مشاهدة النسخة كاملة : ليتكم اتساعدوني
ام سلـطـــــان
04/11/2006, 10:15 PM
مرحبا بنات عارفه انكم ما بتقصرون معاي وربي يوفقكم
ناويه اروح السعوديه للعمره بس بغيت اسالكم هل اروح في حمله او اروح من دون حمله عن طريق شركة سياحية يرتبون لنا كل شي واللى عندها معلومات ليتها اتساااعدني وبغيت اللى اتعرف شركات زينه ومضمونه انروح عن طريقها السعوديه خاصه اني اول مره اعتمر ليتكم اساعدوني وتاخذون اجري
ضياء الكون
04/11/2006, 10:41 PM
انا من رائي انك تروحين في سيارتكم الخاصه اذا كانت الرحله عن طريق البر وبالطائره اذا كانت جو وكل اللي عليك انك تحجزين لك الفنادق من قبل ما تسافرين
لانك لو رحتي في حمله او مع مكتب سياحي راح تتعبين وما راح تروحين لوحدك راح يكون معاك ناس كثير غيركم وخاصة لو كانت الرحله عن طريق البر يعني راح تكون في باص ويكون السرعه بطيئه جدا وكمان راح يوقف على طول وينتظر الناس حتى يركبون الخ
وهذا رائي وانتي بكيفك
وبالتوفيق
انا اقول تروحين عن طريق شركة سياحية اريح
RoOoOmy
05/11/2006, 09:55 AM
لو كنتوا تمشون نفسكم بدون حملة .. فالأفضل تروحون لوحدكم تتفقون مع مكتب سياحي من الامارات على حجز التذاكر والفنادق
تروحون كل شي جاهز وعلى فكرة ترى الحجز عن طريق المكاتب السياحية ارخص من لو حجزتوا بعد ما توصلون
ماانصحك تروحون بالسيارة لان الطريق طويل والمشوار متعب
خلو كل قوتكم لأداء العمرة
والحملات فيها التزام ...
بالتوفيق
ام سلـطـــــان
05/11/2006, 04:35 PM
مشكورين ع الردود وجزاكم الله خير
بدايـــة
05/11/2006, 04:40 PM
مع حملة للحج أفضل كل شيء منظم ومريح وربنا يوفقك
عذبةالروح
20/11/2006, 10:52 AM
الغالية لا تحاتين اذا تبين تسيرين عمرة هالوقت بالذات من السنة
لان الفنادق هادية وبعدها زحمة الحجاج ما بدت وموسم رمضان وخلص
ان لقيتي حملة حد مجربنها( عشر خطوط تحت حد مجربنها) توكلي وسجلي فيها
واذا عالسماع بس ما انصحج
هالصيف اول مرة اسير عمرة وي حملة والله لايراويج كيف تعذبنا بس مشكلتنا وثقنا بكلامهم
طالبين منهم فنادق خمس نجوم ومواصلات لمكة والمدينة والعمرة اسبوع بس
وصلنا هناك وتعذبببببنا اسامي الاهل كلهم مش موجوده
ورزونا بكل فنادق جريب الساعه عسب يتصلون بمكتب الحملة بالامارات
وبالاخير عاطينا اسامي فنادق وسكنا بغيرها ولو ما التعب جان عرفنا شغلنا وياهم
ولو تعرفين كم دافعين بهالعمرة بتيوديييين راسج..قيمة حج مب عمرة ابدددددددا
لانهم ماخذين الربح دبلات اسعار الفنادق الحقيقية والمواصلات..اوف ولا السيارات قايلين نبغي موديل 2006 يابولنا مال اول التسعينات...حسبي الله ونعم الوكيل فيهم
يعني لو سرنا وحجزنا على طول من الفندق ماكنا شفنا كل هالويل
الي بغيت اقولج اياه انشدي حد ساير وشايف بعينه الفنادق ومجرب حملة اوكي
ولا تمشين ورا كلام الاعلانات و خدمات خاصه ما شفنا منها شي