طلب من اهل الامارات

[mozah]

السلام عليكم ورحمه الله وبركاته
اخواتي ان شاء الله بنزور الامارات شهر 11 فياليت تعطوني فكره عن المهرجان وعن الاماكن الحلوه اللي ازورها وعن الشقق المفروشه للعوائل واهم شي الجو كيف ........ودمتم لي

[ليالي العين]

حياج موزة ببلدج الثاني الامارات

ومقدما ان شاء الله تستانسين.. بحاول اساعدج بقد اللي اقدر علية

المهرجانات

دبي
نصيحتي روحي زوري القرية العاليمة بدبي وترى الدخول بفلوس للعائلة ب 15 درهم وللفرد ب 5 دراهم..
أمانه تزورين مول الامارات في دبي بعد بشارع زايد توه فاتح يديد وفية القرية الثلجية واذا ما خاب ظني أكبر قرية اصطناعية مغلقة ثلجية بالعالم.. يعني الجو باارد وتقدرون تتزلجون بمنحدر ارتفاعه 400 متر وااااو

الشارقة
ترومين تتسوقين فيها من شيل وعبي لان سوقها معروف رخيص بالامارات كلها واذا كنتي شوي تحبين الجلاليب الكشخة الحلوة او الديزاينات الهندية بتلاقينها بالشارقة اممم حاولي تشوفين السوق المركزي محل السارية واسعارهم حلوة ورخيصة

العين
وهاذي مدينتي كلها على بعضها سياحة الجو حلو عندنا من وقت العصر وبالليل برد شوي... أنصحج تروحين مبزرة الخضراء هناك فية ماي عين حارة وفية مسبح للرجال خاص وثاني خاص للحريم ما تدخلين الا اذا كنتي يايبه ملابس سباحة وطبعا ببلاش والحمامين مغلقين ومنفصلين وعليهم حراسة.... على فكرة مبزرة من وقت العصر وبالليل وخاصة اخر الاسبوع ام الزحمة الناس كلها هناك واللي يلعب واللي يتعشى واللي يشوي كباب يعني حياه هناك
اممم واذا حبيتي بمكان غريب شوي وباارد اطلعي فوق جبل حفيت أخر شي الجو بالليل ثلللج وتشوفين من فوق كل مدينة العين
ومري على العين مول والجيمي مول اذا تبين تتسوقين شوي


الامارات الشمالية مثل الفجيرة وراس الخيمة
طبعا اغلبية مناطقهم سياحية وعوائل وخاصة الفجيرة اكثر الناس بالامارات يروحون لها جوها حلو معتدل هالاوقات

وبالنسبة للشقق اقدر افيدج بس بالعين... عندنا أرقى مكان حلو للعوايل ونظيف استراحة الماسة للشقق الفندقية يعني مب اي كلام ولا يخلون كل من هب ودب يسكنه وتراه بس للعوااايل.. بس ما اعرف عن اسعارهم

وعندج بعد فندق روتانا والهيلتون والانتر بالعين

أتمنى اني فدتج شوي

واسمحيلي على الاطالة واتمنى باقي بنات الامارات يشدون الهمه بعد

[بنت ديره]

اختى ليالي العين كفت ووفت

[M a r i a]

[color=#330099]السلام عليكم ومرحبا فيج في دبي :smile:

الجو حلو يعني بدا يتحسن الحين...والقرية العالمية مفتوحة الحين وبتم تقريبا 6 شهور على ما اعتقد بس الاخت قالت ان الدخول للفرد الواحد ب 5 دراهم هو ب 3 دراهم..ما ادري انا سرت ودفعنا 3 دراهم للفرد الواحد..المهرجان ما اعرف متى يبدا بالضبط بس طبعا الفعاليات كلها تكون في مراكز التسوق و الحدايق والقرية العالمية...

ومثل ما قالت الاخت عن مول الامارات هذا فاتح يديد وحلو وبعد عندج ابن بطوطة تقريبا قريب منه
ومن غير المراكز الثانية اللي في جميرا مثل ميركاتو وسوق مدينة جميرا
وطبعا باقي المولات مثل وافي والغرير والستي وبرجمان وغيرهم وايد

هذي مواضيع فيها معلومات عن الاماكن ان شالله يفيدج ردي فيه وردود الخوات الباقيات

http://www.3roos.com/forums/showthread.php?t=140131

http://www.3roos.com/forums/showthread.php?t=148163

وهذا موضوع عن الشقق في دبي ان شالله يفيدج

http://www.3roos.com/forums/showthread.php?t=142819

والسموحة ع القصور واتمنى اني افدتج ولو شويه وما تأخرت عليج [/color:

[mozah]

مشكورين والله يعطيكم العافيه على المعلومات الحلوة.....ياليت تقولون لي على اماكن الالعاب الحلوة للصغار والكبار ويعطيكم العافيه

[*هنودة*]

مرحبا

الاخت ليالي العين كفت ووفت ...
في البداية حياكم الله في بلادكم الامارات الخير

كل شي في الامارات حلو ... وراح تستانسين اخر وناسة ... كل شي متوفر ...ولو تدورين عالاسعار المعقولة للسكن عندج الشارقة وعجمان أسعار الشقق ارخص من دبي .. والامارتين قراب من دبي ... الحين فتحوا شارع الامارات وهذا الشارع يوصلكم لكل امارات الدولة بشكل سريع وغير مزدحم ...
بصراحة في كل امارة بتحصلين فيه اللي تريدينه ... وما راح تحتاجين مساعدة بإذن الله

ونتمنى لكم قضاء أمتع الاوقات

[M a r i a]

اماكن الالعاب:

0 مدينة الطفل childern city في حديقة الخور
http://go.3roos.com/lUe0ymtbRyI

0 وفي بعد ركن العاب في كل مراكز التسوق مثل( الماجيك بلانت )في الستي سنتر و في البستان بس ما اعرف اسمه..... وغيرهم تقريبا كل مول فيه وخصوصا المراكز الكبيرة

0 حديقة الوندر لاند في دبي

0 Adventureland ركن العاب في صحارى مول اللي في الشارجه

Antic's Land ركن العاب ...اعتقد اسمه جذيه.... في ميغا مول في الشارجه

0 في مركز وافي في دبي عندهم (دوم)

هذا اللي في بالي الحين والسموحه

[mozah]

الله يخليكم ومشكورين على الردود
وبغيت اعرف اذا كان فيه العاب حق الكبار ولا لا .........:smile:

[M a r i a]

السلام عليكم ورحمة الله وبركاته

انا مب من الناس اللي يحبون يلعبون لاني اخاف بصراحه بس بقولج اللي اعرفه

عندج في القرية العالمية في قسم العاب للكبار

الوندر لاند ..بس مافيها العاب وايد ويمكن تكون العاب عاديه للي ما يخافون

و (زون) اللي في مركز وافي اعتقد في للكبار وفيه مكان مثل بيت الرعب وهذا اعتقد للكبار بس

وبعد في مول الامارات فاتحين ski dubai هذا مكان عبارة عن منطقة ثلجيه وفيه اشياء حلوه

:smile: ان شالله عاد تستفيدين من هالمعلومات البسيطة والسموحة ع القصور

[mozah]

شكرا لك اختي على الرد
واشكر كل من رد علي والله يجزاكم خير