حالتي غريبه عجيبه مع العطور.....منو مثلي ؟؟؟

[كيكة فواكه]

السلام عليكم....
اخواتي ما اعرف اللي فيني......
بعد ما اشتري العطر واستخدمه فتره ....يعني 10 ايام ....او احياناُ اقل......اكرهه و امل منه و لا اقدر استخدمه......معظم العطور جذيه....
ليش بسرعه اتملل من العطر مااااااااا ادري......حتى العطور مرتبطه عندي بالذكريات.....يعني لو كنت استخدم عطر و مرت على ظروف قاسيه و حزينه.....استوي اكره هالعطر كره.....لان ريحته اتذكريني بأشياء تحزني.......و لو صادف هذا العطر و شميته على حد اتضاااايق.....

و فيه عطور بس اشم ريحتها....تلوع جبدي...بالرغم من ان انا كنت استخدمهم..و اعطيكم مثال ...عطر كوكو مادموزيل و عطر شاانس من شانيل..

طبعاً تبقون تعرفون شو اسوي بالعطر يوم امل منه.....اعطيه لحد في البيت....و احياناً اعطيه الخدامه.....و في بعض الحالات ينرمى العطر في الكجره (( الزباله )) طبعاً اعقه في الزباله يوم اكون موول كارهه العطر...و ما ابغي اشمه حتى على حد في البيت....

طبعاً هذا المشكله تضيع فلوسي....تخيلو استخدم اقل من ربع العطر و ارميه....
صرت حتى ما احب اشتري.....
قبل كمن سنه ما كنت انا جذيه!!!!!! ما ادري شو صار لي!!!!!
ما ادري شو سبب هالمشكله......و شو علاجها؟؟؟
و ما ادري هل انا بس جذيه.....و حد مثلي.....؟؟؟؟؟

[The MoOoOoN]

اهلين اختي كيكة فواكه


شئ طبيعي انه الواحد اذا استخدم عطر و حصل شئ مو حلو في حياتي يصير يكره العطر هذا واذا شمه على احد يتضايق


اما من ناحية انك تملين من العطر فأنا كمان اوقات اشتري العطر و اكون مره متحمسه له بس بعد فترة امل منه



بس انتي شكلها حالتك مرررره صعبه لانك ترمي العطر او تكرهيه ولا تحبي تشميه على احد



بس انا انصحك تستخدمي العطور البارده والخفيفه لانها مو مثل العطور المركزه الى تصير ثقيله واذا الواحد كرهها تصير تلوع الكبد


وكمان العطور الى تجي على فواكه حلوه و الواحد ما يمل منها

[yn1]

أعاني من نفس مشكلتج بس أنا المشكله زادت عندي في الحمل وبعد ما خلصت فترة الوحام مازالت المشكله مستمره ، كرهت كل عطوري وتوني شاريتنهم والله قمت ما أتعطر حتى دهن العود كرهته

عندي لج حل ان شاءالله ينفع معاج خذي العطورات إللي تكون في غراش صغيره يعني 30 مل ، 40 مل ، أو إللي بالتوله ، لأني كنت آخذ من كل عطر توله وبالهطريقه ما كنت أمل من عطوري وعقب ما أخلص عطورات المحل أسير محل ثاني وبنفس الطريقه آخذ من كل عطر توله وحده بس

[مجـد]

عندي لج حل ان شاءالله ينفع معاج خذي العطورات إللي تكون في غراش صغيره يعني 30 مل
888

نفس اللي كنت بقوله :) ,,

[مجنونة قطر]

انا يوم شفت نفسي جذي صرت اشتري غراش صغار


اصغر غرشه اشتريها

[عروس الدوحه]

الصراحه اختي حالة غريبه!!!! شو دخل العطر بذكريات هاي شي بينج وبين نفسج يعني لو شميتي العطر بتتذكرين الاشياء الحزينه انتي بتتذكرينها بكل الاحوال

ماادري حالتج غريبه ؟ لازم تستشرين دكتووور تري صج والله اكلمج جد مب زين تسكتين على روحج يمكن بعدين حالتج تتمادى اكثر

وانصحج نفس الاخوات خذي اصغر غرشه ولاتشترين واايد كل ماتخلص غرشه اشتري ثانيه

وحراام تقطينهم بزباله هذا فسق والله مايحب الفاسقين والمبذرين

[اهات بوظبي]

هي والله حاله غريبه الله يعييينج ..........

[اسيرة قلبه]

وااااااااااااااااااااو والله نففففففففففففففس حاااااااااااااااااااااااا ااالتي باااااااااااااااااااااااا اااااالضبط باااااااااااااااااااااااا ااااااالضبط

اكره العطر اللي يذكرني بأشياء قاسية

ونفس الحركات اللي تسوينها كنت اسويها >>>>>>>>>> يوم قريت كلامك اقسم بالله كأنك تتكلمين عني

كنت اخذ العطر واعطيه اختي اقولها تخلصه على المدرسة

لكن حاليا على كلام الأخت yn1 صرت اخذ اصغر حجم 50 ملل

واذا خلص مافكر ارجع اخذ مثله اخاف اكره على ان العطورات تهببببببل روعة ودي اشتريها مرة ثانية لكن خفت تجيني حالت اني اكره العطر لأن يجيني غثيان

مثل عطر ديور chris 1947 مررررررررة رووووووووووعة يجنن ودي ارجع اشتريه بس اخاف يجيني غثيان منه لأني قد استخدمته بس على فكرة هالعطر ماكرهته لأنه 50ملل بدايتي مع العطورات الصغيرة من هذا العطر وقدرت اتخلص من هالمشكلة عشان كذا ماكرهته

بس شكلي برجع اشتريه واجرب اذا كرهته لأنه ثاني علبة مارح اكرر التجربة مع عطور ثانية >>>> ترا العطر من زمان عنه يعني من سنتين اخر مرة يمكن تضبط معي لأني من زمان عنه مو ورا بعض كان ماضبطت معي معنات المشكلة مالازم تكرر واشتري من اي عطر 50 ملل ومرة وحدة فقط


:( :(

[كيكة فواكه]

اشكركم خواتي على ردودكم و جزاكم الله خير....
The MoOoOoN

yn1

مجـد

مجنونة قطر

عروس الدوحه

اهات بوظبي

اسيرة قلبه

اشكركم و استفدت من ردودكم

[business_girl]

الفترة الأخيره حسيت نفسي أعاني من نفس المشكلة

بس طبعي اتم مركزه على عطر معبن لفترة قصيره لين استهلك ربع الغرشه وبعدين امسك على عطر ثاني

وخلاص أكره العطر الأول وما أحب ريحته ومعظم الأحيان يذكرني بذكريات حزينة وتضيق الخلق

قلت الحين بحاااول اني اشتري غرشة ولا غرشتين بالكثير واستخدمهم..

لأن قبل كنت استخدم عادي 5 غراش ويا بعض !!!
ولا أخلص منهم شي

متحسفه على عطري مس ديوور ما واحاني استخدمته الا مليت منه!!!!!!

[دلوعه قطريه]

ترى هذي حاله نفسيه
لو كانت مرتبطه بالذكريات بس يمكن تكون حساسيه زايده
بس لهدرجه والله حاله نفسيه
وصج لاتهملين نفسج
لازم تعرفين السبب

[qshark]

انا بعد رايي من راي الاخواااات لازم تروحين لدكتور نفساني

ويمكن حل حلوووو انج تشترين الغراش الصغيره

[كيكة فواكه]

اهلين خواتي....
و مشكورات على ردودكن...
business_girl
دلوعه قطريه
qshark

و اخواتي انتو تقولون روحي عند دكتور نفساني.....انزين شو اقوله....انا امل من العطور.....
ما ادري احس الدكتور بيضحك علي......يعني ما عمري قرايت او سمعيت عن حاله نفسيه اسمها الملل من العطور......اختي تقول لي عين ما صلت عالنبي.....لان انا كنت مشهوره بين الاهل لحبي للعطور....و معظم اهلي و صديقاتي يمتدحون ذوقي في العطور....و حتى بعضهم يستشيرني عن العطور الزينه...لكن فجاه ما ادري شو صار لي.....قام يجيني صداع و وانسداد في الانف...
رحت لدكتور الانف و الاذن و الحنجر....و لما فحصني ....قال لي انتي عندج حساسيه شديده ...شديده.....و اكثر ما يثير هالاحساسيه العطور.....وخصوصاً العربيه و الشرقيه...و البخور و مواد التنظيف ذات الرائحه النفاثه.....ما ادري اذا هذا له علاقه

[مجنونة قطر]

لا لا اختي ما عليج الا العافيه لا تروحين ولا شي هاذي حاله طبيبعيه

[@نورينااا@]

أنا يصييير لي نفس اللي يصير لج
والمصيبه اني مب بس اشتري العطر ..اشتري البودي لوشن
يعني المخاسير دبل
ومن العطورات اللي اكرهها
عطر جلوريا ..
مره كنت مستعجله وابي احط كريم ليدي ما لقيت الا كريم جلوريا جدامي
قلت خلي احطه بس الله لا يراويج ... كنت شوي وبارجع فالجامعه
غسلت يدي مره ومرتين وثلاث
ولا في فايده الريحه لزقت فالعباه
وطووول اليوم لايعه جبدي

[مناري]

الله يعينج اختي


بس انصحج تشترين العطورات الصغيره

وتشترين العطورات الخفيفه


مثلا عطر مورقان روووووووووعه الوردي اللي فيه فراشه


وااشتري الكبير بعد لان ريحته تهبببببببببببببل ومو قوويه وعلى ضمانتي وخيفه وماتم في الثياب
يمكن انتي تكرهين العطورات القويه او اتم في الثياب مده طويله


مادري الناس اذواق بس هالعطر روووووووووووعه

وبتقولين مناري قالت


ان شالله اكون افدتج


اختج

مناري

[أشواق لا تنتهي]

انا نفسج على فكره .....وتراها مو حاله نفسيه ولاشي..... الناس اجنااااس
انا اشتري العطر الحجم الصغير..... والله قبل لايوصل النص القى نفسي كارهته
حتى اللي حاولي يستغربون يقولون اشلون تشترين صغير مع ان الكبير اوفر
بس مااااااااااااااقدر لو القى اصغر من الصغير بعد اخذه
هذا وانا انوع كل يوم ارش عطر نوع وبعد تلوع جبدي من الريحه المتكرره
بالذاات العطور اللي تنسيت عليها بحمالي يااااااي لايمكن اشمها مره ثانيه

[ســــارونة]

انا بعد نفسج في عطورات تلوع جبدي منها و ماقدر اشمها على اي احد...و اذا في احد حاطها خشمي يصير بوليسي يلقط الريحه من على بعد اميال :p

تلوع جبدي من كوكو مازموزيل و chance و haute couture

بس انا ماقط عطوراتي ...اعطيهم اي احد مايسكن معانا بالبيت

ماعندي شي اقدر افيدج فيه..البنات كفو و وفوا

[مجنونة زماني]

هههههههههههههههههههه
انا بعد في فترة الحمل ... صرت اكره العطور موت .. مرة يابولي عطر من استراليا و زوجي تخبل عليه و انا تلوع جبدي منه و من كل العطور اقوله تعطر بعيد عني ولا في وقت ما بتشوفني فيه بالساعات
وانتوا بالكرامه كنت اشم ريحه خايسه في العود .. يعني اللي الناس يتخبلون عليه و يشترونه بالغالي .. انا اقول عني وصخ

و ما بتصدقين في مسلسل كل ما شفته تلوع جبدي و اشم ريحه و ايني مغص .. و ابند التلفزيون على طول .. لان كان يعرضونه و انا حامل و ريلي دوم يشوفه ...

سبحان الله كيف الواحد يرتبط في الذكريات ما ادري ...

[نــورة]

اي والله انا نفس حالتك بالضبط اختي وكنت اعتقد اني حالة شاذه!!!!

بس تدرين شنو الحل حق حالتنا

مره انا شريت من السوق الحرة مجموعة عطور كريستيان ديور 5 انواع بس كلهم حجم ميني العلبه كلها ب 11 دينار

ياريت لو كل الشركات تسوي هالحركه

بها يكون مانتملل من العطر ولا نخسر فلوسنا....

[نــورة]

وعلى فكره انا دايما اشتري العطور الحجم الصغير ويكون عندي على التواليت 5 او6 انواع و كل يوم ارش من نوع وبعد اتملل منها وبسرعه

[المسالمه]

انا الى حد ما زيك


بس مو لهالدرجه


بس استحاله قارورة العطر تخلص

يعني يبقى الربع تقريبا وماعاد استخدمه


وخااااصة العطور الثقيله

[كيكة فواكه]

هلا خواتي و مشكورات على ردودكن,,,,
مجنونة قطر
@نورينااا@
مناري
أشواق لا تنتهي
ســــارونة
jami
نــورة
المسالمه
و الله نورتو الموضوع بردودكم....والله طلع وااايدين مثلي......مو انا بس......
و الصراحه فدتوني بنصايحكم.....جزاكم الله خير.....
تدرون خواتي.....المشكله شركات العطور في الغالب اتسوي حجم 50 و 100 مل......
و نادر ما نحصل حجم صغير......لكن انا بعمل بهالنصيحه إن شاء الله.....و حياكم الله

[أم البراء1396]

والله أختي عندي لك حل اذا اشتريتي العطر وبعد كم يوم كرهتيه قرري انك ماتشتري غيرو الا لما تخلصيه حتى لو جلستي على هذا الشي حتشتري كل انواع العطور وماحتستفيدي غير خسارة الفلوس

[هنوف الحلوه]

بصراحه حالتج غريبه انا اول مره اسمع فيها بس لا تسكتين عن نفسج
لازم تشوفين لج حل حبيبتي

[هات العلم]

اختى عندي لك اقتراح يمكن يفيدك اتركي العطور فترة موقته كم شهر يعنى واستعملي بدلا عنها اللوشن مثلا مع البدي سبرى يعنى مجموعات الجسم من بودي شوب ونكتار مره روعة وزهور الريف ولاتنسين بودرات اجمل روعة ممكن تستعمليها لان ريحتها روعة يمكن بعد فتره تشتاقين للعطور وتنحل مشكلتك

[ملاك31]

الله يكون في عونك اختي
انا اكره العطر اذا شميته مع احد اكرهه او اذ ذكرني بمواقف حزينه
وعلشان كذا احب العطورات الجديده
نصيحتي لك زي ما قالن الاخوات اشتري العلب الصغيرة ولاتشترين كثير عطرين تستخدمينهم لين يخلصون وبعدين شي جديد

[ذهبية]

يا جماعةالموضوع قدييييييييييييييييييييييي يييييييييييييم

[الغلــــــا]

يختي كلنا جي
حتى قمت اشك في ذوقي اقول معقوله انا هالعطور عيبني..؟؟

تخيلي شاريه ماكليف غرشتين ب3الاف وشي ولاعت جبدي منهن عقب ثاني استخدام....

الحينه مب عارفه شسوي فيهن...هذا من غير باقي العطور...وكل اسبوعين لازم اشتري عطور يديده...........

[الغلــــــا]

لوووووووووول الموضوع من 2005 .........<<< قفطه

[كيكة فواكه]

اوووووويه بعد عاااايش موضوعي......والله موضوع جديم....:D

لكن انا حصلت الحل....الحين الحمدالله خفت عليه هالحاله....قمت اشتري اصغر حجم.....قوم بو 30 ملي..و إذا ما شي هالحجم اخذ 50 ملي....بس اكون متاكده إنه بيعجبني......ما اشتري عطور كبار....
و بعد هيه شو اسوي....اطلب من المحل سنمبل عطور ( إذا عندهم) و اخذهم البيت و اشمهم براحتي و إذا عجبني ارجع و اشتريه.....