المساعد الشخصي الرقمي

مشاهدة النسخة كاملة : بنتي بلغت .. ابغي نصايحكم ياعرايس المنتدى ( رد بنت عذاري )



فديت قطر
01/07/2006, 10:12 PM
السلام عليكم ورحمة الله وبركاته
حبايبي عرايس هالمنتدى الرائـــــــــع
يابنات يا صبايا ياخبيرات
ابغي مساعدتكم ونصايحكم

بنتي توها بالغه عمرها 12 سنه
وطالع لها شعر في الاماكن اللي انتو عارفينها

ابغي طريقه صحيحه لازالة شعر الابط وباقي المناطق

يعني ما بغيها تعاني مثل ما احنا عانينا
يعني ما بغي يصير لها حساسيه او احمرار او حبوب او مناطق سوداء بعد ازالة الشعر
وما ابغي استخدم الموس علشان ما تخشن الشعر

انا جربت لها مره ماكنه براون تألمت البنت منها ..

ومره جربت لها الحلاوة لمنطقة الابط بعد تألمت ...:confused:

شرايكم اي طريقه استخدم او اكمل بهالطريقتين ؟؟؟؟
وشلون اعتني لها بهالمناطق
ينفع لها اللي ينفع للكبار وهي بعمر 12 ؟؟


واللي تعرف طريقه تنفع لبنت بهالسن تقووووووولي واكون لها شاكره
وادعي لها من كــــــــــــل قلبي

بنت عذاري
01/07/2006, 10:33 PM
هلا الغاليه

وربى يحفظها لج وتفرحين بها

المهم لهذى السن الصغيره يا قلبى والبشرة رقيقه وطريه وعذراء

حرام تبهدلينها بالحلاوة وغيره يعنى البنت ماتوصل لسن العشرين الا جلدها لين ومتجعد من الشد

والمط..

وأنا بنصحج بالطريقه اللى أمى اسمحت لنا فيه

وهى الموس بس للابط..

وغير هالمكان لا تجربين

اتركي كل الجسم على حاله البنت توها صغيرونه

ولمس اى جزء من جسمها بيضرها فى الكبر

وأحلى شىء الاوليين البنت طول الباب ولا عمرها جربت لا الحف ولا الحلاوة ولا غيره

الا يوم خطبتها

وبصراحه أنا أمى ماوافقت على ازالة الشعر الا فى الثانوى :sad: ومو كل الجسم:angry: :angry:

بس الريول الله وكيلج بعد النص بس مو كلها :confused:

والحمدلله بشرتى ما تأذت من الموس

وطبعا ياما شخطت بالموس على كيفى بدون علم الوالدة الله يطول فى عمرها خخخخخخخخ

بس هذا فى الثانوى

واتركى بنتج على براءتها وشعر جسمها الحلو اللى مثل اى بنوته صغيرونه

واذا حبيتى بس تزيلين شعر الابط بالموس لكن لا للحلاوة ولا للكريمات ولا للماكينة

احنا كبار مانستحمل

وربى يدلج على الاختيار الانسب لها

ويعينج

وتحياتى

بنت عذارى

نوووسهUAE
01/07/2006, 10:48 PM
الابط الموس بس بطريقه مرتبه وليست عشوائيه

ويوم توصل سن 14 او 15 تشيل بالحلاوه

((بدر البدور))
01/07/2006, 11:06 PM
فديت قطر

بصراحة أنا مع بنت عذاري

نفس الشي صار معاي يوم كنت الصغيرة

~إلآ قلبكـ يترٍكوٍنه~
02/07/2006, 10:01 AM
اختى انا امى علمتنى على الحلاوه من صغرى كنت احف لنفسى من كان عمرى13 سنه والحين انا عمرى 20 الحمدالله احف جسمى كامل والحمدالله انا دوم اقول لها زين ان علمتينى من صغرى
عشان اتعووود ولااخاف يعنى انا انصحج تشيل لمنطقه الابط بالحلاوه احسن وانظف

بنت حوة
02/07/2006, 10:58 AM
خيتو عطيها الحلاوه هي تسوي حق روحها علميها لان الالم اكون اخف يوم الواحد اسوي ععمره وخليها تسوي بس الابط والباقي خليها لا تعذبينها تكبر شوي هي بتتعلم او انتي بتعلميها

qshark
02/07/2006, 11:43 AM
انا بعد نصيحتي بالحلاوه لانها انظف واحسن لان لو شلت بالموس راح تتعود عليه بعدين واصلا الموس وصخ وماينظف وهاي الشيء اللي امي علمتني عليه وانا كنت اشيل بالحلاوه وبس من اول مابلغت

ولله يسعدها ان شاء الله

business_girl
02/07/2006, 12:24 PM
انا بعد محتاره ويا خواتي

وكل ما ازقرهم عشان اشيل لهم بالحلاوة .. يتشردون مني ... خخخخ يستحون وحليلهم

مادري الصراحه احس الحلاوة انظف .. بس خايفه جلدهم يترهل

ومابيهم يتعودون عالموس

~إلآ قلبكـ يترٍكوٍنه~
02/07/2006, 12:33 PM
اختى بيزنس يمكن مو احراج قد ماهو خوف وانا عن نفسى ماخليت امى تحف لى يعنى قالت لى بس اوريج على ايدج شلون وانتى كملى قدامى قلت لا جربى على نفسج وانا اشوف وبس شفتها وسويت مثلها حتى اول ماشلت الحلاوه قلت لامى انا ماادرى ليه تغثونا يوم تحفون لايعور ولاشى بس يوم حفيت الابط قلت اخر مره لكن والله كل شهر يعنى بعد الدوره امى عودتنا انا وخواتى نحف وعلى فكره امى غلطت مع اختى عشان كانت تسوى مناحه يوم تقول لها شيلى بالحلاوه خلتها تشيل بموووووس واختى بيضا مشالله عليها صار عندها منطقه االابط سمرا مع لان بياضها مشالله مو طبيعى فتحسين اقل سمار يخلى لونها شاذ مع انها تشيل الحين بالحلاوه

فديت قطر
02/07/2006, 07:31 PM
حبيباتي كلكم .......
تسلمون حبايبي على الردووووود
والله اثلجتوا صدري بردودكم
يخليكم لاهلكم يارب ...

ويحفظ لكم عيالكم وعيال عيالكم

* بنت عذارى الغاليه *
مشكووووووووورة فديتج على الرد وتسلمين والله
عاد تدرين ماعندي غير هالبنت وفرحانه بها ..وشكلي باسوي لها تجارب الدنيا والدين :)
طيب الغاليه اذا باستعمل الموس للابط شلون بيكون شنهي الطريقه الصح ؟
الموس ما يسود المنطقه ؟ واي موس احسن للاستعمال بهالسن ؟
واحط قبله الرغوة او الصابون واشيل بالموس ؟ وعقب الموس يحتاج احط لها شي؟ مثل الثلج او الزيت او كريم مهدي ؟؟؟

حبيبتي بنت عذاري شرايج في اللي قالوه البنات عن الحلاوة ؟
باخليها تجرب بالحلاوة وتشيل بنفسها علشان ما تتالم ؟
وبعد ابغيج تقولين لي شاحط قبل الحلاوة وشاحط بعد ما نشيل بالحلاوة ؟؟

فديتج ما استغني عن نصايحج وردودج
ربي يحفظج ويحفظ كل غاليج

فديت قطر
02/07/2006, 07:37 PM
الغاليه نوووسه
تسلمين والله على الرد والمداخله ..
بس شلون ما يكون الموس عشوائي يعني قصدج في اتجاه واحد مع نمو الشعر او عكسه ؟
وشمعنى ما ابدي معاها بالحلاوه على طول من هالعمر ؟
ليه فضلتي الموس وعقب 3 سنين ابدي معاها الحلاوة
حبيبتي اخاف عليها تسود منطقه الابط عندها او يطلع لها شعر اخشن من استعمالي للموس
ويالغاليه نوووسه
شرايج في كلام البنات عن الحلاوة ؟ يعني اخليها تجرب من هالعمر ؟؟

تسلمين الغاليه على الرد

نوووسهUAE
02/07/2006, 07:48 PM
اختي فديت قطر
لاني شوف انها صغيره وجلدها حساس وطري

اما عن الشيل بالموس بطريقه مرتبه يعني لا تروحين يمين شمال فوق تحت خرابيط

علشان الشعر يوم ينبت يطلع بطريقه مرتبه

اما عن السن

لاني اشوف انها بتكون كبيره وجلدها اسمك وتقدر تتحمل الالم

بس اختي لو انتي مقتنعه بالحلاوه جربي بس بطريقه خفيفه لا تشدين عليها
وتكون القطعه صغيره

وممكن تستخدمين كريم مخدر ايملا لتخدير المكان

وبالتوفيق

روان الحنونه
02/07/2006, 07:52 PM
واااااااااااي مسكينة البنت بعدهي صغيرة الله يعينعة بس في طريق اخترعتها بنت عذاري جربيهاااااااا

bntqtr
02/07/2006, 08:01 PM
اختي جربي ماركه بروان الي ماتزيل الشعر من الجذور
العاديه يعني

فديت قطر
02/07/2006, 08:59 PM
شووووووووق
حبيبتي الغاليه
تسلمين على نصايحج وعرضج لتجربتج مع الحلاوة ..
ربي يحفظ يارب ويخلي لج الوالده الغاليه وكــــــــــــل هلج
انا مع رايج انشاالله باعلمها على الحلاوة وباخليها تجرب تشيل بنفسها ليين تتعلم ..
بس يالغاليه شووووووووق
كملي احسانج وقولي لي شلون اسوي لها الحلاوه الصح والطريقه الانسب وما ابغي المكان يتهدل او يتهيج بعد الحلاوه
يعني شاحط لها قبل وبعد الشيل بالحلاوه
ربي يخلي كل البنات والعرايس والامهات يارب



بنت حوة
مشكووووووورة على ردج الغاليه واحسن شي باخليها تجرب الحلاوة بنفسها للابط علشان ما يوجعها وايد والباقي باخليه لين تكبر ويشد جلدها شوي ومن نفسها بتتعلم



qshark الله يسعدج ويسعد الجميع
مشكورة عيوني على نصيحتج ومداخلتج
وانا اشوف الحلاوة احسن من الموس
انا بنفسي ما احب الموس بس باسوي بنصيحة الاخوات باشيل بجزء صغير من الحلاوة وباعلمها بهالطريقه
بس قولو لي علشان ما يلتهب المكان او يتجرح شااحط عقب الحلاوة ؟



business_girl حبيبتي الغاليه اكيد البنات الصغيرات في هالسن بيستحون بس لازم يتعودون زمنا غير عن زمنهم
انا مثلج محتاره الموس اسهل بس يسود ويخشن و الحلاوة انظف بس اخاف من الترهل وباعمل مثل ماقالوا عريسنا في هالمنتدىبقطعه صغيره انشاءالله وباعودها تشيل بنفسها


روان الحنونه
أي والله يا روااااااااااان البنت توها صغيره ادررري :( ..

وشهالاختراع اللي اخترعته بنت عذاري ؟؟؟ محد قالي لي عنه
حد يتكرم يقول لي شهالاختراع حد يدلني عليه ؟
يا بنت عذاري يالغاليه يا ام الاختراعات شهالطريقه فديتج ..



bntqtr كأنه يالغاليه الماكينه تألم اكثر من الحلاوة ؟
انا عندي ماكينه براون ؟ يعني اجرب عليها العاديه ؟ وااشوفها شتتحمل الحلاوة او الماكينه
واحليللها بتصير حقل تجارب : )


سلمتوا كلكم يارب وما استغني عن نصايحكم وخبراتكم

فديت قطر
02/07/2006, 09:05 PM
الغاليه نوووسه
والله اخجلتيني بتفاعلج وردج معاي
حفظج ربي من كل مكروه
تسلمين يالغاليه
كفيتي ووفيتي

أي والله البنت صغيره وبشرتها طريه وحساسه هالمره باشيل لها بالموس ولما يطلع مره ثانيه باششتغل عليها بالحلاوه وربي يعينها المسكينه : (

يامكثر شغل البنات وهمومهم
ربي يخلي كل البنات ويحفظهم لامهاتهم يارب ..

amt_allah
02/07/2006, 09:30 PM
بصي حبيبتي الشعر تحت الابط بالحلاوه بس لا تشدي جامد وبعدي عن الموس اختي كانت تستخدم الموس من ورا امي وصار تحت ابطها جنينه علي العكس مني الحمد لله المنطقه كويسه وبالنسبه للابتعاد عن الاسمرار في تلك المنطقه بعدي عن مزيل العرق الاسبراي واستخدمي الطبي او الطبيعي اما لباقي الجسم برضه الحلاوه المنطقه الحساسه لا تشيلياه دلوقت عوديها تقص الشعر بمق وتكون مطهراه كويس وكمان عوديها تستخدم غسول طبي مش دش مهبلي وكريمات مطهره زي البيتادين عشان المنطقه متسمرش وداوم بعد قضاء الحاجه تسمح بفوطه قنطه المويه لان المويه هي الحقل اللي بتنمو فيه البكتريا :shy:

ورد الخريف
02/07/2006, 09:34 PM
الحلاوة احسن بس تستخدمه عدل

اول شي تحط بودر الأطفال وما تكون بمكان دافي مثل الحمام ( اكرمكم الله )

يعني بالغرفة وتكييف وعلى روااااااااااااق تشيل واذا حست بحرارة المنطقة توقف وتكمل بعد يومين

والله يسعدها

Bint Elbadow
02/07/2006, 11:04 PM
واهاهاهاههههههههههههه يحظكم حد خبركم انا بروحي يلست اخبص واحطط وكنت اشل بكريم والحمدالله المنطقه مب سمره عندي واااااااااايد يعني عاااادي وبعدين طبيته وصرت اسوي حلاوه ارييييييييييييح من كان عمري 15 مايعور خليها تشل قطعه صغيره وخفيفه وتحطها من اول مره بينشلللللل باااااااااااي

بنت عذاري
03/07/2006, 12:17 AM
حبيباتي كلكم .......
تسلمون حبايبي على الردووووود
والله اثلجتوا صدري بردودكم
يخليكم لاهلكم يارب ...

ويحفظ لكم عيالكم وعيال عيالكم

* بنت عذارى الغاليه *
مشكووووووووورة فديتج على الرد وتسلمين والله
عاد تدرين ماعندي غير هالبنت وفرحانه بها ..وشكلي باسوي لها تجارب الدنيا والدين :)
طيب الغاليه اذا باستعمل الموس للابط شلون بيكون شنهي الطريقه الصح ؟
الموس ما يسود المنطقه ؟ واي موس احسن للاستعمال بهالسن ؟
واحط قبله الرغوة او الصابون واشيل بالموس ؟ وعقب الموس يحتاج احط لها شي؟ مثل الثلج او الزيت او كريم مهدي ؟؟؟

حبيبتي بنت عذاري شرايج في اللي قالوه البنات عن الحلاوة ؟
باخليها تجرب بالحلاوة وتشيل بنفسها علشان ما تتالم ؟
وبعد ابغيج تقولين لي شاحط قبل الحلاوة وشاحط بعد ما نشيل بالحلاوة ؟؟

فديتج ما استغني عن نصايحج وردودج
ربي يحفظج ويحفظ كل غاليج


هلا الغاليه

ربى يفرحج بها انشاءلله وتفرحين بتخرجها وزواجها وعيالها وعيال عيالها

اذا استخدمتى الموس معاها استخدمى جيليت فينوس لانه ناعم على البشرة ومايجرحها

VENUS

ولما تشيلين الشعر راعى انج تاخذين اتجاه واحد وليس متعدد يعنى فوق لتحت او العكس لكن لا تستخدمين كل الاتجاهات فى الازاله

والموس نفسه يجى معاه الرغوة الخاصه استخدميها قبل الازاله

وبعد ما تخلصين من كل الشعر تغسلينه لها بالماء الفاتر العادى

و وخففى غسول سيتيل المطهر يعنى ملىء غطاء لعشرة أغطيه ماء واغسلى الابط فيه لتطهير المنطقه كلها وقتل البكتيريا ولقب مسامات الابط

وتمسحين الابط لها بزيت بيبى اويل اللى باللوز

وحمام الهنا لها

واذا استخدمتى الحلاوة لا تستخدمين شىء قبلها لكن بعد الانتهاء خففى السيتيل بنفس الطريقه واغسلى المطقه بها

وامسحى الابط بزيت بيبى جونسون اللى باللوز

وانتى امها يا عمرى ولج الحق فى اختيار ماتحسى انه مناسب لها

وربى يحفظها لج ويحفظج يا قلبى

وتحياتى

بنت عذارى

ملكة الأخلاق
03/07/2006, 12:51 AM
ياقلبي الله يحفظها لك ياااااااااارب

والله يسلم بنت عذارى
وانتي الله ييخليلك بنتك وتفرحين فيها يارب
تحياتوووووووو

فديت قطر
04/07/2006, 11:02 AM
ربي يسلم كل من شارك في موضوعي

ملكة الاخلاق
نور العين بنت عذاري
Bint Elbadow
amt_allah
مرايم السعوديه

مشكووووورين واااااااايد واااااااااااايد وايييييييييد
من النــــــــت لحد بيوتكم :)

ربي يخلي لكم حبايبكم واهاليكم
وعيالكم وعيال عيالكم وتفرحون بكل اللي تحبووووووونهم

صراحه ماقصرتوا
" ماخليت منكم "
تحيـــــــــــاتي للجميــــــــــــــــــــ ـــــــــــع
والسموحه منكم

~إلآ قلبكـ يترٍكوٍنه~
04/07/2006, 12:58 PM
حبيبتى انا امى تشترى الحلاوه من وحده تسويها بالبيت المهم اانا احط بودره جونسن للاطفال على المنطقه اللى بشيلها عشان ماتلزق الحلاوه ولاتصير علامات على جسمى لان بشرتى بسرعه تتطلع فيها اثار المهمواهم شى تاخذين قطعه من الحلاوه بحجم قبضه اليد وتمسكينها بايدج الثنتين وتمطينها
عشان تقديرين تحكمين فيها لين ماتصير لينه وبعدين تمدينها على المنطقه اللى تبينها ووتخلينها خمس دقايق وتشينها عكس اتجاه الشعر عشان ينشال الشعر كله اهم شى وانتى تبين تشيلين الحلاوه انج تمدينها زياده وعقب تشيلينها مره وحده جى يكون الالم اخف وانشالله فهمتى على

دلوعه قطريه
04/07/2006, 03:34 PM
حبيبتي مافي احسن من الحلاوه

للابط والمنطقه الحاساسه ولو ماتعودت عليها من الحين السالفه عقب بتصير صعببببببه

خذيلها مخدر املا

حطيلها نص المعصار في كل ابط وخليها لابسه كت لمدة ساعه ونص او ساعه لين تحس انه تخدر

عقب حفيلها بالحلاوه ومابتحس بشي

والمنطقه الحساسه حطيلها معصلرين وخليها بعد ماتلبس شي لازم المنطقه تتهوى وعقب لما تحس انها تخدرت حفيلها وعلميها شلون تحف لنفسها اول شي الابط لانه اسهل وبعدين المنطقه الحساسه

لان كل شي غير الحلاوه يسوود
اكيد ماتبينها تتبهدل مثلنا

وبعد الحف دلكي المكان بزيت الزيتون يخفف نمو الشعر ويهدي البشره المتهيجه

روح البحرين
04/07/2006, 03:45 PM
هلا اختي الغاليه فديت قطر .. لو طلعلها شعر في الابط واللي خبري خبرج لازم اتعلمينها اتشيله لانه من النظافه ,, وربنا ورسولنا حثونا على هل شي .. خليها اول شي تبتدي بالموس ويوم تكبر اشوي علميها عل حلاوه او الواكس .. والشعر بيخشن جذي جذاك لين ما تكبر جود اخترعوا ليزرات وبلاوي يديه .

محبوبة الجميع
04/07/2006, 03:52 PM
اي صح ممكن بس انا اخاف من المخدر وما حط ابدا والموس ما يشيل زين يعني حلاوه في اماكن وموس في اماكن

Miss_UniGue
07/07/2006, 06:28 PM
الله يخليها لج يااااااااااااااارب و تفرحيبها عروس ان شاء الله ^_^
انا اقول خلها تشل بموس كم شهر لنها وايد صغيره فديتها
و عقب كم شهر علميها على الحلاوة ... و اول كم مره سويلها انتي بنفسج
عشان ما تعور نفسها
و عندي نصيحه ثانية .. لو تخلين الحلاوه طرية وايد و تسيحينها على كل الأبط و بعدين تيبين قطعة قماش الي تي في علبة الحلاوة و تفردينها على الابط و تضغطين بأصابعج مثل المساج شوي عشان ترتاح المنطقة
بعدين تسحبينها مره وحده .. بس لا تكثرين كمية الحلاوه و خليها طبقة رفيعه وايد
و صدقيني ان شاء الله ما بتترهل المنطقة ابدا .. لأنه قللنا مرات الفرد و المط الي مره وحده بس
ان شاء الله قدرت افيدج اختي
و بوسيلي عروستنا الصغيرة ^_^
تحياتي

lollty
17/01/2009, 02:55 PM
الرسول صلى الله عليه وسلم قال ((نتف الابط وحلق العانة))

يعني في عندك ماكينه براون رأس للنتف يستخدم للابط ورأس للحلاقه تقص الشعر من غير نتف

سواحل
18/01/2009, 11:40 PM
امبية عيل وش تقولون عني انا العلة اللي وش كبري الحلاوة ما اقدر استخدمها حاولت مرتين وبهلمرتين يالهويييييييييييييي