مشاهدة النسخة كاملة : تفاصيل تجربتي مع اطفال الانابيب..حياكم
مجنونة قطر
13/09/2006, 11:30 PM
هاي تفاصيل تجربتي مع اطفال الانابيب واحب اقول حق كل وحده تأخرت في الحمل لاتيأس من رحمة الله ... وتاخد بالاسباب ...لانها كلها موفره عندنا من رب العالمين ...
واحبب انوه ان انا عندي : ضعف في التبويض ..
1-عطوني الابره التحضيريه==== المفروض يعطونها في اليوم الـ 20 من الدوره واسمها ( Decapeptyl )... وانا
لان دورتي مب منتظمه عطوني اياها في وقت عشوائي وصرفوا لي معاها دوفاستون عشان تنزل الدوره ... ومن ثاني يوم رحت لهم ...عشان ابدأ التنشيط .... لكنهم ردوني لان للحين مانزل دم عدل .. وبطانة الرحم كانت سميكه ... المهم انا بديت من الرابع ..
2-بديت التنشيط بأبر ( puregon ) بجرع مختلفه مره 150 ومره 100 لمدة 13 يوم تحت الجلد .. يعني في يدج من فوق .. ... والحمدلله ماشاء الله كان عندي 20 بويضه احجامهم زينه ( عشرين وثمانية عشر ) وبعدها بيوم عطوني ابره تفجيريه في العضل ..
3- في الفتره مابين الابره التفجيريه والعمليه( من يوم الاثنين الى الاربعا) .. طلبت مني الممرضه
* مايكون في اي اتصال بيني وبين زوجي ..
* اكثر من شرب الماي ...
* اصوم من يوم الثلاثاء الساعه 10 عن الاكل ومن الساعه 11 عن الشرب ...
*اجيهم بدري يوم الاربعا اللي هو يوم العمليه عشان يسوون لي كل الفحوصات الاعتياديه ( الوزن-الضغط-ويعطوني التخدير ..واهم شي عشان زوجي يروح يعطيهم العينه )
***طبعا ادا كان الزوج من الاول عينته فيها ضعف او لزوجه او او او ... مايخلونه هو يعطيهم ...!! لا ... هم يسحبونها بواسطة ابره من الخصيه .. بس الحمدلله زوجي سليم .. وهو عطاهم العينه بنفسه ...
*دخلوني غرفة التجهيز .... وحطولي ابرة التخدير في يدي ... ( تحت اصابعي بشوي ) وتموا يسألوني عن تاريخي المرضي ... هل كان عندي امراض من قبل و و و و ...
*ودوني لغرفة العمليات .. ومن هناك ... انا تميت اسولف معاهم ..وشكلي صجيتهم لاهم يوم شافوني مصحصه حطولي اكسجين .. ومن اول ماحطوه ... انا اختفيت هههههههه ... صرت مب معاهم .. وهم شافوا شغلهم ....
*طبعا من بعد ما خلصوا بساعتين تقريبا قمت من البنج .. مع شوية الام في بطني .. وتقلصات خفيفه ... وجابوا لي اكل لان جيتهم صايمه .... وبس ....
*قالوا لي انهم سحبوا (ثمان ) بويضات ... مادري ليش ماسحبوا الباقي وفكوني من شي اسمه تكيس ...!!
بس اكيد عندهم حكمه في هالشي ...!!! وقالوا لي اتصل فيهم بكره(الخميس) عشنان اسأل عن البويضات تلقحوا ولا لا ....
*+++++++
* المهم اتصلت فيهم اليوم الثاني الصبح وسألتهم قالوا لي اتلقحوا 4 من الثمانيه ...والحمدلله ....
وطبعا الباقيين تخلصوا منهم اكيد كانوا ضعاف او غير مناسبين للحمل ...
* وقالت لي اجي يوم الجمعه الصبح ارجعهم ... يوم رحت لهم . قالوا لي اشربي ماي قد ما تقدرين عشان يساعدنا نشوف الرحم بوضوح في التلفزيون وفعلا شربت لما قلت بس..... مع اني من النوع اللي اكره الماي عالريق بس قلت كله فداء في سبيل الوطن خخخ
.. دخلوني نفس غرفة العمليات اللي سحبت منها وحطولي مثل السناد حق رجلي الثنتين وفتحوا المهبل بحديده اعتقد يسمونها(بوزالبطه)و طبعا بدون بنج بس مافي الم ابدا ... الا ضغط المثانه من كثر الماي ... تحسين انج تبين تروحين الحمام ..وو سألأت الدكتو قلت له حط لي الاجنه الاربعه ... قالي ماينفع يمكن حملين بـ 4 توائم قلتله مافي مشاكل يادكتور ..قالي ...لا احسن بس ثنتين ... نخاف يصير لج تعب من الاربعه .. وتميت اترجى فيه ...قالي يا ماما انتي 20 سنه ووزنج ما يساعدج ماتقدرين تشلين 4 في بطنك ؟.امسكي الاثنين احسن من انج تخسرين الاربعه
..سكتني بصراحه ..خخخخ ؟؟
. وبس جاب مثل الانبوبه البلاستيك ودخلها في المهبل ومنها دخل البويضات ... وخلاني اشوفها يارب عقبال مانشوف البيبي وجنسه ونسمع دقات قلبه
والله ماتتصورون فرحتي بسم الله ماشاء الله وانا اشوف البويضات يدخلون للرحم زز ماتتصورون شلون صغاااااار وايد صغار سبحان الله .... شفتوا لون الفقاقيع في الماي صغيره ...!!! هالشكل البويضات ... سبحان الله...وبس بعدين طلعوني ... وقالوا لي خلج على ظهرج ساعتين .... عاد انا مصختها تميت ساعتين ونص خخخخ .. عقب رحت البيت بس ماجهدت نفسي ابدا ومن يوم الترجيع لين اليوم ماطلعت من البيت وما اطلع من الغرفه الا نادر عشان الحمام بس ... طبعا هاي اول يومين .. وتدريجيا بديت اروح المطبخ بس بدون ما اسوي شي ...وصلاتي وانا جالسه والله يغفر لنا يارب ويستجيب دعائنا ..
**نقطه ماقلتها ..الدكتور صرف لي تحاميل مثبته اسمها سايكلوجيست 400 مرتين يوميا ... وهي دورها مثل الدوفاستون تثبت الاجنه ووو تزيد سماكة بطانة الرحم .. ونصحني اشرب سوائل كثيره ماء او عصاير..واتنب الامساك والصراخ والجماع ووو الكحه والحركات المفاجئه ...
** وطبعا التحليل بيكون بعد اسبوعين من الترجيع انشالله .. والله يستر لان هالنقطه هي اصعب نقطه الله يثبتنا يارب ... ويثبت الاجنه في رحم كل محرومه يارب....
**في اليوم التاسع ماقدرت ..حسيت بلوعه وترجيع من اول ما اقوم الصبح ..قلت يمكن نفسيتي تعبانه او شي @!! استبعدت الحمل اصلا ماكنت ابي اتوهم اني حامل عشان ما انصدم صدمه قويه ... المهم طاف هاليوم ووو جا اليو ماللي بعده ماقدرت انام من الم بطني ..الم شديييييد مثل المغص اخر بطني ....قلت لاااا ما يصير خلني اكشف وخصوصا ان موعد دورتي المفروووض يكون مصادف لليوم العاشر من العمليه ...مع العلم انها غير منتظمه ... بس بعد تخيلتها منتطمه
*رحت التحليل وانا خايفه لا اتفشل من زوزجي وخصوصا اني قلتله احس اني حامل ..!! وهو يقولي انطري لين يوم التحليل الاصلي اللي هو اليوم الـ 14 لكن نااصريت ... ندمت شوي وانا في السياره من الخوف لكن ..
* رحت المختبر حللت .. وقالت لي بعد ساعه..انا في هالساعه كان قلبي يدق بسرعه ..رحنا البيت .. واول ماوصلت اتصلت على طول المختبر وكلمني الهندي : هاميل من غير شعور ههههههه مايديري يمكن اني مسويه انابيب وانتظر النتيجه هههه ...
* والحمدلله رب العالمين ززز قلت حق زوجي وفرحنا وصليت ركعتين شكر وللحين اقول الحمدلله على نعمتك يالله يارب لاتحرم احد هالفرحه ...
اسفه عالطواله ..واي استفسار عن العمليه انا حاضره ....
آهات الليل
14/09/2006, 12:03 AM
الله يتمم لج بخير وتشوفينهم وتشوفين اعيال اعيالهم
بس عندي سؤال ؟ انا عندي ضعف استعملت الكلوميد المدة سنة وما صار حمل لان دائما البويضة صغير وان شاء الله بستعمل الابر المنشطة على الدورة الجاية انتي كم المدة التي استعملتي فيها الكلوميد ؟والمدة التي استعملتي فيها الابر المنشطة ؟ هل هذه اول محاولة الطفل الانابيب
ولكي جزيل اشكر
مجنونة قطر
14/09/2006, 12:21 AM
هلا الغاليه..
سنه مده طويله لاستخدام الكلوميد........
استخدمتها 6 شهور
وبعدين الابر يمكن 4 شهور
وهاي اول مره اسوي فيها اطفال انابيب
آهات الليل
14/09/2006, 12:35 AM
عذرا اختي على الازعاج
خلال 6 شهور هل كانت البويضات دائما صغيرةرغم استخدام الكلوميد؟
بالنسبة للابر كيف استجابت البويضات لها ؟وهل كل مرة تستخدمين الحبوب لتنزيل الدورة ؟
dying4qatar
14/09/2006, 12:51 AM
الله يعطيج العافيه .. ويثبت بج وينقلج تمامهم يارب .. الحمدلله مشاء الله .. ان اراد له كن فيكون .. الحمدلله فرح الله قليبج :( والله اني صحت .. الحمدلله رب العالمين ناس تتعب وناس مثلي تتذمر .. كل مايقولون لي ولدج كبير يلاا حملي مابي مابي .. وانتي الله ياجر ك كل هذا سوه لك .. الله يعطيك العافيه يارب ويفرح نضرتكم .. تحياتي لج .
ملاذ الطير 79
14/09/2006, 09:52 AM
الله يثبت لج حملج اختي ويرزقج بالذرية الصالحه المعافاة ان شاءالله يا رب :)
انا عن نفسي صارلي متزوجة تقريبا 3 سنين و9 شهور يعني 4 سنين ان شاءالله ،،اعاني من التكيس+عدم انتظام الدورة+صغر البويضات طبعا هذا كله من التكيس ،، انا تعالجت من ثاني شهر من زواجي والله :( لانه دورتي كانت ابد مو منتظمة وويتني حوالي 12 يوم اول ما تزوجت عشان جيه راجعت وبديت المشوار خصوصا انا كنت اتعالج من قبل الزواج لانه اكتشفت انه عندي تكيس بس من قبل الزواج اتعالج ولا راح ولا شي ،، وحتى بسنة 2004 سويت منظار وشلت التكيس وهم نفس الشي رجعلي ،، وبديت بالكلوميد بس ابد ما كان في استجابة البويضات ما كانت تكبر ،، ظليت كم شهر اجربه ولا في فايده ،، المهم بعدين قمت اخذ ابر gonal-f كنت اخذها من ثاني يوم بالدورة وطبعا حسب لليوم ال 14 كانو الحمدالله في تبويض بس البويضات الكبار قليللات مش كثيرات وظليت اتعالج سنيتين واخذ هالابر بس طبعا مع بريكات لانه لازم كنت اريح هرمونات جسمي ،، طبعا مو من كيفي الدكتورة تقولي ،، وظليت سنة وكم من شهر مريحه ما خذت ولا علاج لحد شهر مايو هالسنة قررت اتعالج وهالشهر قمت اخذ ابر وصفتلي اياها الدكتورة واسمها puregon لحد الحين خذت بس 5 ابر مرات جرعتها 100 ومرات 150 واليوم العصر عندي موعد عند الدكتورة اكيد بتشوف التبويض ،، وقالتلي اذا كانو وايد بويضات بتسويلي انابيب والله اعلم ،،، لانه انا حالتي ما تسمح اني اسوي تلقيح لانه انا كل ما اخذ منشطات تصير عندي استجابة يعني تكثر عندي البويضات قالتلي الدكتورة اتخيلي يتلقح مثلا 10 بويضات طبعا هذا الشي مب زين فأحسن لي الانابيب والله كريم متوكلة على رب العالمين وبشوف اليوم الدكتورة شو تقولي
بس تعرفين اختي مجنونة قطر انا الحمدالله دورتي صارلها من كم منتظة من حوالي 6 شهور لكن العلاج بديته باليوم التاسع للدورة مو مثل كل مره من ثاني يوم للدورة بس لانه الدكتورة قالتلي نوعية هالابر عادي تاخذينها عقب الدورة:)
والحمدالله على كل حال :)
واسمحولي بنات طولت عليكم وايد ،، بس انا من قريت موضوع اختي مجنونة قطر وايد تفائلت :) ومشكورة ،،،
مجنونة قطر
14/09/2006, 12:34 PM
عذرا اختي على الازعاج
خلال 6 شهور هل كانت البويضات دائما صغيرةرغم استخدام الكلوميد؟
بالنسبة للابر كيف استجابت البويضات لها ؟وهل كل مرة تستخدمين الحبوب لتنزيل الدورة ؟
لا افا عليج ...
اللبويضات كانت ماتتحرك مقاسها مابين 8 و 9 !! يعني جدا صغير
ومهما كان يزيد من حبات الكلوميد مافي فايده
انا بديت بحبه
بعدين حبتين
وبعدين ثلاث
والبويضات ماتتحرك @@
اما الابر الحمدلله كانت بالنسبه لي اقوى عالبويضات من الكلوميد ووو كانت البويضه توصل لين 18 و 19 ومع ابرة التفجير لكن سبحان الله ما صار حمل ..
وفعلا دورتي كانت مب منتظمه وما كنت احب انزلها بأعشاب وغيره
كان الدكتور من بعد كل تنشيط يعطيني دوفاستون 10 ايام وبعدها تنزل الدوره ... لان يكون مافي حمل :angry:
بس الحمدلله رب العالمين
عادي حبيبتي اسأليني اللي تبين
مجنونة قطر
14/09/2006, 12:37 PM
الله يعطيج العافيه .. ويثبت بج وينقلج تمامهم يارب .. الحمدلله مشاء الله .. ان اراد له كن فيكون .. الحمدلله فرح الله قليبج :( والله اني صحت .. الحمدلله رب العالمين ناس تتعب وناس مثلي تتذمر .. كل مايقولون لي ولدج كبير يلاا حملي مابي مابي .. وانتي الله ياجرك كل هذا سوه لك .. الله يعطيك العافيه يارب ويفرح نضرتكم .. تحياتي لج .
هلا ببنت بلادي
الله يفرح قلبج يارب ويرزقج بتوم بنت وصبي حق وليدج يارب .
انتي عندج مشكله ظاهره ولا مخليتها على الله ؟
مجنونة قطر
14/09/2006, 12:39 PM
الله يثبت لج حملج اختي ويرزقج بالذرية الصالحه المعافاة ان شاءالله يا رب :)
انا عن نفسي صارلي متزوجة تقريبا 3 سنين و9 شهور يعني 4 سنين ان شاءالله ،،اعاني من التكيس+عدم انتظام الدورة+صغر البويضات طبعا هذا كله من التكيس ،، انا تعالجت من ثاني شهر من زواجي والله :( لانه دورتي كانت ابد مو منتظمة وويتني حوالي 12 يوم اول ما تزوجت عشان جيه راجعت وبديت المشوار خصوصا انا كنت اتعالج من قبل الزواج لانه اكتشفت انه عندي تكيس بس من قبل الزواج اتعالج ولا راح ولا شي ،، وحتى بسنة 2004 سويت منظار وشلت التكيس وهم نفس الشي رجعلي ،، وبديت بالكلوميد بس ابد ما كان في استجابة البويضات ما كانت تكبر ،، ظليت كم شهر اجربه ولا في فايده ،، المهم بعدين قمت اخذ ابر gonal-f كنت اخذها من ثاني يوم بالدورة وطبعا حسب لليوم ال 14 كانو الحمدالله في تبويض بس البويضات الكبار قليللات مش كثيرات وظليت اتعالج سنيتين واخذ هالابر بس طبعا مع بريكات لانه لازم كنت اريح هرمونات جسمي ،، طبعا مو من كيفي الدكتورة تقولي ،، وظليت سنة وكم من شهر مريحه ما خذت ولا علاج لحد شهر مايو هالسنة قررت اتعالج وهالشهر قمت اخذ ابر وصفتلي اياها الدكتورة واسمها puregon لحد الحين خذت بس 5 ابر مرات جرعتها 100 ومرات 150 واليوم العصر عندي موعد عند الدكتورة اكيد بتشوف التبويض ،، وقالتلي اذا كانو وايد بويضات بتسويلي انابيب والله اعلم ،،، لانه انا حالتي ما تسمح اني اسوي تلقيح لانه انا كل ما اخذ منشطات تصير عندي استجابة يعني تكثر عندي البويضات قالتلي الدكتورة اتخيلي يتلقح مثلا 10 بويضات طبعا هذا الشي مب زين فأحسن لي الانابيب والله كريم متوكلة على رب العالمين وبشوف اليوم الدكتورة شو تقولي
بس تعرفين اختي مجنونة قطر انا الحمدالله دورتي صارلها من كم منتظة من حوالي 6 شهور لكن العلاج بديته باليوم التاسع للدورة مو مثل كل مره من ثاني يوم للدورة بس لانه الدكتورة قالتلي نوعية هالابر عادي تاخذينها عقب الدورة:)
والحمدالله على كل حال :)
واسمحولي بنات طولت عليكم وايد ،، بس انا من قريت موضوع اختي مجنونة قطر وايد تفائلت :) ومشكورة ،،،
يالله يارب الله يرزقج الولد الصالح اللي يقر عينج وعين زوجج
وانا برايي لا تتعبن نفسج مع الابر والروحه والجيه
الاسباب متوفره بس لازم نمشي بها ...
الله يرزقج يارب
ولين نويتي قوليلي انشالله بافيدج (f)
آهات الليل
14/09/2006, 04:19 PM
مشكورة اختي مجنونه قطر
شو اخبارج واخبار البيبي
هل كنتي تعانين من زيادة الوزن مع ضعف التبويض ؟:gum:
اختي ملاذ الخير انشاء الله خير وانا من راي اختي مجنونه قطر سوي طفل الانابييب اذا كانت اوضاعج مناسبة يكفي 4 سنوات من العلاج والانتظار
الله يزقج ويزق كل المحرومين بالذرية الصالحة
OM SAAODY
14/09/2006, 09:23 PM
مااشاء الله ............والله يثبته لج
والله يرزقناا الذريه الصالحه
dying4qatar
15/09/2006, 02:04 AM
مرحبا اختي ..لاوالله ماعندي مشكله اخذ مانع ( ياسمين من عمر ولدي الحين عمره سنتين و6 شهور والكبير 4 سنوات وقب 3 سنوات بدون حمل كنت اخذ مانع بعد:)
تحسين يبي لي طق صح؟
انشاء اللهه اجيب توام بنات :) احس وناسه بيغمى علي من الفرحه
مشكوره عالدعوه فديتج
أم كرومي
15/09/2006, 06:09 PM
مرحبا يالغالية
مجنونة قطر
اول شي اقولك الله يثبت حملك و تولدين و تجيبين احلى نونو
ثاني شي بصراحة انا عندي موعد الشهر الجاي و ما ادري محتارة شسوي
اقول للدكتورة تحولني اسوي اطفال انابيب و لا اتم اتعالج عندها :think:
انا صارلي سنة و 3 شهور متزوجة و عمري 18 سنة بس بصراحة محتارة
و خايفة انطر و مافي نتيجة من العلاج شنو تنصحيني اتوكل على الله و اسوي اطفال انابيب :sad:
مجنونة قطر
15/09/2006, 07:54 PM
آهات الليل
اممم زيادة وزني كانت من الابر بس
وانا مابس اسميها زياده وزن لانها كانت انتفاخ بس !!
لدرجة الحين وجهي رد مثل قبل واضعف ... اما قبل كااااان منفووووخ وايد حتى ان لوني فتح من كثر ما انتفخت هههههه
*
داينج
طق بعسو بعد ؟
بل شخبار يدتي هههههههه
ترى احيان كثر المانع يعطي شي عكسي ...
وحده من ربعي .. جابت ولدها وخدت مانع لين ماقالت بس ووو يوم بغت تجيب الثاني بعد خمس سنين عجزت ولللحين مسكينه الله يعطيها يارب وكل محرومه انشالله بتوائم انشالله ..
على فكره انا الحمدلله حال بتوأم :)
*
amkaled
الله يبارك فيج وعقبال مانففرح فيج يارب ..قولي آمين
*
انوار الحب
استخيري وادا تحسن انج ماتقدرين عاالادويه والعلاجات المتكرره توكلي على الله و ( انببي :) )
بصراحه دكتوري يقول مادري ليش الناس يتعبون نفسهم في العلاج وفي علاج مضمون بعد رب العالمين طبعا ...!
يابنات اللي عندها سؤال تسألني لا تستحي :)
حتى لو عالخاص
dying4qatar
15/09/2006, 09:03 PM
هههههههههههههه اللله يرحم يديده يارب ويوسع عليها ... الله يخليهم لج يارب وش تبين بنتين والا ولدين ؟ لاتقولين ولد وبنت انا ماحب هالشكل
انا عندي تمساااااااااااااااااااااا احين
:)
اي والله كثر المانع مب زين بس شاسوي ياختي تعب والله وحالتي لله وماعطيهم شغالاات انا كل شي انا .. الله يعينج يارب ..
مجنونة قطر
15/09/2006, 10:58 PM
الله يعينج يارب
صج اتمنى بنت ولد
يا اختي الحمل مب شي سهل وانتي قلتيها هههههههههههه عاد بعد انا ما يندرى عقب اقدر احمل طبيعي ولا اعيد نفس الموال الللي مشيت فيه الله اعلم
عشان جي ابي بنت وولد ... والله يعيطي كل محروم يارب
توته احلى بنوته
15/09/2006, 11:41 PM
الله يثبت حملك يارب وان شاء الله تفرحين بشوفتهم
وعقبالنا يارب انا وكل اخواتي المحرومات ومايجي رمضان الا واحنا حوامل..
فوانيس
15/09/2006, 11:52 PM
تقومين بالسلامة يا مجنونة قطر:)
عقبال ما تشوفينهم بحضنج يا الغالية
غنوة الاحساء
16/09/2006, 06:59 AM
تسلمين
غنوة الاحساء
16/09/2006, 07:01 AM
عقبال ما تشوفينهم بحضنج يا الغالية
مجنونة قطر
16/09/2006, 10:39 AM
ما قصرتوا حبيبات قلبي ..
الله يرزق الجميع انشالله كل خير
Bint_ala9ayel
16/09/2006, 03:44 PM
الله يثبت حملك يارب وان شاء الله تفرحين بشوفتهم
وعقبالنا يارب انا وكل اخواتي المحرومات ومايجي رمضان الا واحنا حوامل (ربنا لا تذرنا فردا وأنت خير الوارثين)
مجنونة قطر
16/09/2006, 07:33 PM
آآمين يارب يالغاليه
الله يرزقج انشالله بتوأم تفرحين فيييه ويا زوجج قولي آمين انتي وجميع المحرومات يارب :)
مرموم
18/09/2006, 10:41 AM
السلام عليكم ورحمة الله وبركاته
الله يتمم لك حملك على خير يا رب أختي مجنونة قطر...و يرزقك باللي تتمنيه إن شاء الله...
و هذا جزاء اللي يصبر و يحتسب عند الله تعالى :)
مجنونة قطر
18/09/2006, 04:41 PM
الحمدلله رب العالمين
الله يرزق كل محرومه يارب..
مرام_QaTaR
21/09/2006, 05:44 AM
الله يثبت لج حملج ان شاء الله والله اني فرحانه لج وااايد
وعقبال مانسمع بخبر ولادتج وتجيبين لنا احلا فرافير هههههههههههه
^^روز^^
21/09/2006, 06:25 AM
ياااااااااااااااااااااااا اااااااااارب تثبت حملج انشاءالله
ياااااااااااااااااارب ترزقنا الذريه الصالحة
ريحانة القدس
23/09/2006, 08:35 PM
ان شالله الله يتمم لك حملك على خير وسلامه وتجيبي احلى
توأم بالعالم بس ديري بالك على حالك وان شالله خير....
مجنونة قطر
24/09/2006, 08:19 PM
ما قصرتوا بنات
مبارك عليكم الشهر :)
والله يرزق كل محرومه يارب
ولايف
30/09/2006, 01:29 AM
الله يتمم فرحتك على خير وعقبال انشالله ما تقر عيونك بشوفته ــــــــــــــــــــ حبيت اسألك يالغاليه الابره الي قلتي عنها قبل الدوفاستون ضروريه وكم كلفتك العمليه ـــــــــــــــــــ
ولايف
30/09/2006, 01:39 AM
الله يتمم فرحتك على خير وعقبال انشالله ماتقر عيونك بشوفته ـــــــــــــــــــــــــ ـــــــ حبيت اسألك يالغاليه الابره الي اخذتيها قبل الدوفاستون ايش فايدتها وكم كلفتك العمليه ـــــــــــــ
RoOoOmy
01/10/2006, 09:55 AM
الحمدلله على النعمة والله يتمم لك بخير ونسمع خبر ولادتك بالسلامة ان شاء الله وتفرحين بشوفة ضناك في حضنك
ان شاء الله تجربتك تفيد البنات والله يرزق كل بنات عروس
مجنونة قطر
01/10/2006, 08:00 PM
الله يتمم فرحتك على خير وعقبال انشالله ما تقر عيونك بشوفته ــــــــــــــــــــ حبيت اسألك يالغاليه الابره الي قلتي عنها قبل الدوفاستون ضروريه وكم كلفتك العمليه ـــــــــــــــــــ
هلا الغاليه
تقصدين دواء Decapeptyl
فهو ابر منشطة وله عدة استخدامات لعلاج سرطان البرستات والثدي وعلاج مرض البطانة الهاجرة وايضا تنشيط المبايض ككورس قبل عمل عمليات طفل الانابيب vitro fertilisation (IVF).
خلني اكلمج بلهجتنا
هاي ابر تخلي البويضات كلهم صغااار عشان الدكتور يتحكم فيهم بالابر
وتنأخذ في اليوم الـ 20 من الدوره على انه يبتدي التنشيط في الدوره اللي بعدها ...
وهي لازم قبل عمليه الانابيب ..اذا انتي من السعوديه انا وم كنت باسو الانابيب اول مره شريتها بـ
800 ريال
اما المره الثانيه ... كانت العمليه و الادويه و الابر مجانيه بحكم اني قطريه ولله الحمد ...
العمليه تكلف للاجانب عشر الالاف ريال اما الخليجبن مادري اذا يكون مجاني ولا بفلوس :)
اي سؤال اسأليني ولا تترددين
رومي تسلمين ياقلبي وو هاي واجبنا ..
والله يسمع منج يارب
لب لفواد
01/10/2006, 08:14 PM
الله يتمملج على خير أنشاء الله .................
ولايف
01/10/2006, 09:02 PM
مشكــــــــــــــــــــــ ــــــــــــــــــــوره والله يعطيك العافيه،،،،،،،،،،،،،،:flower:
fofo2
01/10/2006, 10:37 PM
الله يثبت لك حملك يارب ويقر عينك
بس ما قلتي لنا أي شهر أنتي؟!
مجنونة قطر
01/10/2006, 10:52 PM
فوفو
هلا الغاليه
انا انشالله بداية الرابع :)
مشكورين بنات ما قصرتوا :)
عبير 2006
02/10/2006, 08:42 PM
ماشالله تبارك الله
مبروووووووووك مبروووووووووووووووووك
الله يتمم لك على خير يارب
وتقومين لنا بالسلامه
تصدقين اتفاعلت مع القصه مررررررررررررره والله تعبووك بس
الحمد لله النتيجه زينه
بالتوفيق حبيبتي
مجنونة قطر
02/10/2006, 11:48 PM
الحدلله على كل حال...
مشكوره اختي
والله يرزقكم كل خير يارب
ملاذ الطير 79
04/10/2006, 02:53 AM
هلا اختي مجنونة قطر :)
بغيت اخبرج انا ان شاءالله باجر عقب الفطور بسوي التلقيح والله كرييييييييييييم ادعوووووووولي :)
مع انا كان ودي بأطفال انابيب بس ما خبرت الدكتورة من البداية وقال خلاص عطيتج ابره التلقيح يالله الحمدالله على كل حال :) خذت ما بقارب ال 13 ابره peurgon اغلبها 150 واخر 4 ابر كانت 200 والحمدالله ادعييييييييييييييييييييلي :)
desert_girl
05/10/2006, 08:04 PM
السلام عليكم
تسلمين مجنونة قطر على موضوعج الرائع
والحمد لله ربي رزقك بعد هالتعب والمعاناة الله يثبتة يارب وتقر عينك بشوفته
بس ودي اسالك كم سؤال
1 انتي كم نسبة التكيس عندك يعني كم درجته ؟ انا دكتوري قالي درجتي 3 يعني فوق الوسط
2 ايش نوع التكيس اللي عندك يعني كيس كبير على المبايض أو اكياس صغيرة مثل حبات الؤلؤ ؟
3 الدورة مو منتظمه عندك طيب كل كم كانت تنزل ؟
4 لما استعملتي الجلوكوفاج انتظمت الدورة عندك وهل دورتك تنزل طبيعي ولا لازم حبوب ؟
5 لما استخدمتي الابر متى كبرت البويضات من اول او ثاني جرعة ؟
6 العملية لما سويتيها الدكتور انصحك فيها او انتي بغيتها لاني احسك استعجلتي لانك ماتاخرتي
بالحمل وايد ؟
7 والتكيس هو كان سبب تاخر الحمل فقط او كان فيه سبب ثاني ؟
××××××××××××××××××××××××× ××××××××××××××××××××××××
ادري ازعجتك بالأسئله وعورت راسك
بحرينية أصل
06/10/2006, 01:30 AM
فرحت لج واااااااااااااااااااااااا اااااااااااااااااايد من كل قلبي
يارب يارب يارب بحق هذا الشهر الفضيل ان يثبت حملج ونسمع خبر ولادتج يااااااااااارب
بس لا تقعدين وايد ع الكمبيوتر خلج مرتاحه على الاقل 3 الشهور الاولى
مجنونة قطر
07/10/2006, 04:01 AM
هلا اختي مجنونة قطر :)
بغيت اخبرج انا ان شاءالله باجر عقب الفطور بسوي التلقيح والله كرييييييييييييم ادعوووووووولي :)
مع انا كان ودي بأطفال انابيب بس ما خبرت الدكتورة من البداية وقال خلاص عطيتج ابره التلقيح يالله الحمدالله على كل حال :) خذت ما بقارب ال 13 ابره peurgon اغلبها 150 واخر 4 ابر كانت 200 والحمدالله ادعييييييييييييييييييييلي :)
الله يوفقج يارب ويرزقج كل خير
ياليت تحطين موضوع عن تفاصيل العمليه عشان تفيدين زميلاتج ...
والله يبارك لج ويرزقج يارب
مجنونة قطر
07/10/2006, 04:08 AM
desert_girl
1 انتي كم نسبة التكيس عندك يعني كم درجته ؟ انا دكتوري قالي درجتي 3 يعني فوق الوسطد
بصراحه ماعندي فكره وما سالت عن هالموضوع
!
2 ايش نوع التكيس اللي عندك يعني كيس كبير على المبايض أو اكياس صغيرة مثل حبات الؤلؤ ؟
اكياس صغيره داخل المبيض
3 الدورة مو منتظمه عندك طيب كل كم كانت تنزل ؟
ماتنزل الا اذا اخذت حبوب تنزلها ... واذا ما اخذتها تاخذ لها 5 او 6 شهور ماتنزل
4 لما استعملتي الجلوكوفاج انتظمت الدورة عندك وهل دورتك تنزل طبيعي ولا لازم حبوب ؟
اعتقد انتظمت بس اول شهرين بعدين ردت مثل ماكانت
5 لما استخدمتي الابر متى كبرت البويضات من اول او ثاني جرعة ؟
اذا قصدج في الكورس الواحد
طبعا اول شي كنت اخذ 7 ابر مره وحده واروح لله والقى ان البويضه حجمها تقريبا 10 يقوم يزيد لي 3 ايام وارجع تكون البويضه تقريبا 16 يزيد لي يومين وبعدين ابره تفجيريه توصل لين 20
وفي كورس كنت اخذ ابر لمدة 7 ايام ولا تغير حجم البويضه .. زاد الدكتور الجرعه 3 ايام ولا تغيرت زادها يوم يومين ولا تغيرت اضطجرينا نأجل الكورس لشهرين ...
6 العملية لما سويتيها الدكتور انصحك فيها او انتي بغيتها لاني احسك استعجلتي لانك ماتاخرتي
بالحمل وايد ؟
دكتوري اللي دوم اروح له ( هو مايسوي انابيب ) نصحني بها بشده . لدرجوةة انه حولني على دكتور ثاني >>>.. لكن اللي سوالي الانابيب كان يقولي اصبري شوي لكن انا رفضت ووو اصريت اني اسويها
7 والتكيس هو كان سبب تاخر الحمل فقط او كان فيه سبب ثاني ؟
لا بس تكيس ومنه كان ضعف تبويض ... والحمدلله كان هرمون الحليب معتدل
ادري ازعجتك بالأسئله وعورت راسك
لا فديتج عادي تامرين امر
مجنونة قطر
07/10/2006, 04:10 AM
فرحت لج واااااااااااااااااااااااا اااااااااااااااااايد من كل قلبي
يارب يارب يارب بحق هذا الشهر الفضيل ان يثبت حملج ونسمع خبر ولادتج يااااااااااارب
بس لا تقعدين وايد ع الكمبيوتر خلج مرتاحه على الاقل 3 الشهور الاولى
الحمدلله عديت الشهور الصعبه الله يتمم على خير انشالله ويرزق كل محرموه
تسلمين ياقلبي وو الله يبارك فيج ..
desert_girl
09/10/2006, 08:35 PM
هلا وغلا فيك مجنونة من جديد
أول شئ ألف شكر لك على اجاباتك على اسئلتي اللي شكثرها .. :)
بس بغيت اسالك الكلوميد ولابر المنشطه تساعد على ان المبايض تفرز بويضات اكثر
أو تساعد على تكبير حجم البويضات ؟؟
وشكرا لك
مجنونة قطر
09/10/2006, 11:58 PM
الثنين ياقلبي...
تكبر البويضات وتطلع اكثر من بويضه .... :)
عمري قطر
04/11/2006, 07:58 AM
السلاااااام عليكم
اختي مجنونة قطر الف مبروك الحمل والله يبته لج ان شاء الله ويرزقج الذريه الصالحه
انا متزوجه صار لي 6 شهور وما ودي احمل الا بعد ما اخلص الجامعه بس حابه اتطمن على صحتي واروح اكشف عند دكتوره بمن تنصحيني ؟؟؟ والفحوصات بتكون عباره عن ايش ؟ وطريقة الكشف ؟؟
والابره التفجيريه تعوور ؟؟ وشنهو الللي كان متعب وفيه الم اكثر شي بمراحل العلاج ؟
Cute Mother
05/11/2006, 12:55 PM
مشكورة حبيبتي مجنونة قطر
انشاالله تقر عينج بشوفة يهالج يا رب وتفرحين بهم
بس على فكرة انتي بعدج صغيرونة تحملي بروحج عاد حبيبتي
مجنونة قطر
06/11/2006, 06:01 PM
عمري قطر ..
الله بارك فيج يالغاليه ...
تقدرين تسوين تحاليل عاديه روتنيه . مثل الكشف عالمبايض وكلها اشياء عاديه .,,
عندج الدكتوره هدى المحمد ... رزفي في الاهلي ...ليلى البشير ... اممم والله ما يحضروني دكتورات وايد ... بس انشالله الله يعطيج على قد نيتج ...
كيوت ماذر
العمر يمشي يا وخيتي
ما قصرتي والله يرزق كل محرومه يارب
أنستازيا
06/11/2006, 07:44 PM
مشكوووووورة على موضوعج المفييييييد
والله يتمم لج على خيييييييير ياااااااااارب ..
بشري ما قالولج بالسونار شو جنس الأجنة ؟؟
الله ييسر عليييييييج ولادتهم وتربيتهم ..
مجنونة قطر
06/11/2006, 08:25 PM
امبلا
انشالله بنت و ولد ...
الله يتمم على خر يارب ويرزق كل محرومه
أنستازيا
07/11/2006, 07:44 PM
الله سبحانه عوض صبرج خير وحقق لج أمنيتج ..
الله يفرحج بشوفتهم بين ايدج بصحة وعافية يااااااااااااارب ..
خبرت اختي عن سالفتج لأنها مثلج بالضبط وصارلها ثلاث سنين ونص متزوجة ..
وجربت تلقيح صناعي في مصر .. وصار حمل بس طاح على طول ..
إن شاء الله يضبط وياها الأنابيب .. ادعيلها من قلبج خاصة اذا ذكرتيها وقت الولادة ..
والله ييسر عليييييييييييييييج ياااااااااااااااااااااااا ااارب ..
مجنونة قطر
07/11/2006, 08:37 PM
يالله يارب ان ترزقها توام يارب وكل محرومه انشالله
سلمي عليها ^_^
ريم81
10/11/2006, 11:47 AM
الله يا رب يثبت لج حملك و تقومي بالسلامه انتي و البيبيهات
رونق الحياة 2008
10/11/2006, 04:35 PM
الف الف مبروك لكي اختي مجنونة قطر لحملكي ويا رب تولدين بالسلامة
لقد تاءثرت جدا عندا قراءت ما عانيتية اثناء العلاج ان شاء اللة يفرح قلبكي بكل ما تريدين
على فكرة عزيزتي كم بقيتي ما عندك حمل وفي اي شهر انتي الان
تحياتي لكي
شيختهم1981
18/11/2006, 01:14 AM
هلا اختي مجنونه قطر الله يعطيج العافيه...ويرزقج الذريه الصالحه
ابس اسألج ..عند اي دكتور سويتي طفل الانابيب؟؟
وشكرا.......
## خوووخه##
18/11/2006, 05:15 PM
سؤاااااااااااااااااال
بعد كم من زواجك سويتي اطفال الانابيب
الله ييسر لك حملك وتقومين بالسلامه يارب وتفرحين بشوفتهم....
مجنونة قطر
19/11/2006, 12:35 AM
ملاك الرحمن
انا الحين توني داخله السادس
شيختهم
عند الدكتور محمد شحاته في مستشفى النساء والولاده
خوخه ..
امشي في السنه الثالثه .
الله يجعل كل محرومه يارب من حوامل هالشهر ...
ارجوكم يابنات تراني كاتبه كل التفاصيل في الموضوع اتمنى تراجعون اللي كتبته :)
ضياء الروح
05/12/2006, 06:13 AM
ماشالله تبارك الله
مبروووووووووك مبروووووووووووووووووك
الله يتمم لك على خير يارب
وتقومين لنا بالسلامه
انبسطت مره وانا اقرا تجربك انا ودي اعمل انابيب بس تكلفتها غاليه عندنا ومومضمونه من اول مره او الثاني
تخوف من جد
وزوجي يقول تونا بادين العلاج لاتستعجلي خلي الحمل يكون طبيعي
بس انا ودي في توم بنات بعد
ادعولي ياربات ان الله يرزقني بذريه الصالحه ويكونو توم
بالتوفيق حبيبتي
وان شاء الله تولدين بسلامه وتقر عينك بشوفت عيالك
انتبهي الى نفسك اغلب الحوامل بتوم يولدون بدي
الله يسهل عليك
مجنونة قطر
01/01/2007, 11:50 AM
اذا بدري عليج لا تسوين انابيب
الله يرزقج بتوم بنات يا رب بصحه وسلامه انشالله
ضياء الروح
02/01/2007, 05:41 AM
ها اختي بشري عن اخباك شنو عامله
اخبار التوم معك متعبينك ولا لا
بشرينا بكل جديدك
والله يسهل عليك يارب ويرزقك بالتوم المعافا يارب
..جزلا..
02/01/2007, 01:50 PM
مرحباا السلااااااااااااام عليييكم ....
مبروووك اختي والله يفرحج فيهم وتشلينهم بييين ادينج ....
اممم انا بعد مسووويه عمليه اناااابيب والحمدلله الله عطاني وحملت من ثااني مره ولله الحمد....والحين ف الشهر الرابع الحمدلله والله يتمم لناااااا ع خير ....
والسمووحه منج
لهيب الغلا
02/01/2007, 04:38 PM
ماشاء اللله ...الله يتمم لك على خير و ربي يرزق كل وحدة تتمنى تحمل.. اللهم آمين... ممكن سؤال .. وين عملتي أنابيب في مستشفى حمد ولا عياده خاصة؟
مجنونة قطر
03/01/2007, 08:13 AM
يا هلا فيكم بناتانا الحمدلله بخير
الله يرزق الجميع انشالله
لهيب
ايه حبيبتي سويتها في الولاده
ياليت تقرين الموضوع وبتعرفين كل التفاصيل
OM SAAODY
03/01/2007, 08:20 AM
حبيت اسلم عليج :)
والله يسهل لج ..
ادعيلي ااحمل قبل لا ادخل السنه الرابعه من زواااااجي ..
الحين انا صار لي ثلاث سنين , وتأخري انا وزوجي طبيعي ..
الله يرزق كل محررررررومه ..:)
مبروك اختي جزلا الله يتمم عليج يارب العالمين وعليج بالمعوذات وسوره الكرسي
بس عندي سؤال وين سويتيها
قلب الزهور
05/01/2007, 06:05 PM
مااشاء الله ............والله يثبته لج
والله يرزقناا الذريه الصالحه
ربي لا تذارني فردن وانت خير الوراثين
مجنونة قطر
06/01/2007, 07:48 PM
الله يرزقكم جميعا الذريه الصالحه :)
ميه
ارفعي راسج شوي وشوفي الاجابه فوق :) ..
الله يرزقج يارب كل ماتتمنين
بنات اتمنى تقرون الصفحات من اول كلها 5 صفحات ^_^
صدقوني انتوا المستفيدين ..
مجنونة قطر
09/02/2007, 10:57 AM
للرفع
لي متى
12/02/2007, 09:15 AM
ألف ألف مبروك ياعمري
إن شاء الله تولدين بالسلامة ويخليهم لج يارب
ياليت ياقلبي تراجعين الرسائل الخاصة رسلت لج استفسار
نحلة عسل
13/02/2007, 12:52 PM
سلام
اخت مجنونة قطر مبروك حبيبتي و عقبال ماتشوفينهم بين احضانج سالمين معافين يارب
انه اليوم الثامن من ترجيع الاجنه واحس بالالام في الظهر مثل الم الدوره الشهريه !!
هاي ليي المرة الثالثه لطفل الانابيب و يارب تنجح هالمره يارب
خطوات العمليه تقريبا مثل خطواتج بس انه رجعوو ليي 4 اجنه
عندي تكيس و سمنه و انسداد الانابيب !! فيني علل وايد :confused:
ربي لا تذرنا فردا و انت خير الوارثين
أم فضولي
19/02/2007, 09:58 AM
مبرررررررررروك مجنونة قطر
أرض مكناس
19/02/2007, 12:45 PM
الف مبرووووووووووووووووك للغالية مجنونة قطر
(نحلة عسل ) انت في كل مرة ياخذون منج بويضات والا سويتي عملية تجميد الأجنه وبعدين تعاد عملية الارجاع فقط
فراشة2007
23/02/2007, 02:02 PM
اولا الف مبروك والله يثبتلك الأجنة (f) :flower:
انشاء الله
وانا بنقل لكم تجربتي
انا سويت اطفال انابيب مرتين
بس للأسف ما نجحت
انا في المرة الأولى وايد تعبت الله يسامح الدكتورة:sad:
عطتني النشطات وايد حتي صار بطني منتفخ كأني حامل في الشهر الثالث
وبعدين صار عندي ماي في الكلى من كثر المنشطات
والبويضات ستة وعشرين وطلعت لي 15 عشان التخصيب بس شو كنت تعبانة ما اقدر اتحرك
مب عشان احاسب عالأجنة بس عشان مب قادرة اتحرك
وحليله ريلي وااااااااايد تعب وياي خذ إجازة من الدوام ويطبخلي ويأكلني وينظف البيت عشان ما قلت لأهلي
قلت لأهلي ولا مي عشا ما يسؤلوووووووووني كل ساعة شو سويتي وشو قالت الدكتورة للخ
آسفة عالإطالة بس حالتي كثير صعبة:pain:
المرة الثانية الحمد لله ماكان الم مثل اول بس الم خفيف بس يمكن مانجح عشان :confused:
انا طالبة في الكلية وما أقدر أغيب يمكن هذاالسبب
والله يرزق كل محروم
ربي لا تذرني فردا وانت خير الرازقين
fatuma
25/03/2007, 10:34 AM
مبروك حبيبتى الله يثبتلج يارب قولى امين ويارب عقبالى وانا هذه الشهر بسوى ادعولى تكتمل فرحتى قولو امين
fatuma
25/03/2007, 10:46 AM
حبيبتى ممكن اعرف وين سويتى العمليه فى اى مستشفى وكم كلفتش ؟؟
fatuma
25/03/2007, 10:47 AM
حبيبتى ممكن اعرف وين سويتى العمليه فى اى مستشفى وكم كلفتش ؟؟
dying4qatar
25/03/2007, 05:17 PM
المره ولدت يلاا باركوا لها :) الله يخليهم لها يارب
*درب المحبه*
25/03/2007, 07:18 PM
مجنونه حبيبتي بشري
شخبارج