المساعد الشخصي الرقمي

مشاهدة النسخة كاملة : بنات البحرين وين اتمشى في البحرين؟



redflower
27/11/2006, 12:36 PM
سلااااااام
رايحة البحرين بكرة انشالله انا و زوجي بس و نبغا نتمشى و نشوف سينما
فين اروح و ايش احلى مطاعم و فين الأسواق الشعبية اللي ممكن اشتري منها اشياء تراثية مثل الجلابيات و الاكسسوارات
بلييز يا بنات ردولي بسرعة أنا ماشية بكرة الصباح انشالله

VIP Lady
27/11/2006, 01:32 PM
هلا أختي و يا هلا فيش في البحرين
عندج مطاعم واجد في المجمعات (مجمع العالي و السيف و البحرين و الدانة و مارينا مول) و عندج بعد الأسواق مثل سوق المنامة و سوق واقف في مدينة حمد و عندج السينمات (سينما السيف و الدانة و سار) عندج بعد مطاعممم واجد في شارع المعارض و مطعم الأبراج و شيليز

و حبيبتي البحرين صغيرة يعني لو وين تروحين الا و بتحصلين الي تبينه

و انشاء الله تقضون وقت ممتع انتي و زوجش

و اذا محتاجة اي شي ثاني ترى انا حاضرة

العيون العسلى
27/11/2006, 07:46 PM
http://www.gulflobby.net/upload/uploads/c311bc3888.gif



حبيبتى ان شالله يساعدونكــ البنات قبل ما تروحين



ينقل لركـن انت تســأل عن السيــاحة ونحن نجيب :)


http://www.falntyna.com/img/data/media/11/1150618132.gif

عذاري...
27/11/2006, 08:52 PM
تجين بالسلامة

عن السينمات تقدرين تروحين سينما الدانة والسيف

احلى المطاعم الابراج

الاسواق الشعبية عندج المحرق والمنامة ومدينة عيسى

وللاشياء التراثية عندج محل في سوق المنامة اسمه بحرين بازار تلاقين كل الاشياء التراثية

وتشيلج العين قبل الارض يا الغالية

عالم الهدوء
27/11/2006, 09:41 PM
هلا بيج اختي بارض الطيبين ونشيلج فوق الراس:salam:

اذا كنتي جايه عن طريق المطار فبيكون عندك مدينة المحرق هذا فيها كلشي من حلويات قصدي الحلوى البحرينيه وتوابعها من متاي ورهش وبهارات طبعا عند محلات شويطر اول ماتدخلين السوق على ايدج اليمين,,, ولما تواصلين على طول الشارع بيكون في محلات على الجهتين كل ماتحتاجينه من جلابيات وملابس خفيفة ومحلات عبايات تحصلينهم بعد على طول الشارع طبعا الاسعار بتناسب الجميع .........وعندك محلات الحواج المعروفه للعطورات الاصلية طبعا في نهاية الشارع على اليسار...

اما اذا كنتي جايه من جسر الملك فهد فاول ماتدخلين البحرين اذا بتروحين المنامه فخلاص اصعدو الكبري الثاني يوصلج المنامة على طول وهناك بتلاقين المجمعات المعروفه عندنا على اليمين واليسار وتلقين فيها المحلات المعروفه والسينما اما اذا بغيتي عطورات عربية فتحصلينها في مجمع السيف الدور الارضي محلات اجمل أو مجمع الدانه في الدور الثاني محلات اصغر علي واسعارهم في متناول الجميع....... اما اذا بغيتي وانتي في مجمع البحرين تاخذين حلويات على الطاير فبتلاقين كشك عند البوابه فيها حلويات اسم المحل ابويوسف وكشك جمبه للمخلالات والاجار.........

انشاء الله اكون فاديتج واهلا بيج وباهلج في ارض بوسلمان...........:shy: .