تجهيز كامل لعروس الكويت

[الفـيّ]

;)مرحبا ياعرايس


شخباركم


اناحابه اساعدكم في مشكلة التجهيز لاني عانيت منها كثير لما كنت

اجهز لاختي بس الحمدللة بمساعدة البنات الطيبات امثالكم طلع من

احسن ما يكون

بس لازم تسجلين كل شي قبل ماتبدين يعن تسوين جدول لكل

شي تحتاجينه من فستان الزفاف حتى عود الكبريت


اولا:
فستان الزفاف . (يكون اول شيء تبدئين فيه لانه ياخذ وقت )


يكون على حسب طلبك يعني تينة جاهز ولا تبينه تفصال ولا تبينه تاجير

انا انصحك في طريقة جديدة يسويها بعض الخياطين يسمونها

( لبسه اولى ) يعني تفصلين الفستان على الموديل اللي تبينه

وبعدين ترجعين الفستان لهم ياجرونه لناس غيرك

وطبعا ارخص بكثير من التفصال العادي

واناحاضره اذا بغيتم اسماء الخياطين


;);) ( راجعين )

[الفـيّ]

رجعنا


هذي بعض اسماء الخياطين والمحلات البدلات الجاهزه

-اتيليه عواطف الحاي
(قبل كان شغلها روعة الحين يعني )

-الدزة
(شغلها جنان متخصصة للعرايس يعني لماتسوي البروفة ماتحتاجين تصليح ثاني وعليها قصة ماشاء الله )

- مزيونة الديرة ( ام علي )
( شغلها حلو وسعرها احلى بس لازم تاخذين بالك عدل لاتخليلها كل شي على ذوقها ساعات تخورها )

-البوشية
(فساتين جاهزه حلوه )

- الاسطورة
( فساتين جاهزه احلى واحلى )


ترى مو كلام وبس عن سابق تجربة

;) ;) (راجعين )

[نسمةالليل]

الفئ مشكوره اختى على هالمعلومات بس ياريت اتفيدينا باسعارهم لان هذا هم شى مهم

[نسمةالليل]

الفئ مشكوره اختى على هالمعلومات بس ياريت اتفيدينا باسعارهم لان هذا هم شى مهم

[الرهف]

مشكورة أختي الفيء على هذة الفكرة بس لو فية بالسعودية أخبريني:)

[قمرين]

مشكوره

[الفـيّ]

مرحبا يالغاليات وعيدكم مبارك


العفو ماسويت شيي هذي شوية معلومات كسبتها من كثر الهياته والفرارة في الاسواق وبعدين المنتدى موجود حتى نفيد ونستفيد من غيرنا في الامور اللي نجهلها وكلنا خوات نحب نساعد بعضنا بعض .

اختي نسمة بالنسبة للاسعار مختلفه مثلا :

البوشية، الاسطورة :البسيط والسادة يبدأ 800-1000 د ك
والمشغول وفيه حركات يبدأ1500-3000 د ك

وفي بعد دانتيلا ، والجرة الذهبية ارخص شوية


اما عوطف الحاي : تبدأ 1000-2500 د ك

الدزة (ام حسين ): تبدأ 1000-2000 د ك
عندها لبسة أولى تبدأ 800د ك

مزيونة الديرة (ام علي ) :تبدأ 800-2000 د ك
عندها لبسة أولى تبدأ 500 د ك




حبيبتي الرهف يمكن عندكم واذا ماعندهم اعرضي عليهم وهم الرابحين


ممنونه يالقمرين

وانا حاضرة لاي شي ثاني



تحياتي
;) ;)




راجعين

[سنا الفضة]

اشكرك اختي الفي ...

بس اذا مافيها كلافة ابي عناوينهم بالضبط

ولج خالص الشكر

[الفـيّ]

تامرين أمر يا سنا الفصة

بس والله ماعرف اللاعلى الوصف

عندك عواطف الحاي / بالجابرية وين الشارع بين حولي والجابرية فيه جسر بينهم تدخلين يمين تلفين بعد الاشارة يمين يعني تدخلين الجابرية وتشوفين بنك الدم كملي سيده مو اول لفه يمين ثاني لفه يمين بعد دحاح نايف تشوفين مطحنه وصيدلية على يمينك بالعمارة اللي فوقهم تشوفين اسم مشغلها اذا انا مو غلطانة اتيلية لمسة فن .


الدزة / وين دوار البدع اخر دوار يوديكي السالمية على يسارك فوق زهور البدع تشوفين لوحتها الدزه .


اما ام علي /وين عمارة مركز الفنون اللي في السالمية اللي صاحبها عبد الحسين عبد الرضا تدخلين من عندها وتشوفين على ايدك اليسار حلويات العروس تلفين من عنده على اليمين .. ولا اقولك اتصلي على البدالة واخذي رقمها وكلميها واسئلي عن العنوان لانة مدعووووس وما اروحلها الا وراسي يفتر من مكانها .

اما الاسطورة محلهم في مجمع زهرة وعلى فكرة انزلي تحت في مجمع زهرة تلقين محلات حلوة للبدلات الجاهزة .


البوشية في الصالحية تاخذين موعد منهم علشان يفضولك .

ودانتيلا والجرة الذهبية في الصالحية .

وانا في الخدمة لاي شي ثاني ;)

[براري]

حبيت اوضح اخت الفي اسم محل عواطف الحاي. اتيليه ابداع وتصميم بس وانا عن نفسي ماعجبني بس الناس اذواااق!!! يمكن يعجب غيري وفيه محل بدلات اعراس بيت الفن قبال ريز ون هذاا شغلهم يجنن بس يالبت تقولينا يالفي شنو الكلف اللي نازله الحين عند المصممين غير السيراميك والقش والقزاز والفقاعات بس سمعت ان الاحجار الملونه توهم هابين فيها الحين؟؟

[الفـيّ]

ما تقصرين يالبراري (f) (f) (f)


هذا اللي نبيه اننا نتعاون علشان الكل يستفيد واللي تحب تعطينا أرائها تتفضل

اما بالنسبة لعواطف الحاي معاكي حق قبل كانت تعطي من عمرها لكن الحين بس مرتزه على المكتب والشغل عند المصرية والفلبيني وبعد فيها شغله اذا عطيتيها الموديل اللي انتي مطلعته من افكارك وسالتيها عن السعر قالت ؟؟؟د ك لانني انامصممتة
لكن للامانه الاسبوع اللي فات مطلعة بدلة لبنت خالتي قممممة الروعه


وانشاله برووح لمحل بيت الفن واشوف شغلهم ;)

(i) السيراميك والقش والقزاز والفقاعات هذي معلومة حلوة للي يحبون البدلات اللى فيها شغل بس اشوف مافي احلى من البساطة لبدلة العروس مو يعني مافيها شغل لا يكون فيها انواع مختلفة من الاقمشة متداخلة هذي الفكرة سوتها لي الدزة وطلعة روعة



ماطول عليكم يابنات بس نبي شوية من بنات افكاركم لو تكرمتم علينا ونكون شاكرين (l)(l)

تحياتي

[أم لطيفة]

اختي الفي احنا في الامارات عندنا فرع لمحل البوشيه و فعلا فساتينها روعه .
و عندها في المحل ماركة pronovias الاسبانيه و انا كان فستاني من هالماركة (بس اشتريته من فرع pronovias في لبنان) بالاضافه لماركات ثانيه

على العموم pronoviasعلى الموقع
htttp//www.pronovias .com
وممكن تعرفون اذا كان عندكم فرع في بلدكم من الموقع .

[سحايب خير]

الفي مشكوره على الكلام الحلو ,,,,,,

بس مدامك خبيره بالخياطين :p

أبي أخيط فستان سهرة بس دلليني على خياااااط أو مصممة مضبوطة ,,

وخصوصا باقي على العرس شهرين ,,,,,,

أرجوك يافي لا تطنشيني :confused: :confused:

[الفـيّ]

تسلمين يا أم لطيفه على مشاركتك واضافتك الحلوة اللطيفة وعلى الموقع
وهذا مو غريب على بنات الامارات الطيبات
وماركةpronovias بصراحة حيل حيل راقية

:rolleyes:طلعت توجد عند البوشيةراح استفسر عنها

وشكرا يا أم لطيفة مره ثانية ولا تقاطعينا



ما عاش من يطنش سحايب
هلا حبيبتي سحايب شوفي اهم شي في الخياطين القصة الحلوة واللون المميز اللي يلفت النظر هذا اسلوبي بالخياط
وشوفي رشا شيك عندهم المصمم زياد حلوة افكارة ، سوالي بدلة روعة
وعندك برستيج
وفي بعد خياطة لبنانية جديدة اسمها بنت الاسد (لبنانية ،سورية) قصتها حلوة بس ماتعرف تركب الالوان لازم انتي تختارينها وتاكدين عليها .

وبشوفلك غيرها واقولك انشاء الله

[سحايب خير]

قدها وقدود الفي ;)


وما قصرتي ,,,,,:D


و أنتظر الباقي ,,,,,,,,,


طمــــــاعه:p


تحياتي

[الجـــود]

اختي الفّي الله يهديك عطيتينا كل عناوين اللي ذكرتيهم وحريتيني وما قلتيلي عنوان بيت الفن وين بصراحة أدوره أدواره ؟؟؟ :confused:

[براري]

اختى الجود بيت الفن تلاقينه بالسالميه بشارع البلاجات.. وين مطعم ريز ون اللي مقابل البحر؟؟؟ تلاقينه قباله على طول وفي نفس عمارته فيه صالون اسمه روما على ماعنقد مايضيع ترى... انا الحين مفصله عندهم والله يستر انشالله يكونون مثل ماسمعت عنهم لان فعلالا افكارهم حلوة وادعوووولي يارب بدلتي تطلللع احلى بدله بالعرس<<<((( انانيه!!!)))
والله احاتيها لانها بتطلع قبل العرس بثلاث اياام مايمدي يعني ابدل!!!
وهذا رقمهم((5726530))

[ام خلوده]

السلام عليكم:D :D :D
بنات يشرفني أني أكون معاكم في الموضوع الحلو:D :D
حبيت أضيف شئ ان مشغل بيت الفن شغلهم حلو واخر الشغلات النازله الشغل مع النحاس علي الفستان;)
وحبيت تعطوني مشغل الزي الاسلامي الانهم يمدحون وشغلهم حيل حلو

[الفـيّ]

مرحبا يابنات

انا سعيدة بمشاركاتكم ومساعداتكم لخواتكم

سحايب الخير يا وجة الخير :o :confused: والله اني مستحية منك و مالي وجه بس والله دورة رقم الخياطة عندي وعند خواتي ومالقينة بس اجيبه اجيبه وانا بنت ابوي انشاء الله

ابشري بالعوض...

طباعا تعرفين خياط رشا شيك (زياد +رشا)
مرة كنت عند زياد وكنت بفصل لعرس اختي وختلفت معاه على السعر وقالي روحي لفرعنا الثاني في الفروانية يفصلوا ارخص ونفس شغلنا
ويمكن احسن لانهم هم المكان اللي بدا فية زياد ورشا وبعدين انتقلوا للبدع
هذا هو كلام زياد ورشا نفسهم (بس غلبتهم ونزلولي السعر في الحضيض )
وانتي عاد ياسحايب مري على المحل وشوفي منتي خسرانه شي

وبعدين نصيحة ليش الخياط والعفسة والله الجاهز اللحين احلى وارتب واذا تبين عناوين المحلات الجاهزة انا حاضرة



وانا وبنات الكويت حاضرين للطيبين

(ادعوا معاي يابنات عسالله يجيب ذاك الصاروخ اللي يطشر راس صدام ويخلي كل قطع فية اصغر من راس الذبانة)( تكرم الذبانة عنة)
:mad: :mad:

[نوره وكمان نوره]

اهلين انتي من الكويت ياليت تفيدني يقولون ان المصورات في الكويت مره حلو تصويرهم وانهم يسوون مجله للعروس كمان واسعارهم حلوه ياليت تدليني على احدمنهم انا زواجي بعدثلاث شهور وتوهقه بالتصوير فيديو وفتوغراف وعادي اجيبهم للسعوديه ياليت اداتعرفين ترسلين لي على الخاص

[نور66]

مشكوره اختى بصراحه ريحتى قلبى انا كنت محتاسه بالمحلات الملابس بس بغيت اسالج هذى المحلات فيها تاجير فساتين عرايس واذا تعرفين بعد مصورات دزلى ارقامهم اكون شاكرتج

[نجود قطر]

اختي ممكن تبعثينللي عالخاص رقم اتيليه عواطف الحاي واذا ممكن موقعها على النت وهل لها كتالوجات