زوجتي ماتحبني؟؟

[بنت السعودية]

[ALIGN=center]

السلام عليكم ورحمة الله وبركاته..

زوجتي ماتحبني..


نجد هاليومين بالذات الرجال يجيك طفشان وكاره عمره

ولا احد يجيب له سيرة زوجته ..ليه؟؟؟:mad:

بيقولك ياخي نكد في البيت ونكد برا البيت ..

طيب ياخي وش الاسباب..

يقولك زوجتي ماتحبني ..؟؟
:confused:
كيف ماتحبك..
:eek:
ياخي ماتقولي كلام حلو وبس تطبخ وتنظف..

وتراعي العيال اكثر مما تراعيني..

((هاذي شكوى كثير من الرجال..ويجب ان يكون لنا وقفة معهم))

تعال هنا يلي تقول زوجتك ماتحبك..

ببدأ معاك وحدة وحدة..

س: مين يصحيك لصلاة الصبح؟

تروح تصلي وتلقى الفطور جاهز..

وابنائك على احسن هيئة وصورة ..

تروح عملك ..وانت عارف انك بترجع البيت

وبتلقى مالذ وطاب من الطعام لك ولعيالك..

بتاكل ثم تنام..كالعادة..

مين يذاكر لابنائك في هالوقت الي انت نايم فيه؟؟

قمت من النوم نفترض انك بتروح تسير على اهلك

تفتح الدولاب بتلقى ملابسك نظيفة ومكوية ماعليك الا انك تلبسها..

تجي في الليل ..تلقى عيالك نايمين.. والزوجة الحلوة منتظرتك

عشان تحطلك العشاء قبل ماتنام ..

ولحظة بالنسبة للنوم ..من الي يوقف على باب النوم ويحذر

ويتوعد ويهدد العيال ..من انهم يصجونك وانت نايم..

تقدر تقولي مين..؟؟

حتى وانت نايم ماتبي تزعجك..

وانت صاحي قايمة على طلباتك..

وش تبي اكثر من كذا؟؟

اعتقد ان هذا اكبر من أي كلام حب..

هذا حب ماتستوعبه الكتب..ولا الكلمات..

وفرضنا ..مو عاجبك كلامي..

ومصر على راعية الكلام الزين والعبارات المعسولة..

ترا الكلام الزين مايغدي ولا يعشي ولا ينظف ملابسك..

ولا يهتم بعيالك..

افترض إن زوجتك ..زعلت منك ..وخلت لك البيت

تصور الحياة الي بتعيشها..

منبه يضرب الصبح على راسك..ويا تصحا او ماتصحا..

هذا اذا ماكسرته باقرب جدار..

مافي فطور ..((الله يخلي الكافتريا..والساندويتش من يد البنغالي

مافيش بعد كده))

وعيالك ..لا ملابس جاهزة ..ولاشناط حاضرة ..

والبيت حايس..والبلا اذا عندك بنت كيف بتمشط شعرها..

وتكوي مريولها..((الله يعينك تقاول مع مكوجي ))

جا الظهر..ودك تغدا انت وعيالك..

بتلف وتحوس وتدور على اقرب راعي مندي..

تغديتوا وعينتوا من الله خير..

يلا من يغسل المواعين..((إلى يقوم أخر واحد يغسلها))

افرض عيالك صغار ..

قدامك حلين..

1- تغسل أنت المواعين..
2- ارمي المواعين ..بأقرب سله أريح لك..
وما راح يجي أخر الشهر إلا مواعينك خلصت..

نمت لك شوي بعد عناء .. ودك تطلع العصر ..طيب مين يقعد عند العيال..صعب تخليهم لحالهم..

أما انك تقعد معاهم ..أو انك تأخذهم معاك..؟؟

مين يذاكر لهم ..مين يعشيهم ..من يشوف أمورهم..

عزيزي الزوج ..فكر وتأمل ..وكبر عقلك ..لا تكون أناني..

وانظر الى كفه الميزان هل هي متساوية..

انظر مالك وماعليك.. مد يد المساعدة لها ..

بدل ماتأنبها ..وتكسر بخاطرها..

كلمة وحدة منك تقديرا للأعمال إلى تسويها زوجتك..
راح تخفف من معاناتها ..وهمومها..فخفف عنها العبء ولا تكون

عبئا اخر عليها..

وتذكر أن خير متاع الدنيا الزوجة الصالحة ..

تحياتي (l)

[noor_al_3ain]

هلا اختي بنت السعوديه

صح السانك والله كلامك صح في وايد رجال يسون الي يسونه حريمهم


اختك نور العين

[بنت السعودية]

هلا عزيزتي

اشكر لك ردك ومرورك..:D

[صباح]

اختي بنت السعودية (l) كلامك كلة صحيح ومعاك حق في كل اللي قلتية لكن الرجل ايضا معة حق يقول زوجتي ما تحبني لان الرجل مثل الطفل يحب يسمع الكلمة الحلوة من زوجتة وايضا لابد هو يسمعها نفس الكلام اللي يحب يسمعة بعض النساء تستحي تقول لزوجها كلام عاطفي مع انة يحصل بينهم اكثر من الكلام فلابد ان تنتبة الزوجة لهذة النقطة المهمة ولا تستهين فيها لان الرجل يبحث عن ادنى سببب حتى يبحث عن اخرى :confused:

(l)

(l)
(l)
(l)
(a)(a)(a)(a)

[بنت السعودية]

هلا باختي صباح ..احلى الملاح:)

تسلمين على الرد..

ومو شايفة اننا مدلعين الرجال شوي..

في بيت اهله مدلع كمان عند زوجته يتدلع ..

وحنا ما حد عاطينا وجهه..ماحد فكر وقال هالادمية وش تبي..

لازم يكون في عدل والا مانتي معاي ..؟؟

[سمرا حنه]

السلام ..
اختى الرجال ماينعطون وجه ماعليج منهم عيرين:)
يبيج دائمان تقولين له كلام حلو ونج محتاجه له ..بعدين يحس برجولته اكثر
بهذهى الطريقه ترضينه ويمكن تخلينه خاتم بصبعج ;) ;) ;)
هذى نصيحه من فتاه ماهى مزوجه ولكن عرفه دواهم.;) ;)

[um zaid]

السلام عليكم ...:)
بصراحة انت كل الكلام يلي حكيتي مزبوط ....
لكم في شغلة بدي احكيلك ياها ان كل ما ذكرتي هو من واجبات الزوجة على زوجها ....
و كمان ممكن نكون منطقين شوي اكتر من هيك .... لو الرجال ضل اعزب و ما تزوج لكل الاعمال السابقة ممكن انو امه تعملها ....
ولكن الرجال ليش بتزوج ,,,,, لاانه بدو وحدة ترعاه بكل يشي بدو لما يرجع من شغلة قرفان و زهقان يجد مرتة عاملة كل يشي في البيت و لابسه و مبتسمة على الاقل علشان يخخف عنه عناء اليوم ,,,,,
و ازا احنا الستا حطينا حالنا مكانهم يعني الرجل كل يشي مطلوب منه عملينا ياه صفى هو بس ممول مالي يعن خالين من كل العواطف يلي بتجمعنا

و اهم يشي في الحياة الزوجية التفاهم و الحب و لكل واحد فينا يشعر بالتناني ....;)

ارجو اني ما اكون طولت عليكم بس انا دايما بحاول احط حالي مكان زوجي لما بدي اتصرف اي تصرف مع زوجي و اشوف شو بدها توكن ردت فعلي

[um zaid]

السلام عليكم ...:)
بصراحة انت كل الكلام يلي حكيتي مزبوط ....
لكم في شغلة بدي احكيلك ياها ان كل ما ذكرتي هو من واجبات الزوجة على زوجها ....
و كمان ممكن نكون منطقين شوي اكتر من هيك .... لو الرجال ضل اعزب و ما تزوج لكل الاعمال السابقة ممكن انو امه تعملها ....
ولكن الرجال ليش بتزوج ,,,,, لاانه بدو وحدة ترعاه بكل يشي بدو لما يرجع من شغلة قرفان و زهقان يجد مرتة عاملة كل يشي في البيت و لابسه و مبتسمة على الاقل علشان يخخف عنه عناء اليوم ,,,,,
و ازا احنا الستا حطينا حالنا مكانهم يعني الرجل كل يشي مطلوب منه عملينا ياه صفى هو بس ممول مالي يعن خالين من كل العواطف يلي بتجمعنا

و اهم يشي في الحياة الزوجية التفاهم و الحب و لكل واحد فينا يشعر بالتاني ....;)

ارجو اني ما اكون طولت عليكم بس انا دايما بحاول احط حالي مكان زوجي لما بدي اتصرف اي تصرف مع زوجي و اشوف شو بدها توكن ردت فعلي

[بنت السعودية]

هلا بسمر حنه..

نورت مشاركتي بوجودك ورايك..

بس برضة عاد ماودي يحملون علينا الرجال كثير..بس بغيت اوصل

لهم رسالة ..

مو بس هم الي محتاجين للحنان والكلام الحلو..

وعلى قولة المثل..

قدم السبت تلقا الاحد..

وبالنسبة لنا نحن كخليجيات..بصراحة اكثرنا يستحون

من الكلام الحلو ..فلازم اول شي رجالها يساعدها..

وتسلمين عيوني:D

[بنت السعودية]

هلا باختي ام زايد..

ماشالله عليك..وياحظ زوجك فيك..

ايه هيك النسوان والا بلا..:D

مدام رجلك طيب ..فكوني اطيب..

وعموما حنا الحريم دايم طيبين..;)

اشكر لك مشاركتك القيمة ..

[صباح]

:o:o
معاك حق اختي بنت السعودية الرجل تعود على الدلال وانة كلمتة :confused::confused:المسموعة بحكم تربيتة طبعا لكن انت ايضا معاي في ان المراة تقصر احيانا في حق الرجل .(u).

المشكلة انا يا الخليجيات عندنا تصحر في العواطف اظن اكتسبناها من بيئتنا الصحراوية ما نقول الكلام الحلو اللي ينقط عسل مثل اللبنانيين الله يخلف علينا شاطرين في الصراخ والعصبيات ارجو انكم ما تزعلون من الصراحة لكن اتمنى ان الرجل يدلو بدلوة في ها الموضوع وارجو اني اكون ما تحاملت على المراة الخليجية وسلامتكم :mad::s

[بـــاريــس]

اختي بنت السعودية
كل كلامك صح بس ناقص شوي
واعترض على كلام صباح
لان الي اشوفه انا ان اغلب النساء هم الي يشتكون من
جفا ازواجهم وقلة الرومنسية لان الرجال لو بغى بكلمتين منه تذوب الحرمة [وتخق] يعني الحل بايده
واحب اقول ان بنات الخليج تغيروا مو مثل اول
واسفه اني طولت عليكم

[.. عنودالصيد ..]

والله الواحد يحتار مع الرجال اذا عطيتيه كلام حلو مايسده
يبغى كلام معسول مع اهتمام زاااااايدولوحتى عندك
مسؤليات ثانيه مثل الدراسه او العمل او العيال
يعني بصراحه مايراعونك كلش بس انتي
اللي لازم تراعينهم..انا من نظري
اشوف لازم كل شي يكون متبادل من بينهم..
صباح انتي فعلا متحامله على المراه الخلبجيه
فيه من النوع الي قلتيه وفيه اللي عكسه تماما..
الحلو والشين في كل دار ..
وشكرا لصاحبة الموضوع بنت السعودية على المشاركه الحلوة..
تحياتي..(l)

[بنت السعودية]

ياصباح يااحلى الملاح..((بس مو احلى مني:p ))

كلامك صح بس ترا فيه بنات خليجيات كثير لسانهم ينقط عسل..

بس الظاهر انك مثلي ..:D

والمسالة مسالة حياء اكثر مما هي عدم معرفة..

مو صعبة انك تقولين حبيبي او عيوني اوحياتي..

والا فدوة عيونك..

لكن كيف تقولينها له وهو مكشر وبيناظر لك بنص عين..

ويقولك اخلصي وش تبين اكيد ياتبين مسيار او فلوس؟؟

وحينها تتحطم الحرمة وتكره انها تقول اي كلمة لزوجها الاقشر

بس اذا كان حبيب..وما يضع حاجز بينه وبينها صدقيني

حياتهم بتكون جنة..

وتحياتي لاحلى صبوحة:)

[بنت السعودية]

اختي العزيزة جوري..

كلامك صح ..

وكلام صبوحة صح

ليه؟؟

لان كل وحدة فيكم تقول رايها على حسب الشي الي تشوفه

وتعاصره..

بس على فكرة صح حنا شوي نستحي نقول كلام حلو..

بس عاد كيف واحد دايم يهاوشني بقوله كلام حلو؟؟

المراة اذا كان زوجها طيب وكلامه زين مو يستاهل كلمة او كلمتين ..يستاهل اني اغرقه في عسل من كلامي..

لكن اذا كان لسانه طويل ويجرحني ..بحكم تربيتي وديني الي

مايرضى ارد الاساءة بالاساءة بسكت وادخل غرفتي وادعي له بان ربي يهديه..((لا تصدقون تراني بحوسه..;) ))

وتسلمين يا احلى جورية وان شاء الله ربي يرزقك برجال مايقولك الا شعر ..

بس مو هجاء بل غزل..:D

[بنت السعودية]

هلا بعنود الصيد العزيزة..

فعلا انتي وصلتي للنقطة الي ابي اوصلها..

والي اهي انك ..مثل ماتعطين من حقك تاخذين..

بس انا مااقصد في الاخذ شي مادي..بل معنوي..

اقله التقدير والاحساس بهذه المسكينة الي تنتظر كلمة وحدة

او حتى ابتسامة رضا..

مو يزيد عناها وتعبها ويكون هو ومشاكلة ومتطلباته

احدى همومها..

وتسلمين عيوني عنود الصيد واشكر مشاركتك معنا..

[مناوي2003]

كلامك كله صح ......... مو شرط الكلام الحلو الي يعبر عن الحب

[بنت السعودية]

هلا بالاخت مناوي

اشكر لك مرورك ومشاركتك..

وفعلا الكلام يروح ويجي لكن اهم شي الفعل..

تحياتي لك:)

[بلقيس اليمن]

بنت السعوديه انتي قمر وحلوة وأمورة ;)
كلامك درر بصراحه الرجال مدلعين مررررة
ويعني احنا مو من حقنا نسمع كلمه حلوة
وترى لاحظت شيء في الرجال اذا كان البيت كل يوم نظيف ومرتب ومبخر وجا يوم لقاهمو مرتب مو كسل من الحرمة لا يمكن تكون مشغوله في شيء ثاني مهم يجي ويقولها ليش البيت مو مرتب انتي ايش اتسوين بالبيت:mad: :mad: آآآآه يقهروني طيب والايام الي كان فيها البيت مرتب ليه مايقول كلمه حلوة مثل الله البيت مرتب تسلمين يا ........... :o

كفايه خلاص مو قادرة اكمل
كملي عني انتي يابنت السعوديه راح اخذ فاصل اعلاني

في أمان الله:confused:

[بنت السعودية]

وانتي احلى واقمر واامر :D

وحشتيني ووحشتني مداخلاتك ..

وانا معاك بس لاتبكين..مايهون علي اشوفك تبكين :(

فعلا بعض الرجال للاسف يتصيدون للحريم ,, بس ينتظرون لهم على غلطة

بس تدرين المفروض على المرأة الذكية .. انها تسكت في هذي اللحظة لان الرجل يحاول يستفزها..فلازم تمتص غضبه ..

بس ماعليك بلقيسوووووه الله ان شاء الله يرزقني ويرزقك بالرجل الطيب

الصالح ..ومايهاوش اهم شي..:D

اسعدتني مشاركتك ..واهمس واقولك لك وحشة..

تحياتي

[memoo1]

صدقتي و الله

[المرتحله]

عزيزتي بنت السعودية

كلامك سليم ولاقى تأييد الكثير

ولكني اوجه لكل واحدة سؤال

إلى متى لا تعبر المرأة عن حبها الا عن طريق الطعام والغسيل والتنظيف والكي ورعاية الأبناء

متى يكون لها الحق للتعبير عن ما يدور في خاطرها فتلفظ كلمات الحب القابعة في صدرها وتمسح غبار الزمن عنها

انا معك ان الرجل مدلل ولكن المرأة ايضاً مدلله وعليها ان تظهر دلالها عن طريق انزاف مشاعرها امام زوجها

فكفانا تصلب وكفانا برود علينا ان نجعل لحياتنا لوناً وردياً جميلاً

ولن يضر المرأة ان تهمس في أذن زوجها بكلمة حب عابرة ..

تقبلي تحياتي وفائق احترامي

اختك المرتحله
اذكروني بطيب معشري لكم

[فدائيه من الرياض]

إسمحيلي اختي بنت السعوديه أعارضك في كلامك

فالرجل كما نعلم كلنا " كالطفل " بالكلمه الحلوه تودينه وتجيبينه ، الرجل مهمااااااااا كان محتاج يتغذى على الكلمه الحلوه بعدين الكلام المعسول ماراح ياخذ وقت من الحرمه يعني ماراح تترك شغلها والا عيالها عشان تجلس بالساعات تقول كلام حلو ، بالعكس وهي جالسه على راسه تصحيه الصبح تقوله كم كلمه حلوه ... جابت الفطور وحطته تقوله كلمتين زياده .... طلع للدوام تودعه وتتمنى له التوفيق وقت ماهي تصلح الغداء اكيد بيكون فيه دقيقه تفضى فيها ... مافيه مانع انك تدقين على زوجك وإلا ترسلين له رساله زي العسل .... طيب جاء من الدوام استقبليه بوجه بشوش وعلى الطاير كم كلمه حلوه ... وهو يتغدى ... لما يجي ينام ... لما يبغى يلبس ... لما يبغى يطلع ...

بتقولون وش ذا وأنا اشتغل له زي الماكينه مايصير كذا :down:

أقولك لالالالالالالالا .....

انا قبل زواجي وحتى في بداية زواجي إستحااااااااااااااااله اقول " حبيبي ، عمري ، روحي ، او اي شي من كذا " كل اللي اقدر عليه كلمات الشكر والثناء بس وهذي ماتسوي شي بلحالها

لكن مع الوقت الحين الكلام هذا وبلاوي اكثر منه تطلع معي تلقائي تعودت لما اشوف زوجي اقوله الكلام الحلو .... بس زوجي طبعا :smile:

حطي نفسك مكان هالرجل هذا ....

يعني فيه رجال كثييييييييييير يكون مهتم بزوجته من ناحية انه مايخلي عليها قاااااااصر معيشها برغد ، واي شي تطلبه يجيبه ويقدرها ويحترمها ويعزها ويغليها وبالفلوس بعد حاضر ..... :up: بس وش المشكله هنا ...

بتجيك الزوجه وتقول : وش الرجال اللي مايحس فيني :rolleyes:

الحين مبسطك ومبسط عيالك ويصرف عليكم ويسفركم ويوديكم ويجيبكم وحاطلك شغاله وسواق ومعطيك جوال رقم مميز :D2 وماليك من هالمجوهرات ولا ينكد عليك وين رايحه ووين جايه اهم شي تستانسين ، واخرتها تقولين مايحس فيك :rolleyes:

بتقولك إييييييييه مايحس فيني ماعمري سمعت منه كلمه حلوه وحده :confused:

أكيد مايحبني وإلا ليش مايسمعني كلام حلو ....

نقولها طيب الرجال بطبعه قاسي ، والحياة العمليه تخليه بعد قاسي ، وتفكيره بمستقبلك ومستقبل عيالك ... كل هذا ومعروف ان الرجل قليل الرومانسيه مو مثل المرأه <-------- بس ترا رجالنا تطوروا مره في مجال الرومانسيه ....

وترا احيانا كثيره تغفل المرأه عن شئ " جل من لا يسهو " فمثلا يجي بيلبس شماغه وإلا ثوبه يفتح الدولاب مايلقى شي أحيانا يصير زي كذا بالكلمه الحلوه ممكن الرجال يغفرلك هالهفوه مع ان هذا واجب عليك مو تكرم منك ، ممكن أحيانا تدقينها نوووووومه لين العصر ومافيه لاغدا ولاهم يحزنون .. وبالكلمه الحلوه تلقينه هو بنفس راضيه يطير يجيب الغدا من برا ويقولك وش فيها لو غيرنا يوم ملينا من غدا البيت :cool2: وتلاقينه ميت على غدا البيت بس استحى من كلامك الحلو ماقدر يرد عليك الا بحلو او احلى منه ... أشياء كثيره ممكن يتغاضى عنها الرجال في سبيل انك تطلعين درر من فمك ...

يابنات الرجال والله انتي تقدرين تملكينه بس انتي اعرفي طبعه واسلوبه وش يحب وش يكره ، الرجال مهما كان كبير وصاحب مركز ومنصب وشخصيه ووخروا عنه محتاج للحنان والعطف والكلام العسل

أعتقد اني طولت عليكم وغثيتكم .... بس مابغاكم تكونون ممن يكفرن العشير

تذكري زوجك حبيبك اللي وش انتي لولاه , وش الدنيا بدونه ...

تخيلي انك تعيشين بلحالك بهالدنيا القاسيه بدونه

اتوقع صععععععععععععععب ،،،، فمايستاهل هالحلو كلمه حلللللللللوه :o وإلا وش رايك ؟؟؟ :up::up: