من راح استرالياء

[بنت الخليج]

هاااااااااااااااااااااااا ي يا عرايس
رجلي في شهر 7 بيروح استرالياء
ابي اعرف وش الشياء الغريبه الي عندهم وما عندنا
اي شي ملابس جزم اكسسوارات شنط مكياج .........
اي شي غير كذا بعد
بلييييييييييييييييييييز ردو علي:shy:

[ام الحلوة]

مرحبا اختي

انا رحت استراليا الصيف اللي فات

وبصراحه هي وااايد حلوة والحياة فيها حلوة وراقيه وخصوصا جولد كوست فيها مراكز راقيه وملابسهم اسعارها معقوله مثل المراكز في بلادنا بس ملابسهم احلى واي موديل ينزل بعد ثمان شهور نشوفه في بلادنا صدقينني


في مركز اسمه هاربر تاون هذا عجيييييييييييييييب مركز مفتوح في الخهواء الطلق فيه كل انواع الماركات وباسعار اقل يعني هو متخصص في بيع ملابس الماركات بس باسعار الجمله

كل شيء عندهم بسعر الجمله حتى لو تشترين قطعه بتطلع لج بسعر الجمله وملابسهم حلوة فيها ملابس اطفال وحريم اكثر شيء وهو سنتر كبيررررررررر يعني طلعه يوم كامل او تطلعيبن فيه على يومين اذا فكرتي تطلعين له المسا لانج ما بتخلصين



لكن والله بضاعتهم روووعه حتى البودي شوب عندهم غير في استراليا فيه منتجات يديدة ما تنزل عندنا اول شيء عندهم


ومتخصصصه استراليا بانواع الصابون الطبيعي المعطررررررررر فمن تدخلين سنتر من سناترهم تشمين ريحه صوابين وعطور حلووووة وكلها صوابين طبيعيه من مواد طبيعيه مثل ما يقولون ما ادري عنهم بعد


بس احلى شيء ملابسهم وخصوصا البديات رووووووووووعه وكل شيء يديد ينزل عندهم قبلنا بشهور


اتمنى اكون افدتج شوي :shy:

[بنت الخليج]

ما قصرتي اختي ويعطيك العافيه
شهتيني انا اروحلها اتشرا مو رجلي يجيبلي

اختك الخليجيه

[غلا بوخليفة]

نفسي اروح استراليا بس بعيده واااااااااايد 14 ساعه ما اتحمل وياالبيبي...........

ورحله موفقه اختي............

[om shahd]

حبيبتي استراليا رووووووووووووووووعة بتستانسين ان شالله فيها واااااااااااايد وتروحين وتردين بالسلامة،،،، شوقتيني والله لزيارتها ، وبالنسبة للتسوق اليك المعلومات التالية :


أهم المجمعات الموجودة في جولد كوست :
1- Pacific Fair
باسيفيك فير : و هو اكبر مجمع بالجولدكوست و الأجمل يطل على بحيرة ، فيه المحلات بشكل منازل بأحياء متشعبه " و باقي المحلات في داخل المجمع .

2- Australia Fair
أستراليا فير مجمع حلو و أكثر السواح يروحون له بسبب قربه من السيرفرس بارادايس .

3- Robina Town Centre روبينا تاون . حلو و السواح فيه نوعا ما قليلين . و طلته عالبحيره حلوه .

4-Surfer's Paradise السيرفرس بارادايس .
هو عبارة عن سلسلة محلات تطل على ساحات مفتوحة ما تدخلها السيارات " إلا بالطرق الفرعية " . بالليل يقومون بعض الأشخاص ببعض العروض الرياضية أو التمثيلية أو الموسيقية أو غيرها . يمتاز هالسوق بوجود المطاعم باختلاف أنواعها و أسعارها غير الكافيهات ، هالمكان فيه روح و حركة لي منتصف الليل ، و أحيانا تقام أيام الجمعة من بعد المغرب إلى نص الليل كشكات من جهة البحر يبيع فيها أشخاص أعمالهم اليدوية اللي فعلا روعة سواء لوحات أو مشغولات يدوية أو شموع و غيرها من الأشياء اللي فعلا فظيعه ، و مرات يبدا بعض الفنانيين بتشكيل مجسمات و شخصيات من الرمل .. و لما ينتهون ينورون حواليها إما بنار خفيفة أو شموع بحيث يبين لك الشكل من أروع ما يمكن .

5- Runaway Bay Shopping Town رن واي بي ..
هذا بعيد ، يعني بالباص ساعة إلا ربع تقريبا ، بس بصراحة حلو وهادي و بعيد عن السواح تماااااما ، فيه محلات قليل ، لكن الأحلى لما تطلع من المجمع و تقعد على لبحر ، البحر هناك مريح للعائلات ، أقصد إنك ما تشوف ناس يسبحون او يتشمسون ، غالبية القاعدين سواح أجانب أو عائلات استرالية ، القعدة هناك فعلا ترد الروح ، الطيور بأشكالها تطير حواليك ، الجو رهييييب فيه نسمة برد ، الرمل " مو طبيعي فاااتح و ناعم مثل الملح و لا يلصق بطريقة مزعجة فيك ، و البحر صاااااااااااااااااافي و أزرق ،

6- Sanctuary Cove سانجري كوف
هذاقمة ، هو جديد و ما انتهى العمل فيه هالسنة - بعيد و أبعد من السوق اللي ذكرته من شوي " رن واي " . و طبعا كل ما ابتعد صار المكان أهدى ، و هو تقريبا منتجع ، طبعا أنا ما أقول قمة عن مستوى المحلات ، عن مستوى المناظر و الطبيعة و الراحة فيه ، حوالين المنطقة هذي كله مزارع و ملاعب جولف .. و بوسط السوق تقدر تصعد على جبل صغير شبيه بالتلة ، فيه الاشجار الروعة و نوافير الماء ، و هالجبل تابع لفندق حياة ريجنسي " الفندق رهيييييب ، تقدر تحجز غرف أو مثل نظام الشاليهات اللي تطل عالمسابح و البحر ، أسعاره مثل أسعار الفنادق الدرجة الأولى ، اللي طايحين عليه السواح اليابانيين ، العرب ما يحبونه لأنه بعيد عن السيرفرس بارادايس ، بس نصيحة ، لو في مجال مثلا إنك تحجز لك آخر يومين فيه لا تتردد ، فعلا رااااحه و استجمام .. و من كثر ما انه كبير يتنقل اللي مسئول عن خدمة الغرف بسيارة صغيرة مثل سيارات الجولف و هذي صور للمنتجع

6- و هذي أسماء أسواق اخرى : Broadbeach / Oasis / Neicon Plaza -South Tweed - Tweed City - The Pines- Southport Park -Harbour Town - Marina Mirage / Mariner's Cove



التسوق في سيدني
ا فضل التسوق في شارع اكسفورد والمناطق المحيطه به مثل منطقه ريد فيرن ، مبني الملكه فيكتوريا ( لا يفوتج شكله بس يجنن قبل أغراضه )، ستر اند اركيد ، سنتر بوينت ، سكاي جاردن ، ودابل بي ، ومركز تسوق بيت استريت

[بنت الخليج]

om shahd مشكورررررررره اختي على المعلومات الى عطيتينيها عن الأسواق

:sad: بس شكلكم فهمتوني غلط مو انا الى بروح رجلي

ان شاء الله اروح لها في المستقبل:shy:


بجهز السته حق رجلي من الحين عشان يجيبلي معاه الأغراض:gum:

والي عنده بعد معلومات اكثر يفيدنا


اشكركم مرررره ثانيه

[بنت الخليج]

اختي ام الحلوة حبيت اسألك عن
هاربر تاون
يبيع ملابس الماركات مثل ايش؟ وشنط وجزم والا ؟
ياليت تعطيني امثله ؟
:qaq: <<<<< صار درس قواعد
وكيف مثل سعر الجمله يعني اقل ؟

ادري جننتك بالأسأله بس تعرفين رجلي الي بيجيب لي ولازم اعلمه بكل شي:shy:

لا تنسين اختك الخليجيه

[ترانيم قطر]

يروح ويرجع بالسلامه والبنات ماقصرو يعطيهم العاافيه

[ترانيم قطر]

شوفي هذا الموضوع

http://www.3roos.com/forums/showthread.php?t=127821

[عشق الطفولة]

خاااااااااااااااااااااااا ااااااااااااااااااااااااا ااااااطري اســـــــــــــــــــــــ ـــــــــــير

[بنت الخليج]

مشكوره اختي ترانيم قطر

عن جد عجبني حق مواقيت الصلاه

[بنت الخليج]

عشق الطفولة
اذا سرت بتسيرين

هههههههههههههه