وشلون طريقة البسبوسة المتماسكه بليز انقذوووني ,,,

[الفيروز]

السلام عليكم ورحمة الله وبركاته

ياعسااكم في خير دوووووم

الله يسلمكم انا اليوم تفشلت في عمل بسبوووسه متماسكـــــــــــــه وصارت لي مواقف محرجه راح اعلمكم عليها عقب رمضااان ان شاء الله ,

بليزززززز بليززززززززز سوو فيني خير وعلموووووني وشلوووووون اخليها متماسكه لاجل ما اتفشل وبصراااحه اذا تفشلت احملكم المسؤليه وبسووووي في رووووحي شي اقلها اقلها راح اقعد اصيح وانقهرررررر0

بليز انا بانتظار الطريقة الصحيحه واذا فيه رابط وسبق ان حطيتو الطريقة بليز عطوني رابط الموضوع جزاكم الله خير0

بليز انقذووووووني لاجل ماحد يشمت فيني وابيكم تبيضون ويهي 00

يالله انا ماراح يجيني نووووم0




باااااياااات


والسلام ختام-

[janoo]

السلام عليكم

حبيبتي هذي طريقة بسبوسة رووووعه والله من دخل رمضان سويتها 3 مرات وزبطت معاي من اول مررة

بالظبط مثل لبسبوسة حقت مطاعم الطازج اذا جربتيها من قبل متماسكة ولنها حلو وطعمها اكيد راائعععع





تفضلي(للأمانه هذي من كتاب نخبة الاطباق )

المقادير
2 كاس صغير سميد
1 قشطة
كاس زيت
1 حليب مركز ومحلى (نستله )
ملعقة باكنج باودر
جوز هند حسب الرغبة مو ضروري

الطريقة
تعجن ثم تترك 10 ق ثم تحرك مرة اخرى ثم توضع في ضينية مدهونه بزيت ثم توضع بالفرن
واول ماتطلعينها وهي حارة
تكونين مجهزة الشيرة وتصبينها عليها وتمتعي بالحلى بسبوسة

بس بشرط ادعيلي وياك ومن يقرأ بالجنة



جانووو

[الفيروز]

شرطك مجاااااااب وتستاهلين انا راح ادعي لك وغيررررري الكثير والدعاء لنا جميعا بالجنه عقب مانستمتع بالحياة الجميله وياعسا ربنا يعطينا منانا في هذا الشهر الفضيل0

<<<<<<<< تدعي لك حتى وهي ترد على الموضوع من الفرحه0



تسلمين لي ماقصرررررررتي الله يفرج عليك همومك يارب ويعطيك العافيه انقذتيني وصدقيني قاعده منتظره ردكم وبجد بجد مافشلتوني وراح اجرب طريقتك ان شاء الله واكيد راح تعجب اللي مايعجبهم العجب وخليني اسكتهم 0

ماقصرتي0

[نووران]

حبيبتي جربي البسبوسة اللي على علبة القشطة ((نستلة))
حلوة مرة مرة مرة مرة مرة ........والله ما عمري سويت بسبوسة نفس الطريقة مرتين دايما أغير أدور على أحسن وصفة وما تعجبني بسسسسسسسسسسسسس هاي جبربتها من طلعت واعتمدتها على طووووووووووول أسبوعيا أسويها هشة هشة هشة

بس قصري من السكر علشان بتسقينها شيرة بس لا تغرقينها .....
وأهم شي ضيفي قطرت خل على البيض علشان ترووووح الزفرة...لأن كل أنواع البسبوسات اللي جربتها بالبيض تطلع ريحة الزفرة وااااااااااااااااااااايد بس بهاي الطريقة ولا كأني حطيت بيض.......

[الفيروز]

السلام عليكم ورحمة الله

تسلمين اختي الكريمة نووران ربي يعطيكي العافيه ماقصرررررتي وانا راح اجرب الطريقتين اللي منكن المهم
انها تتماسك زين وماتفشل 0

الشي الثاني انا استفدت منكم معلومات جديده بالنسبه لي وراح اجرب الطريقتين وراح اعلمكم
وما منكم اقصور جزاكم الله خيررررررررررر0

[الملاك المسافر]

السلام عليكم ..

تفضلي اختي هذي طريقتي في عمل البسبوسه .. ان شاء الله تعجبك و تضبط معاكي..

المقادير:
1كوب سميد
ا كوب حليب بودر
1 كوب زيت
1 و نصف ملعقه متوسطه بيكنغ باودر
ا كوب جوز هند
ا كوب سكر
1كوب ماء
لوز للتجميل


مقادير القطر: (الشراب السكري) 1 كوب ماء /2 كوب سكر/قليل من عصير الليمون / ماء ورد مع زعفران


الطريقه : يخلط السميد و جوز الهند و الحليب البودر و السكر و البيكنغ باودر في اناء كبير بالملعقه

يضاف اليه كوب الماء و كوب الزيت و يخلط جيدا بالملعقه او الخلاط الكهربائي

يصب في صينيه الفرن ثم يزين باللوز و يدخل الفرن المعد مسبقا ..

نلاحظ الصنيه عندما تحمر الاطراف يطفا الفرن و يشعل من فوق حتى يحمر الوجه (يصبح ذهبي اللون )

تسقى بالشراب السكري حسب الرغبه(اذا بغيتيها طريه زيدي الشراب )

تترك لتبرد ثم تقدم بارده ..


ملاحظه ... اذا بغيتي تسكبي الشراب على البسبوسه لازم يكون بارد و البسبوسه ساخنه او العكس ..


ان شاء الله تعجبك الوصفه ..

تحياتي ..