تكفوون ابي حل مع اللي احبه

[رغووووودي]

السلام عليكم ..
بصراحه هذي اول مشاركه لي بالمنتدى ..
وحبيت انكم تساعدوني في مشكلتي .. لاني شفت تجاوبكم مع الاعضاء
وتعطونهم حلووول مناسبه ..

مشكلتي هي ..

انا تعرفت على واحد من خلال النت .. ونشأت بينا علاقة حب قوويه
وررربي اني افكر فيه طوووول وقتي .. وكنا تقريبا اكثر وقتنا مع بعض
طبعا على النت ...
وبعدين طلب مني اني اكلمه بالتليفون .. لكن رفضت .. وكنت مصره على رفضي ..
وهو سكت ماقال شي .. وكل ما تكلم بالموضوع احاول ما ارد عليه
او اغير الموضوع ..
وبيوم قال لي واحد من اصحابه المقربيييين له ..
(( فلان)) صار عليه حادث بس الحمدلله هو بخير
وحاول يطمني عليه .. لكن الخبر كان قوي علي ..
وجلست احلفه انه مافيه شي وهو يحلف ويقول لي حلفت لك بربي انه بخير ما تصدقين ؟
وبعد محاولات منه انه يقنعني انه حبيبي مافيه شي وانه بخير
وهو بالبيت .. قال لي اذا مو مصدقتني خذي رقمه اتصلي فيه
قلت لا ماقدر ومن هالكلام..
قال لي طيب انتي ماتبين تصدقيني .. قلت له انا طالعه باي ..
وكان عندي رقم حبيبي من زمااان لكن مافكرت بيووووم اني اتجرأ واتصل
اخذته وانا متردده ودقيت الرقم .. ولا احد رد علي ..
زاد خوفي عليه .. واتصلت مره ثانيه ولا رد ..

رجعت للنت وقلت حق صديقه تكفى طلبتك قول لي شفيه وش صار عليه
قال لي يابنت الناس الولد بخيررر هدي نفسك ..
لكن ورررربي كنت بموت من الخوف عليه
قال اتصلي عليه .. قلت يوووووه طيب اتصلت ولا رد وييينه ليش ما رد شفييييه ؟؟
قال لحظه .. وبعدها قال لي اتصلي الحين راح يرد عليك..
طلعت بدون ما ارد عليه واتصلت على حبيبي ..
دقيت عليه وكانت اووووووول مره اتجرأ وادق على واحد ما اعرفه
وكنت مرتبكه وخايفه ولا ادري شقول
بس سلمت وتطمنت عليه وقفلت الخط
وصارت بيننا اتصالات بين وقت ووقت
الحين علاقتنا لها سنه .. وانا ما شفت منه الا كل خير
ويحاول يرضيني بأي طريقه

ادري الى الحين ما عرفتو وين المشكله ..
راح اقولكم ..

صديقتي هالايام صارت تسالني الى متى راح اظل على علاقتي معاه ؟
وكنت اقول لها لحد ما القدر يفرقنا لاني ماراح انساه لووو امووت
وانا عارفه انه هالشي غلط اللي بيننا لكن مو بيدي احبه اموت فيه
وهي تحاول تنصحني وتبعدني عنه ولا قدرررررت
اقول لها بحاول تقووول كيف بتحاولين ؟؟ ومتى ؟؟ لازم تنهين علاقتك معاه بسرعه
وكنت دايم اقول لها احاول احاول .. بس عشان تسكت ولا تضايقني
وانا عارفه انها تبي مصلحتي .. بس ماااااااااقدر انساه
واليوم قالت لي بعطيك فرصه وبعد الاختبارات اذا ما تركتيه
انا راح اتركك واختاري انا ولا هوو ؟؟ :confused:

وررربي الحين نفسيتي تعباااااانه
مدري اخليييييه وانساااااه :confused:
ولا اخسر صداقة اعز اعز اعز صديقاااااتي اللي مثل اختي واكثرررر
:confused::confused:
آآآآه وررربي تعبانه من التفكير
تكفووووون ساعدووووووووووني ابي حل :(

اتمنى الاقي ردوووود على موضوعي لاني بكره ماراح ادخل للنت
ولااازم اشوف الردود اليوووووووم

تكفووووون ردو علي :confused:


.. المعذبه ,, الحائره ,, رغودي .. :(

[M_rose_M]

سلام... انا ما حجي اقولك هدا غلط علشان انت عارفه انه غلط بس انت زي ما بتقولي انه بحاول يرضيكي باي طريقه طيب ليه ما يجي يتقدم لك يعني يجي من الباب مو من الشباك وصدقيني لما تفتحي معاه الموضوع هدا حتعرفي نواياه علشان اذا كان نيته سليمة حيدي يخطبك من غير تفكير بس اذا كانت نيته مو سليمه ساعتها حتلاقيه بيتهرب بلميون طريقه وساعتها افلتي بجلدك قبل فوات الاوان ....

[رغووووودي]

مشكور اخوي عالرد السريع .. الف شكر لك ..
بس المشكله انه اكبر مني بـ 11 سنه .. وانا صغيره عالزواج
وهو حاول قبل يقول لي بس انا قلت له لا بدري على هالكلام
:(

ابي حل :confused: :confused:



المعذبه .. رغودي :(

[M_rose_M]

اولا انا بنت :confused: :confused: تانيا اذا هو اكبر منك بـ 11 سنه وانت بتقولي انه صغيرة على الزواج يعني لما يصير عمرك مناسب للزواج شوفي كم حيكون هو عمره ساعتها انت بتعتقدي انه اهلك حيرضوا يزوجكي انسان اكبر منك بــ 11 سنه !!!!

ثالثا بدي اقولك شيء انت لما حتسيبيه حيكون صعب واي شيء في البداية صعب ويعدين خلاص يصير شيء عادي وانت تقربي من ربنا اكتر واكتر وصدقني لما الواحد يتقرب من ربه تهون علىه مصيبته

[رغووووودي]

اسفه اختي ما اتبهت للنك نيم ..

اللي فهمته من كلامك انك تقولين لي اتركه ؟؟؟ انساااااااه ؟؟
لا مستحييييييييييل انسى نفسي ولا انساه :confused:

انتي ما تعرفين قد ايش احبه مو بالسهوله هذي انساه !!

وانا عارفه انه اهلي ماراح يرضووووون يزوجوني واحد اكبر مني بـ 11 سنه
لكن صعبه ماقدر افكر اني اقدر اتركه

وبعدين كيف راح اقول له ؟؟؟؟
كيف راح يتقبل الموضوع ؟؟؟؟


اختي اسفه طولت بالاسئله بس ورررربي محتااااره
متضاااايقه نفسيتي مررره تعبااااانه ومو عارفه كيف اذاكر حق اختباراتي
مو عارفه افكر بأي شي .. طوول وقتي متضايقه وكرررهت كل شي

واللي يخليك حاولي تساعديني لاني مو عارفه افكر بشي :(



:( :( رغودي :( :(

[M_rose_M]

يا حبيبتي اسمعني يا روحي كل شيء في البدايه صعب وانا عارفه انك ما حتنسيه بسهولة وحياخد وقت طيب انت ليه ما تقول له انه عند امتحانات وما تقدري تدخلي النت وقولي لصاحبتك ( عن جد صاحبه وفيه ) انك اعطيتي لنفسك فرصه تفكري بالموضوع وتشوفي كل ابعاده وعن جد اقعدي بينك وبين نفسك وفكري انه انت كل ما قعدتي تكلميه حتتعلقي فيه اكتر واكتر وحيصير الفراق اصعب وانا قلت لك اتقربي من ربك اكتر واكتر وربنا باذن الله حيساعدك وانا عارفه انك دحين بتقولي بنفسك ( انه ما ساعدتك ولا بشيء) بس هدا اللي عندي :(

[رغووووودي]

مشكوره عيوني ...
ولوووو انه كان ودي بحل يريحني ويريح قلللبي :confused:

الف شكر حبيبتي ..
وانشاء الله راح افكر بكلامك واشوف ..



.. رغوووودي :confused: :confused:

[حبيبة كنوفه]

عزيزتي الغاليه رغووودي..اول شي ارحب فيك بهالمنتدى الي انشالله راح يفيدك كثير وانشالله راح تلاقي لمشكلتك حل..وانا اقترح عليك انك تراسليني عالخاص...وانشالله انا وانتي بنتفاهم ونلاقي الحل مع بعض ..اوكي..يالله انتظرك...

[رغووووودي]

مشكوره عيوني عالرد ..
اوكي حبيبتي ..



.. رغودي :( ..

[رغووووودي]

حبيبة كنووفه ..
اسفه اعذريني خاصية الرسائل الخاصه ما اقدر استخدمها الحين
الا بعد ما تكون مشاركاتي 30 ..!!

يلييييت تقولين لي الحل هناااا :confused:


.. رغودي ..

[دفا الكون]

:(:(

هلا بالاخت الفاضله

رغووووودي


تبين الصراحه والله ضيقتي صدري:(

ليه تحطين نفسك بهالموقف ذا... انتي اهلك عطوك النت لانهم واثقين ببنتهم وانها راح تستخدمه استخدام سليم انشاءالله ... ليه تعرضين نفسك للخطر ... ايه خطر والف خطر بعد ... وشلون ترضين تخونين اهلك اللي يحبونك ويغلونك واكيد انهم مدارين خاطريك ومنفذين طلباتك والا ماكانوا عطوك هالجهاز الخطير وخلوه بين ايديك....

حبيبتي:(

انتي قبل ماتخونين اهلك تدرين من خنتي:(..

خنتي الجبار القوي العظيم :confused: وبنفس الوقت التواب الرحيم الغفور ... يعني حبيبتي فيه امل وامل كبير بانك ترجعين الى ربك...
صدقيني غاليتي ..
الامر بيكون صعب بالبدايه لكن حطي بين عيونك ... رب العالمين .... والموت ... والله ثم والله بترجعين وبيزيد ايمانك ...

وصديقتك اهديها اجمل تحياتي وسلامي ... وحافظي عليها لانك صعب بهالزمن تلقين الصديقه الصدوق صدقيني ... اوصيك فيها ...

اتمنى واتمنى من الله العلي القدير ان تجد كلماتي مكاناً لها في نفسك

الله يوفقك ويسهل امرك يارب

اختك :

دفا الكون

[رغووووودي]

مشكوره اختي دفا الكون ..
وررربي كلامك له تاثير كبير فــ قلبي ..
وانا معاك انه صديقتي ماكو مثلهااا .. الله يخليها لي ولا يحرمني منها
وهي صديقتي من ايام الطفوله ..

الله يوفقهاااا ويجزاها كل خير .. وررربي دايماً ادعي لها ..

ومشكوووره اختي والله يجزاك خير على كلامك ..


انشاء الله احاااااول ابدأ بمحاااولة النسيان !! :(



.. رغووودي .. :confused:

[لميس]

وعليكم السلام ورحمة الله وبركاته

اختي رغودي..

مدري شنو تبيني ارد عليج.. ماتبين تخسرين صديقتك ولا تبين تتركينه
مابتلقين عندنا حل يعطيك الأثنين لأننا اخوانك ونبي ملصحتك
مابقول لك ان الي تسوينه غلط لأنك قلتيه بنفسك وانتي تدرين هالشي
ولا تبين نقول تتركينه لأنك تعتقدين انك ماتقدرين تستغنين عن حبه
ومستحيل نقول لك تتركين صديقتك وهي نعم الصديقه الصدوق

انتي مب محتاجه احد يقول لك على حل مشكلتك لأنك في داخلك تعرفين الحل
انتي بس محتاجه تقتنعين ان تركك لهذا الشاب هو الصح

خلينا نعمل مقارنه بين انك تتركينه او تستمرين معاه ونشوف اي الكفتين ارجح..

لو إستمريتي معاه..
1. تغضبين رب العالمين
2. تخسرين صديقتك
3. تخسرين ثقة أهلك بك لو درو انك انك تكلمينه
4. تشوهين سمعتك
5. احتمال كبير انه يلعب عليك والسبب انك ماتعرفين عنه إلا الي هو يقوله وساعتها وش يفيد الندم؟؟
6. لو فرضنى انه صادق بكلامه وش راح تكون نهاية هالعلاقه وانتي بنفسك تقولين ان اهلك مايزوجونك واحد اكبر منك بـ11 سنه؟؟

اما لو تركتيه..
1. ترضين الله وتكسبين مغفرته
2. تحافظين على صداقتك
3. تحافظين على سمعتك وسمعة اهلك
4. تكبرين بعينه يوم يشوف انك البنت الي تحافظ على نفسها وماترضى بالغلط
5. تعيشين حياتك وبالك مرتاح ماتحاتين وش بيصير معاه ووش بيصير لو دروا اهلك
6. باكر لما يجيك بإذن الله ولد الحلال ماتقعدين تقارنين بينهم وتتعبين قلبك وفكرك
7. لو لاسمح الله ماحصل بينكم نصيب ماتندمين على عمرك الي قضيتيه في علاقه محرمه

هذي مقارنه بسيطه.. اجلسي مع نفسك وحطي نقاط اكثر
شوفي اي الكفتين ارجح.. بعدها احكمي بعقلك قبل قلبك
إسألي الله ان يهديك ويثبت إيمانك
إسأليه ان يدلك على الطريق الصح ويثبت قلبك عليه
توكلي على الله فما خاب من اتكل عليه سبحانه


أسأل الله ان يعوضك خير ويغفر لك
ولا يحرمك صديقتك وصداقتها

[## الجريئه ##]

موضوعك موضوع كبيرجداً أختي الفاضله

اسأل الله أن يعينك ويهديك الى ما ينفعك

أختي قد يكون لي عوده هنا أذا سمح وقتي

فانتي تستحقي المساعده لكونك تعترفين

بخطأك ، ولكن الكثير من الأعضاء قدموا لك

بعض الحلول الجيده وعلى رأسهم العضو

;) M_rose_M الذي اسأل الله أن يكتب له

الأجر ويكتبه للجميع ولكن العضو الذي طلب

منك مراسلته عن طريق الرسائل الخاصه

والذي لا أوئيده في ذلك ولا أنصحك بذلك

أيضاً لأنها ليست طريقه للمساعده فأذا أراد

العضو مساعدتك فليقدم مساعدته مثلنا إذا

كان أو كانت صادقه في ذلك ، لأنك عرضت

مشكلتك على الجميع وليس عليه فقط

أرجوا ان تحذري من تلك الأساليب أختي.

وشكراً



:mad: :mad: :mad: :mad: :mad: :mad:

[رغووووودي]

لميس .. الجريئه ..

مشكووورااااات حبيبااااتي
انشاء الله راح افكر بكلاااامكم عدل ...
ومشكوووره لميييس ..


انشاء الله اكتب لكم مره ثانيه واقولكم اني نسيته .. وانهيت علاقتي معاه
ادعوووو لي اتوفق باختباراتي وانساااااااه :confused:

واعتذر لكل اللي بيكتبوون حلووول وراح يردووون ..
لانه من اليووم ماراح ادخل للنت الا بعد اسبووعين ..

الله يجزاكم خير .. وانشاء الله يكون في ميزان حسناتكم ...


اختكم .. رغووودي

[## الجريئه ##]

:D أحسنت أختي وأتمنى لك

التوفيق في

الأختبارات:confused: :confused: :confused:

ونرى كتاباتك على خير .

[رغووووودي]

يسلموو عيوني
الله يوفق الجميع ..

تحياتي لكم جميعاً ..



.. رغوووودي ..

[حاملة المسك]

اولا ادعي الله عزا وجل ان يخلصك من هذة المصيبة بان تدعي الله وقت السحر عندما تنام الخلائق كلها ادعي ان كان لك فية خير ان يجعله الله من نصيبك وان كان لكى فية شران يبعده عنك ووووووووقفي معا نفسك قليلا انه من الممكن ان يكون له على النت غيرك كثير يتلا عب بمشا عرهم حبيبتى وفرى مشا عرك الى ان ياتى الزوج الحلال الذى لن تخافى منةاسمعى لنصيحتى عودى لكتاب الله والشريط الاسلامى وبتعدى عن هذا النت مدة من الوقت ولاتحاولى الاتصال ابدا حتى لو قا لو انه مات
ولكى تحياتى

[غدووو]

الله يستر علينا وعليك ياختي
اتركي عنك هالكلام ولو هو يحبك جد ماكان رضى يستمر معاك بعلاقه زي كذا
اختي اتركيه قبل لا يجي يوم وتتندمين واللي يحب يدل البيت ولا تقولي صغيره على الزواج الصغيره على الزواج صغيره على الحب
ابعدي عنه وتمسكي بصاحبتك لانها هي اللي تحبك موهو

[dream one night]

هلا اختي صقيني اتركيه اليوووم قبل باااكر قبل ما ايي يووم وتندمين اشد الندم على الوقت السي ضيعتيه معااه اختي والله ان الشباا يستغلوون النات وياعبوون بمشاعرها كنها هي مخلووقة لارضااء غلاورهم ولتفا خرهم امام اصدقاائهم وعين لو كاان هذا الانساان محاافظ عليك ما طرش صديقه لكلمك حتى لو كان عن طريق النت فلو كنتي زوته صدقيني ما يرضى بس انتي نسلاه وحدة يضيع معااااها وقتهاختي لو صاار وما خذتي هذا الانسااان والله رزقك بولد الحلال الي يدخل البيووت من ابواابها شو راااح يكون موقفك لو عرف زوجك علاقتك هذا الانسااان عزيزتي اسمي نصيحة اختك وانهي هذي العلاقة اليووم قبل بااكر وصدقيني لو فااتحتيه امر الزوااج رااح يقوولك الف حجة وحجة ورااح كل يووم يتحجج بشي ويضيع عمرك بالاوهااام هذا اذا ماااضاااع بالندم والحسرة .

[الجوهره 555]

السلام عليكم ورحمة الله وبركاته



الى الغاليه رغووووودي


اقول لكي احذري فانتي تقومين بقتل نفسك بيدك



الداعيه لك باالخير
الجوهره

[برستيج]

حبيبتي رغودي سالفتك باضبط مثل سالفة رفيجتي الله يصبر الجميع وتنحل هذي المشاكل اللي مالها أول ولا تالي أفيدونا جزاكم الله الخير

[&شهد&]

تذكري.........من ترك شيئاً لله عوضه الله خير منه.........

[سلطـــــــــانه]

رغووووووودي وربي ارتفع ظغطي منك :mad:

لونك قريبه مني الله العالمـ وش اسوي فيك :mad:


اعطيك كمـ كف عشان تصحين بس

انتي شكلك صغير هـ ام 17 ولا اقل

المهمـ ماعلينا


ماتدرين هو وش يبي بالظبط ولا تصدقين انه يحبك مهما بين لك

ولاعاد تكلمينه يمكن عندهـ كاشف ويمكن بعد يسجل صوتك وراح يبتزك

بعدين انتي تدرين ان هالشي غلط قوي قلبك بالايمان وقراءة القران

ولاتخلين للشيطان فرصه انه يوسوس لك بالامور التافه ؟


اتمني لك الهدايه من كل قلبي انتي ومن علي شاكلتك من الاخوات ....

تحياتي .....................

[امل الحاضر]

هذه هي عاقبة الحرام نعم انه حرام ماتفعلينه ثم حرام ثم حرام زي مانت شايفه قلق ومعاناه وصراع نفسي تفكرين فيه وقلبك معاه اتقي الله يااختي وتذكري العظيم الجبار وقدرته ربما كان اجلك اليوم او غدا او بعد غد وانت على ماانت فيه من ضلال ومعصيه ماذا ستقولين لملك الملوك يوم تقفين بين يديه احب فلان ماعلاقته بك زوجك ام اخوك ام ابوك ام ماذا بالضبط حاسبي نفسك قبل ان تحاسبي واحذري من الذئاب البشريه والله انه لكاذب ومخادع يريد ان يحصل منك على مايريد ويهتك عرضك ثم يرميك ليبحث عن فريسة اخرى وتأكدي بانه لايمكن يتزوجك باي حال من الاحوال
لان من خانت اهلها وثقتهم فيها لا بد بان تخون زوجها وقسما بالله لوكنت رجلا وطلب مني الزواج من فتاة بهذه الطريقه لبصقت في وجه من يطلب مني ذلك لاني اريد فتاة طاهرة عفيفه محترمه تكون لي وحدي وام لاطفالي ودليل كذبه انه ارسل صديقه اذا لايهم من يكلمك المهم يتحقق مايريد
وحذاري ثم حذاري تتركين صديقتك من اجل هذا الكاذب فانها نعم الصديقة الناصحه الامينه

[سكر مملح]

بس حابة أقول ان رد امل الحاضر وايد حلو لو كل وحدة اتبعته ما راح تكون بهكذا حاله .. الله يستر على بنات المسلمين حميعا .. آميييين

[first_girl]

انا الي مش قادره افهمه انك تقولين صغيره على الزواج الحين ويكبرج ب 11 سنه وماتقدرين تتركينه يعني ابي افهم ايش تبين تكون نهايه علاقتكم
لو هو يحبك كان تقدملك ولو انتي تحبينه كان رضيتي يكون خطيبك لين ماتوصلين السن المناسب للزواج اما حل غير هذا اسمحي لي لان الحب الصادق نهاية الزواج وغير هذا يعتبر تسليه

[الوردة الحزينه]

الاخت الغاليه

ما اقول غير كلمه وحده باختصار ابتعدي عنه

قبل ما تندمين يوم ما يفيد الندم

لا تخسرين عمرج

واذا هو صدق يحبج يعرف كيف يحافظ علي هاالحب بالزواج الشرعي

وتقبلي تحياتي

:smile:

[swib]

عزيزتى

اذا كان يحبك لماذا لا يتقدم لكى؟؟؟؟؟؟؟ على الاقل يثبت حسن نيته؟؟؟!