مشاهدة النسخة كاملة : ساعدوني بدوله حلوه وتنفع حق طفل ب5 شهور
شعاع القلوب
09/07/2006, 02:27 AM
شلونكم ياحلى اعضاء
انا اليوم طالبتكم واتمنى ماتردوني وخاصه اللي مجربين السفر مع اطفال
يالغاليين انا الصراحه محتاره وين اسافر وبالخصوص انا عندي ولدي عمره خمس شهور وخايفه من الطياره فاتمنى تشورون علي بدوله حلوه ومش بعيده وايد بس لا تقولون لي دول الخلييييييييييج
ومشكووووووووووووووووووووو رين
RoOoOmy
09/07/2006, 10:32 AM
ما ادري انتي بالضبط شنو تفضلين
اوروبا او آسيا
ومتى ناوية على السفر
وميزانيتك
بما ان ولدك الله يخليه عمره 5 شهور انصحك ما تروحين بلد حار وزحمة ورطوبة مثل ماليزيا او مصر مثلا
يبي لك بلد رايق حتى لو كان زحمة بس جوه معتدل ...
تركيا
اليونان
التشيك
المانيا
سويسرا
بس مثل ما قلت يعتمد عليك انتي ما حددتي رغبتك عشان احنا ننصحك
ترى السفر مع طفل صغير مو بالدرجة اللي يتصورها البعض خاصة اذا كان الطفل هادئ بس اختيار المكان المناسب اكيد له دور
شعاع القلوب
09/07/2006, 05:00 PM
مشكوره يالغاليه rooooomy على الرد وبالنسبه للميزانيه متوسطه ومش مشكله بالنسبه للبلد سواء كانت اوروبا او اسيا بس تكون بلاد حلوه ومريحه لولدي وناويه اسافر على شهر 8 او 9 ان شاء الله
شعاع القلوب
11/07/2006, 12:37 AM
اشدعوه محد رد علي غير روووومي الله يجزيها الف خير
وينكم يابنات
نونو قطر
11/07/2006, 10:44 PM
عادي اختي الطفل في هالسن جدا مريح باذن الله تعالى ..
انصحج باوربا احسها انظف من دول اسيا في الجو وكل شي ..
شعاع القلوب
12/07/2006, 12:30 AM
مشكوره يانونو قطر على الرد وماقصرتي يابنت بلادي
نونو قطر
13/07/2006, 10:18 AM
ولو اختي احنا في الخدمه ..
انا بنتي بعمر بنتج ..
وباذن الله تعالى بنروح لندن وباخذها معاي ..
ومن وجهة نظري لندن غير بلاد شرحه وحلوه ومريحه ..
كان ودنا نغير ونروح مكان ثاني بس عشان الصغيره ما حبيت اغامر ..
Dubai Baby
13/07/2006, 04:45 PM
بلجيكا و بس
حلوه و امان و تسوق و مناظر و العاب و متعودين على العرب
وايد حلوه
رميساء
13/07/2006, 06:47 PM
أهلا أختي شعاع القلوب
الله يخلي لك ولدك ويحفظه ويجعل قرة عين والديه انشاء الله
أنا من رأي الاخت دبي بيبي بلجيكا حلوة ومتعودين على العرب
وانت أختي طبعا عارفة اللي يضر ولدك ديري بالك عليه
واذا كان السفر مش مناسبه خليها مرة ثانية اختي لاتزعلي
ولو انوا السفر متعة المهم ابنك يالغلا وتسلمي:shy:
شعاع القلوب
15/07/2006, 03:42 AM
مشكوره يانونو قطر وماتقصرين فديتج بس للاسف لندن مش موافق عليها زوجي
dubai baby مشكوره يالغلا بس بلجيكا احسن اني مش متشجعه لها وايد وماسمعت حد مدحها لي يبيلي اسوي عليها سيرج
رميساء اختي انا اللي شجعني على السفر ان امي وخواتي يعني بيت ابوي معانا وبيت خالي وبيت خالتي كلنا نبي نسافر مع بعض يعني ان شاء الله معاي اللي يساعدني من جذي تشجعت على السفر بس ان شاء الله الله يتمم على خير ونروح لحد الحين حاطين في بالنا تركيا باذن الله
رميساء
15/07/2006, 06:57 PM
الله يوفقك أختي شعاع القلوب اعقليها وتوكلي على ربك
ومايكون الا خير انشاء الله رافقتكم السلامة(f)
شوشو مشاكل
22/07/2006, 03:01 AM
ياقلبي صديقتي ولدها خمس شهور ورايحة استراليا وماصار الا العافيه
بس السفر يعتمد على طبيعة البيبي اذا هادي روحي وتوكلي واذا صياح والله لو تطلعين المتنزه هنا في الديره بيقلقك
وتروحون وترجعون يالسلامه انشاءالله
شعاع القلوب
22/07/2006, 04:07 PM
رميساء مشكوره اختي
شوشو مشاكل تسلمين عيوني على الرد والله يسلمج من كل شر ياااااارب
فرحه عمري
26/07/2006, 03:07 AM
شلونكم ياحلى اعضاء
انا اليوم طالبتكم واتمنى ماتردوني وخاصه اللي مجربين السفر مع اطفال
يالغاليين انا الصراحه محتاره وين اسافر وبالخصوص انا عندي ولدي عمره خمس شهور وخايفه من الطياره فاتمنى تشورون علي بدوله حلوه ومش بعيده وايد بس لا تقولون لي دول الخلييييييييييج
ومشكووووووووووووووووووووو رين
"]نصيحه لوجه الله يا تقعدين مع ولدك و ما تسافري الا اذا صار عمره 6 سنين او تخليه عند اهلك و تسافرين مع زوجك و المثل يقول اسئل مجرب ولا تسئل طبيب بنتي كان عمرها 10 شهور خليتها عند الوالده و سافرت شرق اسيا ( تايلند و سنغافوره ) و استراليا كان زعلان علي لانه ما اخذها معانا لأني انا اللي كنت رافضه اللرحله طويله و اللي اقل من سنتين مالهم كرسي بالطياره ( يعني بحضنك ) المهم سبحان الله و تصير معانا عايله ثانيه بنتهم في عمر بنتي بالضبط عورت قلبنا من كثر ما تصيح بالطياره لحظه الأقلاع و الهبوط من الألم لانه معاها التهاب بالأذن من جو اسيا رطوبه و يركبون التاكسي مكيف و باااارد فقال الحمد لله خيره ..... و بعدين الطفل بهالعمر يبيله تغير حفاظ كل ساعتين و رضعات و توه بادي ياكل فالحساسيه وارده و النزلات المعويه حدث ولا حرج,,,,, تصدقين بعدها اخذ بنتي معاي في كل سفراتي من عمرها سنتين لما 6 سنوات و الحمد لله ما تعبتنا لانها متعوده عالسفر بس انا اللي اتعب لانها ما تاكل من اكلهم و تبي عيوش و مرق و انا ما عندي سوالف طبخ بالسفر
تصدقين كل سفره ما نرجع قبل 20 يوم منها اوروبا و اسيا و البنت معانا اخر سفره رحنا البحرين 4 ايام و بالسياره لوحدنا لا و بعد المجمعات مسكره عشان عاشوراء طول السفره لكن هو بنفسها قال و لا اروع حسيت معاك كئنا بشهر عسل ثاني[/SIZE]
شعاع القلوب
26/07/2006, 03:19 AM
فرحة عمر مشكوره على الرد بس انا مش مسافره ماليزيا قررنا نروح تركيا لان جوها حلو وماقدر اخلي ولدي هني لان بيت ابوي مسافرين معانا والمشكله الثانيه ان ولدي يرضع فماقدر اخليه
موزه اللوزه
30/07/2006, 02:53 PM
مرحبااختي انا بنتي 6 شهور وسافرت تركيا بما انه اهلج معاج لا اتحاتين الصغير هم بيساعدونج بس خذي احتياطات من ادويه وغيره
تركيا حلوه وجوها نظيف وتنفع حق عوائل وانشاءالله تستانسين
شعاع القلوب
01/08/2006, 01:50 AM
موزه اللوزه مشكوره يالغلا وان شاء الله راح اخذ ادويه معاي وعساج على القوه ولاتحرمينا من طلتج الحلوه
أم عبدالله وشيخه
01/08/2006, 11:28 PM
انا انصحج على الدول الاوربيه ....انا نفسي رايحه في شهر 9 على المانيا وسويسرا وعني بنتي عمرها 3سنين وولدي عمره شهرين ...وانا مجربه السفر مع بني لما كانت صغيره على ماليزيا ما مشى الحال وايد عسب الحر بس لما سرنا المانيا وااااايد اوكيه ..
وعن الطياره تقدرين تنسقين وقت الرقاد مع البيبي يعني حاولي تخلينه صاحي عيب يرقد في الطياره
وانا دايما اختار طيارة المساء عسب البيبي ينام فتره طويله وما يحس بشي .....
والله يوفقج....