يزيد في الطول واخذيها مني لاني مجربتها ,, وكل الاهل لاحظوا ذلك..
اتمني اني افتك;) :D

[visitor]

مراحب اختي
انا انصحك تقصين اطرلفه كل شهر وتستخدمين زيت الطبخ ما زولا لانه يطول الشعر بشكل ما تتوقعينه
ان شالله اكون افدتك
اماني ;)

[عيناوية]

مرحبا

اذا تبين نصيحتي الحلبة ,الحلبة ,الحلبة وااااااايد زينه للشعر واذا ما تحبين تحطين الحلبة
في شي ثاني بس بعد ريحته :D دابر املا والله لو داومتي عليه روووعة


:o ان شاء الله اكون فدتج

[وربي عسل]

^&)§¤°^°§°^°¤§(&^والله نفس مشكلتي بس سمعت عن انبولات بقزاز مرسوم عليها حصان ويمدحونها ^&)§¤°^°§°^°¤§(&^

[lora18]

عزيزتي قصي الاطراف مثل ماقالو البنات واستخدمي زيت دابر املاااااا ممتااااااااز واعصري جرجير واستخدمي زيت الجرجير ثلاث مرات في الاسبوع ممتاااااااااااااااااز000تح� �اتي

[همسة غلا***]

والله ودي اساعدك بس انا ماهتم في طول الشعر اهم شي عندي النعومه علشان كذا ماعندي خبره في الاشياء الي تطول الشعر
sooooooory

[احلى_كويتيه]

اختي مريم والله نفس مشكلتي

انا بعد شعري لي اخر ظهري من سنتين وموراضي يطول

وانا مع البنات ابدي تقصينه كل شهرين

وانا بديت هشي من سبوعين قصيت طرفه وان شاء الله الشهر الياي بقص بعد وبشوفه يطول اول لاء

وطبعا مالنا غنى عن الزيوت الطبيعيه

انا احط خلطه مادري شنو اهيا كل انوع الزيوت حطيتها فيه
رحت عند الواي وقلت له ابي زيوت حق الشعر وقعد اهوا يحطلي وخلطتهم مع بعض والحين احطهم وتقريبا شبه تمام يعطون الشعر لمعه ونعومه

وعزيزتي لاتنسين بعد الحنه على طول حطي دهن وسوي حمام زيت لاءنه الحنه تنشف الشعر واذا نشف يتقصف

تحياتي
كويتيه

[ماروكووو]

ما شاء الله على شعرج ... المهم الغاليه انا مع البنات سوي تحليل للدم شوفي الحديد عندج ممكن يكون نازل:down: ... وعندج فيتامينات تنباع بالصيدليات حق الشعر والاظافر ممتازه :up:... ولاتنسين تشربين عصير الجزر يوميا ... تراه يطووووووووووووول الشعر ( بصراحه انا ما جربت بس ناويه من كثر ما سمعت انه يطول الشعر بسرعه ) وعندج الزيوت مثل دااابر املا حاليا انا استخدمه وفيه تغير بطول شعري على الخفيف ... .... والله يرزقج الشعر اللي تحلمين فيه .... واتمنى اكون افدتج

[bntqtr]

شوفي مريم انا كانت عندي نفس المشكله شعري لين نص ظهري وبايالله يطول شوفي بقولج الاسباب الي توقف نمو الشعر وبعدين بعطيج حل سريع,,,
اولا":عدم الاهتمام بالتغذيه وهاي مهمه جدا لنمو الشعر وصحته وكثري من شرب الماي
ثانيا":حاولي ان تقصين اطراف الشعر كل بدايه شهر وعندي لج معلومه خطيره(قصي شعرج بدايه الشهر من التقويم الهجري لان له نتيجه فعاله شسبب الله اعلم بس سبحان الله يطول اسرع اذا اتبعتي التقويم الهجري)
ثالثا": حاولي في وقت النوم انج تفكين شعرج لان في وقت النوم تعطين شعرج حريته ويزيد نشاط نمو الشعر
رابعا":اذا انتي من النوع الي يحب استعمال الاستشوار او الاسبري او الجل حاولي انج تعوضينه في حمام الزيت او الزيوت االطبيعه

تحذير تحذير تحذير: التقصف اهو السبب الرئيسي في بطئ نمو الشعر فاذا كان شعرج مثل ماقلتي لين نص ظهرج ومتقصف حاولي انج تقصين شعرج وتتخلصين من التقصف

والحين بعطيج خلطه وربي انها سحريه وساعدتني وايد في خلال شهر يطول شعرج حول5 صانتي وانا شعري بينت نتيجته خلال اسبوعين بس يعني بين ان شعري ابتدا يغلظ وطوله شوي شوي بان هاج الخلطه وصدقيني ماراح تتحسفين لانها100% مجربه ومضمونه

اول شي اخذي فنجانين حلبه بس يكون من النوع الجيد واطحنيها+فنجان حبه سوده(حبه البركه) واطحنيها+ وخذي زيت ذره مال الطبخ المعروف( عافيه او زيت دلال) بس مايكون دوار الشمس(انا قلت زيت ذره) وخلطيهم وحطيهم في غرشه(مثلا غرشه ماي صحه)
ونقعيها لمده 10 ايام
طريقه الاستعمال:حطيه في شعري ودلكيه لمده 10 دقايق او اقل وخليه في شعرج لمده ساعه اقل شي او ساعتين الحد الاقصى
واغسليه(علشان تبان النتيجه سريعه حاولي تستعملينه يوميا او يوم ترك) واذا انتي بتقولين مايصير اغسل شعري يوميا خوفا من ضرره بقولج عادي لان الماي ينشف الشعر وانتي لما تغسلينه طبيعي بيكون دهني لانج يوميا تزيتينه ولا راح يكون شعرج زيتي ولا جاف لانج تسونها نفس المعادله ..المهم
اذا انتي خايفه من الريحه انا مااحاول اخدعج لان فيه ريحه بس الريحه مو قويه او كريهه بس بعد الغسيل حاولي تنضفينه عدل من الروائح ومايضرر بعد الاستعمال انج تبخرين شعرج..
وعلى الله الشفاء

[ماروكووو]

ما شاء الله عليج يا بنت قطر .... انتي كذه :up::up::up: