شي خايفين انه يصير [الأرشيف]

ام خالد

30/01/2003, 02:44 PM

حبوباتي العرايس شو هو الشي اللي خايفين انه يصير يوم العرس ويعكر المزاج وجو العرس مفاجاءة غير ساره متوقعين وخايفين من حصوله وكيف مجهزين لها

http://www.swalif.net/sforum1/images/smilies/new_puppy_dog_eyes.gif
مثال
انا يعني مدري عندي خوف على فستاني يعني متوقعه بيستويله شي
يعني سحاب الفستان مثلا ينطر او يتمزق(مع اني مب متينه ) بس جيه خوف وعشان جيه محضره نفسي اني يوم العرس يوم بسير الفندق بخذ وياي علبة الخياطه (لا حد يضحك )http://www.swalif.net/sforum1/images/smilies/biggrin.gif

كل عروسه تدش تكتب المفاجاءت الغير ساره اللي متوقعه انها تحصل وكيف مجهزه لها يعني كيف ماخذه الحيطه لها

اوكي

احبكم
http://www.swalif.net/sforum1/images/smilies/1orglaugh.gif

al_hnOoOona

30/01/2003, 04:15 PM

هلا مطلع الشمس

تصدقين انا صارت لي الحاله نفسها يوم خطوبتي السحاب اخترب :(

وشكلي اووووووووووه :mad:

ماعرفت اتصررف الحمد لله انه اخترب قبل لا ادخل على الناس

واهلي بعد نفس الشيء واقفين معاي ويحاولون في السحاب هم يحاولون وانا:confused:

ذكرتيني بحالتي حتى قومت اخوي المسكين من العشا وراح يجيب لي علبة خياطه

كانت ليله بس توبه مره ثانيه باخذ احتياطي

نسايم

30/01/2003, 11:39 PM

الله الساتر والله.........اتصدقوني عاد انا خايفه اني يوم ادخل عليهم يوم العرس اخافني اطيح عاد اعيون الحريم عليج:eek: :eek: :eek: :eek: والله اني اموصيه بنات عمي اقولهن امسكني زين لا اتروحن عني لين ما توصلني الكوشه:eek: على فكرة نظرات الحريم اتخوفني وتذبحني بعد:confused:

نور الهدى

31/01/2003, 12:14 AM

بسم الله الرحمن الرحيم

السلام عليكم ورحمة الله وبركاته

في البداية أشكرك أختى العزيزة على هذا الموضوع الحلو

صراحه في مواقف كثيرة أخاف أنها أصير

الفستان طبعاً حجمه ثقيل أخاف أنقلب وأطيح منه

بعد ايش اممممممممممممم ايوه

أخاف ينكب على العصير بعدين أكيد راح انحرج

وأصير قوس قوزح

صراحه أخاف أيكون العرس في الصيف وأسيح المكياج
:o :o :o :o :o :D :D :D :D

alareej

31/01/2003, 01:17 AM

هاهاهاهاهاهاها ... كلامكم خوفني .. جلست افكر في هالشيء كان رايح عن بالي ....

فكرة في الفستان ... حتى بالكوشه .. الله يستر :eek:

ام خالد

31/01/2003, 09:57 AM

حبوباتي شكرا على المشاركه وطبعا هالمشاركه نستفيد منها بحيث كل وحده تذكر الاشياء اللي ممكن تصير (مفاجعات غير ساره)وكيف الوحده تاخذ الحيطه لها وما تكون بوضع يربكها ويخرب عليها فرحتها

الحرمان

31/01/2003, 05:33 PM

في وحدة اعرفها احترق فستانها وهي علي الكوشة من شدة حرارة الكشافات اللي وراء الكراسي وركضت اختها وصبت ماء على الفستان

ريم الامارات

01/02/2003, 08:06 AM

انا لبست فستان العرس في الصالون حتى عقد الذهب لكنه انكسر ورحنا بسرعة لمحل الذهب وعدلى وانا طبعا معاهم في السيارة زين انا كنت مخلصه من الصالون بدري قبل لا تقفل المحلات ولا ما ادري شو كنت سويت .

عفراء الغيد

01/02/2003, 10:06 AM

مضوع جميل انا عروس قديمه وبقولكم الي صارلي :)

_انا الي صار ان مالت المكياج اتاخرت عليه واعصابي فارت

_والكعب لانه رقيق انكسر وانا امشي للكوشه يبولي نعالي الثنيات بس

لونه كان بنك :( وتخيلوا الموقف .

_ بعدين السحاب مال الفستان ما طاااع يتبط فليل واخر شي قال ريلي

مافي حل الا المقص تخيلوا .

سلامي

نسايم

01/02/2003, 01:55 PM

عيل رحنا فيها:eek:

أمونه المزيونه

01/02/2003, 02:49 PM

ههههههههههههههههههههههههه ه..
اما انا اخاف اني ابكي .. على الكوشه..
وبعدها يصير شكلي يجنن..

سجايا الروح

01/02/2003, 05:02 PM

مضووووووووووع روووووووووووووعه ....:D
المهم انا بقووولكم شو منه خايفة ..الصراحه انا خايفه من
اشيااااااااءو اااااااااايده ....
1- اخاف ان في العرس يكون عياااال واااايد ويطلعووون على الكوشه
ويخربووون كل شي ...( الله لا يوريييكم شو صار في حفلة الملجه)
2- انا ما أبا حد يطلع فوووق يسلم علي قبل ما ايي المعرس ..
3 - أخاااف مالت الصالون تتأخر لانها بتي من دبي للعين .....
4 أخااف اصيييييح على الكوشه او بنقطع الفستاااان( مثل الملجه )
وانا حاسه ..ولا أقووول انا متأكده انه بيصير شي من هالاربعه ..
ادعوووووووووووولي :confused:

حفيدة جدتي

01/02/2003, 06:01 PM

موضوعك حلوووو

انا اخاف انه ( الله لا يقدر ) احد يموت بذاك اليوم <<-- قد صارت

واخاف كمان اطيح وانا امشي على الكوشه <<-- ما تعرف تمشي بالكعب :P

واخاف بعد امممممممممممم

والله اخاف من اشياء كثيير .. بس خلوها على الله :D

سي يوو

ضياء القمر

01/02/2003, 06:05 PM

ههههههههه
أنا أتذكر و حده يوم الحنة يعني قبل يوم الخطوبة يوم وصلت للكوشة اللي بتقعد فيها علشان يحنوها صاااااااااااحت:confused: :confused: قامو أهلها تجمعو عليها علشان يسدون المشهد و جابت و حده من أهلها علبة الميك أب و عدلة اللي أخترب من المكياج بس بعدين عرفت ليش صاحت لأنها خلاص بتروح بتبتعد عن أهلها يعني بتروح بيت ثاني .

فأخذوا أحتياطاتكم يا عرايس و لا تفشلونا :p

مع تحياتي للجميع
___________________

http://64.207.13.28/mysmilies/kao/otn/pbunny.gif

ام خالد

01/02/2003, 06:51 PM

حبوباتي تسلمون كلكم على المشاركة بس كيف مجهزين اعماركم لهالمفاجاءت الغير ساره يعني اللي خايف من ان كعبها ينكسر واللي واللي خايفه من العيال يخربون كوشتها واللي خايفه الكوافيره تتاخر
يعني مثلا اللي خايفه من الكعب هل اشتريت نعالين واحد احتياط واللي خايفه مثلا من العيال يخربون كوشتها شو مسوي لهالشي انا احي يوم ملجتي كنا خايفين من العيال الصغاريه يخربون الكوشه فشو سوت اختي العوده كلمت فلبينيتين من مالت الفندق وقلت لهم يوقفون عند الكوشه من تحت يمنعون الاطفال من انهم يطلعوا على الكوشه
وبنات اختي كانوا يوصون ربيعاتي والحريم ما يبوسوني عشان المكياج بس طبعا باسلوب لبق وحلو ما يزعل
يلا كل وحده تقول كيف محضره نفسها للمفاجاءت اللي تتوقعها تستوي

احبكم باااااااااااااي
:D

noraleslam

01/02/2003, 08:33 PM

الحمدلله آنا افتكيت...بس أذكر شكثر كنت أحاتي الحفله....وأحاتي أطيح من الدرج...وأحاتي تصير شغلات ما تخطر على البال...بس الحمدلله الله ستر وحفلتي طلعت مرتبه:D

ناس

01/02/2003, 11:16 PM

هذا الموقف صار لوحده ........

اخت العروس كانت صغيرة وكانت معاها قبل لا تدخل القاعة في غرفة الاستراحة واذابأخت العروس ماخذة زجاجة مناكير لقتها في الغرفة ولطخت ثوب العرس وجلست العروس تبكي واخروا دخلة العروس وراحت اخت العروس بسرعة للسوق واشترت فستان زفاف بسرعة وكان مستواه عادي جدا وشوي وسيع على العروسة بس مشو حالهم فيه ذيك الليلة بس موقف ما ينسي واتمنى انه مايصير لأحد ........
والعروس الى اليوم كل ماتذكر الموقف تجلس تبكي وزوجها يضحك عليها

أفنان

02/02/2003, 06:55 AM

مطلع الشموس.. :) بصراحة الموضوع حلو .. أكيد في وايد اشياء تخاف منها العروس وتم تحاتي قبل العرس بسنة :)

وبالنسبة لي أنا...
أولا خايفة أطيح وخاصة ان القاعة اللي حجزتها فيها درج يعني انزل من الدرج وانا حالتي حالة من الخوف والارتباك.. طبعا قررت اني مالبس كعب وخاصة انه بيكون تحت الفستان ومحد بيلاحظ ..
وطبعا نظرات الحريم لها نصيب في رفع درجات الحرارة والارتباك ... بصراحة خايفة اتم امبوزة طول الوقت لاني اذا ارتبكت ما اعرف ابتسم!! وغير تعليقات الحريم على الفستان و التسريحة والمكياج !

والشيء الثاني اللي مخوفني وايد وايد فوضة الصغار ويبهدلون في الكوشة ..وفكرت اني اكتب في البطاقة ستمنع ادارة القاعة دخول الاطفال الا لحاملي البطاقات الخاصة (( الرجاء التقيد بذلك منعا للاحراج)) اعرف بيسبوني الحريم ... :)

وان شاء الله العرس يطوف على خير وهذه الاشياء ما تحصل ..

Cafe latte

02/02/2003, 07:26 AM

:( أنا خايفة العريس يهج ولا يجيي يوم العرس هههههه:p
لا عاد أمزح والله انا خايفة يخرب المكياج ولا الفستان مايضبط في آخر لحظة ويخترب السحاب او وانا امشي في الزفة ينكسر الكعب واطيح او يغمى علي في الزفة او الطقاقة تكشت فيني ولا تجي:p
أوالطقم يضيع <<هيه:mad: طقم الذهب مو طقم الاثنان:D <<أثناني ثليمة مية في الميةحتى ثوفوها:D

سجايا الروح

02/02/2003, 11:09 AM

هلا مطلع الشمس ...
بالنسبه لحشرت العيااااال ...انا اثفقت ويا خالة زوجي ويا اختي يوقفون عند الكوووشه عشاااان محد يطلع ....
أو اني اسوي حقي باب من ورا الكوشه عشااان ادخل منه
ومحد يقدر يوصل للكوشه إلا اذا دخل من هالباب ..وطبعا محد بيقدر ....
يعني ما يكون في 3 سلالم جدام الكوشه عشان اطلع منهم ..
يكووون باب ومن وراء ;) خطه ذكيه صح ..؟؟

اطلال الهوى

02/02/2003, 05:07 PM

مرررررررحبا اختي مطلع الشمس:)

الموضوع وايد حلو والتعليقات احلى واحلى :D:D

بصراحة اناخايفة من البنات اللي معاي في الزفة عندي احساس

قوي انهم راح يعفسون لي الدنيا :mad::mad::mad:

عشان كذا قررت اخلي الزفه معتمده على الموسيقى واضاءة

الليزر والشعلات النارية.....

وايششششش كمممان ...ايه خايفه ابكي لاني يوم الملكة

بكيت لين الله شاف لي :confused::confused::confused:

wonderfullgirl

03/02/2003, 01:04 AM

مرحبا بنات
الموضوع عجبني مرة ....
بصراحة أنا متشائمة واجد وأخاف من كل شي ....ودايما اتخيل ان كل شي بيصير ضدي يوم العرس
الأسبوع الجاي زواجي ليلة الخميس وكلكم طبعا معزومين معانا
المهم ...عمي المسكين منوم بالمستشفى بيسون له عمليه في ظهره يوم الأربعاء هذا وأنا خايفة عليه مرة هذا مثل أبوي وأنا حاولت أأجل العرس بس هو ما رضى وقال لي انه بيطيب ....أتمنى له الشفاء العاجل عشان يقوم معاي ويشاركني فرحتي ...
كذلك أخاف من أن مكياجي يصير يخرع مع أني في حفلة خطوبتي صرت مثل القمر في نفس الصالون ...
أخاف أن ثوبي ما يعجب أحد من أهلي ...
اختصارا خايفة من كل شي ........
دعواتكم لعمي المريض بالشفاء العاجل :confused: :o :o :(

**نحــــــوله**

03/02/2003, 01:19 AM

الصراحه لفتت نضري اجابات الاخت عفراء الغيييييييد :p

مسكينه والله كل هذا صار لج بيوم عرسج !!!
ماتهنيتي يا حياتي ههههههههههههههههههااااااا ااااااي :D

بالنسبه لي انا لما الحين مو متزوجه :o

بس يعني لو بحط لي احتياطات امممممممم..

1- اهم شي مافي اطفال يدخلون العرس بتاااااااتاّ.
2- وقبل كم يوم من الحفله اتاكد انه كل شي جاهز من كوشه و مسكه و حجز بوفيه..الخ.
3- وبالنسبه لسحاب البدله والله مافكرت شنو بسوي حزتها.. يمكن اطلع من الحفله وابكي هههههههههههههه
4- والكعب اشتري اثنين واحد البسه وواحد احتياط :cool:

وانشالله تمر هالليله على خير :o

اختكم في الله / **نحــــــوله**

roroo

03/02/2003, 04:02 AM

والله موضوع حلو.. اكيد فكرت فيه من قبل لأن زواجي ذا الصيف انشالله
انا بس خايفة ان اطيح قدام العالم والناس والكاميرا تصورني بعد.. لكن انا قلت لخطيببي اذا طحت ترى بأشدك تطيح معاي:p
وانشالله ناوية البس جزمة ما يزيد كعبها عن 3 اصابع ويكون الكعب عريض.. اصلا الحمد لله خطيبي مو مرة طويل .. بس مع رفعة الشعر راح بيمشي الحال انشالله وراح امشي بها في البيت يومين عشان تصير خشنة من تحت والله اخاف لا اتزحلق عالموكيت لأنه ناعم والجزمة كمان ناعمة. عشان كدة ابغى اخشنها شوي من تحت.
كمان خايفة لا تتأخر المصورة او المايكروفونات تخرب وقت الزفة.. ايش كمااااااااااااااااان يا رورو؟؟ والله ماعاد في شي تاني بس اذا افتكرت اكتبلكم انشالله

طيبة القلب

03/02/2003, 11:55 AM

صراحة اخاف زواجي يصير فية مبزرة :mad:
http://images.animfactory.com/animations/people_a_l/baby/baby_suck_on_pacifier_md_wht.gif
ساعتها بنتهبلين كانك داخلة ملاهي موزواج لاني مرة حضرت زواج وطلع موزواج :rolleyes:مسرح اطفال هههههههههه

ثانيا مثل ماقالت عروس السماء الطقاقة تعطيك ركبة ولاتجي
http://images.animfactory.com/animations/music/drums/drum_set_playing_blue_md_wht.gif

لا الزينة اذا الكوفيرة :sتأخرت
http://images.animfactory.com/animations/time/clocks/grandfather_clock_shadow_md_wht.gif
ابلشي :rolleyes:هههههه

(6) واخاف لاينكسر الكعب وتطلع لي قرون (6) ساعتها بردد واقــــــــــــــــــــول يالليل ماطولك
http://images.animfactory.com/animations/birds/ducks/duffy_duck_trying_to_fly_md_wht.gif(x) (x)

والا الفستان يخرب ولا:confused:واووووووو اخرب الدنيا كلهاوالمكياج يسيح من كثر الصياح
http://images.animfactory.com/animations/objects/barber_salon/compact_brushing_makeup_md_wht.gif

والاالتصوير (p) يحترق :s

والطقم ينسرق
http://images.animfactory.com/animations/objects/gems/crystal_pendant_md_wht.gif

:mad:في النهاية عاد تخيلي :cool: يطفى الكهرب هههههههههه
http://imagecache2.allposters.com/images/FRL/F101626.jpg

وسلامتكم باي

عاشقة الفردوس

03/02/2003, 12:51 PM

تسلم اناملك مطلع الشمس على الموضوع الحلوووووووو..

بصرااااحه انا اخااااف تصيرلي الأشيا اللي ذكرتوها:(

لأني مثل ما يقولون منحووووووووسه

بس بسوي الاحتياطات الازمه:mad:

الله يعدي هالليله على خير..

بعد العرس انشاءالله بقولكم وش صار معي (الله يستر):( :( :

ادعولي لا تنسوووون;)

اختكم/ عــــــــــــاشقــــــــة الفــــــــــــــردوس ,,,

قوارير

03/02/2003, 04:58 PM

موضوعكم حلو و الله

انا في يوم عرسي
تأخرت المسكه مالتي
و توترت زياده
و الي زاد الطين بله ان الكوافيره تأخرت 3 ساعات
و ما طلعت للناس غير الساعه 12 بالليل :confused:

و في ناس راحت قبل ما ادخل القاعه :confused: :confused: :confused:
تخيلوا عاد نفسيتي كيف كانت
بس الحمدالله
ماعادا هالشي
العرس الحمدالله كان مثل ما تخيلته و اكثر

ام خالد

03/02/2003, 09:16 PM

قبل كل شي اختي wonderfull girl الف لا باس على عمج وان شاء الله يقوم بالسلامه ويتم عرسج على خير

بنوتات حبيباتي انتوا قلتوا شو خايفين منه بس كيف ماخذين الاحتياط يعني وبعدين بنات امي تقولي اقرء سورة الاحزاب لانها وايد زينه خاصة للمقبلات على الزواج الله يبارك لنا
زين ما ابيكم تقصرون قول كل اللي بخاطركم وكيف مسوين احتياطاتكم واللي مب عارفه ممكن نتشارك ونفيد بعض اوكيه
احبكم واشكركم كلكم من اول مشاركة لاخر مشاركة
:)

بسمـــــــــــه

04/02/2003, 01:56 AM

اول شي حبيباتي انا اول مره اشارك معكم
بس بصراحه فكيتو عيوني على شي ما متوقعته
خوفتوني وايد
بس صج صج خايفه من شي واحد
حركاتي الاراديه وقت الزفه بصراحه حضرت عرس كانت العروس مو بوعيها بلمره صراحه انا فشلت نزلت راسي

بتسألوني مثل ايش
قاعده طول الزفه تمشي وتهز وتتلفت بدون وعي مو عارفه

بس الله يعين يارب

عروس على طول

04/02/2003, 07:13 PM

:oوالله انا خايفة ليلة زواجي يطلع لي شيء يعكر مزاجي:(

ترانـــــي اذا تضايقت خلاص كل شيء يقفل عندي ولااعرف

اضحك:s

والله وخايفه من شيء ثانــــــي وهو نظرات الناس لي :eek:

اخاف بس اسويها وطيح ويتوهقون فيني:confused:

ما اقول الا الله يستر وانشاء الله اتعدي ديك الليلة على

خيــــــــــــــــــــر:D

ام خالد

04/02/2003, 08:03 PM

حبوبتي بسمه بالعكس ليش تخافين نحن ما نبا نخوفج القصد ان الوحده تتشارك مع غيرها في امور ممكن تستوي وكيف تتخذ الحيطه لهالامور مب اكثر من هالشي يعني خليج طبيعيه امي زين عورتي قلبي لو دريت ما كتبت الموضوع :(

حبوبتي اقرءي سورة الفلق ما في احسن منها عشان تحميج من عيون الناس انا بعد يوم الملجه كنت خايفه من عيون الحريم لاني من النوع اللي بسرعه ينحسد وامرض بصدق تيجي حمى بس يوم الملجه الحمدلله طافت على خير لاني وايد كنت اقرء سورة الفلق ودعاء بسم الله الذي لا يضر مع اسمه شي لا في الارض ولا في السماء
استعيني بالله انتي وغيرج وما عليكم من اللي يقول تبخري وتعطري كلها بدع اهم شي القراءن اوكيه حبوباتي

ام خالد

04/02/2003, 08:04 PM

الدعاء ناقص بسم الله الذي لا يضر مع اسمه شي لا في الارض ولا في السماء وهو السميع العليم وادعي الله يحفظج من العين

ام خالد

07/02/2003, 03:12 PM

هلا بنوتاااااااااات وين حبوباتي خلاص محد بعد من العراوس عندهم مفاجعات خايفين منها يعني نتطمن ونحط في بطون بطيخه شتوي:o
يلا زين بس اللي عندها شي تشاركنا ما تبخل اوكيه حبوباتي
احبــــــــــــــــــــــ ـــــــــــــ:oـــــــــــ ـــم

حنين الوطن

07/02/2003, 04:00 PM

عاد تدرون انا خايفه من ايش؟؟؟؟؟؟؟؟

أخاف تصيبني نوبة عطاااس شديده ماادري ليش؟

مع ان عرسي باذن الله حيكون عائلي بس حتى ولو فشيييييله:confused:

زوود الغلاااا

08/02/2003, 04:24 AM

... يا سلااااام ..:D
اتخيل نفسي مزكومه الله ومكياجي كل دقيقه يظبطونه خاصه منطقه الخشم ..:confused: :confused: :confused:
..هههههه لا ان شاء الله مجرد التفكير في هالموقف يخرعني .. لالا ان شاء الله مايصير شي ..
اما بالنسبه للفستان .. صارت في زواج قريبتي بس الحمد لله اخترب بالصالوون .. وقدرنا نسيطر على الوضع ...لان فيه فليبينيه عندهم شاطره في الخياطه وصلحته ....:( :( :( موقف لا تحسد عليه ..
الله يستر ..:eek: :eek:

شوكولاتة

08/02/2003, 04:58 AM

ماادري ليش اذا طرو علي العرس دايم اتخيل انهم يكوون ثوبي وتلسعه الكاويه ؟؟؟؟؟؟؟؟؟:confused: :confused:
عاد اتخيل شكلي اضحك وابكي بنفس الوقت ..........:D

انا ترا وحد مطنششششششششه يعني على باب الله ... وش مايصير مايهزني ولله الحمد ..
المهم الاخلالالالالالالالالاق:D

بس بعد الواحد يخاف ... الله يستر .. اشوا انه مافيه طاري عرس قريب

غرااااام

08/02/2003, 05:15 AM

مرحبا أختي مطلع الشمس كيفك وكيفكم يابنات بصراحة موضوع حلو وايد وأنا بصراحة في موقف صار إلى بنت من قرايبي يوم عرسها إنها لما جت بتدخل الصالة طبعاً هم كانوا مجهزين الأغنية الي راح تدخل عليها العروس تدرون وش صار دخلت العروس ولستيريو اخترب تخيلوا وظلت العروس واقفة يمكن حوالي ربع ساعة واقفة والكل ساكت والناس موجهين الأنظار عليها وظلت مسكينة العروس تبكي وانا بصراحة خايفة وايد من هذا الشيء يصير لي وأشياء أخرى :o ياالله مااقول الي الله يعين كل عروس وانا وايد متخوفة وأنا أكثر شيء خايفة ان فستاني مايضبط وماادري ليش دائماً أحس انه راح يخترب وأهم شيء الاتكال على الله والمقدر راح يصير ش~ت أم أبيت ;)

عفراء الغيد

08/02/2003, 02:26 PM

هلا wonderfull girl الله يشفيه ويقومه بالسلامه يا ربي

نحوووووووووووووله ما قلت بالتفصيل ولا جان كسرت خاطرج

وامووووووووووور متخبيه بس والله كانت كبسه :confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused: وفشله بعد

لؤلؤة دبى

08/02/2003, 07:10 PM

موضوعج رووووووووووووووعه
ذكرتينى بعرس حد من اهلى كنت لابس فستان كلهم اتجننون عليه. وانا اعلى المسرح ادوس اختى على طرف و انفتح الفستان اشوى بس الحمدلله انى حصلت :confused: :confused: :confused: :confused:
دبوس وبعدها ما اتحركت من على الكرسى..........
بس كان الموقف محرج:o

اختج لؤلؤة دبى:o

hend

08/02/2003, 07:39 PM

في البداية كل عام وأنتم بألف ألف خير بمناسبة حلول عيد الأضحى المبارك
أما عن حفلة زفافي ... فأنا خايفة من كل الأشياء اللي أنذكرت من قبل أخواتي المشاراكات وأكثر شيء خايفة منه .. الزحمممممممممممممممممة
لأن عائلتي ماشاءالله كبيرة جدا فجدي متجوز أثنين ومن كل وحده جايب قبيلة غير طبعا أبناء وبنات العمات والأعمام فحدث ولا حرج
وأيضا هناك تعدد المناطق في عائلتي فأهل أمي من مدينة وأهل والدي من مدينة ونحن نسكن في مدينة ثالثة غير الأصحاب والجيران والمعارف فبحكم عمل والدي في السلك الدبلوماسي لنا في كل دولة أصحاب ومعارف .. وأنا لي بنت عم ضروفها العائلية نفس ضروفي وحضر حفل زفافها 900 سيدة وفتاة وكانت الحفلة جدا مكتضة ومزدحمة لدرجة أن الأكل ماكفى نصف المعزومين والمكيفات تعطلت من شدة الزحام وأضطررنا الى تقريب الطاولات من بعضها البعض لكي تكفي المعازيم
ولكم أنت تتخيلوا كم يقلقني هذا الأمر فهو أشبه بالكابوس بالنسبة لي
ولكن أتفقت أنا وخطيبي وأسرة كل منا بأن نقيم حفلتين زفاف واحدة نقيمها في العاصمة للأصحاب والجيران والمعارف وأقاربنا المقيمن في العاصمة وحفلة أخرى والتي ستكون يوم الدخلة لأقاربنا المقيمين في كل مدينة من البلاد وهذه الحفلة ستكون في بلد والدي وهكذا سأكون قد سيطرت بطريقة ما على موضوع عدد المعازيم
وربما تتسائلون ماالذي يضطرني أساسا الى دعوة كل هذا العدد
والأجابة هو أن الدعوة في عائلتي غير معترف بها أي من يريد الحضور سيحضر سواء دعوته أو لا .. وغير هذا فأن دعوة القريب في بلدي تعتبر عيب ولا تجوز لأنك بذلك تحسسين قريبك وكأنه غريب عندما توجهي له دعوة زفاف
وسلاااااااااااااااااااااا ااااام;)

شمايل22

10/02/2003, 12:58 PM

لؤلؤة دبى
ذكرتيني بعرس واحد من اهلي كنت لابسة بدلة تهبل
بس للاسف ما تهنيت فيها :confused:
قبل ما يبدا الطق كنت اسلم على الحريم و مسك الخشب بطرف بدلتي من تحت و نشقت من تحت
و سكت و قلت ما عليه
و لما قعدت و طلبت جاي (شاي) كان عندي احساس ان الجاي بينكت علي فقلت لاختي انتبهي للجاي لا تكتينه
و فعلا ما خلصت من كلمتي ( و هي داشة جو بالسوالف و تاشر) الا و الجاي منكب على فستاني :confused: :confused: :confused:
و هذا كله قبل الرقص
تخيلوا رقصت و ثوبي طرفة منشق و لا مكبوب عليه شاي:o

Romanciah

28/03/2003, 01:05 AM

تسلمون على هالموضوع اللي فعلا اتصير فيه مواقف اتضحك و بعضها يحرج و يصيح

انا حرمت اخوي مسكينه اول ما دشت و اتهنت و قعدت و الابتسامه و الرقه والدلع .. كل هذا اختفى وقت ما دخلت وحده من المعازيم اتسلم على المعرس والعروس و هيه ماره طاح كوب العصير على فستان العروس و جدام الله و خلقه .... والله اقولكم لو مش عروس كانت من زمان خانقتنها من الفشله لانه اخوي بدى يضحك على الموقف .....

الموقف اللي فعلا صيحني .. في وحده من ربيعاتي مسكينه بعد ما دخلت القاعه يعني بعد الزفه يابولها خبر انه ابو المعرس اتوفى و اتخيلوا انه الناس بدل ما اتهني صارت اتعزي .. المهم انه بعد ثلاث شهور من زواجها اطلقت ليش؟؟؟؟ على قولة ام المعرس دخلت و دخلت النحس معاها ..

الحمدلله على كل حال والله ايعافينا و يعافي احبابنا

اختكم
Romanciah

ســـيــــان

29/03/2003, 01:28 AM

مشكورة اختي مطلع الشمس
بس اكيد اول ما نعرس بنقولك
عن الاشياء اللي بتصير لنا;)

hozam

29/03/2003, 02:02 AM

ألى أخواتي الكريمات تدرون أنا من ايش خايفة ومرعوبة حييييل منه إذا جلست أنا وامعرس لحالنا مافي معانا أحد وخاصة اني ماشفت المعرس ولا هو شافني لا وأزيدكم من الشعر بيت مو قريبي . الله يستر .
أختكم / هوزان .....

اماسي

30/03/2003, 12:30 AM

مرحبا اختي مطلع الشمس :)

موضوعج حلو وياكثر ما يشغل بال كل وحده مقبله على الزواج

انا فيه اشياء وايده خايفه منها لكن اكثر شي خايفه منه

اني اطيح وانا راكبه عالكوشه قدام الله وخلقه :s

عاد فشله ما بعدها فشله وفي الشريط ذكرى تجنن :D

وخايفه انه تجيني نوبة عطاس خصوصاً اني من النوع الا ما يستحمل

لا برد ولا حر على طول عطاس :eek:

وخايفه في يوم الملكه لما يجي يأكلني الكيك يقص لي قطعه كبيره وما اعرف اكلها :s

وخايفه اني في نهاية العرس ابكي بكا الوداع و يخترب مكياجي :s

وخلني اعطيكم كم موقف عالطاير :

* اختي في ليلة زفافها اكتشفت وهي في الكوافير ان طرحتها مي موجوده كلمت اخوي

تسأله اذا هي موجوده في السياره او لا وعملية البحث جاريه ما كو شي راحوا سألوا

المغسله اذا نسوها عندهم وبرضو ما شافوها ومسكينه سلمت امرها

وطلعت من الكوافير بدون ما حطوا الطرحه في التسريحه راحت الاستديو وتأخر تصويرها

وهي شوي وتبكي متمالكه نفسها عشان المكياج بس لكن الوالد ما قصر راح السوق

عالسريع و اشترى لها طرحه احلى من طرحتها المفقوده والحين محتفظه فيهم ثنتينهم ..

* بنت جيراننا في ليلة حفلة خطوبتها كانوا يصوروها و بعده ما

يدخل عليها خطيبها جلسوا على حضنها طفله من اهلها وسوته عليها :confused: مسكينه قامت

وبدلت ولبست فستان عندها من قبل عادي لكن لبست مشمر يعني حرام .

* زوجة اخو صديقتي في ليلة زفافها نكبوا بها الفرقهوهي على نار لكن مشت حالها

صاروا بنات خالتها يأدون دور الفرقه ، ما جوا الفرقه الا الساعه 1

يعني قربت مراسيم الزفاف تنتهي طبعا هزأوهم وطردوهم يا حرام :D

وسوري على الهدره الوايده

(a)

Bent_Al3a9maH

21/04/2003, 02:44 PM

السلام عليكم

شحالكن يا العرايس ؟

أنا خايفه من ليلة العرس

تعرفون من شو بالظبط

كيف أبطل التسريحه, لاتظحكون لأنها فعلا مشكله عندي ... شعري طويل وايد وكل ماتكون عندنا مناسبه وأسوي تسريحه في الصالون وأستانس على شعري أرد البيت بعد الحفله وتبدا المعركه بيني وبين شعري ..

يعني أحيانا أتم أعاني بروحي وفخطوبتي الوالده جزاها الله ألف خير ساعدتني
بس المشكله بتكون في العرس لأنه محد بيكون عندي هاذيك الساعه

انتو شو تسوون ؟ افيدوني والله صدق وايد مستهمه من هالشي

شي ثاني خايفه منه هو اني أتخرطف واطيح على الكوشه أو انه شكلي مايكون اوكي ..

شموع الامل

21/04/2003, 03:22 PM

ســـــــــــــــــــــلام
والله بديت اخاف من قريت الموضوع :s وبديت اعمل لحفلتى اللى مدرى متى الف حساب والله عن جد خوفتونى:s:rolleyes:

اتذكر انه يوم حفلت خطوبتى كنت مرتبكه جدا جدا يعنى قبل ما يجى خطيبى عادى وعال العال واضحك مع الكل والكلل يقول لى اردكى واعملى حالك تستحى :s:D

وبمجرد ما وقعت على العقد ويتغير كل شى خلاص با موت من الخوف وخصوصا انى ماشفت رجلى بالمره ولا هو شافنى يعنى راسمه له فى بالى الف صوره وانا احاتى وقلبى(u) دقاته بدت تنسمع

وبمجرد ما دخل تغير حالى الف درجه يعنى الكلل قال لوووووووول هذه شموع اللى كانت قبل شوى تضحك وش بلاها كل هذا خجل والله باموووووت من الخجل المهم
وكنت احاتى تقطيع الكيك وشرب العصير واخاف انى اكت عليه شى ولا شى
وقطعت له قطعت كيك كبيره ولما جينا نشرب بعضا العصير مسكين على طول حطيت الكاس على شفاته وشلته ويقول والله ما ذقته الى يومكم يعايرنى ويقول ما ذاقه:D:D

هذه مواقف فى خطوبتى الله يستر من حفل زواجى وش يصير اخاف اشوت الرجال وانا ما ادرى:D:cool:

عروسة العمر

21/04/2003, 03:28 PM

السلام عليكم ,.,,

مشكوره مطلع الشمس على الموضوع الحلو ,, وبصراحه اكيد كل وحده خايفه من هذي الليله يصير فيها شي ولا يخترب عليها شي ,, وطبيعي انا متروعه ,, بس ذكرت موقف حبيت اخبركم عنه .. مرت اخويه اللي مخبرتني عنه ,,

اتقولي ان هي واهلها احضروا عرس كانت العروس متينه واييييد يعني من ذوات الوزن الثقيل ,, وإلا شوي دخل المعرس مع ابوه ,, امتن عنها وعلى قولتها اتقولين كور على الكوشه ,, المهم حبوا ياخذون صوره جماعيه مع الاهل ,, اجتمعوا الاهل كلهم على الكوشه ,,واتخيلوا العائله كلها متان ,, كل واحد امتن عن الثاني اخوانها وخواتها وامها وامه وابوه ,, والمعرس طبعا والعروس ,, وإلا شوي المصوره تقولي واحد اثنين ثلاث ,, وبوووووووووووووم وطيح الكوشه ,, اتكودووووا كلهم داخل الكوشه على بعض وريول العروس فوق وراسها تحت ,, وانفجرت القاعه من الضحك ,, وبصراحه انا متت من الضحك بس بعد ما خلصت الضحك غمضتني العروس واتخيلت الموقف المحرج ,, :o:o:o:o يا ويليييييييي الله لايحط وحده في هذا الوقف انها اتطيح او تنكسر الكوشه عليهم من ثقل الوزن ,, يعني ممكن اتصير لو ناس وايد اتجمعو ا عليها ,,,,

والسموحه...

هنوف

22/04/2003, 09:44 AM

السلام عليكم ورحمة الله وبركاته ...

أول شئ اشكرج إختي على الموضوع هذا اللي كان سبب في عودتي إلى المنتدى ... فأنا اشتركت في المنتدى منذ سنة تقريبا ... وتزوجت بعد إشتراكي بشهرين وانقطعت كل هذه المدة عن المنتدى .. وبعد ان عدت وقرأت موضوعج حبيت أشارك فيه ....

فيوم زواجي أختي الكريمة حدثت فيه بلاوي ... في البداية .. وصباح يوم العرس قضيته وانا ابجي لأنه ما كان عندي أحد يوصلني من الصالون للقاعة :confused: ... وبعد ساعتين الحمدالله انحلت ... رحت الصالون الساعة 11 الضحى ... والله وكيلج طلعت من عندهم الساعة 10:30 بالليل :rolleyes: ... لا تسأليني ليش ... ما أدري .. بس خل اقولج الأحداث اللي صارتلي في الصالون ... أول شئ اغمى على... وصارت مناحة في الصالون من خواتي وأهلي .... وقعدت تقريبا ساعة على ما قدرت اصحصح وأقوم ...
بعدين دقت علي بنت عمي اللي كانت مسؤولة على الإشراف على الورد وقالتلي إنه الورد اللي جابوه غير اللي إتفقنا عليه والوانه غير متناسقة وانها تخانقت معاهم :confused: ... واتصل على صاحب محل الورد معصب يشتكي من بنت عمي وأنا أهدي فيه وأحاول أتسامح منه ابي أمشي الموضوع وآخر شئ الحمدالله تصالحوا و جابوا الورد اللي إتفقنا عليه لكن بعد ما وقف قلبي ....
وعقبها كان مفروض إتيي المصورة للصالون تصورني قبل لا اروح القاعة ... وجات لكن وحدة ثانية غير اللي إتفقنا معاها عشان هذيك كان عندها ظروف ... والله وكيلكم ما قعدت 5 دقائق إلا تبدي تصارخ و تتخانق عشان انا بعدني ما كنت مخلصة وحضرتها معصبة ليش هي جات وانا للحين مو مخلصة!!! :rolleyes: ... وصارت سالفة ودقيت على مسؤولها وقلتله مابيها خل تروح وهذيك والله العظيم لسان ما تسكت ... مادري شنو مشكلتها!! ... وبعد خناق وصياح طلعت وجابولي المصورة اللي كان إتفاقي معاها من الأول بس أنا شنو كانت أعصابي :mad:

نجي حق المكياج!!! .... بالبروفا كان حلو يوم العرس مادري شفيها خربتلي مكياجي ... و 3 مرات اقولها تغيرلي إياه وهم آخر شئ ماطلع إللى أنا أبيه بس شسوي سكت لأن الساعة كانت 10 بالليل وكل شوي يدقون علي وينج وينج ... والتسريحة كانت حلوة بس أنا اتفقت معاها إنها تحط الطرحة على راسي قامت الإخت حطتها من تحت :confused: ... سكت وانجعمت عشان كنا متأخرين .. وطلعت 10:30 من الصالون وانا ببجي ووصلت القاعة الساعة 11 بالليل.

على ما وصلت المفروض يحطون دخان ويصكون الإضاءة مع دخلتي ... ما صكوها!!! وشغلوا الدخان لما وصلت الكوشة!!!! ونسيت أقولكم طلعت روحي على ما وصلت للكوشة لأني تأذيت وايد من الجيبون كان وايد ثقيل وما قدرت أمشي :confused:

طبعا نص المعازيم كانوا ماشيين لأني تأخرت وعرسي كان يوم ثلاثاء يعني دوامات ... وبس وصل المعرس قامت خالتي دخلت المعازيم لقاعة البوفيه لأنه الساعة كانت 12:30 ماتوا من اليوع :o
ولما طلعنا أنا وزوجي ما كان فيه احد في القاعة كل المعازيم قاعدين ياكلون وطلعنا بدون محد يزفنا :confused:

يعني عرسي كان مأساة في مأساة .... ووالله العظيم هذا اللي صار في عرسي ما زودت ولا نقصت شئ ... بس الحمدالله على كل حال :D

أنا يمكن صار جذي بعرسي لأنه ما كان في ترتيب ... وللاسف كل شئ أنا كنت أسويه بروحي ما لقيت مساعدة من أحد :( ... عشان جذي بنات ديروا بالكم وحاولوا إنه كل شئ يكون جاهز قبل العرس وبإنتظام ... وكل شئ مرتب وموزع على الأهل كل واحد مسؤل عن شغله ... وخليكم طبيعيين ولا تخافون من شئ ولا تفكرون بشئ وإن شاءالله كل شئ بيصير مثل ما بغيتوا وأكثر ..

وربي يوفقكم جميعا.
وآسفة على الإطالة.

يا رب تفرجها

22/04/2003, 02:21 PM

السلام عليكم..

احمدوا ربكم ... وش رايكم بوحده لما زفوها وخلصت كانت على اعصابها ولما خذاها زوجها وركب السياره معاها .. هم لحالهم بس في السياره .. شم ريحه .. يوم لف عليها لقاها تبكي .. طلعت الشيخه مسويتها ((الله يكرمكم)) .. طبعا في ناس لما يتوترون تضربهم بكونهم وانا منهم .. بس لسا ماني مخطوبه ... يعني الله يعيني ههههههه المهم طلع زوجها شهم .. ومررها على بيت أحد من أقاربها .. وخلاها تتسبح وتلبس اي شي من الي معها بالشنطه .. وباس راسها .. وقالها فديتك ... هذا كله عشانك خليفه مني .. ها وش رايكم .. يارب اتزوج واحد زيه يا رب .. بس ما يصير فيني الي صار فيها هههههه ....

فجرالليل

10/05/2005, 07:04 PM

انا خايفة من كل شيء .... حتى العريس .....
اخاف انقلب من الرفاعة اللي اشيلون فيها العروسة ... الله يستر ...
:pain::pain::o

RONITTA9003

10/05/2005, 08:08 PM

ههههههههههههههههههههههههه ههههههههههههههههههههههههه ههههههههههههه انا خايفه من شغلات كثير عرسي شهر 12 والله يستر انشالله خير .....................بس انا خايفه من حياتي المستقبليه مع زوجي ....................هادا اكثر شي يخوف موووووووووووووت الله اعلم طبعا بس الاشياء الثانويه التانيه اكيد تخوف بس مو اكثر من الحياه الزوجيه الي بننتظرها لانو الخطوبه مجرد فتره رائعه ينتظرها كل انسان ليغير حياته و يعيش حياه جديده بس :shy: وبعدين عنا مثل في بلادنا الزواج مثل البطيخه المعنى انو البطيخه لما الناس يشترونها ما حد يدرى وش فيها يعني لونها احمر اخضر يابسه .......!!!!!!!!!!!!!!!!!!!!!!!!!:smile: والزواج كمان كده ......................... والله يوفق كل عروس و كل بنوته حلوه و كل انسان عهالدنيا .......................................

alhames

10/05/2005, 08:10 PM

والله اني احاتي البلاوي اللي بتصير.........................اخاف الوالده وعمتيه يطقونها صياح ترى عااااااادي يسووونها
واخاف لأن انا ماعندي خوات يساعدوني او اوزع الشغل عليهم........وخايفه اللي اباه يصير مايصير
بس بصرااااحه عيبتني سالفة المتان وصدق ضحكت من الخاطر...................ز

ورد الخريف

10/05/2005, 09:52 PM

فتحتو عيوني على حاجات ما خطرت على بالي

فله وعسل

15/05/2005, 03:00 AM

السلام عليكم حبيباتي والله موضوع خطيييييييييير :up:وانا والله مو خايفه انا ميته من الخوف من دحييييييييين ايش بيصير يوم الزواج انا في يوم الخطبه :cry:بكيت اتخيلو كان شكلي مره بايخه بس انا حساسه شوي وكلهم قبل الملكه يقولولي لا تفشليني وتبكي كمان ويوم الملكه تعالو وشوفوني ضرب الفيووووووووز وهسترت وقعدت اضحكككككككككك :D2واضحكككككككك :D2ادري بتقولو مجنونه بس والله هدا اللي صار واهلي :eek2: مو مصدقين !!! بس انا عندي مشكله ما احب احد يقعد يطالع فيا استحييييييييييييييي:sad: حتى صحباتي واهلي والله لو اختي طالعتي وانا ما اكلمها استحي واقولها خلاص :o قولولي اش اسوي يوم الزواج وانا بمشي الكل عيونه على العروسه (انا) وانا قاعده نفس الشي والله اروح فيهاااااااااااااااااااااا ااااا

زهرة خريف صلالة

15/05/2005, 02:06 PM

بناااااات والله خوفتوني زيادة..
ذكرتوني باشياء اصلا ما كنت حاطاها في بالي :cry:

بخبركم شو الي انا خيفانه منه.. بس لاتضحكون :no:

اخاف تشرف الاخت ليلة زواجي (دورتي)
لان موعدها وااايد قريب من تاريخ الزواج..
وانا عادة مع القلق تتقدم عندي :sad:
ادعولي...

والله لو صارت هالحركة فشلة ... شنو اقوله.. :sad:

اهات الحنين

15/05/2005, 03:34 PM

؟؟؟؟
؟؟؟؟

MooN EYES

15/05/2005, 04:48 PM

بسم الله الرحمن الرحيم
الحمد لله و الصلاة و السلام على اشرف المرسلين سيدنا محمد و على ال محمد و صحبه اجمعين...

الله يستر عن جد لازم الوالحد يفكر ب كل شيء..

شوفو انا شو صار فيني لما كنت مخطوبه و في حفلة الخطبه >>> انا للاسف تركته يعني باختصار عزبه لسه

المهم..

لما فتت على الناس كلهم كانو يطلعو فيني و انا ما اعرف اطلع على مين و اترك مين ,. و اجو و سلمو علي بس الحمد لله نحن عندنا عاده هنا ان الناس ما تبوس العروس ابدا بس سلام ب الايد مشان المكياج..

المهم انا لما قعدت اجو صديفاتي و حبيبات قلبي جمبي و صار ينصحو و يحكو و ما بعرف شو المهم وحده من صديقاتي حكتلنا عن مواقف صارت للعرائس اللي تعرفهم و قالت ان وحده منهم من كثر ما كانت حايفه و مش على بعضها اجتها العاده,, انا قلت لها لاااا ما اصدق معقوله للدرجه هذه
و لا ما احس الا و انا ضهري يوجعني و بطني كمان الم فضيع مثل الم العاده و خفت كتير و قلت لهم اني بدي اطلع من الصاله و اروح للحمام و المفاجئه كانت ان العـــــــــــــــــاده شرفت :sad:

و انا زعلت و صلت ابي و اضحك في نفس الوقت و كنت ادعي الله ان الالم ما يكثر لان انا اذا جتني انجن كاني راح ولد..

و هذا اللي انا خايفه منه في الخطبه الجايه ان شاء الله

و الله يتمم لكن على خير و الله يشفي عمك يا... نسيت اسمها

( شخص من عائلتي انتقل الى رحمة الله عز و جل,, ارجو الدعاء له بلمغفر)

روضة بوظبي

15/05/2005, 07:51 PM

روووعة موضوعكم باجر للي عودة :>:>

وانا خايفة اليهال ايخربون كوشتي:cry: .... وخايفة بعد شو منه ياربي:s2 خايفة خلوني اتذكر امممممم خايفة يوم اغسل ويهي من الميكاب واحط الخفيف تطلع عيوني:pain: حمر من الصابون وخوف ريلي:pain:

روضة بوظبي

15/05/2005, 07:54 PM

زهرة خريف صلالة فيه حبوب ياخذونها البنات اللي دورتهم قريبه من موعد زفافهم تأخر الدورة علشان الفشلة

انا ناوية اخذهم والله مايهمني فضيحة اتفشل لوووول

باربي78

16/05/2005, 03:11 AM

انا يوم عرسي فستاني تمزق من تحت دست عليه بالجوتي الله يعزكم
لان غرفة الاستراحه عند قاعة العرسوكنت اركض بسرعه علشان محد يشوفني
وعصبت مررررررررررررررره

بس بعدين ما فيه شي اقدر اسويه دخلت الحفله وكان الوضع عاااااااادي ولا كأن شي استوى
واصلا الكل ما لاحظ لان الفستان فيه طبقات وايد ومحد لاحظ الحمدلله

تحياتي

fay fay

16/05/2005, 04:10 AM

انا مب خايفه من شي ..
يعني بالنسبه للفستان الخياط محترم وان شاء الله كل شي بيضبط
المكياج واثقه ان شاء الله
اللبس وانس انسى شي ما اعتقد وحتى لو نسيت الموضوع سهل وكل شي ينحل
الجزمه وانها تنسكر مستحيل لان ماعمري انكسرت علي جزمه او صندل من قبل وكل شي ان شاء الله واثقه منه

بس خايفه من شيين :
الاول ان اللي اتفقت معهم على اشياء معينه يتاخرون مثل المسكه وغيرها .. يعني اخاف من مواعيد الناس مو مواعيدي ..
والثاني خايفه من نفسيتي .. انا وحده حليمه وبالي طويل بس اذا شفت شي انا ما تقبلته تلقيني اعصب قووووووووووه خاصه لاصار الوقت وقتي .. يعني بملكتي كنت خايفه واحاول ماعصب ومعتمده على اخواني حبايبي يعني يوم الشيخ يسلني اخوي كان واقف جنبي ماسك يدي ويسندني ويساعدني وكان جدا حنون لدرجه اني ماخفت بس حسيت ان الاشياء شويس مب عاديه وخفت ان زوجي يسمع صوتي ههههههههههههههههههههه

بس بالزواج غير .. اخوي مابيكون معي .. بيكون مع الرجال وانا اذا هو مايطمني مارتاح .. ابيه معاي مابي يروح عني هو يقدر يريح بالي بثواني ويخليني احس ان الدنيا كلها تساهيل .. يعني حتى يوم كنت جالسه مع خطييبي لحالنا كن متوتره وخايفه وهو يطالعني قوه بس انا مب قادره اتصرف ويوم دخلو كل اخواني كنت ارتبك اكثر بس لما دخل علي اخوي هذا ارتتتتتتتتتتتتتتحت وصرت ابتسم واهدده من تحت لتحت والوقت حلو :)

مدري يمكن كل هذا مب خوف بس توتر ..

hasosa

17/05/2005, 08:01 AM

أنا بعدني ما عرست

بس بخبركم عن مواقف صارت لغيري

بنت خالتي (ساكنة بمكان بعيد شوية)كانت موكلة أخوي يجيب لها المسكة

طبعا أخوي العزيز جابها الصبح وحطها بالفريزر عشان تحافظ على طراوتها...خخخخخ

ويوم خلصنا الصالون العصر مرينا البيت ناخ> المسكة....كان بالصيف طبعا...

خمس دقايق...والله...المسكة صارت سودا....

قامت شوي و بتبكي...

ردينا ابسرعة المحل ..والحمد لله انه كان فاتح وانه عنده نفس الورد اللي اهيا طالبتنه...وسوالها

ابسرعة..لا ومسكين بسعر أقل بعد...وطبعا أخوي اتدبس في الدفع..لانها غلطته...وشو كانت فرحتها يوم شافت نفس المسكة..

لا وفي الطريق نزل مطر شوي...ابركات عرسها...خخخخخ

أما اختها الثانية فكانت مستأجرة طرحة من محل...ويوم العرس رحنا انجيب الطرحة...الا المحل مختفي..أفااااا

الا وراعي المحل الثاني ينادينا...انت شو تبون.. وخبرناه...طلعت الطرحة معاه...واو ...مكوايه و مقرطسة..

راحت العروس الصالون ورحنا احنا صالون ثاني...

ويوم ردينا بنشلها...اشوفها مب لابسة الطرحة...شو الساللفة...طلعت الطرحة تشبه اللي مختارتها بس موديلها مال أول..اللي فب=يه شباصة و تجي طبقات....والله حاله!!!!!

لفينا عل المحلات كلها امسكرة....

وفجأة ات>كرت اني عندي طرحة أختها العودة في البيت...وطيران كويتها لها ولبستها ...زين اها مشت مع فستانها...والا صدق كانت فشلة...

ملاك فلسطين

17/05/2005, 11:44 AM

مواقف عن جد بتموت من الضحك ههههههههههههههه
وان شا الله ما بصير معي شي في يوم من الايام لاني خوافة و خجولة درجة اوووووولى
حلو الموضوع

بنـ النور ـت

18/05/2005, 01:36 AM

واو والله حاله

نجوم الليل

19/05/2005, 12:07 AM

السلام عليكم
مشكورة اختي على الموضوع الحلو

الله يكون في عون جميع العرايس

بالنسبة للطقاقة اتصلوا عليها قبل الزواج بيوم علشان تتاكدوا انها راح تجي ونفس الشي لصاحبة المكياج واستوديو التصوير وفي نفس ليلة الحفلة من بدري اتصلوا عليهم علشان تتاكدون ان هم راح يجون علشان لو لا سمح الله ما راح يجون تجهزون مثلا دي جي بدل الطقاقة وبدل الاستيديو تخلون وحدة من الاهل اذا فنانة في التصوير تصور لكم
ومعدات الفرح والزفة تاكدوا انها تشتغل مثلا المسجل او الستيريو والليزر وكل الاجهزة
والفستان اخذوا ادوات خياطة وياكم

مو لازم تلبسون جزمة كعب لانها ما تبان من تحت الفستان واذا لزمة تدربوا عليه وانتوا في البيت
هو صح المشي بالكعب قدام الناس غير لكن خلي في نفسج ثقة واهم شي ان انتي معجبة في نفسك ولا يهمك الناس لان آرائهم مختلفة

والله يسهل الامور ان شاء الله

بشبشه

19/05/2005, 01:01 AM

من جد والله اني بديت اخاف ابد ماحسبت حساب هالاشياء وخصوصا الفستان والطرحه والكعب وانا مفكره اني مالبس كعب لاني طويله
بس يالله يعدي ذيك الليله على خير يارب

: أماني :

19/05/2005, 06:44 PM

موضوع حلو عن نفسي ولو انه لسا بدري على الزواج بس اكيد راح اخاف ان اي شي مايصير زي مارتبت له

واهم شي اخذ عدة ميكبي معايا علشان ممكن يخف الميكب يعني بودره ومحدد وروج هذا اهم شي

تسلمين على الموضوع

,’ نسيم الشوق’,

19/05/2005, 07:00 PM

الموضوع مره حلو بس بقولكم على قصه قالتها لنا المدرسه ايام الثانويه والله ايام حلوه
ماراح اطول المهم كانت هي مع العروس والعروسه مسكينه من الخوف نزلت عليها الدوره وعدمت
فستانها والي ادهى من كذا انهم ماشفوها الا وقت الزفه ياحرام معدعرفو وش يسون
وقفو وراها الى مامشت وحاولو ان محد يلاحظها مسكينه يعني يكفى التوتروبعد تجي الهم هذي
والله حاله الله لايحط احد بنفس الموقف
لا تنسو تجهزون احتياطكم محد عارف الخوف وش يسوي
ومره في زواج اخوي صح موقف والله انه ضحكني وقهرني في نفس الوقت
الطقاقات ماجوالااخر الناس وهم مفروض يكونون اول الحاضرين
شكلهم نسو يحسبون انفسهم هم المعازيم:D2:D2

أم القوقو

19/05/2005, 07:51 PM

مع اني ما كملت قرايه بس بقول لكم بسررعه شي

اتاكدوا من اللي بتمكيجك و اشترطي عليها من بدري

انا كنت دافعه عربون على اساس لي و لا مي و خواتي

قاموا دقوا علي المشغل الظهرر يمكن الساعه 1 او بعد توها ما جت وحده

يله يله ترا بتتاخرين

و علطول جيناهم يوم دخلنا قالت حسبي الله عليها لا خلاص ما فيه بس

بسوي للعروس!!!!!

طيب احنا جايين الظهر يا عالم كيف تأخرنا !!!!

و حاولنا فيها و قامت تقول لا لو بسوي ما بطلعكم بدري يعني عشر و نص!!!

تخيلوا اهل العرس ما يجون الا على 11

المهم حسبي الله عليها بالموت رضت تسوي لامي

و خواتي راحوا ركض يدورون مشغل

الحمد لله راحوا ساس و طلع مكياجهم حلو

و بنت الذين مشت اللي براسها و لا خلصتني انا و امي الا 11 و شوي

و على فكره ترا ما كان مشغل خربوووطي كنت مزينه عند شعااااااااع ان كان

تعرفونها يا بنات الشرقيه

و بعد موقف سخيف مع المصوره كذبت علي بنت الذين

عشان كذا اشترطي عليها من البدايه

يوم العرس اتصلت الظهررررر و قالت مقدر اجي انا برسل وحده زينه لاني ةفي راسس تنوره

طبعا انا كنت جاهله و رضيت بالامر الواقع لو يرجع الوقت :

التصرف السليم: امسح فيها البلاط و اقول لها انتي عطيتيني كلمه و لا راح اقبل باي شي ثاني

يا تجين انتي يا تفارقين في ستين داهيه (عصصصصبت هههههه)

بس ما اقبل اي وحده ثانيه انا شارطه عليك من البدايه

طبعا اللي ارسلتها ما تعررررف وين الله حاطها خررررررررربت كل شي

اه...ليه خليتوني اتذكر الامور السيئه

تدرون عاد ....

انا ناويه اذا جت تتزوج اختي الصغيره

ان شااااء الله بنصورها احنا بكاميرة الفيديو

و الله وش الفرق

اذا الوحده تعلمت على الكاميرا زين

تقدر تصور بالوان و بدون و تسوي لقطات ملونه و ابيض و اسود

يعني بس يبغا لنا نتعلم...

وان شاء الله استفدتوا شي من كللللللللللل هالكلام خخخخ

بشبشه

20/05/2005, 12:18 AM

كلامك صحيح اختي:)

حاملة السيف

20/05/2005, 08:35 AM

موضوووووووووع رائع....
أحزنني فيه بعض المواقف ..
.........................
اما أنا خايفة أطيح على الأرض وخايفة أصيح وخايفة أنهااااار...وخايفة تجيني نوبة هستيريا وخايفة من الدورة أعزكن الله
وخايفة أني ما أعجب زوجي..وخايفة مكياجي والميك آب مايضبط.....ومممممممممممم خايفة يتركوني لحالي معاااااااه...
وخايفة أنسى شي من أغراضي اللي ببدل فيهن ...
تخيلو عاروس أعرفها نست روب الحمام والمنشفة...:( وشنطتها اللي فيها كريمات الجسم...
يعني موقف مسكينة ما تنحسد عليه...
وخاااااااايفة تموت جدتة أو أي أحد ثاني...ودي أنا أموت قبل ذاك اليوم...
وخايفة من الكعب مررررره عالي وأنا مو متعوده... وفيه درج..الله يستر...
اما الزفة مافيه زفة سمعت أنها حرام إذا أنزف معك العريس...
وموسيقى مابي أخاف هالمعصية تكون سبب أني ما أتوفق...
والطقاقات وش ابي فيهم اصلاً ماعندهم سالفة..(وكلمات أغانيهم محرمة)(أرجعو لشريط الشيخ محمد المنجد كلمات الأغاني في ميزان الشريعة)
هذا ما يحضرني الآن ...
ولي عودة..:)
تسلمين حبيبتي على هالموضوع الحلو..

nono748

20/05/2005, 12:20 PM

الوان الكوشة ما كانت نفس الدرجة الهادية الي طلبتها....لذلك انصح العروس تفوض حد من الي شافوا شو اختارت في محل الكوش يتاكد خلال التركيب ان كل الي ركبوة نفس طلب العروس.
اغراض العروس لازم تكون في الفندق من الصبح
اهل العرس يتوزعون في اكثر من صالون عشان التخريب والتاخير ما يشمل الجميع وعشان ما تكون فية عمليات استنساخ..

انا اخرتني صاحبة الصالون ...كانت تقص علي تقول لي ايلسي في الغرفة ارتاحي , ومن هناك هي تاخذ زباين ومخلتني اخر شي(عروس مضمونة) على ما خلصتني كانت الساعة 9 مساءا والصالون في دبي وفي فترة المهرجان, ولكم ان تتخيلوا متى دخلت القاعة؟؟؟؟؟؟؟؟
الساعة...12ولا بعد اول شي ما قدرت اركب السيارة من الفستان , فسار اخوي وياب سيارة اكبر عشان يدخل الفستان, ويوم وصلنا القاعة مافية مدخل خاص بالعروس ومن زحمة السيارات برع ما قدرت انزل, وبعد ما دخلت القاعة وقبل ما ادخل عند الناس انفتح الزر الي ماسك التنورة!!!! ناقصنها هرموز ملح:s2
بس على فكرة الزر الي انفتح انفتح من التضويق مب لاني متينة:D2
بس على قكرة كان عندي احساس ميت يعني كنت امشي كاني مبنجة ولا احاتي اي شي ...الدنيا خبصة والناس معتفسة ونص المعازيم روحت قبل ما اوصل بس انا عاااااااااادي كيف واللة ما ادري:rolleyes:
والبوم الصور قصة ثانية ...مثل الزفت عند اضواء المدينة...والعذر ليش مااخترتي البوم ابو 7000هالكلام من 1999

مشمش25

20/05/2005, 05:16 PM

انا خايفة من كل شي ذكرتوه
وكل شي انا محضرته خايفه منه هذاك اليوم
هذا غير خوفي من مشاكل صحية او فستان او مكياج او تاخير
الله يارب يسهل امرنا وامركم
قولو ااامين

نوووور123

20/05/2005, 08:11 PM

انا خايفه من التسريحه يوم الزواج
مابيها تكثر من المثبت
ابي شعري يكون ناعم عشان لما ارجع من الزواج وافك التسريحه يكون شعري ناعم ومااضطر اني استحم لاني شعري طويل
وصعب اني استحم واستخدم الاستشوار اول يوم
لاني جربت في الملكه وكثرت مره واستحميت 3 مرات عشان شعري ينظف

عروس اغسطس

20/05/2005, 08:11 PM

أخاف اني اشوف امي واصيح ويخترب الميك وبنفس الوقت من الخوف اخاف تجيني الدورة الشهريه :(

قطاف

22/05/2005, 11:41 AM

أما أنا فمؤمنة بقضاء الله وقدره
ولكن لازم الوحدة تحط في بالها بعض الأمور مثلا بسوي ملجتي سفرة عجم ( يعني أحط طاولة كبيرة قدامي وفيها سلال فيهم حلاوة ملفوفة بطريقة حلوة ومنظرة متوسطه قدامي مع شمعدانات وسلة فواكه وسلال فيها مكسرات مرشوشه بذهبي وفضي وأنثر على الطاولة ورد وقدامي قرآن أقرا فيه ليما يجي الشيخ اللي يعقد علي) بس أخاف إن بنت عمتي تعفس الطاولة لأنها من ذوي الإحتياجات الخاصة وما تفهم

وأخاف البنات اللي يدخلون معاي في الزفة ما يتحملون بي ولا يلبسون الملابس اللي بافصلها لهم>>>>> أعطيهم فلوس عشان يرضون :think:

أما عن الكعب فأعرف إن العروس لازم تلبس كعب عريض عشان الفستان ثقيل - يعني ما راح ينكسر
وفي الصالون باكون عندهم من الظهر وأخليهم يجهزوني من وقت وإذا ما عجبني المكياج باغسله وباخليها تحطلي غيره وكيفي ترى آنه شرانية وأكسر الدنيا إذا عصبت :mad2: وباسوي بروفه غصبا عليها

وفستاني بافصله يعني ما بخاف الطرحة تضيع أو يعطوني وحده غيرها وآنه في هالسوالف نظامية >>>>>> غير العادة خخخخخخ
وإذا قرب موعد الدورة باكل حبوب قبل أسبوع بتطلع عيني لكن معليش ولا الفشيلة مع ولد الناس >>>>>> شاقوله :no:

وأهم شي آخذ معاي الصالون وحده تفهم مو لخمه ما أتعرف تتهاوش

أما الكوشة والقاعة باروح الصبح قبل الصالون أتأكد إن كل شي مكانه ومضبوط وما راح أدفع إلا مقدم وأتفق معاهم اشتغل زين تاخذ فلوسك كاملة>>>>>>>>>>>> الحق حق :think:

بس تعرفون أكبر مخاوفي إنه يصب العصير على فستاني عشان جذي باخلي أعواد نشرب منها

اليهال اللي بيمشون معاي للكوشه ما يفهمون يمشون بالراحة بس فكرت أدربهم قبلها وفي القاعة>>>>>> عبقرية أدور على بيوتهم وأوديهم ( مسوين رحلة مع الأبلة)

والله يتمم على خير للجميع يا رب يا رب يا رب

visitor

22/05/2005, 12:18 PM

dont worry be brave girl

ملكة الاحاسيس

24/05/2005, 12:15 AM

ممطكن تقولي الصور مش ططلع حلوه

قطاف

24/05/2005, 10:54 AM

عاد تصدقين يا مملكة الأحاسيس
(p)
هذي اللي ما نقدر نعمل له حساب الصور لو ما طلعت حلوة نموت بحسرتنا طول العمر:sad:
عشان جذي باروح الأستوديو أصور مع زوجي وبعدين بنروح الحفلة ونصور هناك أحسن على الأقل إذا خربت الأولى الثانية بخير

لكن المصيبة إذا قالولج الصور إحترقت :eek:والفلم ضاع:cry:
وقتها شاسوي فيهم أخليهم يدفعون لي تكاليف الصالون والفستان وأصور عندهم مره ثانية في الإستوديو وأخليهم يأجرون لي المسرح اللي في حفلتي وأصور فيه وإلا أرفع عليهم قضية توديهم في ستين داهية >>>>>>>>>>>>>>>> تراها مو لعبه هذي زواج
>>>>>>>>>>> يا ربي وش فيها هالبنية عدائية، بس آنه حبوبه في الحقيقة :shy:وطريقتي جذي مع الكي بورد
وسلامتكم

خواطر©

24/05/2005, 11:32 AM

هههههههههههههه الله يعينكم..

والله مافكرت.. لاني ماريد اتزوج حالياً.. بخبركم عن مخاوفي اذا طلعت هذاك الوقت

هوفي

24/05/2005, 11:55 AM

السلام عليكم ورحمة الله وبركاته
انا عضوة جديدة في المنتدى حبيت اشارك معاكم في الموضوع بمواقف حصلت لاختي يوم زواجها وانا طبعا كنت معاها بسم الله نبدأ:
اولاً: بعد ماخلصت لبس ومكياج جادور الطرحة وش اللي حصل انقطعت تصدقوا بس الحمد لله المشغل كان فيه خياطة.
وجلست تبكي
ثانياً: الحلق اتكسر بعد ما جلست في السيارة بس ما كان في امل نروح نصلحة وش سوينا لصقناه بغرا على اذاها على طول تصدقوا.
وطبعا جلست تبكي
ثالثاً: بعد الزفة جلست في الكوشة قام فستانها اترفع بس لحقنا علية بسرععععععععععة.
وطبعا ماكان في امل تبكي قدام المعازيم بس وجهها صار احمر .
والحمد لله انتهى العرس على خير . ههههههههههههههههههههههههه هههههههه