مشاهدة النسخة كاملة : مصممين ازياء في دبي
نبض وقلب
23/11/2006, 12:40 AM
السلام عليكم خواااااتي
فزعتككككككككككككككن
ابغي محل يكون شغله روعه واسعاره معقوله حق فساتين اعراس....محتاره ما اعرف وين اسير....يا ريت اللي يعرف يقولي ...وتسلمووووون :clap:
الجيل الجديد
23/11/2006, 09:10 PM
شارع الرقة في دبي .. كله مصممين ..... دوري محل محل ... وشوفي الاسعار اللي تناسبج والشغل بعد
والله يوفقج
غلا زايد
24/11/2006, 01:26 PM
انا انصحج تاخذين جاهز من البستان
صمت الاصايل
24/11/2006, 11:07 PM
شارع الرقه فيه وايد محلات متخصصه في تصميم الازياء .. شوفيهم وان شاء الله يعيبج تصميمهم
و حطي في بالج ان الفستان الي بيفصلونه لج ما يقل عن الالفين درهم..و كل ما زاد الشغل بالقطعه
كل ما ارتفع سعر التصميم.. انا بصراحه افصل بالشارجه عند المصمم نيكولس و اسم محله التوقيع
بشارع الوحده .. خياطه ممتازه و نظيفه وايد واسعاره وااايد اوكي يعني بحدود الالف و 300 و
السعر يقل او يرتفع على حسب الشغل الي تبينه بس اهو بشكل عام مصمم ممتاز..
و لج حرية الاختيار حبيبتي..
wadeema
24/11/2006, 11:27 PM
مرحبا الغاليه انتي سالفتج شراتي ادور محلات تفسل فساتين اعراس
ونفس ما قالن البنات في شارع الرقه ... بس بعدني ما رحت وشفت
بعطيج شي من المحلات
شيورا-دبي- شارع الرقه
كالاش-دبي- شارع الرقه
امواج-دبي- شارع الرقه
سرابيل-دبي- شارع الرقه ------) مدحوه وقلت بمر عليه
رونالدو-دبي- شارع الرقه
الريم-دبي- شارع الرقه
دوناتيلا – دبي - شارع الرقه
دار عقل فقيه –دبي
سونيتا فارما – دبي
فار فلله - دبي
رامز جيانيني – دبي
اروشي- دبي – شارع الجميرا
وليد عطاالله- دبي -في شارع الرقة
لابريما- دبي - بر دبي
هزار – دبي – شارع جميرا
والغاليه ان جانج مريتي عليهم اسأليهم عن الأسعار وغيره .... رودي علي خبر فديتج
نبض وقلب
26/11/2006, 11:40 PM
الجيل الجديد
غلا زايد
صمت الاصايل
مشكورييييييييييين خواتي وما قصرتن
wadeema...مشكوره اختي ومااااااااا قصرتي ...بس على هالمحلات يبالنا رحله الالف ميل ...يالله شو رايج نمر عليج ونطلع ضربه؟؟ لوول
wadeema
27/11/2006, 03:34 PM
والله يبالنا يا خويتي نطلع مع بعض .... انا بس افكر بالموضوع راسي يعورني ... عيل لو رحت الله يعيني...
المهم خويتي لو لقيتي مصمم حلو دليني بعد عليه
نبض وقلب
27/11/2006, 09:26 PM
wadeema الغاليه انا احيد لادونا شغله حلو ...شو رايج فيه ؟
انا سمعت ان المحلات زحمه ووايد عندهم طلبات ...والله انا خايفه اخر شي ما الاقي حد يخيط لي :(
wadeema
28/11/2006, 10:09 PM
سمعت البنات يمدحن لادونا بعد ....بس صدقج يا خوفي يوم نروح محد يرضى يفصل لنا ...
بحاول خلال الاسبوع الياي اروح ... اذا شفت مكان حلو بخبرج ....
وانتي بعد ما عليج امر لو رحتي ولقيتي سوالف حلوه خبريني الغاليه ...
نبض وقلب
28/11/2006, 10:13 PM
wadeema فااالج طيب الغاليه ما طلبتي ...ان شالله خلال هالاسبوع بمر بشوف لادونا وكمن محل ...وان شاء الله بقولج لو شفت شي حلو ..وانتي بعد يالله همتج ويايه :)
لميا دبي
28/11/2006, 10:18 PM
لادوونا انا شفت شغله
المصمم يسوي تصاميم تجنن
pinki11
28/11/2006, 11:05 PM
سهاد عاقوري مصمم لبناني الكل يمدحه..
فجميرا حد يعرفه اويدل المحل او الرقم..
pinki11
28/11/2006, 11:29 PM
ما انصحكم اتروحون عند هاي بالذات( هويدا بريدي) محلها دوناتيلا في دبي
لانها شرشحت وايد ناس ووصلت مشاكلها لشرطه ...
wadeema
01/12/2006, 01:18 PM
سهاد عاقوري مصمم لبناني الكل يمدحه..
فجميرا حد يعرفه اويدل المحل او الرقم..
مشكوره اختي على المعلومه ... بس ياريت لو حد يعرف رقمه او عنوان محله بالضبط يخبرنا ....
نبض وقلب
05/12/2006, 12:43 AM
wadeema...يبتلج البشااااره ولكل البنات
سرت لادونا .... وايد يجنن....صدق اشياء حلوه واطور وايد عن قبل...حتى مكانه غيره وسار جميرا ...وبصراحه انا افكر اني اسير افصل عنده خلالالاص ...ها شو رايج؟
wadeema
07/12/2006, 11:26 AM
مرحبا خويتي نبض وقلب... مشكوره فديتج على البشاره الحلوه ....
شو تحسين عنده موديلات يديد... وشو قالج عن الأسعار تتراوح بين وبين كم .... امممم شي شفتي سوالف جاهزه عنده....ووين مكان بالضبط في جميرا....
ههههههههه ادري استويت محقق أسأل واايد .....
نبض وقلب
08/12/2006, 01:36 AM
wadeema مرحبا عزيزتي
انا بصراحه سرت له وشفت الفساتين الجاهزه اللي عنده ...شغله نظيف ومرتب.......وسعره مب غالي وايد بالنسبه للمصممين الباقين ...يعني بيسويلي الفستان ب4500 ...والقطعه من عندي طبعا ...بس انا الفستان اللي بسويه عادي يعني مب فستان ابيض مال العرايس...واذا انتي عروس سيري شوفي الفساتين اللي عنده وان شالله يعيبج مثل ما عيبني
على فكره تراهم مصممين 2 ...واحد اسمه جيمي والثاني مايكل...طبعا جيمي البوس مالهم بس الموديل اللي اخترته راسمنه مايكل ...وبعد شغله وايد حلو
المحل مكانه في جميرا ...بتخلين ميركاتو على ايدج اليسار وبتمين سيده ...وعقب بتيج فلل متشابهه على ايدج اليسار عدال الاشاره ...بيكون المحل في فله من هالفلل ...ان شالله وصفي يكون مفهوم ...سيري وشوفي الفساتين والشغل وبشرييييني
شيوخي5
08/12/2006, 05:28 AM
هلاااااااا ،،
بغيت أعطيـــكم رايي ف لادونـــا بمـــا قبل فترة كنت امفصله عندهم فستان حق عرس اختي ،، اللي كان امصمملي الموديل جيمي بس كان موديله خبااااااااااااااااااااااا ااااااااااااااااااااااال والكل اتجنن على الفستان ف العرس وشغله رووووعه ومرتب ،، و ع فكره لون قطعتي كانت بيضااا وماخذتنها واعليها شغل ذهبي وكرستالات سوارا فسكي بس اشتغل اعليها بطريقه وااااااااااايد رااااقيه حتى يوم كنت اسير للفروفات كانوا يتحرون فستان عروس لوووووول عقبالي ادعولي :)
wadeema
08/12/2006, 09:53 PM
مشكورات خواتي على المعلومات الطيبه وان شالله بروح وبشوف وبرد عليكم خبر ....
ويزاكن الله كل خير
wadeema
08/12/2006, 09:55 PM
اختي شيوخي ... بغيت اتخبرج من وين اقدر القى قطع بيض وعليهن شغل ترتيب .... وان شالله عقبال فستان عرسج