الى كل عروس.........قولي لنا شو سويتي

[الحرمان]

هاذه دعوة مني الى كل الخوات المتزوجات

الى الكتابة عن تجهيزاتها لعرسها من

برنامجها في العناية في بشرتها و شعرها قبل العرس

كيف رتبت امورها في شراء مستلزمات الزواج

العرس في اي قاعة, ترتيب الحفل من ديكور و ما شابه ذلك

الفستان وين سوته

شعرها و مكياجها

كيف قضت شهل العسل




مع بعض النصايح الي تحب ان توجها للاخوات المقبلات على الزواج:D

[شوكولاتة]

إحم إحم

والله عزيزتي ودي اشاركك الموضوع بس مابعد أعرست انا:o

[شوكولاتة]

ياليت البنات يتعاونون ويقولون لنا عشان نستفيد :D

[Om-Bashar]

الحرمان
y7lelch o y7leel swalfech :)

bnsba ly anh fa anh sweet melcha o safert 3gbhaa ma sweet 3rs ..bs saweet 7afla 7g elmlcha (o bny o bench el mlcha eta3ab o feha sh'3l akthr mn el7afla)

kant 7aflty feha 7ena m3 el jalwa ..o lbst feha nfnoof wa7d lonaa asfr kaan

o anh knt 7aba eshwya a'3er mn el 7rka eltqledyia ely ykon feha lbs elmlcha a'7thr aw wardy :)

o 7ejzet sala fe fendq safeer ely 3ndna o makant 3oda la'na entaw 3rfin ena elmlcha etkon m7fofa eshwyia :)

o nfnoofy kaan mn bra 6albta mn ITALy o kan mshkook o feeh sh'3l
o shbkty kant almas mn mjwhraat el arbash etha t3rfona

o ely sej ehtmeet feeh waied b3ad kl hl sh'3lat el dehn el3ood o elb'7oor :P (la'ny waied a7b elb'7or o eldehn el3ood) fa ybt mn ktha mokan ..ybt mn elqorashy o mn ajmal o elresasy o yablooy cham tola mn el emaraat :)

o 3gb el 7afla lmn '7lsat r7t el hotail ga3dna leltain ..b3dein safrt
r7t sharg asyiaa..ya jema3a ely tbeey troo7 honymoon tra shrg asyia 3ajebaa o '7stan elmaldeef (estansna waied walla) :P

o bs yslam raskom :)

(chny 6awalt bl 7achy :P)

o raby yzwaj kl banootaa yaraab :)

o tslmin 3la hl mowthoo3 7abobaa :)

rby y7fthch :)

[بنت البقيشي]

مشكورة أختي الحرمان على اثارة هذا الموضوع المهم خاصة للي مقبلات على الزواج
;)

[عروس 2003]

موضوع حلو الصراحة ....وانا بعدني ما عرست بس بقول لكم شو جهزت حق العرس لانه عرسي قريب

أول شي اشتريته العطور والدخون والعود والعود المعطر والمخلطات من العطور ومخمرييه وغيره ؟؟؟؟؟؟؟ وبعد كريمات ولوشن وعطورات من بودي شوب ..... وعلى فكره في محل في وافي فوق بس ما أعرف شو أسمه حرمة تبيع عطورات روعه حق العرايس يعني أنا انصح كل عروس تشتري من أهناك......وكل الشيخات يشترون من عندها .... يعني روعة روعه .


ثاني شي اشتريته في المهرجان المكياج لانه كانو مسوين عروض على الميك اب واشتريت من كل الماركات اللي أحبها ....وحصلت هدايا وايد

واشتريت بعد طقمين واحد ذهب واحد الماس ....وخواتم

وبالنسبه للملابس الداخلية اشتريت من مركز صحارى كانو مسويين عروض حلوه على الملابس الداخلية ..... اشتريت قمصان نوم على 80و70 درهم الحين يبيعونهم على 300 واكثر حتى الملابس الداخلية والله خذيت كل الألوان على 30 و 50 الحين ما يقل عن 180 سيرو وشوفو واسألو ....واشتريت روب كان سعره 65 الحين صار 265 درهم والله فرق فضيع لانه الخصم كان 50% واشتريت بعد من اماكن ثانية مثل لامسي وحمر عين وبرجمان بس غالي ...

واشتريت نعلة وشنط .... تقريباً 6 نعلة و 10 شنط كل شنطه مع البوك

واشتريت الشيل الملونه حق السفر وبناطلين وقمصان وتنانير ....


وباقي افصل المغربي والمخاويير والعبي والشيل ... واجهز فستان العرس وكل شي يخص العرس من كوشه وفرقه وصالون وحناء وتصوير والخ ....

اذا نسيت شي ذكروني ....

اختكم عروس 2003

[دائما عروس]

مرحبا
انا من ناحيتي كل اموري كانت ماشيه مضبوطه الا سالفة قمصان النوم
لاني كنت دبدوبه:o وكنت كل مااسير لمحل اطلع زعلانه:confused:
الين قالت لي اختي الي اصغر عني فكره وفديت عيونها فكره روووووووووووووووووووووووع ه قالت شو رايج تدورين في الكمبيوتر عن الموديل الي يعجبج من قمصان النوم واللانجري وفصليهم وبجذيه يكون اللون والشكل بمزاجك في البدايه ترددت لكن يوم اني نفذت اول قميص قلت لا هالسالفه لازم استمر عليها وانا الين اليوم وانا اسويها اختار الموديل واخيطهم عند وحده تخيط قمصان روعه وانحلت مشكلتي :D
تحياتي

[همسة]

فكرة الموضوع حلوة يالحرمان

لكن مع الأسف الشديد ، الذاكرة ماتساعدني إني أشارك معاكم

لأن لي 10 سنين من تجهيزي

لكن وش تتوقعون من وحده أول سنة لها بالجامعة ، وتجهز للعرس

في إنتظار برامج العرائس الجدد

;)

[ام عمار]

اختى الحرمان انا لى فتره قصيره متزوجه بس يوم استعديت لجهازى كان الموضوع والله الحمد ماشى تمام لكن فى اشياء انا بعد الزواج ندمت عليها وهى انى كثرت بالارواب مع انها ماتستخدم الا قليل وكمان سعرها عالى واطقم القمصان الى تكون طقم كامل وهذى ماحبيتها ومالبستها الى الحين لكن الشى الى لازم تكثرين فيه هو ملابس السفر لانها هى الى تستغلينها بالايام الاولى واتمنى انى اكون اعطيتك لو شى قليل وافدتك فيه;) ;) وانشاء الله تكونين احلى عروس:D :D

[حلوةالأهداب]

لك ألف شكر وهذا يخصنا:p

[Cafe latte]

ننتظر المزيد:)

[أم لطيفة]

مرحبا .......خواتي

موضوع الاخت الحرمان يطوووووووووووووووول شرحه

على كل حال بابدأبمستلزمات العرس :
جهزتها في فترة الملكة على فترات "ما اشتريت مرة و حده " و حا ولت
(l)انوع اخذت قمصان نوم طويلة و قصيرة و ملابس خفيفه و ناعمه للبيت .
(l)و شريت مكياج بس مب وايد .
(l)و شريت شيل و عبي بس بعد ما كثرت.
(l)ملابس متنوعه "حسب الذوق" بس لاتنسين الملابس الكاشخه شوي حق الزيارات و ملا بس السفر
(l)جواتي و شنط.
(l)ملابس داخليه"خذي بالك من ناحية الراحه و الألوان"
(l)عطور و مستحضرات الجسم
(l)لاتنسين الذهب و الاكسسوار


اكيييييييييييييييييد نسيت اشياء وايده

بالنسبه للشعر و المكياج و البشره "اذا ماكان عندك مشكله حقيقيه تستدعي مراجعة دكتورة الجلديه"

فحددي مع خبيرة التجميل مواعيد "قبل بشهر " لتنظيف البشرة و لحمام الزيت للشعر "المفروض انك كنت مهتمه في شعرك سابقا في البيت" و اكدي على الحجز للمكياج و الشعر للعرس

و بالنسبه لي انا اتفقت مع خبيرة المكياج ريتا في ابوظبي

اما الفستان اشتريته جاهز و هالماركه تنباع عند البوشيه لكن انا خذته من المحل في لبنان و الماركه هي PRONOVIAS الاسبانيه و ممكن تدخلون على الموقع
http://go.3roos.com/dWcKY7b34st .COM

اما القاعه اتصلت و شفت التواريخ اللي مش محجوزه و اخترت "و انصحك ان تحجزين من وقت اذا انت حابه تاريخ محدد"
وللأسف انا ما اهتميت بتجهيز القاعه..و ندمانه للحين


اما شهر العسل قضيناه في ماليزيا و سنغافوره و ثلاثة ايام في رحله بحريه ...........هو اللي اقترح الاماكن و انا وافقت و نفس الشي احجزو من وقت


اتمنى اني فدتك(l)(l)(l)

[عفراء الغيد]

ام لطيفه تقصدين ريتا الي في الرسدنت وشو كان المكياج حلو ولا ؟

[الوصيفه]

اختي ام لطيفة
حاولت ادش على الموقع مال الفساتين

بس ما استوى لينك؟؟؟

حابة اشوف الموقع

[الجـــود]

اختي الوصيفة السايت كانت ناقصته كلمة com. دوت كوم حطيها أنا حطيتها وفتح معي الموقع ؟؟؟؟

[أم لطيفة]

اختي الوصيفه :D........اتمنى انك ضفت comعلى الينك و دخلت الموقع و عجبوك الفساتين و على فكره في اختيار في الموقع عشان تعرفين شو اقرب مكان ممكن تشترين منه ...........
(6)و الأسعار متنوعه في المتوسط و الغالي(6)

و فستاني كان من مجموعة سنة 2001 لأن زواجي كان 30/12/2001 و كانت مجموعة 2002 ما وصلت بعد و كان سعر الفستان بدون طرحة 7000 درهم تقريبا.


اختي عفرا الغيد:D ......ايه هذي هيه ريتا.و المكياج كان وايد حلو (ناعم و مرتب و ما تحسين انك لابسه قناع و اختارت لي اللون الوردي........اما الشعر انا طلبت منها حرمه تسوي شعري لأن عندها رياييل (زوجها شربل) كان شعري مرتب لأني عملت بروفه بس ما تفننت وايد بالتسريحه انصحك اختاري وحده من صالون ثاني للشعر)

[عفراء الغيد]

مشكور يا ام لطيفه :) ماتقصرين

[الحرمان]

:D :D :D ...زمشكورين على التفاعل

[الوصيفه]

مشكورة على الموقع

الصراحة الفساتين وايد حلوة:)

[قمرين]

انا كمان حطيت com بس ماطلع

[bent_eboha]

عزيزتي الحرمان اشكرك على طرح هذا الموضوع ....

بنسبة لي أول شي سرت سجلت في الصالون كذا كورس "حق العناية بالبشرة، العناية بالشعر والعناية بالجسم" ... و سويت لي جدول قسمتها قسمين الأول الأساسيات والقسم الثاني الكماليات وبديت بالأساسيات مثل فستان العرس حجز الصالون حق العرس قمصان النوم الملابس وغيرها ... وبعدها بديت بالكماليات مثل العطور المكياج ...إلخ
بس لازم تكونين أقل شي جاهزة شهر أو حتى اسبوعين قبل العرس عشان اتريحين وتهدين أعصابك ..... أتمنى لكل عروس التوفيق في حياتها ...

[أم لطيفة]

اختي قمرين حاولي مره ثانيه و ما بتندمين


http://www.pronovias.com

[البراءه]

اما انا وجهازي
مر عليه اكثر من عشر سنين
واتمنى يوم اني اقرا مواضيعكم اعرس من جديد وبعقلي هذا هههههه
بس وين اودي العيال
بس اني اجهز لعرسي دايما خاصه في المناسبات :confused:

[القرموشه]

الصراحه الموضوع وايد حلو

انا بعدني ما عرست وبتكون خطوبتي الاسبوع الياي :oان شا لله والعرس مادري متى بيكون وان شالله احصل ردود اكثر من جيه علشان استفيد اكثر من المجربات ... بس بغيت اعرف شو اسم الحرمة اللي في وافي سنتر اللي عندها العطور ؟؟ لو تكرمتوا :)

[كلمة حب 1]

السلام عليكم
انا زواجي باقيله 3 شهور وباقولكم ايش سويت لحد الان بس عندي نصيحه سويلك ميزانيه لكل شي يعني اذا عجبك شي بعد كذا والميزانيه المخصصه لهذا للبس خلصت لاتشترينه لانك في الا خير بتتورطين وانا ماشيه على كذا

1- بديت اجهز الملابس حقت الخرجه من بدلات وغيره كل مااسمع عن محل عنده اشياء جديده اروح واشتري يعني بين فتره وفتره علشان المحلات كل اسبوع ينزلون اشياء جديده يعني اعطي نفس وقت

2- وقمصان النوم نفس الشي واستغليت فترة التخفيضات واشتريت اشياء كثيره انتو عارفين هذي الاشياء ما فيها موضه:o وشريت من عند ايتام ولاسنزا واسماء وغيرها من المحلات على فكره لاسنزا ينزل اشياء جديده كل شهر تقريبا يعني لاتروحين المحل وتقمين اللي عنده مره وحده ولا تنسين طقم الحمام من مناشف وغيره

3- ملابس البيت بعد من التخفيضات من تنانير قصيره وشورتات وبروتيلات

4- ملابس السبور وهي اكثر شي نحبها احنا ياالبنات وهي اللي نستفيد منها وهي الملابس الوحيده اللي ترتاحين فيها في السفر وعند اهل زوجك واهلك وصديقاتك لاتنسونها

قبل الفرح ب3 شهور:eek: بديت في....

1- التفكير في موديل فستان الزواج واذا لقيتي الموديل اشتري القماش
ولا تغلطين وتسوين العكس

2- الحين اشتري اقمشة فساتين السهره وانا الحين بديت اشتري الاقمشه لان الاشياء الجديده توها نازله والموديلات والعروض بعد وانا بخيط فستانين بس لان هذا اللي احتاجه فستان للصباحيه وفستان احتياط

3- الحين بعد ماشريت اللبس وخيطت الفساتين بديت اشتري الذهب والاكسسوارات والشنط والجزم وغيره

4- لانتسين تحجزين الكوشه والكوافير والمصوره وانا حجزتهم قبل اربع شهور الاحتياط واجب وعلشان ارتاح وما اشيل هم

5- اخر شي قبل الزواج بشهر اشتري المكياج والعطور


6- قبل الزواج بشهرين بسوي جلسات عنايه بالبشره والجسم

اتمنى اني ما نسيت شي:D

مع السلامة;) ;)

[الحرمان]

:D :D :D :D مشكووورين

[الملاك الحزين]

السلام عليكم ورحمة الله وبركاته

شكرا لطرح الموضوع

بنات اذا سمحتوا (بنات دبي)

ممكن تخبروني وين ممكن العروس تسوي جلسات عنايه حق البشره و الجسم

ومشكورات

[MissAnGeL]

انا معرسه من فتره قصيره ...
الحمدلله كل شي كان تمام من كل النواحي
بس في شي ندمت عليه انها ما سويت ميزانية حق الزهبه
يعني المفروض اقسم مثلا القمصان النوم بشتري بحدود 7000 تقريبا
يعني بصريح العباره لعبت واسلفت من الاهل اخر شي :)
بس الحمدالله ما كثرة من البدل وايد لانه وزني زاد اشويه :( الحينه قمت افصل واشتري اف ما اشبع مول من السوق

بخصوص الفستان والله فصلته عند اروشي وبحاوالى 38الف
وصالون عن هيفاء صفر ...
والقاعه انا بنفسي اشرفت على ترتيبها .. يعني الحمدالله الكل كان يمدح العرس


وبالتوفيق للجميع ان شاء الله

[شمعة_المنتدى]

لسا بنوتات (a)

[عهد(أم محمد)]

سلام عليكم يا جماعة

انا لحد الحين ما عرست بس قريب ان شاء الله

وبديت اجهز نفسي شوي شوي

وبصراااااااااااااحه هالفترة عندنا تنزيلات حلوة

واسعار كل الاشياء نازلة

حتى اني بديت اشتري عطور وبخور من عبد الصمد القرشي
لأنه مسوي تخفيضات 50% وفرررررصه اشتري منه اللي ابيه

وحتى الماركات من مانجو وميلانو وسبلاش و...الخ


الله يعينا

وسوري اذا ما استفدتوا مني وايد

[خطيرة حدي]

[ALIGN=RIGHT]آنه باقي على عرسي كم يوم بس :cry: وخايفه حدي ، لكن الحمد لله من ناحية التجهيزات مطمنه لأني خلصت كل شي ، بس للحين ما فكرنا وين نروح بشهر العسل لأن اوروبا وايد بارده بهالوقت من السنه , ودول شرق آسيا يقولون رجع فيها السارس :pain: ، ودبي والكويت فيهم مهرجانات يعني زحمه وعالم :angry: ، وتركيا فيها زلازل كل شوي :mad2: ، وين أروح ؟؟ خلصت خريطة العالم ، :think: باقي لبنان وشكلي بارسي عليها ماادري ، المهم نرجع إلى محور حديثنا :yes: من ناحية التجهيزات :
1- آنه شريت حول 40 قميص نوم بس فيه شي وايد عور قلبي ، إني بديت اجهز من 4 شهور والحين اشوف قمصان النوم اللي شريتها ب 400 صارت ب 100 بس في التنزيلات في دبنهامز وماركس :cry: ، بس يلا معليه باخلي ريلي يعوضني عنهم :D2 .
2- أول ما حجزت القاعه وحددت التاريخ ( تقريبا قبل 5 شهور من العرس ) اتصلت وحجزت للمكياج والشعر ، يمكن تقولون تو الناس بس ترى أحسن لج علشان تضمنين كل شي وما تتحسفين بعدين لأنج ما لقيتي حجز .
3- العطورات خذت لي بس 13 عطر مع يمكن 5 كريمات لأن كل اللي اعرفهم قالوا لي لا تكثرين من العطورات والكريمات لأنج لو حملتي بتكرهينهم كلهم
:think: ماادري ليش !! بس جايز .
4- خيطت لي بس فستانين لبعد العرس واحد للهديه والثاني قلت يمكن يجوني ناس وجذيه يبيلي اكشخ لهم :cool2: .
5- بخصوص المكياج ، خذت لي الأشياء الاساسيه والضرورية بس يعني ما كثرت وما خذت إلا الاشياء اللي آنه واثقه من اني باعرف شلون استعملها ، يعني مثلا صديقتي راحت وشرت لها مكياج مائي اللي يستعملونه الخبيرات :D2 , والله وكيلكم للحين في العلب مالته ما انفتح لأنه ما تعرف له .
ونصيحتي لكل وحده ، لا تشترين وايد أشياء مالها داعي ترى بالنهايه بتتذكرين أشياء نسيتيها لكن للأسف بتكون فلوسج خلصت :cry: .