للضرورة القصوى........علموني شسوي؟؟؟؟

[فدك1980]

هاي ياقلبي
يمكن الاغلب قرا مشكلتي مع زوجي وصحيح في مشاكل بس عيد ميلاده قرب وودي أعمله عيد ميلاده عل وعسى يتقرب شوي مني المهم الاغلبيه عارفين اني مو بديرتي وابي شغلات بسيطه اقدر اشتريها يعني ابي جم فكره رومانسيه أخليه ينصدم وبنفس الوقت يحس فيني (الاحساس نعمه):D2 الله يخليكم ساعدوني شسوي بالشقه وشنو أشتري:think:

[ღرومانسيةღ]

http://www.ashog.com/images/Flow38.gif

هلا حبيبتي فدك

الصراحة ماقريت مشكاتج بس الله يفرجها لج ويقربكم من بعض

بالنسبة للمفاجئة

سوي حفلة بسيطة باليل

قبل مايرجع البيت لازم اتبرزين كل شي

اول شي غيري بعض الاشياء عندج مثل المفرش

و وزعي بالمكان اللي بتسوين فيها الحفلة شمووع من لون الفستان او قميص اللون

وحطي شموع بالحمام"الله يعزج"

المهم لما يرجع بتكونين حاطة جدام مدخل البيت كرت كبير وخليه واااضح بحيث يشوفة

وكتبيه في كلمات حب وكل عام وانت بخير ............وانتي ادره:)

ولاتنسين تكتبين له توجه الى ؟ الغرفة الي انتي فيها اوكه؟

لما يوصل بيحصلج بكاااااامل اناقتج

لاتنسين تملين الغرفة بلوناات بعد بنفس لون لبسج والشموع

وحطي على السرير وروود كثيرة هم بنفس اللون

والاكل بعد

سوي وجبة حلوة وخفيفة وكيكة اذا حبيتي

والباقي عليج يا حلوة

وننتظر افكار البنات

ان شاء الله افكاري عجبووج


اختج

#رومانسية#

http://www.ashog.com/images/Flow38.gif

[فدك1980]

مشكوووووووووووووووووووووو ره رومانسيه

[kholoud_sa]

انا حبيت ادعي لك بالتوفيق وان الله يعطيه شووووووووووووووووووية احساس

[مناهل78]

أختي فدك قرأت مشكلتك مع زوجك ودعيت الله أن يفرج همك ويسهل أمورك مع زوجك..
بصراحة حاولي تقرين أدعية المتزوجات ترى بصراحة لها مفعول السحر على الأزواج (عن تجربة) بحثى عنها في المنتدى أكيد بتحصلينها لأني مو عارفة في أي قسم،، باحاول أبحث لك عنها...
وكلي أمل ان يتغير زوجك للأفضل، أول شي هل أستشرتي الدكتورة فوزية أو أي أخصائي آخر؟؟؟

بالنسبة لعيد ميلاد زوجك،، أشتري له هدية على قدر ميزانيتك وجهزي المكان بالشموع وسوي عشاء بسيط وخليه على طاولة منسقة وحلوة، لبسي بس لا تكشفين وايد يمكن يشتاق لك أكثر من لو كنت مكشوفة (تيلهم حالات يصيرون بالعكس)، تمكيجي، حطي موسيقى هادئة وشوي شوي تقربي منه لا تقطين روحج خليه يركض وراج... إن شاء الله يتغير ويحس..

لأي مساعدة آنه بالخدمة...

[همسة ملاك !]

أختي فدك الافضل لك ان تدعي الله ان يسخر لك زوجك
الاحتفال في عيد الميلاد حــــــــــــــــــــــرا م

[سامراء]

الله يفرج لج .....

حبيت بس أدعي لج ........ أكيد لو نفذتي أفكار البنات رح تطلع حلوة مرة

[أم قنونه]

هلا اختي فدك تصدقين طول اليوم وأنتي على بالي وكنت ادور عليك في المنتدى لكن يظهر انك كنتي مو موجودة00
اختي الغالية عيد الميلاد حرام سوي له ليلة رومانسية لكن مو في عيد ميلادة في يوم ثاني وكمان فية حركات والعاب فيالمنتدى للمتزوجات رهيبة عل وعسى ربي يهدي زوجك ويحس وياريت تكلميني على الايميل000

[دلوعه قطريه]

اختي انا رديت عالخاص لان ردي طووويل وايد
اتمنى يفيدج واسفه عالاطاله

[فدك1980]

دلوعه قطريه
أم قنونه
سامراء
يومي بسنه
رانيا البحرينيه
kholoud_sa
رومانسيه
مشكوووووووووووووووووووووو وووووووووووووورين على مروركم لرسالتي وردكم:shy:

[شيرازية]

شلوج اختي موضوعج وايد اثر فيني اتمنى افيدج
اولا قبل الموعد بكم يوم حولي تتغلين بطريقه لاتدعو للشك يعني تشغلين نفسج بأمور ما يزعل منها كأن تقومين الليل او الصلاة او النوم المبكر حتى تكون اليلة مميزة ومفاجئة
ثانيا: حاولي يكون الديكور مختلف كفرش بساط من قماش حلو وتوزيع المخدات وادوات ولوازم الجلسة من اطباق وكاسات ورد صناعي او طبيعي وكريستالات تنثر مع اوراق الورد او لمعة ريش انت وافكارج
ثالثا: جهزي لعبة حلوة تضيف جو من المرح كلعبة الحب
رابعا تكون الهدية مغلفة بشكل جذاب
خامسا وهو الاهم تجهيز قائمة الطعام مثلا سلطة طبق رئيسي والحلو طبعا الكيكة ويكو تقديمها مفاجئة اي بعد الانتهاء من رفع الاطباق تدخلين الكيكة وهي مزينة بالالعاب النارية مثل طريقة اغنية نانسي عجرم وتقديم الهدية بعد تقديم الكيكة



لا تنسي رائحة الفرش والغرفة والكلام الحلو بعيدا عن التكلف الزائد واجعلي الموضوع طبيعي بسبب شخصيته وكرري الموضوع بافكار جديدة كل مرة صدقيني بتغير والله يسعدج ويفرحج وقولي لنا الاخبار

[مجنونة زماني]

انا عندي لج فكرة تخلي الحجرة غيييير و بسيطه

بس تحتاجين ورق ملون باللون الاحمر و لصقه و مقصر و شموع
الورق الاحمر قصيه على شكل قلب بأحجام مختلفه كبير و متوسط و صغير

و بعض القلوب سوي فيها فتحه صغيرة و دخلي خيط و علقيها على اي شي على الثريا او السرير
و باقي القلوب لصقيها على جدار الغرفه .. بيكون ديكور مختلف ...
و بعض الاوراق قطعيها بالطول .. و انثريها في الغرفه او الممر
و خلي شموع صغيرة في الممر

هذا بس كفيل ان يخلي الغرفه غيييييييييييييييييييييير و روعه ...

و باقي الدور عليج ...
و الله يهديه و يهنيج و يصلح لج

[فدك1980]

أفكاركم روووووووووووووووووووووووو وعه انشالله بسويها وبقولكم شنو صار (r)

[دلوعة حبيبي]

هلا حبيبتي..

ألله يفرج همك يا رب .. ويحنن قلب زوجك عليك ويسعدك..
اللهم اجعلها قرة عين زوجها وسخره لها واجعله معلق بحب الله ثم الرسول ثم حبها.. آمين..

حبيبتي.. البنات ماشاء الله ماقصروا.. وش رأيك تاخذين لفه بالركن وسوي بحث بكلمة الرومانسيه أو الزوج وبتلاقين لسته طويله عريضه .. وشوفي ملف الرومانسيات بتلاقين فيه ..

وطمنينا وش صار عليك بعدين..