مشاهدة النسخة كاملة : والله بزعل لو فشلتوني.. اباكم في سالفه عن جلابيه الفراشه
عيون بوظبي
10/11/2006, 09:29 AM
السلام عليكم ورحمة الله وبركاته
انا صدق زعلانه منكم
مرة كتبت في هالقسم ولا حد رد علي والحين صدق بزعل ... :sad:
انا في خاطري افصل جلابيه الفراشه على قطعه شيفون .. وتكون ارقى شوي عن انها جلابيه
وبصراحه ماعندي اي فكره ..
كل الي مفكره فيه انه الكم بيكون على قياس الايد بالضبط ومن اخر الكم بيكون فيه نفس المطاط مكرمش في بعض عشان يعطي شكل حلو على الكم ...
وقصه الفراشه ماباها تبدا عند نهايه الايد .. لا اباها فوق شوي اتوقع عند الكوع .. :gum: اظن والله ماياني سويتها قبل ما اعرف هههههه
فياريت تعطوني موديل حلو وقصه حلوة للصدر عشان اسويها ...
اترياكم لا تفشلوني ... عاد انا قلت لأمي قالت لي ما بتحصلين موديل قلت لها بنات عروس ما يقصرن
فلااااااااا تفشلوني ..
ღ رآقيهـ ღ
10/11/2006, 09:38 AM
الله الحركة حلوه تخيلتها وايد بس انا ما قد شفتها على جلابية واتمنى البنات ينزلونها لأنها عجبتني ودخلت مزاجي انا بعد
عيون بوظبي
10/11/2006, 09:43 AM
تعرفين ملاك انا شفتها على جلابيات قطن للبيت
حلوة نوعاً ما .. بس يكون كمها قصير وواسع
انا مابا جي
بعدين على شيفون بتكون احلى وارقى .. بس اتريا تصميم حلو على الرقبه
فكرت بعد اسويها هاي نك مكشكش ومطاطي شوي ...
بس خفت انه الهاي نك على الشيفون يعطي شكل للصدر انه نازل ههههههههه
ختي انا عندي موديل الفراشه شيفون اسكاد وعلى الاطراف شريط ساتان وايد حلوة انا حبيتها بس غير عن الموديل الي تتكلمين عنه وعندي وحدة على تووووووول بعد حلو الايد فيها لاستيك مزمومه لين الكوع شوي والفراشه مركبه على الجلابيه يعني مخيوطة وياها بحطلج الموديل مسويتنه عند وحدة كويتيه اما الموديل الثاني بحاول اصوره واحطلج اياه بعد يمكن تستفيدين منه
تقدين تاخذين افكار منهن ...
http://www3.0zz0.com/2006/11/10/07/95003472.jpg
ترا الموديل على طبيعه وايد احلى وقصة الرقبة يايه على شكل عيون
وبعد عندي موديل ثاني بعد على تول يمكن يفيدج ختي
http://www3.0zz0.com/2006/11/10/07/21254885.jpg
تقدرين اتحطين دانتيل على الاطراف مثل الجلابيه بعد حلو بس هالفراشه طبقتين اما الشيفون الي عندي طبقة وحدة
ღ رآقيهـ ღ
10/11/2006, 10:35 AM
3yoOon_AD
هيه صح كلامك لازم على الصدر حركة حليوه عشان ما يخترب الموديل وسالفة المطاط مو حلوه على الصدر اذا القماش شيفون بحركة الجلابيات
اختي انا تسلمين على الصور الرائعة
وتشجعت وايد اسوي الموديل يلا أنتظر وياج ام مصبح باقي الصور
فالج طيب بس العصر اذا ما ظهرت بصور الجلابيه الشيفون ان شاء الله وبنزلها
عيون بوظبي
10/11/2006, 10:45 AM
مشكوووووووورة وايد اختي انا على الافاده
الجلابيه الاولى حلوة يعني منها قدرت شوي احدد شو ابا ..
ملاك حبيبتي .. المطاط مب على الصدر. بيكون على الرقبه هاي نك .. بس بشكل مرتب مب مطاط بس .. عموما ما بسويه عشان سالفه الصدر هههههه
عزيزتي انا فديتج لو عندج اشكال بعد ياريت تفيدينا ..
يزاج الله خير
ღ رآقيهـ ღ
10/11/2006, 10:50 AM
3yoOon_AD
ههههههههههههههه فاهمه عليك عيوني بس ترى انا دبة فتخيلتها علي اذا تبدأ من الرقبة بتخليني شي غريب خخخخخخخخخخخخ
وانا ننتظر الصور لا تطلعين العصر خخخخخخ نذالة
3yoOon_AD حاضرين للطبيين ان شاء الله العصر بحاول انزللكم صور جلابيات فراشه وبصور جلابياتي وبحطهن
خواتي 3yoOon_AD و ملاك
صورت الجلابيه بس ما عندي ملكان والله جان طلعت اوضح وان شاء الله اتنال اعجابكن
صورة لجلابيه بالكامل
http://www3.0zz0.com/2006/11/10/11/43973786.jpg
صورة الجلابية من اعلى
http://www2.0zz0.com/2006/11/10/11/95650454.jpg
صورة الصدر
http://www2.0zz0.com/2006/11/10/11/80201180.jpg
طريقة الحزام
http://www2.0zz0.com/2006/11/10/11/45448030.jpg
عيون بوظبي
10/11/2006, 02:27 PM
اوه هذي غير فيها حزام
حلو والله الوانها عيبتني ماشالله
هالجلابيات عزيزتي شاريتنهم واللا تفصيل ومن وين ..؟؟
مشكورة وايد ما قصرتي والله وجلابياتج حلوة ماشالله
ღ رآقيهـ ღ
10/11/2006, 03:56 PM
انا
جننتني جلابيتك وان شاء الله بسويها مثلها وخاصة حركة الحزام جنااااااااااااان تسلمين
فوانيس
10/11/2006, 04:04 PM
الله وايد حلوه جلابية الفراشه ام الحزام
و يا سلام لو فيها تطريز غريب بتطلع روعه
ام مصبح و انا مشكورين حبيباتي:)
عيون بوظبي
10/11/2006, 05:55 PM
العفو حبيبتي فوانيس وحياج
هيه والله اكثر شي عيبني الحزام احسه يعطي لوك حلو
ويذكرني بالمدارس ههههههه
3yoOon_AD
وملاك
فوانيس
شكرا والحمدالله عجبتكم الجلابية
ختي 3yoOon_AD هذي يايتني هدية من ربيعتي في عيد ميلادي بس خواتي خذوا نفس القماش وفصلوا عليها وطلعن نفس الموديل بالضبط ....
وبالنسبة للجلابيات الي فيهن تطريز الاولى شارتنها من المنتدى عند الاميرة سارة
اما الثانيه بعد من الكويت عند فطمطم 2006
عيون بوظبي
11/11/2006, 10:05 AM
مشكورة وايد الغاليه
تعبناج ويانا ..
وتتهنين فيهم يارب