العضوات المتزوجات يفيدوني بخبرتهم

[شهد78]

يا أحلى عضوات
ويا احلى عرايس في هالكون كله

ان بالفعل مستمتعة بالمنتدى وبالأعضاء الموجودين

لكن حبيت اسأل خواتي المتزوجات


وخلينا نسولف ونتكلم كيف تتعاملوا مع اخوات ازواجكم ومع حريم اخوان ازواجكم

اريد اعرف :s عن جد لأني احس نفسي ما راح اقدر اتفاهم مع خوات زوجي
مع انهم والله طيبين
وما شفت منهم لغاية الحين شيء
خاصة اني بسكن مع اهله
لكن عنده اخت دلوعة شوي وشايفه نفسها على خواتها ما ادري كيف اكسر شوكتها :mad:


دلوني الله يخليكم

[زوجة سلطان]

الاخت الفاضلة شهد
السلام عليكم ورحمة الله
الموضوع غاية في الاهمية لا ن اكثر المشاكل الزوجيةتكون من هذه الناحية ولا تستفحل الا اذا كان احد الزوجين لا يملك الحكمة او كلاهما معا
لا نعمم النظرة الى جميع اخوات الزوجات انهن مثيرات للفتن ولكنها فئة قليلة
ربما السبب الغيرة او الحسد او غير ذلك من اسباب مكتسبة

ولكم يا اخت شهد قابلي هذا الموقف بعقلانية اكثر بدون كسر شوكة ولا غيره لانها عاقبتها وخيمة فهي في المقام الاول اخت اغلى انسان في حياتك وعمت ابنائك
كوني احسن منها قابلي الاساءة بالاحسان قدمي لها الهدايا امتلكي قلبها باخلاقك ناديها بافضل الاسماء خصيها بالزيارة اغلبيها بحسن خلقك امتدحيها امام الاسرة وهي تسمع
وسوف ترين

تحياتي

[شهد78]

زوجة سلطان
اشكرك جزيل الشكر حبيبتي

بالفعل معظم المشاكل تأتي من هذه الناحية

ولكن ليس قصدي اني اكسر شوكة اخت زوجي بالمعنى اللي فهمتيه فانا لا يرضيني اني اسبب مشاكل وانا بعدني عروس في بيتهم
ولكن اقصد كيف اتعامل معها بدون ما اسبب مشكلات لأحد علما ان اسلوبها في الكلام لا يعجبني اطلاقا



ولكن ليست هي المشكلة ولكني اتكلم بصفة عامة كيف تتعاملوا مع اخوات ازواجكم وحريم اخوان زوجك


ارجوكم افيدوني

[ام خالد]

المبادرة بالمحبه والطيبه يخلونج تدخلين قلب اي انسان مهما كان قاسي
الحب لغة يفهم اي انسان وتدخل قلب اي شخص مهما كان مغرور وقاسي
وبعدين ما في اجمل من كسب قلوب الناس وما يجي هالشي الا بالمبادره الخيره وتسلمين (استويت عاقل وفيلسوفه:o)

[شهد78]

مطلع الشمس
بالفعل ان الحب يلين الصخر

ويصنع المعجزات

والله يقدرني ويوقن ان ياتعامل معاهم على خير لأاني عن جد خايفة وما اريد اجرح احد بكلمة غير مقصودة مثلا لان مثلما تعرفوا ان البيئة اللي انا نشأت فيهاتختلف عن البيئة الي نشأ فيها زوجي واهلي ان لم يكن بالشي ءالكثير

ولكن تظل الأرواح جنود مجندة





يالله يا خوات يافيدوني بخبراتكم وقولي واحكوا لي وللبقية عن مواقف صارت لكم مع خوات ازواجكم وكيف تصرفتوا معاهم ؟؟؟؟
انتظر المشاركات

[نسايم]

والله انا بعدني ما انتقلت من البيت المهم الحمدالله عنده 4 خوات وكلهن اصغار ما عدى وحده اكبر مني بس طيووووووووبه وحبابه واعتبرها مثل اختي واكثر بعد:)

[شهد78]

نسايم

اشكرك على مرورك على الموضوع

[شهد78]

يا عرايس

كأن الموضوع ما عاجبنكم

بالرغم والله احس انه مهم جدا وخطير انالوحدة لا زم تعرف كيف تتعامل مع اهل زوجها


يمكن انا مضخمة الموضوع اكثر من اللازم

لكن رجاء حار حاوروني وكلموني وقولوا لي
كيف الوحدة مننا تتصرف مع خوات زوجها او حريم عائلة زوجها

[أنستازيا]

بصراحة ..

عاملي كل شخص على حسب ما يعاملج ..

يعني مثلا ..

خوات زوجي أنواع ..

وحدة منهم حبوبة وعسل وياي وانا اعاملها نفس الشي ..

أميزها عن باقي خواتها ..

والثانية حبوبة .. لكن تنتقد وايد .. وانا حبوبة معاها بس يوم تنتقدني ..

أرد عليها رد عدل ما أستحي منها .. بس من غير قلة أدب طبعا ..

و الثالثة .. تجريحية وشوي شايفة عمرها .. فأنا أعاملها بنفس الأسلوب ..

يوم تذمني وتمدح نفسها .. أذمها وأمدح نفسي ..

ويوم تنتقدني وتجرحني أرد عليها بالمثل ..

أما زوجات اخوانه انا وياهم حزب .. اول ما دشيت عايلتهم ..

ضميتهم لصفي .. ههههههههههههه .. :D ;) :p

يعني باختصار خليج طبيعية ولا تستوين طيبة زيادة عن اللزوم ..

أتمنى اني أفدتج ..

:)

[أنستازيا]

صح عن أنسى .. أهم شي عمتج .. حاولي ترضينها بكل الطرق ..

مهما كانت عيوبها .. حاولي انج تكونين زينة وياها ..

وتجنبي المشاكل وياها ..

حب الريل لزوجته من حبها لأمه .. :D

[حب لا يموت]

..............

البنات ماقصروا.............

وكنت أتمنى أفيدك أكثر........

بس ماعندي خبرة لأني آنسة..

بس من أهم طرق كسب الناس

الهدية مهما كانت بسيطة........

واللسان الحلو.......

اللي مايعني ضعف الشخصية بالضرورة.......

لو تلاحظين فيه ناس .....

لسانهم ينقط عسل

وشخصيتهم قوية جدا..

لا وأحيانا تكون حلاوة لسانهم على شر.........

أوكي
;) ;)


الله يوفقك

[شهد78]

أنستازيا
مرحبا حبيبتي

تريدي الصراحة انا مقتنعة بكلامك
واعتقد اني بسوي نفسك اللي طيبة معاي بكون طيبة واتخذ مبداالمعاملة بالمثل اعتقد هذ افضل حل لغايةالآن
وبالفعل علشان اجنب نفسي اي مصادمات او مشاكل احاول اكون طبيعية يعني ما اتصنع اي شيء ولا اجامل كثير

لاحظت هالشي لما رحت امس مع اخت خطيبي لمعرض الذهب

قالت لي مري علي البيت وهي بيتها ماهو على طريقي ولا المكان اللي مقام فيه المعرض على طريقي
يعني لازم الف السبع لفات علشان اوصل لبيتها وبعدين نروح المعرض


لكني قلت خليكي جريئة يا بنت وقولي الصراحة اهم شيء في البداية هي الأساس
وبالفعل رديت عليها قلت لها :
اعذريني ما اقدر اجي آخذك من البيت لكن خلي زوجك يوصل لمنطقة قريبة بالنسبة لي ولك علشان نقدر نروح مع بعض

في البداية بصراحة كنت متخوفة من ردة فعلها لكن بعدين قلت الحق حق ما ينزعل منه


لكن طلعت والله حبابة وفهمت وخلت زوجها يوصلها لمكان قريب بالنسبة لي ولها وعلى طريقي وسرنا المعرض ويا بعض

[شهد78]

حبا لا يموت
اِشكرك على مداخلتك الكريمة


فقد قال الرسول عليه الصلاة و السلام :: تهادوا تحابوا


صدق رسول الله

[أنستازيا]

الله يوفقج في حياتج .. شهد .. وزين سويتي .. !! ;)

[شوكولاتة]

شوفي حبيبتي.........

وحده من صديقاتي كانت كذا .. اول ماتزوجت كانو خوات زوجها اشررررر من الشررررر بس عرفت لهم مشالله عليها......


كسبتهم بالهديه ...... غرقتهم هدااااااايااااااااا .... وغير كذا تخيلو وهي توها في شهر العسل تسوي صينيه حلا وترسلها لهم
وفيه مثل يقول اطعم الفم تستحي العين


والحين مشالله عليها مبسووووووطه معاهم ..


وعلى فكرة ..

ترا صديقتي هذي طبعها كذا تحب تكسب الناس ماتمثل يعني او يعني مهو طبعها كذا ..

يابعدي هي .. من جد الطيبه هي اللي تفوز

[شهد78]

انستازيا :::
الله يسلمك حبيبتي ومشكورة

[شهد78]

شوكولاته :::
مشكورة حبيبتي على ردك
لكن انا ما اقدر اسوي مثل صديقتك
اخشى يقولوا اني اتملق لك او يفتكروا اني اتصنع ذلك
ام زوجي ايوه ممكن اهديها لأنها في مقام والدتي
لكن خوات زوجي مااقدر اهديهم شيء الا ذا كانت مناسبةمثلا زواج محدة منهم او ولادة او عيد ميلاد احد من ابنائهم

وهكذا ::::::

لكن عموما بشوف بحسب الظروف

[عروس قديمه]

انا من رايي انج تكونين في البدايه لبقه ومجامله..
لين ما تتداخلين معاهم وتعرفين طينتهم...وساعنها بتعرفين كيف تتعاملين معاهم...على طبيعتج او بحذر؟؟

وطبعا الهديه لها دور..لكن مو بزياده؟؟؟واللي له دور اكبر هو الاسلوب الحلو..والمعامله الطيبه...ساعتها بيخافون يزعلونج

واهم شي انج تكسبين ام زوجج..وتحطين في بالج انها مثل امج..مهما كانت شخصيتها صعبه...حاولي اتطنشين وقت اللزوم ..وتردين بدبلوماسيه اذا تتطلب الامر..

[شهد78]

عروس قديمة

كلامك درر
بالفعل انا محتاجه لمثل هذا لكلام

لكن للأسف ما اشوف البنات نتفاعلين معاي

ما ادري ليش :(

يمكن انا عضوة ثقيلة الطينة على قلبهم :confused: :confused: :confused:



لكن اشكر كل خواتي اللي اتحفوني بآرائهم وانتظر المزيد

[قوارير]

انا بعد
ابي استفيد
افيدونا افادكم الله
تونا عرايس جدد ;)

[الام الحنون]

شهد عيوني عامل الناس كما تحب ان تعامل ... الصدق في المعاملة يفرضك عليهم فرض ...
مثل ايه ... لم تشترين شيء ويسألونك من وين علمي الصدق ...
اذا سألوك عن طبخه علميهم اي كتاب ..
ساعديهم الرأي شاوريهم في لبس اطفالك .. او الوان فساتينك ... التواضع معهم يرفع قدرك عندهم ..
المغروره اتركيها بحالها الله يعينها على نفسها ما طار طير وارتفع الا كما طار وقع ..