شو ألبس في تايلند..؟؟

[ملكة النحل]

السلام عليكم ورحمة الله وبركاته

ابسألكم .. للي رايحين تايلند قبل .. ممكن تعطوني شوية من وقتكم .. وتقولولي شو ألبس ..؟؟

طبعا بلبس عباية .. بس تحت العباية شورايكم ألبس جلابية قطن .أريح لي ؟؟...لأن يقولون جوهم حار

ولا ألبس بنطلون :shy: عشان يكون شكلي مرتب جدام زوجي طبعا مع العباية..

ألبس نقاب ولا لا .؟؟.. أقدر أحط ميك آب خفيف (عشان شكلي يكون مقبول جدام ريلي :shy: وفي الصور ) ولا ألفت نظر جيه ؟؟..( خاصة سمعت هناك وااااايد شباب صايعين):sad:

وشو ألبس على الراس .. شيلة سودا عادية .. ولا شيل ملونة كتغيير ( أرجو أن لا يسئ البعض الظن فيي.. فأنا الحمدلله محتشمة ومستحيل أكشف عن شعرة من راسي)

[فزاعه]

انا انصحك نصيحه انك تكونين باجمل اناقتك مو بس جدام زوجك فقط حتى الناس وامام نفسك لان زوجك راح يشوف امامه هالتايلنديات الجميلات والخليجيات المزايين اللي توهم متزوجات يقضن شهر العسل وانتى قاعده بخلاجينك دراعه قطن هاهاهاها رايحه سوق الخضره افا عليك انتي اماراتيه وبنت زايد لازم ذويقه ولازم علشان التصوير الله يهداك يكون ذكرى حلوه وصورك تكون حلوه

[فراولة الإمارات]

ريلج شو رايه....بصراحه انا لما رحت لبست نقاب لنه فيه وااايد حلجيين هناك بس منتحت النقاب والعباية كنت أكشخ حق ريلي يعني الناس ما تشوف شي.....وإذا تبين تلبسين بنطلون يفضل عباءة مسكرة من جدام مو مفتوحه....ترا واايد عرب هناك ......بصراحه ريلي وااايد استانس لما لبست النقاب هناك مع انه اهني في بلادنا ما ألبس...شفتي عاد!!

[لمحة_أمل]

مرحبا الغاليه


انا سرت تايلاند و عرفت الوضع كيف هناك

و ان شاء الله ناوين نسيرها في شهر العسل

نصيحتي لج لاااااااااااااا تعقين العباة

صدقيني ريلج بيشووووف وااااايد بنات عرب هناك عاقات العباة ولابسات بناطلين و مادري شو و اللي متينه و لابسه بنطلون راص و اللي عاقة الشيلة ..

فهو بيفتخر ان حرمته حاشمه عمرها و محترمه نفسها و هذا بيخلي اللي حواليكم ينظر لكم نظرة احترام ..

بالنسبة للشيل .. نوعي .. مرات سوده و مرات ملونه

اللبس لاتلبسين جلاليب و لاااااا تلبسين اللون الابيض لانه بيستوي اسود من الوصاخه اللي هناك
و الجلابية ما بتكون مريحه لان هناك مشي وايد و ارضهم مادري كيف .. بعض المناطق فيها ارصفه متكسرة و غيره .. و في طلعاتكم السياحية اريح لج البنطلون بس ما تكون العباة مفتوحه ..

[الـنـونه]

ينقل لركن اسـتفســارات الأزيــاء

دمتم

[ملاك الورد]

تكشخي وتعدلي حق ريلج بس لكن الطلعات الأفضل انج تلتزمين باللبس الساتر
والنقاب مب عشان ريلج عشان ربج لأن الله سبحانه يالغالية في كل مكان وان شاء الله يباركلج في الحشمة
ويحليج اكثر وأكثر في نظر ريلج سواء كنتي في تايلند او اوروبا ... وربي
يوفقج ويسعدج .. :)

[وطن]

اختي انا كنت في بانكوك في شهر اربعه اللي طاف والصراحة هذا احر شهر عندهم في السنه وحر مووت ولوعة جبد

البسي اللبس اللي يريحج وبعد كوني كاشخه ومرتبه حق ريلج
واذا كنتي من النوع اللي يعرق بسرعه انتبهي من المكياج لانه بيخرب في جوهم الحار


وللعلم ترى التايلنديين في حالهم ولا يلتفتون عليكم .. بس شباب الخليج هم اللي يغثون الواحد ويطالعون ويقطون حجي ...

بس في الفترة اللي رحت لها ماكانو وايد ..
نادر ما كنا نصادف عرب او خليجيين

:)

[missing]

الصراحه انا ماالبس عباه بس تنوره وقميص طويل وواسع وشيله ملونه وساترة...

والحمد لله محد يطالعنا بالعكس هم يوم يشوفون العباه يغلون الاسعار ....

والحياه حلوه المهم لاتطلعين شي من جسمج ،والله يعينكم ويردكم بالسلامه

[شيخة البيت]

انا من راي اهم شي اللبس يكون محتمش وفضفاض .. مع الحجاب ...مب شرط عبايه .. بس اهم شي لبس محتشم وساتر كل جسمج ... هذا راي

[أحلاهـــم واتحداهـــم]

حبيبتـــي الحشمـــــه زينـــــــه

وخلــــي كشختـــج حـــق ريلــــج وبــــس

جــي بيستانـــس عليــــج أكثــــر


تحياتــــي يالغاليــــه تروحيـــن وترديــــن بالسلامــــه

[ريم الارياف]

مرحباااا... انصحج انج ماتلبسين نقاب و تكشخين حق ريلج و تكونين مرتبة وقت الطلعة عشان ما يتحسف في خاطره يوم بيشوف الغير "الكاشخات والمزيونات وياشكثرهم هناك"

[*درب المحبه*]

اختي لبسي بناطلين جينز مع عباه فيها ازره من قدام وتتصكر لين تحت مع شيل ملونه بألوان هاديه
وتحت الشيله لبسي البونيه الصغير عشان ماتتأذين وتعدلين الشيله كل خمس دقايق
مع جوتي رياضه بس يكون كشخه واهم شي النظاره الشمسيه
ولا تتمكيجين بس حطي كحل داخل العين لان الجو حار هناك وتعرفين الحر والرطوبه مع المكياج تصيرين لوحه فنيه


وان شاء الله تروحين وتستانسين وتردين بالسلامه

[ملكة النحل]

جزاكم الله خيرا ..ياخواتي فرحتوني بردودكم الحلوة:shy:

[miss_engr]

جلابيه قطن الله يهداااااااااااج!!!...

عروووووووووس...وبتكشخين بجلابيه!...


شوفي قلبي..البسي عباتج اذا انج حابه ..واذا ريلج ما عنده مانع..ممكن تستعيضين عنها بالبناطلين الواسعه..والقمصان الطويله..


خلنا نقول..لبستي عباتج... نصيحه نصيحه نصيحه...هالله الله بالبناطلين..(مو الطويله وايد).. حاولي
تكون من النوع اللي ما ينزل على الارض..لانها بتتوصخ..خاصه طبيعه البلاد..والمطر اللي هناك..

ثاني شي..الله يكرمج..الجواتي النازله اريح لك..

ثالث شي..اذا حابه ممكن تلبسين شيل ملونه..مافيها شي..بطريقه مرتبه وحلوه ..مع العبايه..

والله يهنيج ويسعدج..

اقول..( بس اذا بتروحين جزيرة ولا شي..توقعي ممكن يكون لكم مسبح خاص..فودي معاج " مايو" احتياط)...<<<<<< حركااااااات!

[alyazya]

انا يوم سافرت تايلند لبست عباه مسكره وتحته بنطلون مب طويل وهناك كله مشي...

[ملكة النحل]

فزاعة..
وانتى قاعده بخلاجينك دراعه قطن هاهاهاها رايحه سوق الخضره

:dd: ضحكتيني,,لا بالعكس أكيد أبغي أعكس صورة راقية عن بلادي .. خلاص قررت علشان خاطرج أبلبس بنطلون بس طبعا مع العباية..

فراولة الامارات
أنا ألبس نقاب هني ..واذا هناك زحمة وفيها وايد خليجين فأتوقع ألبس النقاب
راي ريلي هو منفتح شوية ومب متشدد..عادي عنده ديمقراطي وخاصة هو واثق أني أنا محتشمة وما بتهور :shy:

لمحة_ أمل
لا .. لاتخافين أكيد ما بعق العباة..وشكرااا على النصيحة

ملاك الورد
لا ..أكيد أخااااف ربي وين ماكنت.. وأنا الحمدللة محتشمة

وطن
وأنا خايفة من الخليجين أكثر .. وبنسبة للمكياج أكيد بحط خفيف(كريم أساس مع روج خفيف) بس عشان شكلي يكون مرتب جدام ريلي وأقدر أمسحه اذا اخترب من الحر

missing
مشكووورة أختي على أبداء رأيج

شيخة البيت
لو كنت في أوروبا عادي ماكنت بلبس عباية .. بس تايلند يقولون كأنج في دولة خليجية.. ريلي يقول أكيد أشوف ربعي هناك.. فمب حلوة يشوفوني بدون العباية..عرفتي:shy:

أحلاهـــم واتحداهـــم
مشكوووورة أختي على الرد الحلووو

ريم الارياف
ان شاءالله بسوي قلتلي عليه ..ثااانكس

دلوعتها
مشكووورة على نصايحج..بسوي اللي قلتلي عليه (ان شاءالله)
بس مافهمت على هاي كيف.؟؟>>>>وتحت الشيله لبسي البونيه الصغير

[ملكة النحل]

miss_engr
لا ..خلاص هونت مابلبس جلابية (تراني سمعت أن جوهم حار قرف..صحيح هني في بلادنا حر بس مانطلع من تحت المكيف نقول حر .. بس هناك مخسرين رايحين عشان نتفسح..فمجبورين )
FF3333
لوكنت في أوروبا ممكن .. بس تايلند يقولون كأنج في بلدج وأخس(من كثر شباب الخليجيين)ماشاءالله عليهم
وانشاءالله يوم باخذ بناطلين بسوي على نصيحتج ما أخليهم وايد طوال ونعال بدون كعب على نصيحتج.. ترااني ماحب الجواتي في الحر:sad:
وان شاءالله باخذ وياي شيل ملونة بعد..على نصيحتج
مايووو <<<<<:dd: بس أنا مب رايحة شهر عسل .. وياي العيال<< أم العيال

alyazya
مشكوووورة أختي على ردج الحلوووو..

[@جنات@]

حبيبتي اهم شي يكون اللبس واسع ومحتشم ويغطي عورات المرأة .. وغير ملفت ..
عاد اذا توفرت هالشروط لبسي اللي تبينه ...

[مجنونة قطر]

انارحت تايلاند
بس لبسي في قطر
نفس لبسي هناك
ماتغير شي


الفرق اني هناك لبست بنطلون وفي قطر ما البس بنطلون
لان هناك نستهلك المشي اكثر من السياره ...



شوفي زوجج شنو يعجبه .. واهم شي دينج ..

[الغـــلا كله]

كشخه اخذيني وياج ههههههههههههههههههههههههه هه

[بيانسيهq8]

انا راي الشخصي تقطين العبايه والنقاب وتلبسين لبس مريح وانيق ومحتشم بنفس الوقت
نفس البنجابيات
اريح لج واحلى في نظر زوجج

ماراح يقول شي

ليش ؟ اني قاطه الحجاب؟
لبسج راح يكون محتشم وما فيه شي غلط

[b7o0or_ashoq]

الله يسعدج انشااااااااءالله وتستانسين ................. اكشخي شعليج منهم

[ملكة النحل]

@جنات@ ..أكيييييد ...أشكرج على الرد

مجنونة قطر
ان شاءالله بسوي مثلج..وأنا بعد هني ما ألبس البنطلون ..بس هناك بحاول..
ريلي .. عااادي عنده ..لأنه واثق فيني .. ويعرفني حيوية وخجولة:shy:

العنـــــود .. حياج .. .. تعالي وياي .صدق ...بكون فرحاااانه

بيانسيهq8
مكان ثاني ممكن (استراليا - نيوزلندا - أوروربا ) .. بس تايلند وبانكوك بالذات .. صعبة لأن شباب خليجين كلهم هناك ..اذا في مناطق ثانية أهون في تايلند .. ماادري والله بشوف:shy:

b7o0or_ashoq ..مشكوووورة أختي على كلامج الحلوووو

أشكركم يااخواتي على أبداءكم على رايكم .. (f) (f)

[شيخة البيت]

هيه عرفت ..؟؟؟؟.. بس الغاليه إذا تلبسين نقاب المفروض سواء خليجين او مب خليجين اتمين على نقابج ولا شو الراي ...

[الامـــارات]

انا سرت تايلاند .. يعني عادي هناكـ ..

حطي ميك اب خفيف .. ولبسي شيل ملونهـ .. واللبس البسي بدل وبواطلين .. لان كلهـ مشي شرات ما قالن ..


بس ..!!

السموحهـ :)

[ملكة النحل]

شيخة البيت..
أعتقد اللبس الشرعي للمرأة أن تكون سارة لكامل جسمها ماعدا الوجه والكفين .. بس عشان اتجنب نظرات المتطفلين وآخذ راحتي ألبس النقاب في مكان زحمة .. أما سؤالج : ليش مااتنقب جدام الأجانب (غيرالخليجيين ) لأنهم بصراحة مايطالعونا ..بالعكس اذا تنقبنا يطالعونا أكثر للأن النقاب يلفت نظرهم أكثر .. ومشكوووورة على اهتمامج وردج(f)

الامـــارات.. مشكوووورة على ابداء رايج