مشاهدة النسخة كاملة : اللي بتساعدني ... بتغير حياتي ...والله العظيم
بيانسيهq8
21/08/2006, 12:34 AM
مرحبا بنات
عندي هوايه احبها وايد واااااااااااااااااااااااا ايد :smile:
انا هوايتي ارسم موديلات بس للاسف ما اعرف ارسمهم عدل خصوصاً المانيكان ما اضبطها كللش :no:
فعلشان جذي ما اقدر ابين تفاصيل الموديل عدل:sad:
يعني مثلا اذا كان ( كلوش , مخصر , لف ، كسرات ...... الخ )
ما اعرف ارسمه واوضحه عدل :no: :no:
هالشي حيييييييل حييييييييييييييل حييييييييييل مضيق خلقي :cry: :sad:
لاني واااايد احب هالشي :sad:
يا ريت يا بنات اللي تقدر تساعدني وتعلمني على الطريقه :shy: :shy:
لان مشالله لاحظت وايد بنات ينزلون تصاميمهم في المنتدى :smile:
وانا عندي وايد موديلات ودي انزلهم :shy:
بس متردده :sad:
ِِِِِAROOS
21/08/2006, 02:45 AM
شوفي تعاملي مع رسام
او شفي يالكربون الملكان ودائما ارسمي
عليه
زهرة سدير
21/08/2006, 03:54 AM
هلا حبوبة ،،،،
انا نفس الحالة تقريبا ،، بس عدلت عن الفكرة ،،
ولكن انصحك بالستمرار على الرسم مرة وعشر مرات حتى تزبط ،،،
تحيتي
بيانسيهq8
22/08/2006, 01:36 AM
مشكووووورين حبايبي
البسم
22/08/2006, 07:19 PM
:) نزلي الصور يمكن تكون حلوه اولا رزحي للمراكز لتعليم الرسم
بيانسيهq8
23/08/2006, 07:58 AM
انشالله بحاول انزل الصور
مراكز التعليم اممممممم
ما عندي وقت بصراحه
مشكوووره اختي على المرور
سمورره
23/08/2006, 08:06 AM
انا مو فاهمه ايش مشكلتك بالضبط ؟؟
بيانسيهq8
23/08/2006, 08:22 AM
ابي اتعلم شلون ارسم المانيكان
واضبط تفاصيل الموديل
وسلامتج
احلـــ قمر ــى
23/08/2006, 11:03 AM
عزيزتي في اماكن خــــــــــــــــــــــاص ه لتعليم رسم تصاميم
اخذيلك دوره شهـــــــــــــر ويمكن تصير مصممه عالميه...........
لاتزعلييييييييييييييييييي ييييين مره ومرتين وصيرين تمام.....
يلا خــــــــــــــــــــــــ ــــلاص ابتسمي....
وروحي جربي .....
سمورره
23/08/2006, 11:04 AM
طيب بعطيك نصيحه
انا رسامه ... واحب ارسم بالرصاص كثير ... باقولك اللي اعرفه من خبرتي في الرسم سنوات
اول شي لازم يكون عندك علبه اقلام الرصاص بتدرجاتها .... مو اقلام رصاص عادي .. اقصد علبه يبيعونها في محلات الرسم والمحلات الكبيره تكون فيها تدرجات الرصاص من الدقيق الى اللون اللي يشبه الفحم .. وكلها رصاص
... وتشتري مساحه خاصه للنوعيه هاذي من الاقلام
وتشتري مره وحده كراسه بخامه كويسه ... افضل من الرسم على الورق العادي ..
والاهم انك تشتري قلم مكون من خامه مثل الكلينكس ... بصراحه مره روعه وكثير ساعدني في الرسم ... راح يساعدك في التدرجات لما ترسمي الكسرات وغيرها ...
بعد ما تاخدي كل هذا ...تبدأي تجاربك في الرسم ... ونصائحي هي
تبدأي الرسم بقلم f الحدود العامه للرسم ...ثم تبدأي اللعب بالظل والضوء وخدي القاعده الذهبيه هاذي في اذنك
كل شي له ضوء .... جنبه ظل
يعني وانتي ترسمي اي شي بارز وعطيته ضوء.. لازم لازم ترسمي جنبه ظل ويكون متدرج ... والافضل انك ترسمي مثلا خط من الاقلام الغامقه وتستخدمي القلم اللي قلت لك عليه اللي مثل الكلينكس وتعملي التدرج ...
ونصيحه ثانيه اخدتها من دكتورتي لما كنت اتعلم الرسم .. قالت لي اياها وخليتها حلق في اذني لأنها جدا مفيده ..
قالت
مثل ما القلم يرسم ... المساحه بعد ترسم
بمعنى انك اذا شبه انتهيتي من الرسمه ... ممكن تضيفي اضاءه قويه على مكان انتي تبغى تبرزيه عن طريق المسح بمساحه الافضل تكون حاده ونظيفه ....
اذا فهمتي الكلام اللي كتبته لك اياه صح .. انا متأكده انك راح تتخطي مشكلتك .. اما اذا ما كنتي فاهمه شي .. انصحك بقوه تاخدي لك دوره رسم على يد انسانه متمكنه ...
بشرط ان تكون المدربه فقط توجهك ولا تقودك في رسمك ....
واي سؤال انا في الخدمه .. بس نبهيني على الخاص علشان انتبه وارد على اسألتك ...
وردي لي خبر حبيبتي علشان نعرف نحل مشكلتك .. وتذكري ان كل مشكله لها حل باذن الله
وارجو ان محد ينقل الكلام اللي كتبته عن مجهود شخصي الى منتدى اخر بدون ذكر المصدر ...
عاشقة شانيل
23/08/2006, 05:03 PM
حبيبتي أسهل طريقه انك تقسمين جسم المانيكان بمعنى تحاولين ترسمين كل جزء منها بشكل منفصل وصدقيني مع الوقت بتضبطينها وترى أسهل شي جسم المانيكان وحاولي ترسمين المانيكان اول وعقب ترسمين فوقها الموديل وبكذا بتعرفين تبينين تصميم الفستاان والله يوفقك حبيبتي
بيانسيهq8
24/08/2006, 06:39 AM
سموووره حبيبتي مشكووووووووووووووره وايد وايد افدتيني بصراحه
انشالله بمشي على نصايحج واقولج شيصير معاي
خصوصاً اني احب الرسم من كنت صغيره
وجيكي عالخاص حبيبتي
احلى قمر وعاشقة شانيل : مشكووورين حبايبي على مشاركتكم وافادتكم
سمورره
24/08/2006, 08:51 PM
اهلا حبيبتي ...
انا نسيت اقولك اني كنت اقصد في ردي عليك الرسم بالرصاص .... اقصد الاشياء اللي قلت لك تشتريها تنفعك في الرسم بالرصاص ... اما النصايح فهي تنفع للرسم بالرصاص او الالوان ..
وراح اكمل لك الي حابه افيدك فيه عن الرسم بالرصاص .. بالنسبه للمجموعه اللي انا شخصيا كنت استخدمها هي
http://sam2014.jeeran.com/1.JPG
اما القلم اللي كانه ملمسه مثل الكلينكس,,, يساعدك كثير في التدرج وتلاقيه في محلات الرسم وهذا شكله
http://sam2014.jeeran.com/2.JPG
والكراسه اللي كنت مرتاحه عليها
http://sam2014.jeeran.com/3.JPG
اما المساحه ممكن تستخدمي اي مساحه .... هو صحيح في مساحه يسموها مساحه فحم كانت تنفع لكن انا كنت افضل استخدم مساحه عاديه نظيفه وحاده ...:shy:
ونصيحه ليش ما تبدأي تعملي تصاميمك بالرصاص ودرجاته .. ولما تتعود يدك على الضوء والظل راح تصيرين تحفه في الالوان .. انا كذا وكل دوره للرسم تدخلينها تبدأ معك من الرصاص بس خلي في بالك ان حتى الرسم بالرصاص مهاره
بمعنى ان الاسود يكون غامق.. لكن اذا كنتي بتعبري عن لون فاتح في بالك وجيتي ترسمي بالرصاص لازم تكون الوانك فاتحه تعكس اللون اللي في بالك ... ومره بعد مره من التعلم على الضوء والظل راح تكونين بارعه باذن الله
واي سؤال انا في الخدمه حبيبتي .. وممكن اتابع معك تصاميمك واشوف وين اخطائك علشان تتعلمين وتكتسبين المهاره .. محد يولد يعرف كل شي .. بس نقدر نتعلم ..:salam:
واسفه على الاطاله والقصور حبيبتي .. وشكرا ... واتمنى لك االتوفيق .. ولا تنسيني من دعائك
اختك .. سمر(f) (f)
بيانسيهq8
28/01/2007, 12:08 AM
مشكوووووووووووووووووووووو وووره سمووووووووووووره
وايد افدتيني
وسووووري حبيبتي تووني شفت ردج ):
والله يعطيج العافيه