أبي معلومات عن الامارات

[زهرة نجد]

السلام عليكم ورحمة الله وبركاته
خواتي الكريمات
أنا محتاجة للمساعدة

أبي معلومات عن الامارات ,دبي ,الشارقة........................

والاماكن السياحية

اسماء الفنادق وأماكنها

وأيضا أماكن للسكن في الشارقة؟؟؟؟؟؟؟؟؟؟؟؟؟

وأحسن الاماكن للتسوق والمجمعات التجارية؟؟؟؟؟؟

وأيضا الشاليهات على البحر وأحلها ؟؟؟؟؟؟؟؟؟؟؟

وعندي سؤال ثاني (أدري اني طولتها)
للي تسافر لدبي شهر عسل شلون تكون طريقة التنقل هل تستأجرون سياره أوطريقة ثانية
(لاني قبل كم سنه سافرت مع أهلي لمصر في الصيف واستأجرنا تكسي مع السواق وكان مثل الدليل السياحي)

(ترى ماوراي شئ مجرد حب اسطلاع ومعرفة للاماكن السياحية بس مو معناه أنكم ماتساعدوني لاني قد أحتاجها مستقبلا)

[زهرة نجد]

وش دعوه بنات ولا رد

[M a r i a]

طلبج مفصل ماشالله ما اعرف اذا اقدر اوصلج كل هالمعلومات لان الامارات فيها اماكن وايد بس انا بحاول قد ما اقدر اني اساعدج باللي اقدر عليه

مراكز التسوق كثيرة في الامارات

مراكز تسوق دبي.....http://go.3roos.com/ZmKxZKHNI8b
ومن المراكز الاساسية او الكبيرة: الستي سنتر....برجمان....الغرير....واف ي....ميركاتو....مول الامارات (هذا ايدد واحد وما يتفوت).....ابن بطوطة (نفس الشي ما يتفوت ويعتبر يديد بعد)

مراكز تسوق الشارجه....انا مب من الشارجه بس اللي اعرفه مركز صحاري...و ميغا مول...وفيه طبعا مراكز ثانية بس هذيلا الاحسن على ما اعتقد

اماكن السكن في الشارجه ما اعرف اسمحيلي ان شالله البنات يفيدونج

اسماء الفنادق واماكنها......في دبي والشارجه وايد فنادق وهذا موقع فيه فنادق دبي سواء الفنادق او الشقق الفندقية مع الاسعار.....http://go.3roos.com/FHArNAJvmps

وبالنسبة للخليجين اللي يقضون اجازتهم هنيه او شهر العسل انا اللي اعرفه ان الاثنين يعني اذا يعرف المنطقه عدل او حسب هم شو يرتاحوله اكثر اقصد طريقة التنقل في ناس يأجرون سيارة وفي ناس واعتقد الاكثرية واللي ما يعرف المنطقة يستخدمون التكاسي وطبعا الشوارع زحمة معظم الاوقات

وهذا موضوع ان شالله يفيدج فيه مواضيع عن الاماكن الحلوه والمراكز والشقق ومعلومات اتمنى تكون مفيدة
http://www.3roos.com/forums/showthread.php?t=149337


والسموحة واذا فيه شي زيادة وتذكرته ان شالله بكتبه وحياج الله اختي في الامارات

[M a r i a]

هذي مواقع فيها معلومات مفصلة اكثر وبتفيدج اكثر:yes:

موقع دائرة السياحة في دبي فيه معلومات عن دبي وعن السياحة

http://go.3roos.com/wr0ZXwosQEW

وهذا موقع عن الشارقه

http://go.3roos.com/a3vmC0w0b4G

والسموحة ولا تزعلين :no:

[زهرة نجد]

مشكورة عمري على المعلومات
والله يوفقك ويسعدك
وتقبلي تحياتي

[روزة روزة]

السلام عليكم

اذا امكن تساعدوني بايجاد مدرسة لتعلم اللغة الهولندية في دبي

مع الشكر الجزيل :flower: