المساعد الشخصي الرقمي

مشاهدة النسخة كاملة : افكار لتقديم المهر



footon
15/02/2006, 07:25 AM
السلام عليكم ورحمة الله وبركاته
بغيت افكار لطرق تقديم المهر و هدايا اهل المعرس للعروس..... مثل صناديق الذهب و العطور و غيره او ما شابه ابي افكار حلوه و غريبه ... ومشكورين مقدما

الغالـيه
15/02/2006, 09:11 AM
هلا وغلا حبيبتي
footon
هالمناسبــات لها افكـــار وايـــد واكثر من ستايل

ممكن تسوين الستايل القديم
صناديق مبيته ... زبيــل (سلال القش القديمه ) ... التغليف بالخيــس او بورق لماع يعطي انطباع قديم

حق الذهــب صندوق مبــيت صغيــر
ونفـس الطريــقه حق المهـر وممكن تخليــن الفوس داخل كيــس خيــش
ينربط من فوق وحلو لو يكون مطرز بذهبي مثلا آيه قرآنيه او كلمــات حلوه او اسم المعرس والعروس
ويصير طباعه بعد مو تطريز وهذي محلات وايد يسوونها

ومثــلاً سلال القــش القديمه (الزبيــل) وتخلين داخله العطور وتلفينهم بنفس طريقة المهــر
وحلو لو تخليــن ستايل العطور كلها عربيـــه وبخور ورشـــوش

الملابس وقطــع الخام بعد تخليــنهم داخــل صندوق مبيت اكبــر طبعــاً
الخامات خليهم فوق بعض ولفيهــم بشريط خيش عريــــض ومطبوع
عليه اسماء المعرس والعروس او عوائلــهم (افراح آل فلان & آل فلان)

واذا كان شي بعلب غلفيه بطريقة الخيش او بورق لماعي مثل ما قلنا قبل

حطي بصندوق بروحـــه عباة وثوب صلاة وسجاده لفيهم مع بعض وفوقهم قرآن مذهب

وتخليــن اللي يشيلون الهدايا بنات باعمــار متقاربه ولبسيهم ملابس قديمه
ممكن دراريع وهامات او بخانق او ثوابــه جذي يعني

هذي فكـــره اتمنى تعجبج واذا يت في بالي فكره ثانيه بقولج

تحيــاتي
الغاليــــــــه

footon
18/02/2006, 08:58 AM
مشكوره اختي الغاليه..بصراحه افكارك روعه..و اكيد باستفيد منها..واذا ممكن من الاخوات ابي افكار اكثر..عشان احدد شو اختار منها..:shy:

NoOr ALYaQeEn
19/02/2006, 10:15 PM
من ناحية المهر الفلوس روحى عطورات الحريمين او العربية العود اي شى يبيعون دهن عود مع الصدوق مالة وايد حلو وحطون فيه المهر او سلة فيها ورود طبيعية وفيها الفلوس على شكل طبقات مدرج ومثل طقم ذهب عطونة فى سلة ويكون طقم الذهب مفتوح من الدخل وملفوف على الورودددددددددد