المساعد الشخصي الرقمي

مشاهدة النسخة كاملة : أفكار ......... لهدية ............ عــــروس


جنون الكلمات
08/03/2006, 07:56 AM
مرحبا بنات

اختي بتتزوج بعد 3 شهور ..
واحنا متعودين اي وحده من خواتنا تتزوج انييبلها شنطه تقريبا ايكون فيها كل شي كهدية من عند كل واحد من اخوانها او خواتها شنطة ...

كان هذا قبل ....

طبعا في الفترة الأخيرة صار كل واحد اييب مندوسين امزينيي واحد فيه العطورات والثاني فيه باقي الأغراض ...

الشنطة او المندوس الثاني ايكون فيه من كل شي تقريبا ..
يعني : جواتي - شنط - ملابس نوم - اكسسوارات - بدل قمصان وتنانير - يشمك وجلابيات - مكياج - ساعه .. وكل واحد وابداعه ... وذوقه ...

انا بعد ما تزوجت هذي اول اخت تتوج عندنا ... يعني صار مطلوب مني اسوي نفسهم ...
بس اللي صاير انه الكل بييبون مناديس وبيزينونهم في محلات الورد ...

انا مشكلتي اني ما أحب أكون شراة غيري ... أبا أقدم الهدية بأسلوب ثاني ...
وصارلي أكثر من شهر أفكر في الطريقه اللي أقدم فيها الهديه ...

وبصراحة ما طلع شي معي ...
قلت أسالكم ...

طبعا كل هالهدايا بيعرضونها يوم الزهبة ... يعني الكل بيشوف ...

يا ريت اتساعدوني عشان اتكون هديتي مميزة ...
خواطر©
08/03/2006, 08:48 AM
ماشاء الله عليكم................ ليش ماكنت اختكم.. ههههههههههه


والله يالغاليه............... ممكن تحطين الهدية في سلة من الخيزران....او القش... وايد روعه.........


روحي هوم سنتر............... بتلاقين اشياء روووعه تنحط عليها الهدايا.......... وشرات الصياني بعد من القش

بيعيبج.... وافكار حلوة
ITD
08/03/2006, 10:06 AM
بصراحه فكره خياليه روعه
دلوعة حبيبي
08/03/2006, 06:46 PM
ألف مبروك زواج اختك مقدما يا قمر.. والله يتمملها على خير حبيبتي..

شوفي هذي الفكره ممكن تسوينها على أكبر وتوزعين فيها هداياك مثل ما تبين..

فكرة تغليف جديده من دلــ حبيبي ــوعة (http://www.3roos.com/forums/showthread.php?p=1840877#post1840877)

اتمنى تعجبك..
جنون الكلمات
11/03/2006, 07:09 AM
فكرة الصينية القش ... حلوة ...

وبتكفي ...حق الأغراض ...


ألف شكر اختي الغالية...
جنون الكلمات
11/03/2006, 07:11 AM
ITD

شكرا على المرور
جنون الكلمات
11/03/2006, 07:14 AM
دلوعة حبيبي ..

الفكرة روعة... وممكن استخدمها على الأقل للعطور ....

من وين يايبتنها ...
دلوعة حبيبي
12/03/2006, 03:41 AM
هلا حبيبتي..

تسلمين يا قمر..
هذي فكرة الوالده الله يحفظها..