خبراتكم في ليلـــــــــة الحنـــــــــاء

[اطلال الهوى]

:) مرررررررررررحبا :)

اشحالكم يا حلوين:D :D زي ما تعرفون ان ليلة الحناء لها اهمية

خاصة عند بعض الاسر حتى انهم يستعدون لها اكثر من ليلة العرس....

وانا بصراحة ودي اعمل ليلة حناء خاصة وان محد عمل ليلة حنا من قبل

اقصد عندنا من عرايس العيلة:confused::confused:

عشان كذا ودي اتشاركوني بافكاركم وذكرياتكم عن هاذي الليلة

ايش سويتوا فيها من البداية لين وضع الحنه والاغاني واللبس الاخضر

والقعده والتوزيعات......يالله همتكم وقولولي ذكرياتكم(a)(a)(a)

[سجايا الروح]

والله أختي اطلال الهوى كنت أتمنى اني أساعدج
بس للأسف حتى نحن ( عايلتنا) ما نسوي ليلة حناء
بس انشاء الله البنات ما بيقصروووون ;)

[اطلال الهوى]

[مشكــــوره حبوبتي بنت الكويتي:o :o

وان شاء الله باقي البنات يعبرونا:( :( :(

[همسة]

هلا فيك أختي أطلال الهوى

بالنسبة لنا أهل نجد مانعمل ليلة حناء

أكثر من يسويها أهل الحجاز ، والجنوب

وأتمنى أشوف مشاركات العرايس معنا ، ونتعرف على أفكار وعادات

الناس في هالليلة المميزة إلي تسبق ليلة العمر

في إنتظار العرايس

;)

[bent_eboha]

عزيزتي أطلال الهوى ...

أنا سويت ليلة حنا .. سوينا كوشة صغيرة ولبست فستان أخضر ... وقعدن البنات جنبي ... كنت لابسه ذهب "من ثراثنا" وكنا حاطين أغاني ربشة .. الذهب كنت امأجرتنه من حرمه وكانت ليلة وايد حلوة لين اليوم الناس تذكرها ... والله ايوفقج

[لؤلؤة دبى]

هلا اختى اطلال الهوى

بنسبه لى انا فالولده مجهزه لى مساند خضره مطرزه بالون الذهبى وخلفيه خضره مطرزه بالذهبى بعد. و بلبس ثوب مغربى اخضر وبالبس ذهب تصميمه قديم مثل ذهب زمان اول.

اختكم لؤلؤة دبى

[اوسكار]

و نحن يسونها مثل ما قالت اختي لؤلؤة دبي...........

و يبون الحنايات للبيت و يقعدون يحنون العروس و هي وسط المعازيم.......
بس تقدرين تتحنين قبل ........

و لون الكوشه اخضر او احمر......... علي حد علمي......:D :)

[الوصيفه]

تقدرين تتعاملين مع محل الكوشات و تعطينهم فكرة الكوشه.
مثلا ا تسوين كوشه صغيرة و يكون لونها اخضر. الخلفية خضراء و تحطيين عليها تور و ابيض و ذهبي و تزينينه بالورد الابيض. و يكون للكوشه عمدان و لفي عليهم مشموم.

هاذي فكرة بسيطة و على قدي.

و بالنسبة للحنا افضل انج تتحنين قبل .

و لاتنسين هدايا المعازيم

[الصامتة للأبد]

السلام عليكم

اختي العزيزة انا مع الاخوات في ردهم لج بالنسبة ليلة الحنا

تجهزين طبعا فستان أخضر مطرز بالذهبي أول اي موديل انتي اتحبينه بس يكون أخضر و تلبسين ذهبج تتزينين فيه وفي شيء ينحط على راس العروس بس انا الصراحة ما اعرف اسمه هو من الذهب يحطونه اهلنا أول ايام زمان


و يكون خلفج خلفية خضرة مطرزة بلون ذهبي و مكتوب فيها مبروووك أو عرس مبارك أو اية قرءانية تخص الزواج

و طبعا لا تنسين يكون الكرسي الي بتقعدين فيه للحناء يكون لونه أخضر و لا تنسين الطاولة الصغيرة الي تكون أمامج الي راح تحطين عليها ايرولج لكي اتسهل نقش الحنة ;)

و أغلب الناس يجيبون مع الي الي اتحني العروس حناية ثانية اول اكثر و يشاركون أي يحطون حنة للأهل العروس او المعرس أو المعازيم

وطبعا يقومون الناس بوقت الحنة بقول الاناشيد الي فيها ذكر النبي (ص )طبعا هذا عندنا ، بس الي يحب الاغاني مع اني ما انصح فيها لاكن يكون فيها ذكر طيب يخص يوم الحنة

و طبعا لا تنسين انج اتسوين بعض الشغلات مثل حلويات التقديم لهذه المناسبة اهي صج يمكن مكلفة بس في ناس يحبون يفرحون بعيالهم و يعطون ليلة الحنة أهمية نفس العرس و الملجة :)

ما ادري اختي اتمنى فدج

و الفكرة ذي اتعيد الماضي لان اغلب الاشياء مالت أول بس انتي اذا تحبين اتزيدين عليها الشيء راجع لج لاكن الحلو فيها انها تكون بسيطة و اتذكرنا بأيام زمان ;)

اختج الصامتة للأبد

[الصامتة للأبد]

نسيت طبعا لازم يكون قبل ليلة الزفاف بكم يوم :)

[شهد78]

اطلال الهوى


بالنسبة لنا نحن ليلية الحنا مهمة ايضا
وانا بقولك على عاداتنا طبعا هي تختلف من ناس وناس لكن المتفق عليه التالي ::::
طبعا ليلة الحنا تكون قبل العرس بيوم او يومين
وفي هذه الليلة تلبس العروس لبس لازم يكون اخضر اي درجة تختارها المهم اخضر
والكوشة على راحتها اي لون تحب لكن يفضل اللون الأخضر لرمز ليلة الحنا

طبعا هي تكون متحنية العروس قبل لكن في هذه الليلة تكون كشكل بس
والحنا تجلب من بيت المعرس تكون مجهزة بطريقة معينة يعني يجيبون الحنا من بيت المعرس بزفة

واللي يزفها ام المعرس واخواته والمقربين له

وبعدها يجي المعرس يحط نقوط على حنة العروس
والمعرس بعد ما يحط النقوط ما يقعد يطلع على طول وعلى فكرة ما يشوف وجه العروس لانها تكون متغطية كامل

وبعد ما يطلع تبدأ حنة العروس زمان كانوا بالفعل يحنونها بذيك الليلة
لكن هالأيام صاروا يتحنوا قبل وليلة الحنا مجرد شيء بسيط فقط

وزمان كانت العروس تقعد مثلا من الساعة 8 في المكان المخصص لها لغاية ما تنتهي الحفلة

اما الآن لا
صارت العروس تجي بزفة محاطة بخواتها وصديقاتها وتقعد معاهك بدون ما يكشفون على وجهها ابدا علشان العريس يكون اول واحد يشوف وجهها

لكن الحين صاروا يروحوا الصالونات فتغيرت العادة مع مرور الأيام

وبس هذه عاداتنا وطبعا هي مختلفة من ناس وناس

[اطلال الهوى]

[ :D:D مررررررررررررحبا :D:D

اخواتي bent_ eboha (l) لؤلؤة دبي (l) اوسكار (l) الوصيفة(l)

ا شكركم على مشاركتكم وافكاركم الحلوة;)

الصامته للابد (l) مشكوره على كلامك وانا اللي اعرفه انكم في الكويت

تهتمون بهاي الليله وايد .....شكرا

شهد78 (l) عادتكم في هاي الليله وايييييييييد حلوه ومختلفه شوي....

صراحه يا بنات صرت متحمسه اكثر واكثر اني اعمل ليله حناء....

الله يوفق الجميع....وشكرا....

[شهد78]

بالفعل يا اطلال
لا تفوتي ليلة الحنا ابدا

ترا بتكون ذكرى حلووووووووة كثير كثير

والله يوفقك ويسعدك يارب

[العيناوية]

بالنسبة لنا احنا ليلة الحناء تكون فيها العروش لابسة فستان او جلابية حلوة لونها اخضر و المكان اللي تجلس في العروس كانت مساند بالون الاخضر مطرزة ذهبي وتكون كل الغرفة عليها قماش بالون الخضر ومطرز بذهبي او لون ثاني و الحنايات اتحني العروس في البيت (اكون احلى العروس احنونها في البيت) و البنات اغنون اغاني اغلبها عن النبي(ص) اسمونها جلوات و يصير اغاني حديثة بعد و يكون قدام العروس سفرة اغلبها بالون الاخضر و جدام العروس مراية تعكس صورتها و ليتات و حلويات مصبوغة وبيض مصبوغ و شموع حولين السفرة كله اخضر او اذا حبيتي لون ثاني و اتكون العروس لابسة ذهب مثل المرتعشة و اللي احطونة على الراس . ................... و ليلة الحنا وايد حلوة

[بسـ الدنيا مــة]

احلي شي في ليلة الحنه تظهرين فيها بشكل شعبي يطبع فيه تراثنا التقليدي العربي الاصيل..

انا عن نفسي ليلة الحنا لبست جلابية تقليدية مع (النشل) طبعا يفضل ان يكون لون اللباس اخضر بالحنا..

وايضا التسريحة القديمة.. تقسيم الشعر لبسايل وتعليق المشموم الاخضر عليه.

واخيرا ارتداء بعض انواع الذهب التقليدية مثل(القبقب للرأس ...........الخ

و ايضا تسوين لك جلسة عربية منقشة بالزري علشان تتناسب مع اللبس والاكسسوار

و بصراحة كثير بنات حبوا السالفة بعد ما شافوني و قلدوني ;)

وصدقيني راح تطلعين روووووووووووووعة


اختك

بسمة
:)

[أم لطيفة]

يوم الحنه بالنسبه لعيلتنا وايد ليله مهمه

و زمان كان العرس عندنا ثلاث ليالي و في
(l)الليله الأولى تلبس العروس فستان اخضر وتتغطى بشيلة خضراء مطرزة ومحد يشوف وجهه و تتحنى امام الناس
(l)و الليله الثانية تلبس احمر و نفس الشي تتغطى و نسميها الجلوه و يغنون لها البنات و الأهل
(l)و اخر يو م هو يوم الفستان الابيض


اما على ايامي اختصارناهم الى ليلتين (دمجنا الأولى والثا نية و صرنا نكشف وجهنا لكن المعرس ما يدخل)


:oبالنسبه لي لبست فستان احمر ، وكانت الفكرة ان فيه شال من التول يغطي راسي و يظهر تحته الذهب على راسي ، وتجمعو البنات حولي وغنو الجلوة (وكنت متحنيه قبل)
:oو بعدها ليلة العرس المتعارف عليها


و الأخت العيناوية ذكرت عادات احنا خذناها عن العجم (الفارسيين) و هي عادة الفرشة اللي احنا نسويها يوم العقد(عقد القران) و نلبس فيه اخضر و نتغطى بالكامل بشيله مطرزة (بالنسبه لي لبست لبس هندي لونه اخضر فاتح وذهبي و تغطيت بشال بنفس اللون و فيها تطريز)

[التمساحه]

كيف يعني اول مرة اسمع :smile:


جدام العروس مراية تعكس صورتها و ليتات و حلويات مصبوغة وبيض مصبوغ و شموع حولين السفرة كله اخضر

[((S))]

احنا بالبحرين الحنة ضروري..... بس الحين قليل اللي يسونة بالبيت ... بالعادة العروس تروح الصالون ... واذا تبي تسوي لية حنة ... مثل ماقالو البنات .. تلبس لبس اخضر من التراث .وذهب كثير شوي مع القطعة اللي على الراس ..ومكياج خفيف ... والشعر لو يكون مجدول .. وفية مشموم بعد يكون وايد حلو .. والقعدة كلها تكون خضراء ... واحنا نوزع هدايا متنوعة ..منها حنة مغلفة بشكل حلو .. وحلاوة ...

[نوسةالأمورة]

والله سبحانه الله حتى احنا فى ليبيا عندنا نفس العادات غير ان العروس عندنا تلبس الزى الليبي وهو "الرداء" و تكون ايضاً مغطاة الوجه و تقوم ام العريس بتحنيتها الا ان هذه الليلة عندنا تدعى بليلة "النجمة "و ذلك لان العروس مغطاة الوجه هى واهلها تخرج فى الشارع لمسافة بسيطة بقرب بيتها حتى ترى النجم الساطع وامامها سكين و بوجود "تدريجة" والفكرة الى ممكن تفيدك هو انه من عاداتنا فى هذه الليلة عند مغادرة المعازيم توقف احدى الفتايات امام الباب قبل مغادرتهن وتقوم برشهن بالقليل من العطر حتى تبقى ذكرى هذه الليلة جميلة ومنعشة كالعطر.

[fay fay]

عادات تجنننننننننننننن

ذكرتني بقبل والحمد لله فرحانه اني بسويها :)

[زوبه ام الزوب]

بسم الله الرحمن الرحيم
السلام عليكم ورحمة الله وبركاته
أحنا عيلتنا تسوي لازم ليلة حناء بالاول اتسوي الكوشه صغيره تراث وتجلسين على أرتفاعه بسيطه وتلبسين ثوب النشل وأكثر المعازيم لا بسين الجلابيات وعملنا سفره لونها أخضر وتحطي على السفره فواكه والتمر والحلوى وصينيه فيها حناء تتوزع على المعازيم وتزين السفره بالشموع والكسسوارات

[دلوعة_ أبوها]

اوكيه بنات المنتدى الحلوات من ممكن توفر لي ثوب أخضر للحنا بس تكون مشكوكة اللي عندها ممكن تراسلني عالخاص

[نور المحاسنه]

احنه في البحرين لازم ليلة الحنه كان في الخطوبه او الزواج
طبعا انسوي تجهيزات واجد
مثل الكوشه انتي تختارينها انه سويت من سعف يعني زي العريش المفتوح من الامام وخليت داخله المساند الخضره الي مطرزه بلون الفضي والذهبي
ويات الحنايه الي هي مرت اخي وحنتني وانه الي حنيتها في خطوبتها وزواجها
وبنسبه للتوزيع طبعا وزعنه الحنه في فخار على شكل اواني قديمه
وفي تحف ثانيه طبعا وفيها الشكلاته انا سويت الفراشه الصغيره وقاعدتها الشكلاته
وجبنه وحده تقرا الجلوه وسبع المشامر هادي طراز قديم بس حلو
وبنسبه للاكل في المعجنات وفيه المكرونه وفيه السمبوسه والكباب والهريس
لانه الواده عزمت الفريج والاهل والحبايب والاصحاب
بس كانت ليله حلوه مرررررررررررررره