مشاهدة النسخة كاملة : البروكلي
نـــــــارا
11/03/2006, 08:48 AM
يا بنات يا حلوين.. بغيت مساعدتكم
سمعت كثير عن فوائد البروكلي
وانا بصراحة أحبه
بس ما اعرف شلون احضره
أبي طبخات و اطباق وشوربات وسلطات فيها بروكلي
يعني اي شي فيه بروكلي.. وأي وصفة تحتوي على البروكلي
بليييز علموني عليها
serenity
12/03/2006, 07:49 AM
اختي انا ماعرف إلا اسويه steam ^_^ لأني احب آكله جي... بس ما جد فكرت بطرق ثانيه.. إن شاء الله إن لقيت شي لذيذ بخبرج :)
RoOoOmy
14/03/2006, 08:19 AM
البروكلي من الخضار المفيدة ... وطرق تحضيره كثيرة
مثل ما قالت الاخت بالبخار صحي وخفيف
شوربة البروكلي مع الجبن
في الصواني ( صينية دجاج بالخضار )
في المرق
انا احبه بس احسه ينفخ بطني
خواطر©
14/03/2006, 08:35 AM
آآآآآآآآآآآخ........ لاتعورين قلبي
انا اموووووووووت في شي اسمه بروكلي وادخله في كل طبخاتي
يعني لما اسوي مكرونه بالسبانخ.. اضيف بروكلي.. بعد مااغليه ومعاه شوي ملح..
او لما اسوي مكرونه بالكريمة............... بعد اضيف بروكلي وفطر.......
لما اسوي صينية خضار في الفرن اضيفه..............
شوربة البروكلي.....................
مقلي.......... مشوي.............. بالبخار............. كله لذيذ..
مياسة العود
14/03/2006, 08:40 AM
ياسلام على البروكلي
http://www.66n.com/pics/hosted/fuzs9wiby92d0fiar525gbvt4w9adjry.jpg
اختي RoOoOmy_M
ياريت تعطيني وصفة شوربة البروكلي مع الجبن
نـــــــارا
14/03/2006, 11:32 AM
مشكورين..
بس يا ريت تحطوا الوصفات لكل شي تعملوه بالبروكلي عشان انا اجرب واعمله
خواطر©
14/03/2006, 11:54 AM
هذي اول وصفة
=============
صينية الدجاج بالبروكلي
الطريقة:دجاج مسلوق ويقطع ( مقطع صغير جدا) ومن ثم يشوح على النار مع البصل وشوي زيت
بروكلي مسلوق
الطريقة:نضع في الخلاط ( علبه حساء البروكلي بالجبن +علبه قشطه + مايونيز تقريبا 2ملعقه + 3 ملاعق جبن سائل + علبه صغيره جبن تشدر مبشور + شوي حليب ام ماء) ليمتزج الخليط
ثم نضع في الصينيه الدجاج ثم البروكلي ثم الخليط ثم نضعها في الفرن حتى تتحمر
================================================== ====================
(بيوتشاني البروكلي) وصفه إيطالية
المقادير:
*2 كوب من البروكلي المقطع لشرايح متوسطه -
*نصف كوب من جبنة شيدار (ايطاليه ليس فرنسيه) قابله للطهي-
*1 كوب من الكوسا المقطعه مكعبات متوسطه-
*ملعقتين طعام زبده-
*نصف علبة فطر (حسب الرغبه)-
* و اكيد رشة ملح و فلفل اسود .
الطريقة:تذاب الزبده فى وعاء غير قابل للالتصاق و تضاف كل المقادير الا الا الجبنه و الفطر و البهارات و تقلب على نار حاميه جيدا حتى يتبين انها مستويه ثم نعمل حفر في القدر و تذاب فيها الجبنه ثم تنقل على المقادير و يضاف الفطر و البهارات و يترك على نار هادئه لدقيقتين و يقدم حارا ..... و استمتعو بطعمها الجميل
انا_كوول
19/03/2006, 01:31 PM
خلاص خلاص خلاص ...لحد يقبضني ....هالويكند ان شاء الله ...بسوي (بيوتشاني البروكلي)
ان شاء الله ان شاء الله
نـــــــارا
19/03/2006, 01:47 PM
مشكورة يا خواطر على الوصفات
بقول لكم مرة سويت شوربة بروكلي بالجبنة بس ما عجبتني
سويتها تأليف من مخي
سلقت البروكلي في ماي وخطيت فيه كمية حليب
وشوية نشا عشان تصير غليظة شوي
حطيت مكعب ماجي وشوي فطر
وعقب خلطته بالخلاط
وبعدين رجعته على الناي ولما غلى حطيت الجبن :(
بس ما ذاب الجبن
طعمها كان لا بأس به
بس بعدها حسيت بنوع الحرارة في حلقي.. حرحشة على حرارة
طلعت روحي :( مادري من البروكلي لو الجبنة لو وصفتي فيها شي
fatma
17/06/2006, 05:47 AM
انا ماحبه بس زوجي يحبه كثير
نورة1980
14/03/2007, 06:42 AM
اسمحيلي حبيبتي ما اعرف وصفات واكيد العرايس مابقصرون معاج....