اسئله لدكتوره الفاضله...

[₪ حــلا قـطـر ₪]

السلام عليكم ورحمة الله وبركاته
في البدايه احب ارحب فيج دكتوره واشكرج على تواجدج معانا
دكتوره انا زواجي قريب وحابه استفسر عن كذا شغله..

-اول شي بالنسبه لوجهي فملاحظه ان حبوب قامت تطلع لي,, يعني حبه حبتين من حين للآخر بس المشكله انها تترك اثر ولحد الحين في حبوب لها شهرين واكثر واثرها ما زال موجود وكل اللي استخدمته اهو Dalacin T topical sloution وغير جي عند الخد عندي بقعه اغمج من باقي وجهي

- وشي ثاني لما احف ظهري تطلع لي حبوب صغيره ...فما ادري شالحل؟؟

-والمشكله اللي جد مضايقتني اهي حف المنطقه الحساسه...بصراحه انا بالعاده استخدم الآله او الموس وما قد استخدمت الحلاوه قبل وناويه اجربها قريب بس بصراحه متخوفه كثير فهل في حاجه معينه ممكن استخدامها لتخدير المنطقه..في بنات كثير بالمنتدى قالوا عن كريم او بخاخ emla فمادري اشرايج؟؟ وهل الحلاوه لها آثار جانبيه على هالمنطقة ؟؟ وهل في كريمات معينه تبيض هالمنطقه؟؟

والسموحه على الاطاله ويعطيج الف عافيه دكتوره وجزاج الله كل خير

تحياتي.... حــــ قــطــر ــلا

[الدكتورة تولين العوضي]

لعلاج اثار الحبوب والبقع الداكنة علي الوجة بشكل سريع ممكن استخدام تقشير AMELANوالمعروف بالتقشير الاصفر ثم استخدام كريمات بعدة للمحافظة علي النتيجة,اما الحبوب التي تظهر علي الظهر فممكن استخدام محلول الكالامين يوميا لمدة خمسة ايام واذا لم تنفع يستخدم كريمFUCIDINمرتين يوميا لمدة خمسة ايام.بالنسبة للحلاوة فليسلها اثار جانبية والافضل استخدامها في نفس اتجاة الشعر ولا مانع من استخدام EMLA CREAM قبلها بنصف ساعة.للمناطق الداكنة توجدمركبات مبيضة وانواع معينة من التقشير تصرف بواسطة طبيب جلد.