النجدة ساعدوني ارجوكم خطيبي ؟؟؟؟؟

[sunlove]

(u)ساعدوني ارجوكم انا مخطوبة منذ سنة وخطيبي عندما يتصل بي لييطمئن علي مايتكلم غير كلمتين كيفك وش أخبارك وبس ولما اسأله وش سويت في يومك وين رحت يقول لي نفس الروتين اللي كل يوم حتى طفح بي الكيل بعدين قلت له انت ماتقوللي همومك معناه انت منت مرتاح لي فزعل من هذه الكلمه وقال انا متعود من يوم ماكنت وانا ماقول همومي لأحد لأني اداري بس اذا قدرتي تخليني اتكلم فهذا شيء ثاني بس صدقيني اني انا متعلق فيكي مو معناه ماقولك همومي يعني مني مرتاح لك ...... والحين ابى منكم الحلول الله يخليكم وانا وصلت معاي اني كل ماكلمه احس اني غريبة:confused: مع العلم ان عمري 18 وعمره 30

[nonay]

السلام عليكم .........

مرحبا اخت sun love.........

مشكلتك عزيزتي فعلا مشكله واتمنى انك تلقين لها حل..........

حبيبتي انت تقولين انك لما تسالينه عن يومه ما يقولك طيب ليش ما تحاولين انتي تتكلمين عن يومك حاولي انك تفتحين معه مواضيع او مواقف عشان تعرفين ردة فعله ومنها تعرفين شخصيتةوجهه نظره بعدين عزيزتي يمكن هو ما يقولك بسبب فارق السني بينكم.......
وسلامت قلبك.....
اتمنى لك حياة سعيده......:)

[غصن الرند]

طبائع البشر ....وطرق التعبير عند الناس تختلف .....في الانسان اللي في قلبه على لسانه ....وفي اللي مايحب يتكلم....ذا مو معناه ان الاول يحب اكثر لكن طرقهم بالتعبير تختلف .....انت الان ارتباطك مع خطيبك كلام ....والكلام مو هو طريقه التعبير عن الحب الوحيده....انا متأكده انه يحبك....مدامه متمسك فيك .....وان شاء الله بكره اذا تزوجتيه بتفهمين طبيعته .....وبيزيد حبك له.....

اتمنى ان اكون قد ساعدتك.....

تحياتي لك

غصن الرند

[sunlove]

تسلمون حبيباتي وجزاكم الله الف خير :o
اختي nonay انا تعبت من كثر مااتكلم ماني عارفة في ايش بالضبط اتكلم ماسيبت خالاتي وعماتي حكيتوا عنهن بس هو زي ماهو
والله محتارة ياريت توضحين لي في ايش اتكلم حتى احيان اتكلم معاه عن السيارات غصب عني ولكن هو سكوتي:confused:

[kisha]

السلام عليكم]
بالنسبة للاخت الي تعاني من مشكلة مع خطيبها هي تظن بأنه لا يحبها او انه غير مرتاح معها .. اختي العزيزة
اول شي بالنسبة لفارق السن بينكما .. انتي 18 سنة وهو 30 .. لازم اتعرفين ان الريال في هذا العمر يحب يحتفظ بأسراره لنفسه .. يفضل عدم التحدث فيها مع احد حتى لو كانت خطيبته ! ومادمتم في فترة الخطوبة فيجب بشطارتج انج اتعرفين شلون اتخلينه يميل ناحيتج .. اظن انج فاهمتني .. اتحاولين اتعرفين شنو يحب وضروري جدا انج اتعرفين اسلوبه وطريقة تفكيره حتى تقدرين انج توصلين لقبه وعقله وتتملكينهم .. وصدقيني يوم ما تستطيعين انج اتسوين هالشي .. بتلاقينه يدورج ويبيج معاه في كل وقت ,, حتى اتصالاته راح اتحسين فيها بطابع غير عن اللي تعودتي عليه .. سألي مجربة يا عزيزتي .. الريال مثل الياهل (الطفل) المفروض انج اتشوفين طلباته واتنفذينها له حتى بدون ما يقول ...
والله الموفق :o:o:o:o:o:o[/FONT]

[s0s0]

بتعرفي اخت kisha الكلمة اللي حكيتهيا انو الرجال مثل الياهل لازم تعرفي طلباته بدون ما يقول .. نفس الجملة اللي حكالي اياها خطيبي مبارح لما عاتبته ليه ما بحكيلي همومه ... صح كلامك ... الله يصبرنا بس ... كيف اعرف شو همومه ازا انا ببلد وهوي ببلد تاني

[um zaid]

اختي العزيزة .....
انا كنت متلك اول ما خطبت يعني خطيبي كان ما بحكي الا ليشي الضروري وانا كنت كتير بزعل من هيك لكن بعد مدة وعلشان انا كل يوم عم بشوفوا و انا من النوع يلي بحكي كتير فا صار عم بتغير شوي شوي علشان انا كمان كتير بفتح معه مواضيع و هلاء الحمدلله صار كتير اهون من اول بس اكيد مو متل ما بدنا نحنا النسوان بنحب الحكي لكتير ....
اتمنى منك انك دائما تسالي عليه يعن وينك؟؟ شو بتعمل و لا تستني انه هو دايما يسال عليكي

مع خالص حبي و تمنياتي لك بحياة سعيدة

[شيرين]

اممممممممممممم

اعطيك الرد بعد الخميس

للحين ما جربت ملكتي الخميس

بس اتمنى خطيبي يتكلم

لانه اذا ما اتكلم راح اقوله لا يدق احسن

[shojon]

بصراحة أنا أوافق kisha الراي .. لأنه أولا فرق العمر يأثر على علاقتج و ياه و أتمنى انج تستشيرين أمج أو أختج ممكن يفيدونج ...

و الخوات ماقصرن :D

[حنان القلوب]

عزيزتي أكل العنب حبه حبه يمكن خطيبك ما أخذ عليك يمكن يكون من النوع قليل الكلام يمكن في باله أن الرجال لازم يكون غامض عشان تكتمل شخصيته ويكون له كيانه رغم اني ما أحب هذا النوع من الرجال حطي احتمالات كثيره مو على طول أنت مو مرتاح لي احسني الظن في ولد الناس وكوني متفائله وبصراحه كله يعتمد على ذكائك وقدرتك على تغيره بس اصبري ولا تستعجلين وبالتوفيق .

[شاهلين وبس]

لا تستعجلين عليه... صدقيني ان الزوج على ما تعوديه والولد على ما تربيه;)