ممكن تشاركوني بأفكاركم الحلوه(بألبوم صور)

[اماسي]

مراحب ..

بعد اربعه شهور راح تتزوج صديقتي على خير فحبيت تشاركون معاي

بأفكاركم في ترتيب الالبوم اقصد بالعبارات الا تنكتب تحت الصور مثل الا

يكتبوها بعض الاستديوهات على الصور فاهمين قصدي ؟

اتمنى من كل قلبي انكم تتجاوبون معاي وما تطنشوني :)

انا معتمده على الله ثم عليكم وعشمي فيكم كبير ، ما طلبتكم الإ اني

واثقه فيكم ومتأكده انكم راح تفيدوني ..


تحياتي

[اماسي]

افا اول طلب ولا رد :(

ما توقعتكم تردوني وتزعلوني منكم من اول طلب عاد :confused:

[أنستازيا]

ممممم .. بصراحة ما عندي خبرة في هالسوالف ..

بس كله ولا زعلج .. بحاول أدورلج ..

مممممم شرايج في هالأبيات ..

****

أحبك والهوى وتر صدوح وأنسام معطرة و روح

و مجمرة دم العشاق فيها بخور كلما احترقت تفوح

أحبك هل علمت بأن روحي على عينيك هائمة تنوح

ولو أني أبوح بسر حبي لناح على فمي الوتر الذبيح

****

الهوى مل يقبل انصاف الحلول يا نصير او يا حبيبي مــا نصير

****

كل الحلا فيها و لا هي مغرورة فيها جمال ما بعد شفت زيه

عاشق يزيد بكل لحظة شعوره و معشوقه من نظرته مستحية

****

لو غبت عن عيني بك القلب مشغول يا واحد قلــــبي له الـــــحب قاده

لك منزل بالقلب ما هــو بمنقــــول لا و الذي زيــــنك على النـاس زاده

****

استطيع امنع لساني لا يقول و استطيع امنع عيوني لا ترى

و أستطيع أمنع يديني لا تنول و أمنع أذني عن سواليف الورى

لكن المشكل أنا وش لون أحول دون فكري لو خيالي به سرى

****

ما كنت أظن الزين يكمل بمخلوق

الا انت في عيني جمعت الحلاوة

****

هلا باللي ينسيني عذابي و الليالي السود

هلا باللي الى غاب أموت و تنشف اقلامي

هلا باللي أحبه موت و قلبي له محدود

هلا باللي عشانه وطيت الخوف بأقدامي

****

ما كنت أحسب ان اللقا حــار

لين التقينا و اشبكتنا الأيادي

****

يا أجمل ما رأت عيني على الدنيا و ما فيها

سحرتي الناس بعيونك و أنا منهم سحرتيني

أموت لخاطرك فدوة جميع الناس أعاديها

اذا جيتي و قلتي لي .. أحبك يا نظر عيني

****

ان شاء الله تعجبج هالباقة ..

السموحة :o

[اماسي]

تسلمين يا ذوق انتي :)

باقه رائعه ، اطمع في ان تشارك معي اخواتي بما عندهم ;)