كيف ازين سياره ريلي _زوجي_

[ميره المنصوري]

السلام عليكم ورحمة الله وبركاته
انا انسانه احب الذوق ........كل شي يختص ف التزين ابدع فيه.......... الحمد الله.........
بس خاطريه ازين سياره ريلي ؟؟؟؟

[noor3]

مافي داعي تزينينها لان الريايل مايحبون هالسوالف

[دوحانيه]

هلا حبيبتي أنا أشوف أن زوجج بيفرح إذا شاف إنج مزينه سيارته ......
يعني ممكن تغسلين السياره مع تنظيف شامل داخل وخارج السياره وتعطرينها وتبخرينها وتعلقين له العطر الفواح الخاص بالسيارات على شكل قلب أو أي شكل ثاني تحبينه وإذا ريلج من نوع اللي ما يحب يعلق شي بسيارته حطي أي مكان يعجبج وحطي له بطاقه حلوه مع ورده بمكان يشوفه أول ما يركب السياره ......
والله يوفقك

[دلع وشوق]

هلا حبوبتي ,,
برأي أفضل شي تزيني فيه سيارته هو دعاء الركوب
وغير هيك ممكن تضعي كيس صغير فيه ورد مجفف من بودي شوب لأنه راح يملي السيارة عطر بجنن
وغير هيك ممكن تضعي له ستكر انتي تطبيعه بنفسك عليه دعوة بعدم السرعة.

ومثل ماقالت الأخت ممكن تفاجئيه انك تاخدي السيارة للتنظيف بدون مايعرف ويجي تاني يوم يلاقيها نظيفة.

[عذب القوافي]

ممكن تنظيف +عطر ودخون بس اكثر من كذا مو حلو تصير السيارة كأنها فرشة عروس

[ـبـنـتــ]

"


وانا بعد اقووول مثل ماقالووو البنآت ..

[خواطر©]

عندي طريقة حلوة................

وبسيطة.....................

ممكن قبل لا يطلع........... تكونين مجهزة له باقة ورد.........

وتحطيها على البونيت.. ماادري شو تسمونه.. امام السيارة................... على غطاء الماكينة

[ميره المنصوري]

مشكورات بنات

[كريستال الامارات]

انا اتفق معاهم من ناحية الهدية او الورد مثل ماقالن .. وعطري موتره من غير ماينتبه ..

لكن لاتحطين شي وكأنج تفرضينه عليه .. الرجل دايما يعتبر اي شي جديد عليه من زوجته

كأنه سيطرة او تغييره ..

وردة وبطاقة فيها كلمات مكتوبه بالعامية من قلبج .. وايد راح تأثر ..

[smsm78]

الله احب هالسوالف...من زماااااااااااااااااااااان نظفت وعطرت سيارة ريلي والحينه برجع اسوي الحركة..
مشكورين ع الافكار الطيبة

[ام الناس]

والله اني اتفق مع البنات

[ام شيخه]

اختي الكريمه
انا اقول لج شلون تزينين السياره....اول شى مصحف صغير فى الدرج ....تقدرين تشترين له تكرمين دواسات جديده نفس لون السياره من اى سوبر ماركت لانها تعطى شكل الريايل يحبون هالسوالف....مجموعة شامبوات جديده....ميداليه حلوه فضيه او برونز....فى سبراى خاص للتواير البنات يستعملونه هاليومين واستخدامه بسيط بس ترشين على التاير وتمسحين تلاقين التواير يلمع....علبه صغيره فيها نوعين من العطر فرنسى ودهن عود للحالات الطارئه....قلم ....مفكره صغيره للدرج...وباجتهادج تقدرين تاخذين دفتر السياره وتغلفينه للحفظ من التلف وتحطينه بالدرج
وتعملين له جدول خاص باليوم والتاريخ لمواعيد السيرفس....عندج دبة السياره تقدرين تشترين له طفاية الحريق....او تاخذين له الاشتراط<لشحن البطاريه> كذلك عندج مصباح يدوى وتحطينه بالسياره اخر شى ممكن تشترين مفرش خاص للسياره علشان اذا اشترى اكل او اى شى يكون المفرش فى الدبه يحفض الارضيه من التعفن او الاوساخ.

ام شيخه

[ميره المنصوري]

مشكوارت على افكاركن ...............انا ما كتبت جيه الا عشان اكثر ما قريته اهتمام الزوجه منصب على غرفتها حمامها بيتها تبادله هدايا وغيره ........................... حبيت اخليكن تنتبهن الى سيارته بعد لان الريايل متعودين ع الهدايا والترتيب الي ترتبه له زوجته..........بس موضوع السياره بيكون شي غريب عليه.....ز

[Marshmallows]

لا تغسلين السياره من برا ،، لأن بيقول لج وسختي الجام ومن هالحركات

ممكن تعطرينها من داخل .. ترتبين الاشرطه والسيديات ..

تعطرينها او تبخرينها ..

حطي له مصحف صغير ..

وعلقي له آية الكرسي بسلسه فضيه على المنظره ،، او حطي دعاء الركوب ..

وبس

اكثر من جذي ما يحبون لأنها بتصير مثل سيارة البنات

[ريمية نجد]

افكار روووعه


يعطيكم العافيه:salam:

[روضة القلب]

أنا عن نفسي سويت مثل البنات...

يبت له قرآن صغير ....و دعاء ......و عطر .....و قلم حلو ....و ميدالية بس بطلبية خااصه لعيووونه....

و مخده صغيره مزينة اشتريتها من بيتي الي في المول....عنده مخدات حلووووووة جنااااااااااااان...

و قلاده ذهب أبيض عليها قرآن

[أم ستموووني]

هلا..

حلو الموضوع..

وصدق الريال يعتمد في كل شي عا الحرمة خاااااااااصه ريلي فديته لازم كل شي انا اسويه وبالاخص ترتيب اغراضه سداته ملابسه طاولة كمبيوتره و كل شي ..............


لازم ما ننسى سيارته لانه أكيد ما برتبها روحه..

انا عن نفسي يوم كنت حامل اظهر اتمشي مع بشكارتي ويوم ارد ساعات يكون مخلي سيارته وطالع مع ربعه


افتح السده واحط كل الاغراض اللي فيها في كيس

افتح السده الثانيه واشل الاغراض كلها في كيس ثاني

افتد الدبة وافضي كل اللي فيها في كيس ثالث

واللي عا السيتات وورا السيت والاشرطه حتى الخرده في كيس رابع


وايي فوق واشتغل فيهم كيس كيس وعدالي زباله كبيره اللي متأكده انه زباله اعقه واللي اشوفه ما ينفع من اوراق بس يمكن هو يباه اخليه على صوب مع الاغراض اللي بشاوره فيها


وفوطه امسح فيها الغبار عن الاشرطع والعطر والاغراض

وارتب كل شي حسب المكان اللي اشوفه مناسب

ونرد لنفس الموضوع لكل مكان كيس عشان هو اللي بيردهم السياره مب انا


وسويت له فكره عيبته واااااااايد صندوق صغير سهل الفتح للخرده واااايد استانس عليه


ويوم ايي في الليل اراويه كمية الزباله اللي طلعت من ها التصفيه


واخليه يجلب في الاشياء اللي انا مب متأكده منهم


واراويه ترتيبي للأماكن وين بتنحط الاغراض


وصدقوني عقب ها المجهود كله بيقول لج زين اوكي تمام ما بيتجرا يبدي رايه :qaq:


وعقب اسلمه الاكياس وهو يردهم مكانهم..



وهو مستاااااااااااااااااااااا ااانس



بس بصراااااااااااااحه من زمان ما سويت ها الشي مب متفيجه بس الموضوع شجعني


يا الله كل وحده تستفيد من اللي كتبته تدعي لي الله يسهل على حملي وولادتي

[دمعة حزينه]

الغالية أنا زينت سيارة ريلي أول شي قلت لأخوي أوديها للغسيل وبعدين وضعة فيها معطر للرائح تلقينة بالسبرماركة على شكل دائري ويج لكذا ريحة وشرية مدخن للسيارة ودخون وسوية له علاجه فيها صورته حفر وحرفي عليها من ورى ونفس الشي مدالية وحطية له على الجامه إلي وره دبدوبين على الأطراف أغار وبعد شرية شاحن للمبايل للسيارة

إنشا الله أكون فتج الغالية