وصفة الروب... للوجه مو للأكل

[أفنان]

هذي وصفة قريت عنها في المنتديات الثانية وسمعت عنها كثير...وتستخدم هذه الوصفة لتبييض الاماكن الداكنة في الوجه والجسم...

نستخدم ..
ملعقة خميرة...
ملعقة خل..
روب..و يفضل يكون معفن عشان البكتيريا

طبعا نخلطهم زييين....و نحطي على الوجه على شكل ماسك...

والنتييييييييجة مضموووونه :)

[مرمر]

ما لقيتي غير روب معفن يا منمن


اخاف من البكتيريا تسوي الهوايل و يروح وجهنا فيها

:rolleyes: :)

[أفنان]

لا لا لا ..لا تخافين :) ..نرى الوصفة مضمونة واسألي اللي مجرب..:)

[النـــور]

اي هالوصفه مضمونه 10000000000%
انا مجربة بس خميرة
بدون روب
حطيتها على ويهي مده ربع ساعه
صج الريحه قااااااااااتله
بس النتيجه بااااااااااااااااااهره
فتحت بشرتي وايد حسيت بالفرق
انا جربتها بس مره وحده فقط .. بس كانت النتيجه ممتازة
حق الي وراها عرس او مناسبه وبشرتها تعبانه ومسمره .. تستخدم هالخليط .. بتصير بيييييييييييييضه

:)
إسال مجرب ولا تسأل طبيب ;)

[أفنان]

هلا هلا النور :) نورتي لنا المنتدى:)

على فكرة بغيت اعرف كيف تحطين الخميرة ؟!! يعني تخلينها فترة في الماي والا على طوول تحطينها على ويهج؟:)

[فاتنه]

شكرا لك حبيبتي علىالمعلومه اللي اعتقد انها تهم كل بنات حواء

[عروسة]

صج ان كلشي اجربه بس روب ومعفن .. استغفرالله انا الروب واهوا عدل ماحبه هالنوبه معفن يييييييييييع الله يزيد النعمه ;)

يحليلكم طلعتو كلكم سمر ؟؟

:) لا عيل انتو خليجات من امه ;)

اجرب الاخف ضررا .. الخميره ..الله كريييييم:)

[النـــور]

هلا بمنمن :) انتي الي تورتي المنتدى :)
عاد تصدقين .. منمن اهو اسم من اسامي الدلع الي ينادوني فيها :)
عندي اسمين .. منمن ومووووووووووووووووووووووو نيييييييييييييي
:)


شوفي .. اخذي كوب حطي فيه اشويه ماي دافي .. وحطي فيه ملعقه خميرة .. وخليه اشوي .. دقيقه دقيقتين .. وبعدين حطيه على ويهج مده ربع ساعه :)


عروسة حبيبتي .. ترى اللون الاسمر نوع من انواع الجمال
;)
بس محد يقدر :(

[أفنان]

النور :) ....تصدقين مب بعيدة اسامينا الحقيقية تكون متشابهه :) بس أسس عن نفضح اعمارنا في المنتدى :)


وبصراحة السمراوات لهم جمال خاص ...وخاصة في دولنا الخليجية وطبعا البيئة لها تأثير في لون البشرة ..

[النـــور]

هلا منمن :)
صح مو بعيده اسامينا .. لان الخليج كله يتشارك بمجموعه اسماء ما تتغير .. واذا على الاعمار ... محنا قايلين خليهم في بير احسن ;)

ومثل ما قلتي .. السمراوات لهم جمال خاص .. لان الجميله معروف شنو الجمال الي فيها ... بس السمرة المملوحه ما تعرفين شنو الحلو فيها وين مركز الجمال الي فيها :)