بناااااااااااااات الكويت ........بسرررررررررررررعه

[وهج الغرام]

مرحبا
كيف الحال ان شاء الله تمام

فديتكم بغيت اسالكم عن خيام يسمونها المعارض تنباع فيها الجلابيات الحلوه والغريبه ورخيصه

تعرفون شي عنها اتمنى تفيدوني هل هي تكون متواجده بشكل دائم والا لهم وقت معين ومكان معين لان ودي اجي الكويت اخر الشهر هذا ماادري بحصلهم والا لا

تكفون ردوا علي ضروري الله يوفقكم

[..نعومه..]

انا مو من الكويت انا من البحرين بس ممكن افيدج

المعرض مو على طول مفتوحه بس اهم يسونها على طول يعني تلاقين معارض كثيره في كل مكان

وان شاءلله يفيدونج بنات كويت اكثر

[وهج الغرام]

تسلمين نعومه على الرد والمرور

وينكم يابنات الكويت انا طالبتكم لاتردوني

وبعدين انا بجي الكويت نهايه الاسبوع ممكن تفيدوني باحلى المجمعات اللي يبيعون في الجلابيات الغريبه والبلايز الغريبه والبنجابي الحلو وتكون اسعارهم حلوه مو غاليه مره

تكفون بنات ردوا لاتبخلون علي بالرد

[لبى قلب وليدي]

هلا والله الغاليه

شتبين بالضبط


تبين مصممات يبيعون جلابيات
عندج بالجابريه فاطمه قبازرد وناديه بو شهري وانسام الخلف

لكن المجمعات عندج الفروانيه متروس فيها العربيد بلازا والحمرا مول
وعندج سوق شرق ومجمع الاوقاف والمهلب

انا مو فاهمه اشتبين بالضبط بس ساليني وانا عيوني لج

[وهج الغرام]

هلا الغاليه لبى قلب وليدي الله يخليه لك

وتسلم عيونك

حبيبتي انا ماابي مصممات ابي المجمعات اللي تنباع فيها البلايز الغريبه الطويله لين الركبه وحركات ثانيه وابي بنجابي غريب وابي الموديل اللي يقولون عنه السندباد اللي بنطلونه منفوخ وين القاه والجلابيات الغريبه بس ابي اسعارها معقوله مو غاليه مره وشرايك في سوق فحيحيل وش فيه حلو
والعربيد وش فيه بالضبط ياليت ولاعليك امر تحددين لي كل مجمع وش الحلو فيه بدل ماادور فيه كله عشان الوقت

وبعدين سمعت عندكم مثل الخيام يسمونها المعارض بس مو ثابته في مكان متنقله ويبيعون فيها جلابيات حلوه عندك فكره عنها وهل بيكونون موجودين نهايه الاسبوع الجاي

وسوري على كثره الاسئله بس محد برد قلبي ورد علي الا انتي والله يوفقك ويجزاك خير

[~~زورقـــ~~]

حبيبتي
شووفي عندج بيت ديفا وبيت كرزماااا
هذولا عند المستشفي الاميري دايم يصير فيهم معاارض على طوول

اتوقع هذا الي قصدج وبتلاقين موو بس درااريع في فنااتق


وهمن عندج بيت بدره وبيت ديمه وراااء الكنيسه عند الشيراتون في وسط الكويت العاصمه

امممممممممم رخيصه مااظن

عندج الاوقاف هذا مجمع كبير وقديم بس حلوو
إلي بيحوووس بيلاقي شغلات حلوووه

اما خيم مااعمري سمعة عنها
عندنا جذيه بيووت قديمه سوووها معاارض

واتمني اكون فدتج
واي شي تامرين فيه انا حااظره انتي بس سالني

:)

وحيااج بتنور الكويت بوجودج يااحلوه

[وهج الغرام]

هلا زورق تسلمين بعد عمري على الرد والمرور

بسالك عن العربيد شرايك فيه

ووين القى البلايز الغريبه بانواعها ؟؟؟ووين القى البنجابي موديل السندباد ؟؟؟؟؟؟؟؟؟؟

[~~زورقـــ~~]

العربيد حلو ورخيص بس خمات وخمااات

مرات تلاقينومرات يلوع الجبد

بس المعارض احسن 100 مره

والبجابي السندباد كل مكان تلاقينه
انا شفته بمجمع العربيد الكبير في الفروانيه

خوش مجمع ورخيص

بس انا من زمان مو راايحه


وحيااج يالغاليه باي وقت

[وهج الغرام]

وينكم يابنات الكويت وين همتكم بالطلب

[ياسمين88]

في مجمع العربيد2
الاول: اسمة مجمع العربيد وكلة خياطين يفصلون دراريع و بدل وتلقين الموديلات مختلفة ومتنوعه ووايد وبعد عندهم دراريع انسام الخلف واسعارهم من 10 الى 20 دينار ك تقريبا

الثاني : اسمة مجمع العربيد بلازا بالفرونية بعد
وكلة محلات الجاهز
بدل وندروير (انور) ....

[وهج]

يا بنات وهج الغرام قالت ابي محلات اسعارها رخيصه وانتو شغالين عليها هههههههههههه
================================================== =========


لا حياتي الخيام اللي تقولين عنها والمعارض اللي غالبا مايسونها بصالات الافراح هذي تصير وقت الاعياد وبرمضان يعني مو طول السنه وهذي اسعارها رخيصه ماهي غاليه بس يبيلج تنبشين عشان تحصلين عندهم يعني اول تشوفين للوهله الاولى راح تقولين مو ذاك

================================================== =====
في حريم وايد عندهم مشاغل وشغالين طول السنه واسعارهم مناسبه اذا تبين ارسلج ارقامهم بالخاص

================================================== ====

في مجمع العربيد2
الاول: اسمة مجمع العربيد وكلة خياطين يفصلون دراريع و بدل وتلقين الموديلات مختلفة ومتنوعه ووايد وبعد عندهم دراريع انسام الخلف واسعارهم من 10 الى 20 دينار ك تقريبا

( منقول من الاخت اللي فووق )

================================================== ==

اما سوالف البنجابيات اللي لي الركب والبلايز الغربيه تحصلينهم بمجمع كويت ماجيك واسعارهم من 5 لي 10 ودايم اشوف الهام الفضاله تشتري منهم ههههههههههه

=================================================

واي شي يالغاليه احنا حاضرين

[وهج الغرام]

تسلمون ياسمين ووهج على المرور

وثانكس على المعلومات

[وهج الغرام]

حبيبتي وهج وين القى الموديل اللي يجي معه البنطلون المنفوخ اللي يسمونه السندباد في اي مجمع

بصراحه ماتتخيلين مدى وناستي لاني بجي الكويت بصراحه انا احب الكويت ومن زمان كانت امنيتي اني ازروها والحمد لله بتيسر لي ان الله اراد

[فراشه زرقه]

هلا حبيبتي عندج كريزما وبيت ديفا هذولا طول السنه وعندج بعد معرض قرطبه يم جعيه قرطبه هذا جنه مرتين يفجونه وبالاخص برمضان قبل القرقيعان وعندج بعد معرض القادسيه وعندج بعد معرض الروضه بس هذولا مايفتحون على طول مرتين جنه بس

[وهج الغرام]

حبيبتي فراشه زرقاء معرض كريزما وبيت ديفا وين مكانهم وباي شارع لان اخوي بيأجر سياره وبيودينا
وبعدين في المعارض اللي قلتي عنهم وش الموجود ووش يبيعون

وسؤال اخير تعرفين شقق حلوه ورخيصه وقريبه من السوق

[غلا زايد]

الله ودي اجي الكويييت والله اموووت فيها وامووت في اهلها

واموت في اسواقها والله خاطري اجيها ان شاء الله اذا الله كتب

وان شاءا لله البنات يساعدووونج

[xp girl]

اذا تبين بنجابي وبنطروونات وشغلات كشخه وبنفس الوقت رخيصه

عندج(( كويت ماجيك )) في منطقة ابوحليفه .. واسعارهم على 5 دنانير

وهم عندج النقره الشمالي ..

واذا تبين درااريع كشخه وغاليه عندج الاوقاف ..

[وهج الغرام]

تسلمين على المرور x girll

[جنّه]

بالنسبة للبنطلون المنتفخ .هذا من زمان نازل وتلاقينه رخيص حتى عند محلات بو خمس دنانير
بالفروانية وغيرها ....وفيه سوق يديد اسمه مغاتير بعد بالفروانية ..يمدحونه وفيه محل دراريع رخيص وحلو فيه ... لسه ما رحت له ,بأروح له ان شاء الله نهاية الاسبوع :)


العربيد حلو ورخيص .. طبعا كل شيء ع حسب الذوق , ما تندمين لو زرتيه ..

الفحيحيل أسواق شعبيه ,والجهراء بعد ,,, متروسين أسواق شعبيه رخيصة وتحصلين فيها أشيا كثيرة ,


بالنسبة للخيام ...للمناسبات تكون بس ,يعني قبل رمضان ,قبل العيد ... جذي


بس حاليا حسب ما سمعت ,إن فيه خيمة راح تكون بقرب منطقة الأندلس نهاية هالأسبوع ان شاء الله


ان شاء الله اكون أفدتج بـ شيء .. وتنورين الكويت بـ طلّتج يالغاليه
حياج الرحمن ..

[وهج الغرام]

جنه حبيبتي ممكن تاكدين لي عن الخيمه بالضبط متى ؟ووين ؟؟واذا مافيها ازعاج تقدرين ترسلين لي رقمك على الخاص على اساس اكلمك اذا جيت الكويت واتاكد منك بالضبط
اذا مافيها ازعاج .....
لاني بجي اربه ايام وماابي افوت ولا دقيقه

وكيف الجو عندكم برد ؟؟؟؟؟؟؟؟يعني اجيب ملابسي الشتويه ههههههههههه