ضروري الله يخليكم خصوصا اللي بالامارات

[فراشة البستان]

السلام عليكم ورحمة الله وبركاته

يا ريت احد يقدر يساعدني بطلب صغير و ضروووري
بخاطري بهذا العيد نسير انا و ريلي على منتجع أو شاليه نقظي فيه يومين او ثلاثة
و مرة سمعت انه في بالامارات منتجع يكون كل مسبح مفصول مع الشاليه بحيث أنه المحجبات ممكن يسبحون أو يجلسون بالشمس بدون ما يشوفهم أحدالي تعرف شي عن هاذي الاماكن ممكن تدلني
بس تقولي الاسم وانا ادور على الرقم و العنوان
وجزاكم الله خيرا
ارجوكم الحقوني بهالطلب بسرعة قبل العييييييييييد

[فراشة البستان]

:cry::cry::cry::cry::cry:

[بشبشه]

اختي اعتقد يلي فهمته من كلامج اهو مبزرة او العيون الحاره
اهو فيه مكان فيه مسبح ومسافه شوي فيه شاليهات يعني حتى تقدرين تروحين من المسبح للشاليه مشي و,,,,,, وهذي المبزرة الخضراء مكانها في مدينه العين
مادري اذا هذا قصدج او لا
اتمنى ماكنت مقصره وياج

[M a r i a]

السلام عليكم ورحمة الله وبركاته

يمكن تقصدين منتجع المها او منتجع باب الشمس هني في دبي طبعا هالمنتجعات في البر

اعرف وحده سارت منتجع المها هذا فيه شاليهات بعيده عن بعض وفي كل شاليه حوض سباحة وروووعه واحلى شي ان في خصوصية لان كل شاليه بعيد عن الثاني بمسافة

اما باب الشمس مب متأكده اذا فيه حوض سباحه بس اعتقد فيه بس بصراحه هالاماكن ما تتفوت بس يمكن عالعيد يكون زحمة ومافي حجوزات

هذا موقع منتجع المها خذيلج فكرة وان شالله يعيبج
http://go.3roos.com/We8HAqfDOyB

وهذا موقع باب الشمس وهذا ايدد من المها بس الاثنين حلوين
http://go.3roos.com/MCfDUVSCLMn

والسموحة ع القصور