مشاهدة النسخة كاملة : زي تنكري
اللؤلؤه العربيه
29/12/2002, 10:26 PM
تكفون بسرعة ( كالعادة )
عندنا في اجتماع العائلة مسابقة لأقدم وأحسن زي ..
عطوني أفكاركم ياحلوين ..
أبي شي مبتكر.. وحلو..ومو مشكلة..الزي مو مخصص لمنطقة معينة .. أي مكان .. بس المهم قديم..من التراث..
لأن الجائزة ثمينة .. ودي أفوز تكفووووون:confused:
وابتقاسمها معكم لو فزت ...:p
واثقة فيكم وبتعاونكم ..
و...........بانتظااااااركم ..
أختكم
اللؤلؤه العربيه
أماني قمر 14
29/12/2002, 11:41 PM
أختي اللؤلؤة العربية ..........
كيف حالك ان شاء الله بخير .........
بصراحة المسابقة هذي سويناها تدرين وش لبست ,,,,,,
لبست ثوب (روز) اذا تعرفينه ... وبنطلون ,,سروال,, (خط البلدة)
وسويت شعري ظفيرتين (جديلتين) وحطيت بيديني (حنا) ولبست خواتم
أمي (محابس) ولبست نعال زنوبا ولبست طرحة (غدفة) تسمى (منيخل)
اذا تعرفينها ,,وجبت معاي شنطة (خيش)وحطيت فيها حلويات قديمة ..أكيد
تدرين وشهي ................ وبس
والله مادري اذا فهمتين ولا لا
بس بصراحة الكل أعجب بفكرتي ........
تقبلي تحياتي : أمــــــــــــ قمر 14ــــاني
اللؤلؤه العربيه
30/12/2002, 01:08 PM
هلا برفيقتنا أماني
ماشاء الله عليك شعلة المنتدى تبارك الرحمن ..
فكرتك حلوة وروعة بس من وين أجيب هالأشياء...إذا تعرفين محل بالرياض..
حتى حلاو وكيس خيش من وين جبتيهم ..
أتمنى ألاقي حتى العبايات.. والديرم حقهم بس من وين ماأعرف؟؟
للأسف ماعندي احد قريب كبير آخذ منهم ..
اليوم صديقتي من أهل الجنوب اقترحت علي لبس أهل الجنوب ؟؟
:rolleyes:
بس محتااااارة...
أنتظر رأيكم ..
ومشكوووووووووووورة أماني على الرد والإقتراح الراااائع
أختك
اللؤلؤه العربيه
أماني قمر 14
31/12/2002, 01:24 AM
أختي اللؤلؤة العربية .......
الحمد لله ان فكرتي أعجبتك ....بالنسبة للثوب (الروز) وسروال (خط البلدة)
تلاقينهم في أي محل أقمشة أما الطرحة (الغدفة)والله مادري من وين
لأنها لجدتي الله يرحمها وبصراحة لو كنت ساكنة بالرياض كنت عطيتك
أغراضي ولا خليتك تشترين بس للأسف أنا ساكنة القصيم وما أقدر أفيدك
بأي شي ولا أعرف أي محل .أتمنى لك الفوز الساحق (حلوة الكلمة) وأرجو
أنك تعطينن خبر اذا فزتي ( وياويلك اذا فزتي وماقلتي لي ) .
تمنياتي لك بالتوفيق والنجاح والفووووووووووز .
أختك : أمـــــــــــ قمر 14ــــــاني
أم فيصل
31/12/2002, 02:10 AM
أتوقع تلقين ما ذكرت الأخت في سوق المعيقلية إذا تعرفينها
اللؤلؤه العربيه
31/12/2002, 05:30 PM
هلا بأم فيصل .. ومشكووووووورة على الرد..
تمام .. أعرف المعيقليه ..
أماني ( معي علم ان ( كلش به ) وانتس مانتب مقصرة بس ماباليد حيلة وأنا أختس)
حتى أختي بالقصيم ومانفعتن;)
والجمعة ان شاء الله أبرد لتس خبر أنا فزت ولا لا..
اليوم سويت هوليلا على صديقاتي بالمدرسة وماقصروا كل وحده جابت اللي عندها وتقريبا اللبسة كملت ..........(والله لو مافوزون عقب هالشحايذ:mad:
مشكوووورة أختي ام فيصل .. وأبدعي لك .. وفرتي علي دوران تكميل الأغراض
تسلمين أماني
يكفي انك وقفتي معي جزاك الله خير وألبسك حرائر الجنان ..
أختك
اللؤلؤه العربيه
بنت شمال
17/11/2009, 04:49 PM
أنا من حقي أغير .. حولك العالم كثير
كلهم يبغون قربك .. لكن أدري قدري في قلبك كبير
لو تدور الكون كله .. مابتلقى مثل طيبي
حتى كلمة ياحبيبي مني غير
مثلي ماصار بحياتك .. لا ولا عمره بيصير .. لا ولاعمره بيصير
..
لو تباعدك الظروف .. أنا غيرك .. غيرك أنا ما أشوف
حبي لك لا مايتغير .. ولان قلبي موت يحبك اقدر أني أتصبر
لو تدور الكون كله .. مابتلقى مثل طيبي .. حتى .. حتى كلمة ( ياحبيبي ) مني غير
مثلي ماصار بحياتك .. لا ولا عمره بيصير .. لا ولاعمره بيصير
..
ماحد يعوض مكاني .. أنا وإحساسي " وإحساسي " وزماني
كلي لعيونك أسير .. لاني جنحانك حبيبي كيف من غيري تطير
لو تدور الكون كله .. مابتلقى مثل طيبي .. حتى .. حتى كلمة ( ياحبيبي ) مني غير
مثلي ماصار بحياتك .. لا ولا عمره بيصير .. لا ولاعمره بيصير
انا من حقي اغير حولك العالم كثير .. كلهم يبغون قربك ! لكن ادري قدري في قلبك كبير
..