اول مرة بسافر مع طفلة عمرها سنة اريد نصايحكم

[حلوة المحيا]

السلام عليكم

اولا انا بسافر ماليزيا قولولي شو المحلات الحلوة عشان اشتري منها والاماكن وين احسن مكان فيه النعله كرمكم الله

وثانيا واهم شي انا اول مرة اسافر مع طفلة عمرها سنه شو الاشياء اللازم اشلها وياي في الطيارة يعني ما اتوهق وانسا شي


بس الي افكر فيه واخاف اتوهق في الطيارة 7 ساعات بنتي ما بتضيج وكيف بترقد وكيف بتاكل يا ربي انا اخاف اتبهدل من هالشي الي عندها تجربة تخبرني عشان ما احاتي وايد
وأخاف بعد انها بسم الله عليها تمرض يوم يتغير الجو عليها وما اعرف شو اسوي خبروني شو الجو عندهم بارد ولا عادي

[تحفة الأبرار]

والله آنه نفسج محتارة
نبغي الردود يابنات

[a moon]

اولا اهـلين اختي حلوه المحيا
ثانيا احب اقولك يوم اروح لماليزيا العام جلسنا تسع ساعات مو سبع
وبعدين اذا كنتي خايفه طفلتك الله يخليها لك اقول توكلي على ربك وبعدين الجو هنا نفس هناك تقريبا واهم شيئ خذي معك للطفله عربيه لان اغلب التمشيه هناك رجليه ويمكن تتعبين وانتي شايلتها على يدك ,,, وبعدين انصحك اذا رحتي لماليزيا بفندق( شيرتون امبريل )هذا بكولا لمبور
والله يوفقك ويسعدكم في سفرتكم واذا رجعتي بالسلامه خبريني وش يكون معك لاني مرررررررررررره قلقت عليكي وترجعون بالسلامه

[حلوة المحيا]

a moon مشكورة حبيبتي على النصايح

عفانا الله وين الباجي عنبوه بغيت نصايحكم لا اكثر ولا اقل يعني معقولة ولا وحدة منكم سافرت ويا عيالها

[زيتون]

السلام عليكم عزيزتي ،
أول شي أتمنى لك سفر ممتع انشالله ، بخصوص ماليزي الصراحة أنا ما سافرتها قبل :sad:
أما بخصوص الطفلة بعطيج انشالله تجربتي كامله :-
1- الأغراض اللي لازم تاخذينها معاك :
* لعبة جديدة صغيرة الحجم و مالها صوت عالي
* الأكل اللي تحبه الطفله لأنهم في الطيارة ما يعطونها غير المعلبات فارليز
* البسكويت الخاص بالأطفال يشغلهم في العربانه و ممكن بعد تعطينها مصاص من غير سكر وايد بيلهيها بس أهم شي راقبيها زين
* طبعا جميع مستلزمات إعداد الحليب و كمية كافية من المراضع و الحليب تحسبا لأي طارئ
* صدريات ورق تستعمل لمرة واحدة و ترمى ، تحصصلينها في بيبي شوب
* ملابس إضافية و ملابس داخلية و كمية كافية من الحفاضات
* جاكيت خفيف في حال كانت الطيارة باردة
* محارم مبلله للتنظيف
* شراب خافض للحرارة و جميع الأدوية اللي ممكن تحتاجها الطفلة مثل دواء للترجيع و للإسهال و السعال و الزكام ......راجعي أي مركز صحي

2- نصائح عامة :-
* حاولي الإبقاء على الطفلة متيقضة لين تركبين الطيارة علشان على طول تنام
* قدمي لها الطعام و غيري لها الحفاض بعد تخليص الجوازات و قبل ركوب الطائرة ما عدا الحليب
* جهزي رضعة الحليب قبل ركوب الطائرة مباشرة و عندما تبدأ الطائرة بالتحليق عطيها تشرب المرضعة علشان تهدأ و ما تنسد أذنها ، في الإقلاع و الهبوط
* ممكن تاخذين معاك دواء للحساسية يناسب سنها في حالة إذا ما نامت و تصرخ تشربينها شوي يهديها و ينيمها
* قبل الهبوط من الطائرة أطلبي من المظيفة أن تعيد تعبئة ترمس الماء الخاص بالطفلة بالماء المغلي .

أتمنى لك سفر موفق انشالله :shy: :salam:

[m84]

هلا ......
زين أختي يوم طرحتي الموضوع .......
انا مثلج بسافر السبت ن شاء الله ..وما عرف شو الاغراض اللي اشلها معايه .....
بالنسبه لي اول مرة اسافر ....وحبيت اسال بخصوص وزن الشنط أكثر شيء 20 /30 كيلو
وماعرف شو اخذ معاي الوزن مايسمح ...........
فياليت تكرموني بنصايحكم ...........
والسموحه

[a7laa 3roos]

زيتزن حبيبتي شكرا عالنصايح الحلوه والله كنت محتاجه لها
لاني بعد 4 ايام مسافره سويسرا والدرب طويل وماكنت عارفه شو اسوي فبنتي
تسلمييييييييييييييييييييي يييييين

[لهفه الخاطر 1]

تروحين وترجعين بالسلامة
اختي زيتون
ماقصرت
ولا تنسين الاذكار دوم
والله يحفظكم

[ريـــــ أم ــــم]

اختي انه بعد ان شاء الله بسافر الاسبوع الجاي مع بنتي ومره خايفه عشان جذي من اكثر من شهر سويت بحث في الانترنت وفي المنتديات عشان لا انسى شي خصوصا لبنتي
بقول لج اهم الاشياء الي اتذكرها :

المطار ولطائره:
سفرتنا ان شاء الله بتكون الساعه 1 بالليل فبحاول قد ما اقدر ما ترقد بنتي قبل مع انها متعدوه الساعه 10 تنام بس يومها بحاول اني الهيها مني ومناك عشان تنام لي بالطائره .
قررت البسها بنطلون وتي شيرت كم طويل عشان الطائره تكون بارده في العاده .
بكون مجهزه لها رضعه عشان اول ما بتمشي الطائره اعطيها حتى يخفف الضغط عليها .
في شنطتها الي باخذها في الطائره بكون حامله معاي :
مرضاعه نظيفه احتياط
كونتينر الي ينحط فيه الحليب
ترمس صغير فيه ماي ساخن
3 حفاظات + القطعه االي ينحط عليها البيبي وقت تبديل الحفاظ + محارم المرطبه + كريم الحفاظ
دواء خافض للحراره ........>>> ان شاء الله ما نحتاجه
لعبه صغيره وجديده عشان لو ما نامت بنتي تتسلى بيها
غيار كامل احتياط

ان شاء الله اكون افدتج
واذا احتجتي شي لا تترددين تسألين

[حلوة المحيا]

مشكورة زيتون على النصايح لكن المشكلة انا بسافر الصبح الساعة 8 صباحا يعني بنتي بتكون شبعانة رقاااااد

[visitor]

اول شي تكون الملابسولونها ما يكون فاتح جدا عشان ما تتوسخ بسرعةولازم تكون مريحة اثناء نوم الطفل و سهلة عند تغير الحفاظ
الاكل الخاص بالبيبي وادواتة مثل المرضعة والمرضعة الي بنهايتها ملعقة وكاس العصير الخاص بالاطفالعشان ما ينكت العصير على ثيابة
العضاضة, المصاصة, لعبة تسوي صوت هادي دفتر فية صور كبيرة
لفة اذا متعود ينام ملفوف
كريم بودر عطراطفال (ولد عز)
عربة سهلة الحمل وخفيفة
اطلبي تكون مقاعدكم امامية واطلبي سرير على الرحلة

[فرحه عمري]

تروحين و تجين بالسلامه اهم شي في السفره كلها تستانسون و الأهم تحرصين على بنتك من لفحه الهوا لان جوهم رطب والفنادق و المجمعات و التكاسي مكيفه عشان ما تحوشها نزله برد او نزله معويه لا سمح الله
قبل كل شي تروحي المستوصف الطبي او الصيدليه تطلبي
1- خافض حراره و مسكن للألم
2- دوا للمغص
3- دوا للزكام اذا يرشخ انفها
4-مضاد حيوي ( بس ما انصح تستخدمينه الا للضروره)
5- والأهم مقياس للحراره
]***** شنطه الطياره[/mark]:
1- جاكيت خفيف ( ربيعي ) عشان الطياره تكون بارده اول ما يدخل المسافرين
2- غيارين داخلي و بدلتين عملي ( جينزات و تي شيرتات )
3- صدريه تكون كامله مثل البلوزه بكم طويل و قت الأكل عشان ما توسخ ملابسها
و انصحك تحطي على حضنها منديل وقت الأكل عشان البنطلون
4- ورق معطر بحجم صغير عشان غسيل اليدين احسن ما تودينها الحمام و كثري منه
بينفعك طول السفر مو بس بالطياره و انصحك تاخذي اللي حجمه مناسب للجنطه
اللي تشيلينها معاك ( جنطتك اللي فيها محفظتك ) و يكون بس لغسيل اليدين و
الوجه مع اني افضل الوجه منديل فيه ماي
5- غيار الحفاظ اخذي معاك مو اقل من 6 لأن احتمال يصير تأخير في الأقلاع أو
تحتاج تغير بعد ما توصلون بالسلامه ( انا اغير حفاظه بنتي كل ساعتين ) الا
معاك زياده احتياط و لا تتبهدلي بالمطار و الشنط حملوها بالطياره
6- شركه دارلينغز عندها شراشف نايلون و كأنها ديباجه خفيفه استعملها
تحت بنتي وقت تغيير الحفاظ و يمكن استعمالها اكثر من مره كل كيس في تقريبا 15 شرشف الواحد ممكن تستخدمينه اكثر من مره انتي استعملي واحد
7- فازلين و ما ا عرف اذا تستخدمين قطن لغسل مكان الحفاظ ؟
انصحك يكونوا في شنطه ثانيه لكن انتي و راحتك( افضلها عشان لما اسوي الرضعه ما افتش بالأغراض كلها // او اذا بغير الحفاظ ما اتبهدل عشان القى غيار )
1- ترمس للماي الحار و يكون نوعيه ممتازه تحفظ الحراره حجمه متوسط ( لا تنسي
توصي المظيفه تمليه اذا حسيتي انه ما راح يكفي )
2- عدد 3 رضعات ( نصيحه حلوه املي كل الرضعات بماي حار لمقدار النص = يعني
يشرب رقم 180 اونص مثلا املي الرضعه لما رقم 140 اونص ماي حار و خليه
لما يدفى و حطيه بالشنطه .... عشان لما تزيدي الماي الحار تظل الرضعه
دافيه و ما تدوخي معى البيبي لما تبرد لأنها بتكون دافيه )
3- طبعا الحليب و أفضل لك تحطيه بالعلب اللي للوجبات و تكوني مقدره كم ملعقه
في كل وحده يعني بس تصبيها
4- بسكوت او شبس مع عصير

@@@@شنطه السفر:
1- صدريه ورق استعمال مره و حده و تحصليه في مذركير كل كيس فيه 10 حبات
2- ورق معطر
3- رولات أكياس بلاستيك مثل اللي يستخدم للزباله الله يعزك كان ينفعني حيييييييل
لما نغير الفندق او نروح منطقه ثانيه و عندي ملابس البيبي او ملابس زوجي او
ملابسي حتى... كنت احطهم بالكياس هذي و اربطهم عشان الريحه و الوسخ ما يختلط
مع الملابس الثانيه بدل ما تحطينهم في أكياس بروحهم على فكره ((اذا بتغسلينهم و تنشريهم بالغرفه ما راح ينشفون بسرعه ))
4- باقي ملابس البيبي براحتك لكن انصحك بملابس عمليه و بلاها الكشخه الزايده
( انا اخذ الملابس اللي احس خلاص بتصغر على بنتي او استهلكتها و ارميهم هناك و
اخفف علي الشنطه عشان الأغراض الجديده اللي اشتريتها) و حطي حسابك
بدله كشخه اذا رجعتي للديره اذا متعودين احد يستقبلكم
و على فكره جنتج باااااااااااااااااااااارد ه

[فرحه عمري]

تروحين و تجين بالسلامه اهم شي في السفره كلها تستانسون و الأهم تحرصين على بنتك من لفحه الهوا لان جوهم رطب والفنادق و المجمعات و التكاسي مكيفه عشان ما تحوشها نزله برد او نزله معويه لا سمح الله
قبل كل شي تروحي المستوصف الطبي او الصيدليه تطلبي

1- خافض حراره و مسكن للألم
2- دوا للمغص
3- دوا للزكام اذا يرشخ انفها
4-مضاد حيوي ( بس ما انصح تستخدمينه الا للضروره)
5- والأهم مقياس للحراره]

***** شنطه @@@@الطياره[/mark]:


1- جاكيت خفيف ( ربيعي ) عشان الطياره تكون بارده ما يدخل المسافرين
2- غيارين داخلي و بدلتين عملي ( جينزات و تي شيرتات )
3- صدريه تكون كامله مثل البلوزه بكم طويل و قت الأكل عشان ما توسخ ملابسها
و انصحك تحطي على حضنها منديل وقت الأكل عشان البنطلون
4- ورق معطر بحجم صغير عشان غسيل اليدين احسن ما تودينها الحمام و كثري منه
بينفعك طول السفر مو بس بالطياره و انصحك تاخذي اللي حجمه مناسب للجنطه
اللي تشيلينها معاك ( جنطتك اللي فيها محفظتك ) و يكون بس لغسيل اليدين و
الوجه مع اني افضل الوجه منديل فيه ماي
5- غيار الحفاظ اخذي معاك مو اقل من 6 لأن احتمال يصير تأخير في الأقلاع أو
تحتاج تغير بعد ما توصلون بالسلامه ( انا اغير حفاظه بنتي كل ساعتين ) الا
معاك زياده احتياط و لا تتبهدلي بالمطار و الشنط حملوها بالطياره
6- شركه دارلينغز عندها شراشف نايلون و كأنها ديباجه خفيفه استعملها
تحت بنتي وقت تغيير الحفاظ و يمكن استعمالها اكثر من مره كل كيس في تقريبا 15 شرشف الواحد ممكن تستخدمينه اكثر من مره انتي استعملي واحد
7- فازلين و ما ا عرف اذا تستخدمين قطن لغسل مكان الحفاظ ؟
انصحك يكونوا في شنطه ثانيه لكن انتي و راحتك( افضلها عشان لما اسوي الرضعه ما افتش بالأغراض كلها // او اذا بغير الحفاظ ما اتبهدل عشان احصل غيار )
1
- ترمس للماي الحار و يكون نوعيه ممتازه تحفظ الحراره حجمه متوسط ( لا تنسي
توصي المظيفه تمليه اذا حسيتي انه ما راح يكفي )
2- عدد 3 رضعات ( نصيحه حلوه املي كل الرضعات بماي حار لمقدار النص = يعني
يشرب رقم 180 اونص مثلا املي الرضعه لما رقم 140 اونص ماي حار و خليه
لما يدفى و حطيه بالشنطه .... عشان لما تزيدي الماي الحار تظل الرضعه
دافيه و ما تدوخي معى البيبي لما تبرد لأنها بتكون دافيه )
3- طبعا الحليب و أفضل لك تحطيه بالعلب اللي للوجبات و تكوني مقدره كم ملعقه
في كل وحده يعني بس تصبيها
4- بسكوت او شبس مع عصير

@@@@شنطه السفر:


1- صدريه ورق استعمال مره و حده و تحصليه في مذركير كل كيس فيه 10 حبات
2- ورق معطر
3- رولات أكياس بلاستيك مثل اللي يستخدم للزباله الله يعزك كان ينفعني حيييييييل
لما نغير الفندق او نروح منطقه ثانيه و عندي ملابس البيبي او ملابس زوجي او
ملابسي حتى... كنت احطهم بالكياس هذي و اربطهم عشان الريحه و الوسخ ما يختلط
مع الملابس الثانيه بدل ما تحطينهم في أكياس بروحهم على فكره ((اذا بتغسلينهم و تنشريهم بالغرفه ما راح ينشفون بسرعه ))
4- باقي ملابس البيبي براحتك لكن انصحك بملابس عمليه و بلاها الكشخه الزايده
( انا اخذ الملابس اللي احس خلاص بتصغر على بنتي او استهلكتها و ارميهم هناك و
اخفف علي الشنطه عشان الأغراض الجديده اللي اشتريتها) و حطي حسابك
بدله كشخه اذا رجعتي للديره اذا متعودين احد يستقبلكمو على فكره جنتج باااااااااااااااااااااارد ه

عصرتلك خبره 9 سنوات سفر

[حلوة المحيا]

بنات شحالكم

انا ردييييييييييييييييييت من السفر وما ادراكم ما السفر مع طفلة

والله تبدلت اخر بهدلة وكرهت شي اسمه سفر مع اني سرت اماكن حلوة في ماليزيا وكانت جنتنج باردة واييييييييييد ما توقعت انه جوها بهالبرودة فضطريت اشتري جاكيت حق بنتي من اهناك :shy: ويالسنا فيها 4 ايام وعقب سرنا العاصمة كولارابور وكان جوها عادي مب بارد

تخيلووو يا بنات في الطيارة هالمرة كانت المطبات الهوائية زيادة على اللزوم وبنتي ما تحملت المطبات الهوائية وقامت ترجع على عباتي وخيستني وكل ما اعطيها شي ترجع مع انها مب مريضة والحمد الله لكن سبحان الله ما ارتحت في هالسفرة حتى انا من الزيغة بغيت اصيح لانه الطيارة كانت تهتز بكبرها وبطني عورني صراحة وظهري اتكسر لانه 8 ساعات

وكانت اتصيح ما تتحمل الجو الحار يوم كنت اظهر الظهر او وقت الزحمة بالمساء وكرهت العربانة تبا تمشي بين الناس وانا الا اشلها واسكتها

وفي الطيارة شو سوت فيني ما تبا تيلس تبا تلعب وتمشي والمضيفات ينازعوني لانه المطبات الهوائية وايد ويخافون انها اطيح ومب راضية تسكت وتيلس لعوزتني والله

ويوم بغيت اوديها عزكم الله حمام الطيارة عشان ابدلها البامبرز شو سويت فيني صيااااااح وخايفة من الحمام ماخلتني ابدلها او انظفها فضطريت اني اغيرها البامبرز وهي واقفة وما قدرت اغسلها

والله بهدلة معها
ويوم بسير المطعم باكل بطلبي اكل وبطلبلها شي مهروس تروم تاكله ما تبا تبا تاكل الي انا اكله وهي ما تتحمل مافيها ضروس واخر شي ترجع

واخر شي يوم بنرد البلاد يلسونا ورا ومكان ضيج وانا مقهورة مع انه كل ما ركبت الطيارة تقريبا ركبت 8 طيارات لاني كنت اسافر من جزيرة لجزيرة كانو يلسوني جدام بس يوم الردة ورا كرسين انا وريلي ومهرة تبا ترقد فرقدتها على ريولي واحسها مضايجة وتصيح وهي راقدة وانا ابا ارقد ايدي عورتني وظهري عورني قلت شو ها مكتوبلي الشقا في سفرتي هذه

خلالالالالالالالالالالاص قلت حق ريلي ما بسافر لين ما تكبر لاني صدق تعبت وايد

[رنوومة]

يعنى لماليزيا و مع بنت عمرها سنة

حرام و الله حرام لح تتعب كتير هالبنت

لسا هي صغيرة

و ممكن متل ما قلتي تمرض

ف لازم تغيري ماليزيا

اذا انتى بالامارات

روحي على البحرين

تغير جو البحرين كتير حلوة

او روحي سوريا بتجنن

و مافيها تعب على بنتك

او روحي اي بلد من الخليج

كلو مافي تعب على بنتك

بس ماليزيا نوووووو