قرحة عنق الرحم

[alhosanya]

السلام عليكم ورحمة الله وبركاته

خواتي أرجوكم اللي تقدر اتجاوبني لا تتأخر علي
أنا كان عندي قرحة في عنق الرحم والدكتورة اللي سرت لها قالت لي لازمها كي بالتبريد وكوتها لي وبعد فترة قريت في مجلة طبية أن عمليات الكي تسبب عقم وأنا ألحين خايفة وايد لأن صار لي سنتين ونص متزوجة وللحين ما حملت ؟؟؟؟
ارجوكم إذا وحدة فيكم عندها فكرة عن هالموضوع لا تبخل علي بالرد

وشكرا

[ريم81]

ما اعتقد يا أختي انها تسوي عقم

مو معقوله علاج القرحه يسوي عقم

بس الأفضل انج تستشيري دكتوره

[alhosanya]

مشكورة أختي ريم 81 اتمنى اعتقادج يكون في محلة

[alhosanya]

وين الردود ؟؟؟؟؟
محد يقدر يفيدني

[smsm78]

هلا اختي الحوسنية:
والله الوحدة ما اتعرف تصدق كلام الدكاترة والا لأ!!!!
انا قبل سنتين لما رحت اتعالج عن سبب عدم حملي لمدة 4 سنوات ، شافتني الدكتورة وقالت لي: انتي فيج التهاب بعنق الرحم وفيه قرحة ولالالالالالالالالالا يمكن احمل وحتى كان يطلع مني دم ، عطتني علاج لمدة شهر تخيلي/ في الاسبوع الاول من العلاج ، حسيت اني فيني تغيرات، كشفت بجهاز التحليل المنزلي، وطلعت حامل، رحت لها وخبرتها اني حامل قالت مستحيل، قالت لي بكشف عليج وبفحص دمج، وطلعت حامل،،،،
انا قمت ما اصدق الدكاترة لأن الرزق بايدين رب العالمين، لا تصدقين اي شئ، واتوكلي على الله والحمل ا لوحيد لعلاج كل شئ بالدنيا الدعاااااااااااااااااء والله العظيم اكلمج عن تجربة رب العالمين ما يرد عبده المسلم، ضبطي ايام تبويضج وخلي الجماع يوم ويوم لأ وباذن الله وبارادة رب العالمين بتحملين انشاء الله

http://img372.imageshack.us/img372/4026/22008200639095308ti1.gif

[ريم81]

الله يثبت حملك اختي روعه دبي و الله قصتك ترفع المعنويات ما شاء الله

[alhosanya]

روعة دبي أولا مبارك عليج الحمل والله يزيدج من فضله وكرمه وتترسين بيتكم يهال يارب
مشكلتي ألحين مو بالقرحة أنا خايفة أن عملية الكي اللي سويتها اتأثر على سالفة الحمل ،،، ماأدري والله ؟؟؟ الله كريم.. صج والله الله قادر على كل شي سبحان الله !!

[زهرة السعوديه]

شوفي حبيبتي انا سويت كي قرحه اكثر من مره وحملت
با لعكس كنت من قبل جبت طفل واحد وما حملت ثانيه بسرعه يعني تأخرت با لحمل لما رحت الدكتوره قا لت لي عندي قرحه ولازم اسوي كي سويت كي وبعد شهرين حملت با لطفل الثاني
وبعد الثالث بس الحين جا ني تكيس مبايض وقرحه بعد ادعولي اني اشفه واحمل بعد مره لان بنتي كبرت وشتقت للبيبي طولت عليك حبيبتي المهم انك ما تحتين با لنسبه للكي

[alhosanya]

زهرة السعودية شكرا الله يبشرج بالخير أنا صدق كنت خايفة طمنتيني .....
الله يعطيج كل اللي تتمنينه بالتوفيق