عندج استفسار عن الطلة الحلوة و كيف تختارين القطع المناسبة طلة عروووووووووس تحت امرج [الأرشيف]

لا هم إلا هم الآخرة

06/08/2006, 09:31 PM

حبيبتي مشكورة على الموضوع الحلو

أنا وزني 55 وطولي 157سم

بس اردافي مليانة شوي

وصدري صغير

ورقبتي طويلة

وويهي ضعي ... يعني ما شي خدود

وشعري ملولو .... مموج

قشو القصات اللي تناسبني؟؟؟

ولوني حنطي فاتح

شو الألوان اللي تناسبني ؟؟؟؟

والبدل ((التنانير )) أحس الكلوش الخفيف يناسبني

يعني \ / على خفيف ... ولا شو رأيك

طيب الشيلات اللي بلبسها كيف أسويها عشان تتخفف من طول هالويه ؟؟؟؟

مممممممممممممممممم

بس أحس استويت ثقيلة

المحبة / أنا

جروح@

06/08/2006, 11:14 PM

مرحبا

ميرسي على الموضوع الحلو

جسمي من فوق حلو بس بعد الخصر مره دبا وش الحل واذا سويت رجيم يضعف وجهي بس

وجهي دائري بيبي فيس شعري ناعم وطويل بس خفيف

الحين وش يناسبني زواجي بعد فتره قصيره

طلة عرووووووووس

07/08/2006, 01:36 AM

:shy: مرحبا خواتية

مرحبا بج ميرندا

مكلامج جسمج حلو :shy: بس المنطقة اللي تحت اكبر من اللي فوق

راح تلبسين ستيان الكولاجين حتى تعديل بين المنطقة اللي فوق و اللي تحت

و جذية جسمج راح يكون متناسق

الحين صار جسمج متناسق

بالنسبة للملابس اذا اخترتي الموديلات اللي لها يد طويلة مع فتحة من بداية الكم الي نهايته

راح يبز جمال الذراع عندج لانها مليانه و بالوقت نفسه تعطيج هالقصة توازين في كامل الجسم

حاول انج تختارين قماش للبلوزات و تي شيرت برسوم كبيرة او متوسطة لانها تعطيج حجم اكبر
بما انج في منطقة الصدر مقاسج صغير

ممكن بعد تختارين قمصان اللي فيهم درابية و كشاكش ع الصدر لزيادة حجم الصدر بدون انج
تستخدمين الستيان الكولاجين

ما شاء الله عليج يا ميرندا انتي من المحظوظات لانج لج رقبه غزااااااااااااااااااااااا اااال

و هنيه لازم تبرزين هالجمال من خلال
الشغاباااات الاقراط اللي لها طول ممكن توصل7 سم او كثر و هاي ما تنفع إلا اللي مثلج

و ممكن بعد تستخدمين القلادات الطويلة اللي توصل الى الخصر لانج يوم بتلبسينها راح
تلفت انتباه اللي يشوفج ع رقبج و جمااااااااااااااااااااااا ااااله

ان شاء الله تستفيدين من المعلومات اللي قدمتها

طلة عرووووووووس

07/08/2006, 01:44 AM

مرحبا خواتي
لازم اللي بتسال تقولي عن الطول و الوزن
و صفة العام للجسم مليانة ضغيفة

و تقول لي طول منطقة الصدر اقصر او مساويه او اكبر من منطقة الارداف لان عند البعض
ما تكون متساويه

انتظر ردج لا هم إلا هم الآخرة عشان اختار لج احلى طلة تطلعين فيها و مايكون الاستشار عامة:shy: اسعتوني فعلا بتواصلكن

لا هم إلا هم الآخرة

07/08/2006, 01:22 PM

أختي

أنا وزني 55

وطولي 157 سم

بس ما فهمت شو قصدج بطول منطقة الصدر ؟؟؟؟؟

اللي عندي

عرض منطقة الأرداف أكبر من عرض الصدر

ورقبتي طويلة

بس

طلة عرووووووووس

07/08/2006, 11:35 PM

لا هم إلا هم الآخرة

يا هلا حبيبتي قصدي طول الظهر مع طول الريول هل هو متساوي

لان بعض البنات اما ظهرها قصير و ريولها طوال
او العكس ظهرها طويل و ريولها قصار
و في هالحلات هناك قصات خاصة لكل جسم

المهم يا الغالية هذي النصايح
1- حاول انج تختارين نعول طولها 4 سم في الايام العادية لانها نعطيج طول اضافي بدون ان
ينبته احد لطول الكعب و جذيه راح تكونين اطول من الحقيقة جنج لابسه واطي:handup:

2- بالنسبة للرقبة ما شاء الله:shy: ممكن هالنصايح اتفيدج
- القلادات على شكل ربطة , الشالات بالاضافة الى الكولية راح تبرج جمال رقبج وايد
و حاول انج ترجععين شعرج ورى لانها تبرز طول الرقبة اكثر و لمسة من الملع ع الرقبة
راح تزيد جمال رقبج جمال ثاني

3- عندج بعد قصة الهاي نك مناسبة للي ارقابهن طويلةبالاضافة الى قصه الواسعة للحلق
تعطيج اطلالة اميرية

3- ممكن ختية تستفيدن من نصايحية لميرندا في مسالة الصدر الصغير:up:

4- بالنسبة للوية الضعيف انصحج انج تشربين عصير فواكة طبيعي ع الريق لاني شخصيا مجربته
و عندج طريقتين بالمكياج اما انج تحطين اساس افتح عند الخذود او انج تحطين بلاشر من النوع الامع الكريمي
بيعطيج حجم اكثر و حطي نقطه بالفرشاة من البلاشر الكريمي الابيض بين منطقة الخشم في النص (بسوي لج صورة مخصوص للتوضيح اكثر)

5- بالنسبة للالوان عشان تكونين افتح اختار هالالوان الزيتوني بدرجاته عندج بعد الالوان الكحلية تخلي الحنطية بيضاء
و اذا عجبج مثلا اللون الاصفر وخفتتي انه ييغمج ممكن تختار القطعة تكون ع شكل تنورة او ربطهة شعر اما البلوزة فتكون من الالوان
اللي تفتحج و قبل ما تشترين اي قطعة حاولي انج تقربين القطعة على يدج اذا شفتيها طلعت منورة اشتري اما اذا لقيتيها مب مناسبة
حاولي انج تختاري الموديل نفسة بس بالوان ثانيه

6- فعلا حبيبتي الكلوش وايد تناسبج لان هالقصة تركز ع منطقة الخصر اكثر و ممكن تلبسين تنانير ضيقة شوي ع منطقة الارداف في حال انج لبستي
ستيان الكولاجين و بجذيه تكون هناك توازن بين اللي فوق و اللي تحت

7- و اخر نصيحة عشان تخففين من طول الوية حاول انج تلبسين اشغاب كسسوارت كبيرة و بجذية ما يكون تركيز اللي بتتكلم معاج ع طول ويهج
و في طريقة هو انج تحطين اساس غامج في حدود الجبهه وفي وسط الجبهه حطي اساس فاتح
و اذا لفيتي الشيلة غطي اليبة كاملة و لفيها بطرية تغطيها و بجذية راح يكون ميهج مدور

(شو رايج تعالى عندنا هههههههههههههههههههههه عشان الفها لج احسن)

و مشكورة ع الثقة يا الحبوبة

لا هم إلا هم الآخرة

08/08/2006, 07:55 AM

الله يجزيك الخير الغالية

بس س : الألوان اللي تناسببني بس الزيتوني والكحلي :( يعني ما ألبس تركزاز مع بني

ماألبس أبيض وأسود :(

طيب حبيبتي أبي أستفيدج من خبرتج أكثر

شو هي الألوان اللي أبداأبدأ ما تناسبني ؟؟؟؟؟

وعلى فكرة ترى طول ظهي متساوي مع طول أرلادافي ....

وشو رايج بالقصات اللي تي على شكل مثلث .... أحسها تناسبني

؟
؟

ومشكووووووووووووووووووووو وووورة وااااااااااايد على النصايح

الغرباء

08/08/2006, 08:16 AM

[my wight is 43
tall is 159
my skin is white and idont know what kind of colours is good for me please help me:sad:

عروس و بس

08/08/2006, 08:43 AM

اختي طلة عروووووس
انا طولي في160و وزني 60 ادري دبة
صدري حليو
الخلفية شوي كبيرة بس تميل الى الاعتدال
بداية الساق من تحت مايلة على المدور
سيقاني مليانة
(ادري بتقولين ايش فيها لا تكون تبيني اخطبها)
كتافي عريضة
عندي كريشة
الوجه
بيضاوي
عيوني مشكلتها بارزة
رقبتي فيها طول
اللون حنطي فاتح

الطلبـــــــــــــ ..............ــــــــــات
1-لون لشعري
2-قصة و تسريحه اللي تناسب وجهي يومي
3-عندي الجامعة اول سنة و يسمونها جامعة الفشخرة
ابي اعرف شنو مديل القمصان و البلايز طريقت قصاتهم و الاوانهم و التنانير و الصنادل المريحة اللي تناسب رجلي
و الالوان و طريقة الميك اب لعيوني اللي عالة قلبي
طيب سؤال اذا كنتي رايحة زارا في هالفترة
شريت من عندهم
القمصان اللي ياقتها(ابتها) تنربط بالخيوط حسيتها تعطي ظهري طول
سؤالي ايش الاكسسوارات اللي تناسب عليها؟؟؟؟؟؟
صح في شي بعد
طريقة الحجاب؟؟؟
يعطيك العافية و تاكلين دجاجة حافية<<<<<<<<<<<<<<<<<خخخخخخخخخخخخخ

طلة عرووووووووس

09/08/2006, 12:15 AM

أهلين خواتي مرحبا

لا هم إلا هم الآخرة الغرباء عروس وبس

برد على اسالت جروح@ اول شيء و بعدها انتم:shy:

مبروك ختية جروح الله يوفقج و عقبال الفرحة الكبيرة يا رب
هذي نصايح يا جروح و ان شاء الله تكون طلتج حلو

1- حاولي انتج تركزين اكثر شيء ع البلوزات و القمصان و تكون فيها كشاكش او قصات
و اما التنانير فيتكون الشغل فيها خفيف و في هذي الحالة راح يكون محط الانظار ع القماص
و بجذية راح تلفتين الانتباه على الشيء الحلو بجسمج

2- نوعية القماش المناسبة لج هي الاقمشة اللي تكون ما تلصق ع الجسم مثل التفتا الهندي
خاصة اذا بغيتي تلبسين تنورة و عندج بعد القماش الجنز الغليظ وايد ايناسبج و اهم شيء
تكون قصة التنورة واسعة و ممكن تلبسين مع البدلة شال مزركش ع الكتف في البيت بالطريقة
هذي راح تخفين الكليلو الجرامات الزايد عنج بالشال

3- بالنسبة للشعر انصحج انج تسوين شعرج كيرلي لانه يزيد من حجم الشعر
و ممكن انج تشترين بكلة كبيرة و تلمين شعرج و هو مفلول

ان شاء الله تستفيدين من النصايح

:salam:

عروس و بس

12/08/2006, 12:08 AM

و احنا مالنا رب؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟

نوووسهUAE

12/08/2006, 06:29 AM

انا متينه من فوق لين تحت ههههه والله ارف
وطولي متوسط
ارقبتي بالنسبه لجسمي عاديه مب عريضه
والخصر عريض

ماعرف شو الموديلات اللي تناسبني سواء للتاننير والقمصان وفساتين السهره

طلة عرووووووووس

13/08/2006, 10:18 AM

أهلين ختية الغرباء البيضاء يناسبها كل الالوان ما شاء الله عليج

طلة عرووووووووس

13/08/2006, 10:33 AM

مرحبا ختيه عروس وبس:gum: خليج رايقة

عشان اجاوب ع كل وحدة لازم افكر و اجوف الانسب لها
ع العموم انا اجوف انج ممكن تستفيدين من النصايح الي انقالت
و راح اضيف لها بعض النقاط و هي

1- ابتعدي عن القمصان اللي فيها شغل وايد و خاصة الشغل بالي بالاكتاف لانها
راح تخليج عريضة زايده و ركزي اكثر شيء ع التنانير و يكون فيها شغل و قصات

2- بالنسبة لعيونج حدديها من فوق بحيث يكون الخط عريض و اللون يكون غامج
و ممكن انج تظللين عيونج بظلال لونها غامج لان الالوان الغامجة راح تخفف من بروز العين عندج

احبك يا كويت

13/08/2006, 10:49 AM

مرحبا اختي
انا وزني 56 وطولي 155
وجهي طولي الى حد ما
لوني حنطي مايل للسمرة
رقبتي موحيل طويلة بس طولها حلو والحمد للة
وعندي زنود وهذا اكبر شىء فيني
صدري موحيل كبير حجمة معقول مع اني احس انة مو متناسق مع جسمي
لي كرشة صغيرة
اردافي مو حيل مليانة
ارجولي قصيرة الى حد ما ومليانة شوي
وابي نصايحج باللبس والقصات اللي تناسبني
مع كل دعواتي لج بالتوفيق
انشاء اللة

احبك يا كويت

13/08/2006, 10:50 AM

مرحبا اختي
انا وزني 56 وطولي 155
وجهي طولي الى حد ما
لوني حنطي مايل للسمرة
رقبتي موحيل طويلة بس طولها حلو والحمد للة
وعندي زنود وهذا اكبر شىء فيني
وكفوفي صغيرة
صدري موحيل كبير حجمة معقول مع اني احس انة مو متناسق مع جسمي
لي كرشة صغيرة
اردافي مو حيل مليانة
ارجولي قصيرة الى حد ما ومليانة شوي
وابي نصايحج باللبس والقصات اللي تناسبني
مع كل دعواتي لج بالتوفيق
انشاء اللة

احبك يا كويت

13/08/2006, 10:51 AM

مرحبا اختي
انا وزني 56 وطولي 155
وجهي طولي الى حد ما
لوني حنطي مايل للسمرة
رقبتي موحيل طويلة بس طولها حلو والحمد للة
وعندي زنود وهذا اكبر شىء فيني
وكفوفي صغيرة
صدري موحيل كبير حجمة معقول مع اني احس انة مو متناسق مع جسمي
لي كرشة صغيرة
اردافي مو حيل مليانة
ارجولي قصيرة الى حد ما ومليانة شوي
لي خلفية بسيطة يعني معقولة والحمد للة
وابي نصايحج باللبس والقصات اللي تناسبني
مع كل دعواتي لج بالتوفيق
انشاء اللة

عروس و بس

14/08/2006, 12:10 AM

مشكورة اختي طلة عروس
و
ترى كنت امزح
و يعطيك العافية بس ما جاوبت على كل الاسئلة؟؟؟؟؟؟؟؟؟؟

مالي غنى عنكم

14/08/2006, 12:27 PM

أختي طلة عروس....تسلمين على هذا الجهد

أنا ودي أفصل جلابية من طبقين...

وودي يكون لونها أسود سادة...عشان يكون التطريز واضح بألوانه...

اللي في بالي..أستعمل قماش ساتان داخل يكون ملون وممكن مزخرف ...خاطري بلون برتقالي
وفوقه زي العباية او البشت يكون لونها اسود ..هي اللي بيكون فيها التطريز...وخاطري تكون ساتان...لانه أزهى في الجلابيات...

وش رايج؟ يصير ساتان وفوقه ساتان؟ ولا أخليه شيفون؟
وويش تقترحين علي غير البرتقالي؟ لاتختاري أحمر لأني زهقت منه..
علما باني حامل...

ودامج مهتمة بالازياء...أكيد عندج خبرة في أفضل محلات الاقمشة...ياليت تدليني على محلات في الامارات....

تراني مالي غنى عنج.........

احبك يا كويت

16/08/2006, 08:07 AM

اشدعوه يبه ردي علي عطينها ويه
ثلاث رسايل ولا رد واحد
خلاص انا زعلتتتتتتتتتتت

طلة عرووووووووس

16/08/2006, 10:11 AM

مرحبا خواتيه يا ليت انكم ما تزعلون ظروفي بعض الاحيان تمنعني ادخل المنتدى يوميا
لا تزعلون و ياليت كل وحدة تقرى كل الردود عشان ما تسال سؤال انا قد جاوبت عليه

و اذا ما جاوبت على البعض اما لانها قد جاوبنا عليها او انها تتعلق بالمكياج هذا قسم
الازياء و لاني مصممة ازياء حبيت افيدكم بالمجال هذا و السموحة من البنات

عروس و بس اكيد يا الغاليه و الاسئلة اللي ما جاوبت عليها لانها نفس اسالت البنات و انا جاوبتها

الحينة دور نوسة

بقولج شيء و هو الحقيقة المتينة صعب تخفين عيوبها على عكس الضعيفة ممكن اخليها مليانه
باللبس
انصحتي لج انج تسوي رياضة و رجيم و اما في مجال الازياء انصحج انج تلبسين ملابس قماشها مثل ملمس تفتا الهندي لانها ما تلصق ع الجسم سواء تنانير او قمصان و اللبسي ملابس واسعة شوي عشان تعطيج النحافة المطلوبة و ركزي اكثر شي ع المكياج لانها بتعطيج لفت انتباه و مراح يكون وزنج الكبير هو الملفت او شيء

و مشكورة ع الثقة

طلة عرووووووووس

16/08/2006, 10:29 AM

ختية احبك يا الكويت ختج طلة عروس ما تحب هل الكويت بس هي تموت فيهم إلا زعلج يا الغالية
اول شيء تسلمين ع قلبج الطيب لانج راح تدعين لي الله يوفقج و يسعدك دنيةو اخرة

و هذي الاجوبة يا العزيزة:shy:

اول شي راح تلبسين كعب 7 سم عشان يعطيج طول اضافة

بالنسبة للون البشرة ممكن انج تلبسين الالوان الفاتحة لانها مناسبة للسمر و اذا بغيتي شي
يعطيج لون افتح ممكن تلبسين الالوان الحكلية و الزيتونيه و اللون البوردو المتوسط راح يفتح بشرتج

بالنسبة لطول الرقبة مثل ما تقولين عادية ممكن تعطينها طول اضافي انج ترجعين شعرج لورى
و بكذية راح تبرز طول الرقبه عندج

بالنسبة للزنود الكبيرة و يدج صغيرة البسي قمصان ما تكون ضيقة وايد او واسعة وايد
لانها راح تعطيج توازن بينهم و ممكن انج تلبسين الساعات الكبيرة والاساور العريضة

تحتاجين الى ستيان كولاجين والبسي ملوزات تكون ضيقة ع الصدر بس و تكون درابية في نهاية البلوزة و جذيه راح تخفين الكرش

ممكن انج تلبسين التنانير اللي لها قصات و شغل وايد بما ان الارداف مب كبيرة و ممكن بعد
تلبسين تناتير الضيقة عن الارداف و توسع بالنهايه

بما ان طول ريولج قصيرة لازم تركزين اونتي تنقين التنانير انها تكون طويلة عليج يوم بتلبسين الكعب يكون طولها مناسب و بالطريقة هذي راح يكون طول السيقان مع الطهر مناسب

ان شاء الله تستفيدين من النصايح و اسفة ع التاخير حبيبتي
:salam:

احبك يا كويت

16/08/2006, 12:13 PM

الف شكر حبيبتي على النصايح اللي تنقط عسل
ونردها لج بالافراح انشاء اللة . وحبتج الف عافية وعافية .واذا بغيت اي شى انشاء اللة راح استشيرج
مالنا غناة عنج .....................باتوفيق

طلة عرووووووووس

19/08/2006, 11:23 AM

احبك يا الكويت فديت قلبج يا الغالية تحت امرج دايما حبيبتي

الحينة راح اجاوب ع ستفسار الغالية مالي غنى عنكم

اوكيه راح يكون الموديل مكون من برتقالي و لون ثاني و الاسود انصحج انج تبعدين عنه
لانه مب حلو و يعطيج كبر بالسن

ممكن تختارين القطعة برتقالي القطعة الثاني وردي

أو قطعة مشجرة يكون فيها برتقالي
ذهبي
او قطعة تايجر

بالنسبة لنوع القماش الافضل انج تنوعين بالقماش حتى يعطيج فخامه و ذوق
في اللبس

ان شاء الله جاوبت ع الاسئلة حبيبتي

طلة عرووووووووس

04/09/2006, 02:25 PM

أهلين بنات ارحب باستفسارتكم عن الازياء و يا مرحبابكم و باسالتكم خواتي

bried

06/09/2006, 03:15 AM

طله حبيبتي انا بس بغيت اعرف شنو السوتيان الكولاجين؟؟؟؟؟؟؟؟؟؟

ياليت شرح مفصل لاني ابيه

ويعطيج العافيه مقدما

رموووز

06/09/2006, 07:15 AM

بسم الله
فكرررررررررررررررررة جداً رائعة..ماشاء الله عليك الله يبارك لك بهالموهبة.

أنا حبيبتي

وجهي بيضاوي متوسط الحجم
الجبهة متوسطة مائلة للكبر
وما فيه خدود...
الرقبة طويلة..
#وهذا أبي له حل..
خصوصاً أن شعري متوسط الطول..
فراولة قصته..:كانت مناسبتني..لأن الطبقات عالية وصايرة على الوجه.
بس مليت منها وحابة الشعر الطويل..
أبي حركة للشعر مناسبة للوجه بدون ما أقصره..غير الشلال تكفين بموت وأنا أقص هالقصتين..:(
#اللون حنطي..وش الألوان اللي تناسبني غير(((الأسود والكحلي والبني والبرتقالي )))لأني أكره هالألوان..
#كذلك الموديلات اللي تناسب طولي..
وزني 56 طولي ماشاء الله تبارك الله 172 توازن جسمي حلو بس لو أسمن تطلع لي أرداف :(
((يعني ياليت تقولين لوسمنت بمنطقة الأرداف اللي هي اللي عالجوانب بعد وش يناسبني))
طول ظهري نفس طول فخذي..!!(وش معنى هالكلام أنا شفتك تسألين البنات!!)
وش الملابس اللي تناسبني..لأني ما ألبس غير الجنز..ادور وأدور وأرجع للجنز..أحبه بس مليت
####أشياء تبين طولي أقصر لأن اللي حولي قصار :) مع العلم إني ما ألبس الكعب العالي مطلقاً..
ودي أحس فيه أنوثة بس ما فيه أمل وش أصير!!

ومشكووووورة أختي

omlolo

06/09/2006, 08:46 AM

أختي طلة عروس كتير الموضوع حلو و فعلا بعد ما سمنت صرحت أحتار شو ألبس
طولي 157سم
ووزني 80كغ خخخخخخخخخخخخخخ
رقبتي وسط ماهي طويلة و لا قصيرة جسمي مربوع يعني بحف كلي و بسمن كلي بس عندي كتافي عراض شوي
بشرتي بيضة ووجهي مدور بيقولواعنه بيبي فايس
شعري مرة خفيف و ناعم ولين أكتافي طوله
بشبه جسمي للتفاحة
شو بتنصحيني أشتري للعيد أدري اني متأخرة بس ايش أسوي و ايش الألوان الدارجة وكيف اسرح شعري بالعيد على فكرة مالي ملونة شعري لونه بني غامق
واذامهمة هالمعلومة عمري 27سنة
واذا فيه امكانية لو تكرمت بالصور بليز

طلة عرووووووووس

08/09/2006, 08:11 PM

هلاbried مرحبا بج الستيان الكولاجين هو عبارة عن حشوة شفافة تحطينها في الستيان
عشان تعطيج حجم اضافي جنة طبيعي

انا اشتريته من ماركس اند سبنسر

و عشان خاطرج هي الصور وان شاء الله تستفيديني حبيبتي

http://arab4up.com/File/1157734663.jpg

http://arab4up.com/File/1157734851.jpg

طلة عرووووووووس

08/09/2006, 08:33 PM

هلا رموز ما شاء الله يا كثر اسالج :shy: تحت امرج
راح اجاوبج ع الاشياء اللي تبرز جمالج و تعطيج طلة حلوة

بالنسبة للوية كل شيء برفكت بس الخدود راح نضيف حجم كبير عليهم
باستخدامج للبلاشر الكريمي لان له انعكاسات راح تكبر خدودج

بالنسبة للشعر حاول انه يكون شكلة طبيعي و قصي الاطراف المتقصفة يعني خلية منسدل
و حالي انج تبرزين جمال الشعر بالشباصات و ربطات الملون الخاصة

بالنسبة للالوان المناسبة لج عندج البيبي بنك (الوردي الفاتح) الاخضر الزمردي الاصفر المطفي
حاولي نج تجربين الوان يديدة ولا تقيدين عمرج بالوان محدده

اما نالنسبة للاستفسار قصدي
هو هل طول من منطقة الصدر الى البطن بنفس طول المنطقة من البطن الى الاقدام
لان البعض ما تكون هناك توازن بين الطولين وعن طريق اللبس انا راح اخلى المنطقتين
متناسقات بالطول ان شاء الله فهمتي القصد:gum:

حبيبتي حاولى انج تغير طريقة لبسج ولا تصيرين اسيرة الجنز بالسوق هناك خامات كثيرة
مثل الاورجنزا التويد الساتان فيزكوز وانتي ما شاء الله طويلة البسي اللي تبينه حتى الكعب
العالي اذا كنتي بحفلة او عرس اما بالدوام ممكن تلبسين كعب متوسط الطول يعني اربعة
سانتي ولا تنسين الطول الحين ميزة من مميزات الجمال و مع ثقج بنفسج راح تكونين واااااااااو

ان شاء الله استفدي من الادفايس

رموووز

08/09/2006, 08:59 PM

الف شكر الطلة الحلوة..

بعد أسئلة معليش حبيبتي بثقل عليك :)

البلاشر الكريم استخدم واحد من بدي شوب فاتح جداً صباحي بس إذا طولت فيه طلع بثور على خدي:(

(وش فرق البلاشر الكريمي عن البلاشر العادي..؟)
أنا قريت أن توزيع البلاشر على الخد فن بحيث تبرزين المنطقة اللي تبينها..
أنا أحطه على عظمة الخد..صحيح؟؟

بس الخد ما فيه ما فيه داخل على جوا فاهمتني..إلا إذا إبتسمت :)

وإذا ببين جمال شعري بالشباصات وأرفعه ظهرت عيوب وجهي اللي هي الخد..فاهمتني؟

أزعجتك أبي خدود ههههههههههه

بالنسبة للأقمشة
الاورجنزا التويد الساتان فيزكوز..إذا كانت بأكمام ودائم تكون قصيرة علي..
وحتى طوال التنانير وش الطول المناسب لقامتي..
والبلايز الطول مع البناطيل...لأبستها قالوا طولتك زيادة هل فعلاً تطول زيادة؟؟

والبلايز إذا بديهات لازم تتستر...

#وياليت حبيتي توضحين هذا الشي خصوصاً أن كل السوق بديهات ما تنلبس بأي مكان..
كيف أقدر أستفيد منها..؟؟

أوكي انا مقتنعة بجسمي واثقة انه حلو بس ما أقدر ابرز جماله أكثر..

طلة عرووووووووس

10/09/2006, 01:01 AM

omlolo مرحبا ختيه راح اجاوبج على بعض اسالتج لان بعضها نفس استفسار البنات
و يا ليت تقرين الردود السابقة

راح اجاوبج على الاستفسارات اليديدة
و هي مشكلة الشعر الخفيف ممكن انج تسوين خصلات كبيرة لشعرج و بحيث تعطيج تموجات كبيرة
و بجذيه راح يعطيج كثافة بالشعر

بالنسبة للوزن الكبير انصحج انج تخففين من الوزن لان صعب بطريقة اللبس اخليج رشيقة
ممكن انج تلبسين ملابس تكون اقمشتها مب لاصقة ع الجسم عشان ما تبين الزوائد بجسمج
مثل التفتا الهندي

بالنسبة للعيد انصحج انج تلبسين دراعة كويتية على قطعتين قعة داخلية مع رداء مع لبس كعب عالي 15 سانتي عشان يكون هناك توازن بين الطول و الوزن

اما الالوان فالدارج حاليا الالوان القوية مثل الفوشي الاصفر البرتقالي والاهم من هذا انج اتجربين
اللون هل هو يناسبج اول لا و الطريقة بسيطة انج تحطين يدج ع القطعة اذا نورت يدج فاللون يناسبج

طلة عرووووووووس

10/09/2006, 01:07 AM

مرحبا رمووووووووووز
يا ليت لو تحددين اسالتج يعني رقميهم 1 2 3 عشان اجاوبج حبيبتي:shy:

رموووز

10/09/2006, 08:24 PM

عفواً غاليتي..
هذة الأسئلة:

*ما الفرق بين البلاشر الكريمي و البلاشر العادي..؟

*بالنسبة لي لي عظم الخد بارز..نوعاً ما والخدود داخلة...كيف أضع البلاشر في هذه الحالة؟؟
(إذا من تخصصك)

كأني تماديت:)

*هل رفع الشعر للخلف أو للأعلى(بالشباصات و ربطات الملونة الخاصة)
يوضح نحف الوجه والخدود بالتحديد؟؟كيف يمكن تلافي ذلك؟؟

*البلايز الطويلة(بلايز المحجبات) مع البناطيل..هل تعطي طول أكثر للجسم أو قصر أكثر؟

*أغلب السوق بديهات..(انتي عارفة البديهات ما تنلبس بأي مكان)
كيف نسترها بحيث ما تفقد جمالها..وما يكون ترقيع..؟
(الاحظ إذا إلبس تحتها قميص أو تي شرت تطلع مو حلوة)

*بالنسبة لطول التنانير..(المكسي -الشانيل- الميدي -القصير..)أيهم يعطي مضهر بالقصر أكثر؟

*بالنسبة للتنويع في الأقمشة:
الموديلات التي تكون أقمشتها(الاورجنزا التويد الساتان فيزكوز) غالباً تكون ذات أكمام طويلة...لكن قصيرة علي:(
وهذا يحد من تنويعي للأقمشة..(وأصبحت محصورة بين الجنز والقطن)
ما أدري إذا عندك فكرة معينة؟؟

ملاحظة:
انتي عسولة وكلك ذوق...وشكراً للفكرة..وإنك تحملتي أسئلتي..ياقمر

طلة عرووووووووس

12/09/2006, 02:50 PM

:salam: :shy: مرحبا ختية خذي راحتج
الحينة بجاوبج ع الاسئلة

البلاشر الكريمي يكون مثل الكريم ويعطيج تاثير حلو ع الخد و يزيد من حجمة
ممكن اتجربين بلاشر من ذا بودي شوب وايد حلو اما البلاشر العادي فيكون بودرة

عشان تخففيف من التجاويف اللي بويهج حطي البلاشر الكريمي بلون البيج على المنطقة الضعيفة
بويهج المكيااااااااااااااااج من تخصصي ما يهمج(:shy:

انا ما قلت ترجعين شعرج لورى حاول ان تكثرين من الخصل على جوانب الويه عشان يخفف
من نحافة الوية

بالنسبة للبلايز بيكون على حسب الطول و الوزن انتي طويلة و راح يطلع عليج بيرفكت يعني
ما عند مشكلة من هالناحية

بالنسبة للبديهات اللي بسوق
ممكن انج تعدلين فيها مثلا عجبج تنورة قصيرة ممكن انج تشترينها و تضيفين عليها
وارات من التور او الحرير ساتان وبجذيه راح يكون عندج موديل خاص و اهم شي تكون فكرة
الاضافة ع الموديل حلوة

وعندج شي ثاني هو انج تلبقين مع البديهات الكت جاكيتات يدها طويلة

ما دري لي تبين تكونين قصيرة الطول حلو رموووووز التنانير الطويلة و المتوسطة تعطيج طول اضافي

اما الاقمشة حبيبتي ممكن انج تفضيل بعض بدلاتج عند الخياط و بيكون الموديل على ذوقج و تقدرين
تحددين الالوان اللي تبينها

مشكورة حبيبتي ع الاطراء ان شاء الله تستفيدين من نصايح:salam:

طلة عرووووووووس

16/09/2006, 01:27 AM

:shy: ارحب بكل اخواتي و اسالتكم اللي تتعلق بالازياء
اتمنى من المسائلات انهن يقرن الردود السابقة عشان ما اعيد الاجابة مرة الثانية
و اذا في استفساريديد ارحب فيكن و اتمنى انكن ترقمن الاسئلة حتى ارد عليكن بسرعة

تحيتي للجميع:salam:

رموووز

16/09/2006, 06:12 AM

أشكرك طلة عرووووس الف شكراً

وابي ابين أقصر لأني الحولي قصاااااااار سنافر يعني :)

فهمتي:)

مشكورة حبيبتي

طلة عرووووووووس

17/09/2006, 02:41 PM

فهمتج حبيبتي بس مستغربة انج تربطين طريقة لبسج بطول البنات
مب ذنبج اذا غيرج قصير على العكس جذيه راح يعطيج تميز و لفت الانتباه و في الاخير
هي وجه نظر:shy: سوي اللي يريحج حبيبتي و ان شاء الله تكونين باحلى طلة با الغالية:salam:

طلة عرووووووووس

01/12/2007, 03:43 AM

مرحبا بنات اي استفسار انا احاظرة للطيبين

شمـس و قمـر

01/12/2007, 10:52 AM

http://img89.imageshack.us/img89/1056/sespodem119we1.gif

الغالية
طلة عرووووووووس

مشكورة جزيل الشكر
على مبادرتك الطيبة
وموضوعك المميز
وكان الله في عونك في تقديم
يد العون والنصائح المفيدة
للعضوات عروس الحبيبات ..

جزاك الله خير جزاء
وكثر الله من امثالك..

لك ورود مودتي واحترامي

http://img89.imageshack.us/img89/2664/116jg7.gif

http://img89.imageshack.us/img89/1056/sespodem119we1.gif

طلة عرووووووووس

01/12/2007, 10:05 PM

تسلمين شمس وقمر بس ها لازم تحطونية مشرفة الازياء يعني استشارية الازياء
اقدر افيكم وايد

على كل حال انا تحت امركم يا الغالين

مرقوقه

04/12/2007, 02:50 PM

مرحبا و تسلمين ع الوضوع الحلو
سؤالي......ماخذة تنورة كلوش اساسها اسود و فيها دوائر رمادية و طقمت عليها بدي اسود بدون كم سادة برقبة و فوقها قميص دانتيل اسود بكم طويل و قصير طولها يادوب ربطة ع الصدر
سؤالي شو الاكسسوارات اللي تناسبها و شو الوانها و شو اخذ لون شنطة ونعال عليها
احس البدله غامقة فقلت ادخل الوان ثانية عليها عشان تكون فرحة اكثر

طلة عرووووووووس

09/12/2007, 11:41 PM

هلا الغالية مرقوقة
اول شي بغيت اقولج حاول اي كان عندج قطعة غامجة انج تختارين الوان فاتحة للبلوزة عشان
تكسرين اللون الغامج و ما يكون شكلج كئيب و دارك

مثلا انت قلت انج اخترتي قميص اسود وهذا خطا يفضل لو ادخلين لون ثالث ع القطع مثلا
البيبي بنك اكثر من روعة مع الردمادي و يعطيج حياه للقطعة اللي اني لابستنها
و ممكن بدل البيبي بنك تختارين التفاحي _الموف_ البنانا

يعني خذية قاعدة مني كلما كان عندج قطعة غامجة اختاري معها لون فاتح عشان يكون هناك توازن بالالون

بالنسبة للاكسسوارات من شغاب او صنادل و شنط مثل ما ذكرت ركزي ع اللالون الفاتحة
بنك تفاحي موف بنانا و غيرها من الالوان

اذا اخترتي مثلا اللوان التفاحي راح يكون كل الاكسسوارات بدرجاته اللون التفاحي

و عززي هاللون اكثر من خلال الميك اب

ان شا الله استفدتي من نصايحية

*ميمي*

13/12/2007, 04:40 PM

مرحبا أنا رقبتي قصيرة وهل التناير الطويلة تناسبني والبناطيل وش القصة المناسبة الطويل أم البرمودا علما بأني قصيرةوبيضاء وش الالوان المناسبة

طلة عرووووووووس

13/12/2007, 07:30 PM

هلا الغالية ميمي

بالنسبة للرقبة القصيرة ممكن تزيدين من طولها من خلال ترجعين شعرج للوراء و حاولي انج تلبسين العقود
متوسطة الطول و ابتعدي عن العقود الطويلة وايد

تناسبج التنانير الطويلة لانها بتعطيج طول اضافي ولازم تلبسين معاهم بدي مناسب للون التنورة
وتكون قصة التنورة ستريت(مستقيمة)

البرامودا ما تناسبج اجد لانها بتبرز القصر عندج
القصيرة يناسبها البنطلون له قصرة مستقيمة في حال كان الجسم ضعيف
اما بالنسبة للالوان دامج بيضاء تناسبج كل الالوان
ان شا الله تستفيدين من النصايح
شكرا

*ميمي*

14/12/2007, 04:08 PM

مشكورة الله يعطيك العافية طيب سؤال واللي قامتهم قصيرة هل تناسبهم البلايز الطويلة وش القصة المناسبة للبلوزة

طلة عرووووووووس

14/12/2007, 10:24 PM

هلا الغالية ميمي

القمصان لازم تكون بدي يعني لاصقة ع الجسم لين حد السرة بس

ابتعدي عن القمصان الطويلة الواسعة لانها راح تبرز القصر عندج

لانج يوم بتلبسين قميص بدي طويل لين السرة مع تنورة ولازم تكون التنورة طويلة وايد
وراح تلبسين معاهم نعول كعب و بالاسلوب هذا راح يعطيج طول وايد اضافي

اي استفسار ميمي تحت امركم:icon9:

*ميمي*

17/12/2007, 04:09 PM

كفيتي ووفيت مشكورة الله يعطيك العافية واخر سؤال بالنسبة للحلقان هل تناسبني الحلقان الطويلة أو القصيرة
يعيني اللي فيها زركشة واجد أو العادية النعومة طيب بالنسبة للبوت الواطي أو الكعب هل يناسب القصيرين محتارة

طلة عرووووووووس

18/12/2007, 10:11 PM

هلا ميمي احن تحت امرج ولو
بالنسبة للشغاب يناسبج الستايل الناعم و ابتعدي تمام عن الموديلات الطويلة لانها راح تبرز قصر الرقبه عندج

بالنسبة للبوت راح يطلعج قصيرة اذا كانت مع تنورة قصيرة اما مع التنانير الطويلةممكن تلبسينها

وفي حركة ذكية اذا كنت تريدين طول اضافي خاصة اذا كنت بالدوام او البيت
هو انج تلبسين كعب بطول 3 او 5 سم لانه راح يعطيج طول واضح و في نفس الوقت كانج لابسة نعول سطاحي ي= فلات اذا بشيوفج اي حد

اهلا وسهلا بج ميمي
حياج الله

dotta

25/12/2007, 02:03 PM

كنت عايزة أستفسر عن فستان الفرح .. هل ألبس فوقه جاكيت قصير فرو مثلا علشان البرد الشديد أم ماذا أفعل؟؟

طلة عرووووووووس

25/12/2007, 07:37 PM

dotta
اول شي الف مبروك عليج
بالنسبة للاستفسار اكيد الغالية ممكن تلبسين جاكيت فرو لونه ابيض مزين بالكرستال وهي من الموضات الدارجة في فصل الشتاء وراعي النقطة التالة وهي لو كان جسمك سمباتيكة ممكن تاخين جاكيك مخصر
اما في حال كان الجسم ضخم حاولي تخلين الجاكيت مفتوح بدون ربطة لانها راح تعطي تموية للجسم
ما راح يلاحظون تقاسيم الجسم وايد

ان شا الله اكون كفيت ووفيت اي استفسار من عيوني

الـــــــرومانســــــيه

25/12/2007, 08:32 PM

ماااااااااشاااااء الله عليج اخت
طلة عروووووووووووس موفقه ان شااء الله
وموضوعج حلو كثير وهذي بادره حلوه منج لمساعدة البنات
جزاااااج الله اااااااالف خير تسلم ايديج حبيبتي

dotta

26/12/2007, 05:48 AM

جزاك الله كل خيييييييييييييير حبيبتي
Dotta

طلة عرووووووووس

26/12/2007, 06:19 AM

(y)الرومانسية اخجلتيني بتواجدج اكيد انا بخدمة خواتي الغاليات لاني احب مجال الازياء
وعندي وايد ستايلات ممكن تخلي الوحدة بيرفكت

dotta جميعا ان شاء الله ولو احن هنيه نخدم البنات باللي نقدر عليه

بنت الرافدين1

26/12/2007, 07:04 AM

جزاك الله خيرا
حبيبتي طلة عروس مشاء الله عليج موضوعج
ابداع×ابداع
تقبلي تحيااتي

نــــاي

27/12/2007, 05:14 AM

حلو مرره الموضوع..

طب انا عندي استفسار خاص بالازياء.. انا طويلة ونحيفة مره بالجزء العلوي من الجسم- يعني ذرعاني نحيفة وصدري صغير مره -مفشلني بصراحة وما أدري كيف احل موضوعه- اما باقي جسمي فحلو.. وشو تنصحيني افصل من فساتين وبدل.. وترى خطوبتي بعد شهرين ان شاء الله.. يا ريت تفيديني بهالمجال..

طلة عرووووووووس

31/12/2007, 10:40 AM

بنت الرافدين تسلمين الغالية ع الاطراء هذا من ذوقج حبيبتي

هلا ناي اول شي ابارك لج ع الخطوبة والله يتتم لج الفرحة الكبيرة امين

بالنسبة للجزء العلوي ممكن انج تعطينة حجم اكبر من خلال الطرق التالية
- حشوة السيلون او السنتيان
- البلوزة او القمصان اللي لها كسرات كبيرة لانها راح تعطيج حجم اضافي لصدرج
- لبس شالات اللي تنحط ع الرقبه تكون فيها كلوش و حركات وايدة عشان تلفت النظر بعيد
عن صدرج

يعني الغالية حاولي يكون على منطقة الصدر يكون الشغل فيها وايد مثل الخرز والكرستال وهالامور

ان شا الله فتدج حبيبتي

dotta

31/12/2007, 01:35 PM

ازيك طلة عرووووس
ممكن سؤال تاني!!
تعرفي الكاب اللي بيلبسه المنتقبات و هما خارجين فوق فستان الفرح ؟؟
ممكن صور ليه .. أو طريقة عمله ؟؟؟
جزاك الله كللل خييييييير

dotta

31/12/2007, 10:56 PM

طلة عروووووووس .. يارب تكوني بخير

dotta

03/01/2008, 02:15 AM

اللهم ارزقها الخير كله و ابعد عنها الشر كله
و ارزقها فردوسك يا كريم

Dotta

طلة عرووووووووس

07/01/2008, 02:11 PM

هلا الغاليةDotta:o
اسفة ع التاخير حبيبتي و سالتج ع العين والراس

اول شي تسلمين الغالية ع الدعاء الطيب والله يسعدج دنيا و اخرة

بالنسبة للسؤال عن الكاب انا اعتقد انج تقصدين الموديل اللي يشبة الرداء
اللي كانت ليلى والذب تلبسة

و هالموديل ممكن تلاقينة في محلات ابو حليقة عندهم موقع ع الانترنت وممكن تطلبين منهم
الموديل

شيكي ع الخاص حبيبتي لاني ارسلت لج الموقع

راعية فزعه

24/01/2008, 09:07 AM

السلام عليج الغاليه
الصراحه موضوعج مافيه حيله
الغلا انا ملجتي قريبه ومحتاره في لون الفستان وطريقته
انا وزني 58 وطوولي 159
وبشرتي بيضا
ورقبتي الحمدالله طويله
وصدري مناسب
وفخووذي مليانه شووي
وفيني كرشه صغيره

فياريت اتفيديني فالالوان الي تناسبني والموديلات

طلة عرووووووووس

02/02/2008, 10:09 PM

هلا الغالية هذا من ذوقج حبيبتي
مبروك مقدما و عقبال الفرحة العودة

بالنسبة للطول و الوزن في تناسق امينهم تقريبا بس لازم تلسين كعب 15 سم ع الاقل
عشان تكونين طويلة بالمناسبات الكبيرة و الاعياد

بالنسبة للون البشرة تناسبج كل الالوان و راح يليق عليج الالوان الفاقعة و القوية

اما بخصوص الكرش لبس الكورساج او بالعربي المشد بيناسبج لانه راح يخفف بروز البطن عندج
واقصد بالكورساج اللي يلبس مع التنور من برا

حاول ان الموديلات اللي تفصلينهم تكون زم من ناحية البطن لان لو فصلتي كسرات و درابية
راح يعطي بطنج امتلاء اكثر و اكيد هذا الشي مب مرغوب

ممكن بعد لو كان منطقة البطن وايد مبينه يعني بارزة وايد انج تلسين الالوان الغوامج للقميص
لان الالوان الغامجة تسوي لج تموية و ما يكون تقاطيع البطن واضحة

اما الغالية بخصوص الرقبة الطويلة ممكن تبرزين جمالها من خلال الشغاب الطويلة والاحجامها كبيرة

وفي معلوما ت وايد ممكن تستفيدن منها في الردود السابقة
حياج الله و مبروك لج و عقبال البنات

TheRedFlower

05/02/2008, 09:59 AM

حبيبة قلبى يارب يباركلى فيكى
انا كنت عايزه اسال على انى ازاى اقدر اقيس مقاس صدرى وبطنى ومؤخرتى
لانى عايزه اعرف هل صدرى او بطنى او مؤخرتى زادات ام نقصت فى الوزن وكمان لانى نعمل تمارين بطن وعايزه اعرف نقصت قد ايه
فممكن تقوليلى الاداه المستخدمه فى القياس وازاى اقيس لانى انا مش عارفه اى حاجه فى القياس
وكمان مش عارفه مقاس السنتيان الصحيح اللى يناسبنى
وسمعت بعض البنات بيقولوا ان البنت تعرف مقاس السنتيان بتاعها عن طريق مقاس محيط الصدر
وانا مش بعرف اقيس
فارجوكى تقوليلى ازاى اقيس واعرف هل مؤخرتى او صدرى او بطنى زادت ام قلت وازاى اعرف اقيس

طلة عرووووووووس

05/02/2008, 06:59 PM

هلا الغالية رد فلاور
ممكن تقيسين باستخدام المتر
وعشان تعرفين القياس المثالي لازم يكون محيط الصدر و الارداف متقارب وذا كان نفس القياس بيكون برفكت
اما الخصر اكيد لازم يكون اقل من الرقم اللي راح تحصلين عليه في قياس الصدر و الارداف

حياج الله

عشق_AD

07/02/2008, 04:28 PM

السلام عليكم والرحمه
شحالج اختي؟؟ ومشكوره عالموضوع المفيد

انا رقبتي طويله وعندنا عرس قريب وابا اسوي تسريحه.. جربت التسريحه اللي شعري كلها المه لين فوق ما ناسبتني ابدا وما عيبتني علي احسها برزت رقبتي بطريقه مب حلوه ... شو رايج اسوي التسريحه اللي كلها اتيي على جنب ومفتوح شعري بس كله على صوب؟؟

ووزني 45 وطولي 160 تقريبا
اممم شو قصات الفساتين اللي تناسبني
بما انه الشيفونات احسها تضعفني فانا فخاطري اسوي فستان مخمل ويا دانتيلات
شو رايج ؟؟ اي قصات اسوي للفستان؟

والسموحه

طلة عرووووووووس

07/02/2008, 09:25 PM

هلا الغالية عشق بوظبي

بالنسبة لطريقة الشعر انا افضل تسوين كيرلي او اموج
مثلا تسوين فرقه من نصف الشعر و تحاولين ترفعين الشعر شوي من صوب الاذن
بمعني ترفعين الشعر من جهة الاذن هنية راح يبرز طول الرقبة وايد ان شا الله فهمتي قصدي

اما بالنسبة للوزن حاول انج تزيدين شو انا مثل طولج بس وزني 53 :wink:
المهم الغالية اكيد ممكن تاخذين قطع المخمل لانها تعطي وزن اضافي و هو مناسب لج الغالية
اعتمدي على الدرابية و الكسرات واذا في بالج يكون الفستان بدون كم حاول انج تلبسين موديل
البانشو لانه يعطي موية اذا كان الاذرع عندج ضعيفة

اي استفار امورتية انا حاضرة:)

TheRedFlower

10/02/2008, 10:57 AM

الف شكر يا قمر على المعلومات حبيبتى
بس كنت عايزه اعرف طريقة القياس
لانى مش عارفه ازاى امسك المتر وابتدى اقيس المؤخره والصدر والوسط
فممكن تقوليلى الخطوات بالشرح

طلة عرووووووووس

21/02/2008, 07:38 PM

هلا الغالية هي المعلومات اللي عندي الغالية السموحة منج

:: بسكوتي :: اذلك ::

19/03/2008, 07:30 PM

السلام عليك
نشكرك يالغالية على هالموووضوع ..

انا طولي 156 ووزني 44
رقبتي مائلة للطول
صدري صغير مرة
المؤخرة صغيرة
طول الصدر متساوي ما الارجل
اللون قمحي
عوني واسعة
لي خدود شوي
وجهي مو طويل ولا صغير يعني متوسط
انفي شوي عريض من الاسفل
ولي خصر

المطلوب
1/ الملابس المناسبة لي .. تناتير كلوش .. برمودا .. ضيق .. واسع ...إلخ واللي تبرز عندي المؤخرة والصدر
2/ الالوان اللي تقبلني
3/ القصة والصبغة المناسبة لي
4/ المكياج اللي يناسبني

وعلى فكرة هل الباطيل اللي على الخصر تصلح لي

ياااااليت تجاوبيني واوكن شاكرة لج ...

دمتي بخير

بنت الجنان

01/04/2008, 09:35 PM

هاااااااااااااااااااااي

اني بنت عمري 16 ومش بيضه كتير شوي سمره درجه خفيفه هل اللون الاحمر يناسبني

وشكرا على مجهوجك الرائع

الدنيا لحظه 2

05/04/2008, 11:45 PM

انا طويله ونحيفه مرره
وشعري قصير وش الموديل الي يناسب وياليت يكون عللى الموضه
جزاك الله خير واذا تختارين لي اللون بعد الله يسعدك وبلمره القماش

LoLo Wa BaS

09/04/2008, 12:45 PM

السلام اختى

انا طولي 167 ووزني 70 بغيت اسافر ماليزيا حق شهر العسل شنو لازم البس ملابس واذا عندج موديلات جينز تنفع حق السفر يا ريت تقولولي لاني حدي محتارة شنو البس في السفر بس يكون محشم

مجروحه بس مجبوره

11/04/2008, 01:50 PM

انا ابا طريقه لبس الشيله السوده طبعا

طلة عرووووووووس

15/04/2008, 11:44 PM

هلا الغالية بسكوتي يا بسكونة انتي

اول شي حبيبتي يالت تقرين الردود السابقة لان فيها رد لاسالتج الغالية
المهم
بما ان جسمج من خلال وصفج انه ناعم و صغير راح يكون اجاباتي كالتالي
ملابس اللي فيها قصات و كلوش بانواعها وهاي دارجة هالايام ابتعدي عن التنانير اللي قصتها مستقيمة لانها
اتبينج ضعيفة اكثر من العقود الكبيرة و الملونه عشان تخفي صدرج الصغير و تعطيه حجم اضافي

بالنسبة للالوان بالقماش او الصبغة او المكياج مثل ما تعرفين كل لونه لها درجات وايدة
عشان تعرفين درجة اللون المناسبة حاولي انج اتقربين القماش على ويهج او يدج اذا نورتي فيها اكيد هاللون مناسب لج ممكن بعد تحطين كريم اساس و تشوفيه اذا مناسب القماش او لا خاصة اقمشة السهرات

نفس الطريقة بالنسبة للمكياج
ويالت تقرين ردودي القديمة لانها بتفيدج اكثر

اتمنى منكم الدعاء الطيب لي

سلامتج الغالية

طلة عرووووووووس

15/04/2008, 11:46 PM

هلا بنت الجنان
اكيد في درجة لون للاحمر تناسبج و اهم شي شوفي اكثر من درجة و اذا شفتي ان ويهج نور فيها بعد ما تقربين القماش على ويهج هذا بسط و افضل طريقة لاختبار لون القماش

حياج الله

طلة عرووووووووس

15/04/2008, 11:50 PM

طلة عرووووووووس

15/04/2008, 11:52 PM

الدنيا لحظة اسمحي لي اخرتج معاية

سؤالج قد جاوبت عليج لانه نفس اسالت بعض البنات ياليت تقرين موضوعي من البداية

حياج الله

طلة عرووووووووس

15/04/2008, 11:55 PM

مجروحة بس مجبورة

اسمحي لي بالرد بس انا مع الطريقة الاسلامية للف الشيلة مثل ما امرنا الله عز و جل

تغطية الشعر

السموحة منج

مجروحه بس مجبوره

19/04/2008, 01:02 PM

انا مابغيت غير جيه مابا اطلع شعري لاني الحمدلله متحجبه عللى العموم مشكروه

*ميمي*

01/05/2008, 05:41 PM

كيفك ياطلة عروس عندنا زواج في الصيفية وطبعا سؤالي هو وش الالوان الدارجة لهذه السنة 2008 ونوعية الاقمشة وإذا ممكن الموديل يكون ساتر طبعا وشكرا لك

أحاسيس.

02/05/2008, 09:27 PM

ياليت تساعديني محتااره زواج اخت زوجي بعد شهر وعجبني فستان بس هل هو ماشي على الموضه على فكره انا لوني حنطاوي لا متينه اوضعيفه يعني وسط جسمي ومن تحت عريضه شبه الكمثرى خخخخ بصرااحه اريد اكشخ واكوون مميزه في العرس فهل الموديل حلو ولا اغيره اتمنى انج تساااعديني.......
هذا هو صورته

http://www.3roos.com/uploaded2008/125109/11209742052.gif

وشكرااا

سولارا

01/06/2008, 06:40 PM

شكرا اخيتي اناطولي 165 وزني في الميه لكن الكرش هو البارز وايدي من فوق البناطيل والبلايز الطويله تخفي شوي ابغى موديل سهره يخفي العيوب

yasattar2008

03/06/2008, 02:59 PM

السلام عليكم

انا يا أختي نحيفه وطويله وزني 40 وطولي 195

أبغى فستان يسمني

وش تنصحيني؟

yasattar2008

03/06/2008, 03:02 PM

عفوا طولي 159

سكارف

14/06/2008, 03:45 PM

هلا حبيبتي لولو و بس

الموديلات الواسعة هي مناسبة للسفر خاصة انها تراعي تعاليم دينا الاسلامي

ممكن تلبسبن سكارف القميص (البانشو) وايد حلو محتشم ممكن ينلبس مع تنورة واسعة او بنطلون واسع

ما عليج إلا ادورين القطع اللي تبينها الله يستر عليج و احيج ع الالتزام بالدين

مرحبا بج

اختي سمحيني ابي اسالش سؤال شنو تقصدى تلبسين ( سكارف ) لان اسمي سكارف ومعني اسمي في بلدي ( اطنان الذهب) في بلدكم شنو معني سكارف؟؟؟؟؟؟؟؟؟؟

اللهم اهدنى وثبتنى

15/06/2008, 02:36 AM

السلام عليكم ورحمة الله وبركاته
اختى انا جسمى فى بداية السبعين وطولى 151
ومنطقة الصدر كبية بس الارداف احسها متظبطة وعادى وظهرى عريضورقبتتى قصيرة
وعاوزة اعرف طقم مناسب لخطوبتى بس يكون عادى لانها فى البيت ،مش عاوزة فستان سواريه وكده ممكن لو بانشو وبنطلون سواريه يبقى الشكل ايه يعنى الياقة تبقى شكلها ايه وكده ، ولو لبست طقم عادى بتاع الخروج اجيب شكله ايه ، وكمان معلش ايه الالوان اللى تنفعنى ، وقولى اختى اى استايل حتى لو كان ضيق لانها هتكون اسلامية نساء فقط
وارجو الرد سريعا ربى يجزاكى عنى الخير

طلة عرووووووووس

05/08/2008, 01:12 AM

مجروحة بس مجبورة ان شا الله ما تضايقتي الغالية مني

هلا ميمي بالنسبة للموضة الدارجة هي الرسومات الواضحة و الملونة ويكون حجمها كبير نوعا ما
وعندج الخطوط المستقيمة الملونة

بالنسبة للقماش عندج اللون الفوشي الليموني (الاخضر الفاتح) و عندج بعد اللون البرتقالي هالموسم

هلا صادقة الاحساس الموديل حدة روعة و مميز
شوفي لو تلاحضين الموديل اكثر شي تركيزة على منطقة الارادف و انت اتقولين ان الارداف عندج كبيرة
حاول انج اتغيرن الموديل اشوي مثلا بدل ما تكون نهاية القطعة مستقيمة في مطقة الخصر ممكن انج اطويلة شو
و تخلينه مقصص بطريقة غير متساوية ان شا الله فهمتي قصدي الغالية

سولارا الغالية انت تحتاجين مشد تحت الفستان عشان يخفي البروز اللي عندج او ممكن تلبسين شال له
زخارف و شغل وايد و حاولي انج تخفين البروز اللي عندج من خلاله

اختي ياساتر شوفي موديل صادقة الاحساس هالنوع من الموديلات وايد اتناسبج وراح يعطيج امتلاء اكثر
يعني ركز اكثر شي على القصات و الكشاكش

ختية سكارف
معناه الله يسلمج الشال يا الغاليه