الى كل ام توها والدة ارجوكم ساعدوني

[smsm78]

السلام
عليكم:

ماشاء الله على بنات عروس ، وايد منهم توهم والدين وعندهم اطفال رضع، ابي اسأل كل ام , هل طفلج يصيح وايد مثل طفلي؟؟؟ وشو تسوين علشان تسكتينه؟؟ لأني بنجن من ولدي 24 ساعة صياح وتعبانة منه؟ خبروني شو ممكن اسقيه من الاعشاب يخفف آلام بطنه والغازات اللي فيه!!!! دخيلكم ردو علي انا اسهر معاه للساعة 5 الصبح وما ارقد وصايرة تعبانة مرة



http://www.br2h.com/up/uploads/248df53b13.bmp

[عيون مريم]

هلا الغالية الجميلة .. مبروك على البيبي ....يتربى في عزكم ان شاء الله ...
اختى انا تقريبا والدة معاج...
وبنتى اتعانى نفس المعاناة....
كم مرة راجعت بها المستشفى... وايقولون لى غازات...الدكتورة وصفت لى شائ ميلوبا مرتين في اليوم.. والحمدلله اتراحة شوي علية...
ابصراحة الله ايطول عمر الوالده.. كانت اتسوي لها نعناع .. اتغسل اوراق نعناع وتغليها وبعدين اتصفيها واعطيها ايها والحمدلله .. احسها احسن عن قبل...

وعمتى كانت كل ما اتشوفها اتصيح .. تاخذها وتدفي زيت زيتون وتدهن بطنها وتحت ركبها وقاع القدم... وكانت تناااااااااااااام وترتاح مباشرة والحمدلله...

وبعد نصحونى بماى غريب اعطيها ...
شوفى شو يناسب طفلج ... وطمنينا علية ...

وما يشوف شر ان شاء الله

[أوراق الخريف]

http://www.TiT2.com/up/uploads/3fc80176b6.gif

السلام عليكم ورحمة الله وبركاته

الغاليه هالشي طبيعي وخاصة الاشهر الاولى ومع مرور الايام يخف..
نصيحتي لج حبيبتي انج بعد ما تشربين الياهل الحليب حطي على جتفج وطبطبي على بخفه حتى يدسع (يجعد) ويوميا العصر عطي من الشاي الي يبيعونه حق اليهال في منه بالبابونج وفي منه بالنعناع خذي شي يناسب سنه.. وكلما حسيتي ان فيه غازات عطيه ملعقه صغيره مالت الشاي ماء غريب بس لا تكثرين منه مب زين..
ويوميا قبل الاستحمام سويله مساج وركزي على البطن شوي شوي بحركه دائريه علشان يريح ويطرد الغازات وسوي بزيت الزيتون او اي زيت مناسب من الي اتشوفينه..
وباذن الله تنتهي المشكله..
على فكره اليهال ما يصيحون الا وهو يواعه والا غازات والا مخرسين البامبرز مالهم فيحب في الاشهر الاولى ما تلبسينه بامبرز لبسيه طفاره شي اييج مثل البلاستيك اتغيرين الخلقه الداخليه بس.. مرح لليهال يمكن الطفل مضايق من البامبرز..:angry:
وحطي في حضنج لان الياهل تعود في جسم الام يسمع دقات قلبها قربيه من دقات قلبج :)

http://www.TiT2.com/up/uploads/35727ce51b.gif

[smsm78]

http://www.br2h.com/up/uploads/248df53b13.bmp

الف شكر يا عيون الافعى، والأخت ام سعيدة...
ردودكم فرحتني.. والله ما تعرفون كيف انا تعبانة من ولدي، وتصدقون كل ما ارضعه على طول يرجع كل الحليب، اقول في خاطري هذا مستحيل يكبر بسرعة كل الحليب رجعه، شسوي له، عندي له الشاي الخاص بالاطفال اعطي اياه مرة باليوم ، الحمد لله على كل حال



http://www.br2h.com/up/uploads/248df53b13.bmp

[SweeM]

يا عيوني ما قدامك إلاتسمعين نصايح البنات وتسوين اللي قالوا عليه

وجربي له اعشاب يانسون وكراويه فوريها وعطيه امكن يخف المغص هذه غازات نتيجه ان المعده بتكبر حجمها راح تخف ان شاء الله بعد الشهر 3
ما عليك إلا الصبر والله يعينك

حبيبتي طفلي عمره 11 شهر توه بدأ يخف الترجيع

كنت امشي بفوط احطها على ظهري واخير باليوم اكثر من 3 مرات وابوه معاي

ولا راح لجدته او عماته عدمهم ويروحون يتروشون

هذا طبيعي اصبري كذا كانوا يقولوا لي

بالنسبه للبكاء برضه عادي كنت اسهر ما انام لكن الحين الحمد لله احسن من اول بكثر بس خله يعدي الشهر 4 او الثالث اما انا عانيت لين 6 او السابع

والله لين الحين يقوم يبكي بس علشان يبيني انام جبنه

[smsm78]

مشكورة يا أختي نتاليا: والله شسوي عني معاناه مع هالولد، وبطنه مثل ما قلت لج يعوره من الغازات وانا فعلا اعطيه ينسون وكراويا مرت اخوي نصحتني فيه وقالت انه يخفف الالم/ وبالنسبة للترجيع وايد رجع بس شسوي ثيابي كلها حليب

http://www.br2h.com/up/uploads/248df53b13.bmp

[الورده المكنونه]

عزيزتي بالنسبه للغازات أنا اعطي بنتي خلطه شاي أعشاب تحصلينها عند العطارين خاصه للأطفال كانت وايد ترتاح عليها وتنام وعلى فكره الطفل ما يبكي إلا اذا كان يوعان يبي حليب أو عطشان يبي ماء لا تنسين الماء ضروري للطفل

[smsm78]

مشكورين على كل الردود:
بس تعرفون انا بالمرة ما اعطي ولدي ماي!!! هل عادي والا!