الي عندها طريقه مميزه لتقديم العيديه

[فطًامي]

سلام عليكم..

ابيكم تساعدوني بكيفيةتقديم العيديه...
اهل زوجي يسوون حركات للعيديه يعني كل وحده تعطي للأم الثانيه عيدية عيالها بطريقه حلوه..
مثلا العيد الي راح كانت وحده جايبه جره صغيره و كاتبه عليها عيديه و حاطه الفلوس داخل الجره وملفوفه بورق نفس ورق الحلاوه كانت طريقتها مميزه .. والثانيه جايبه صندوق صغير و حاطه فيه شويت شوكليت و تحته الفلوس و بطاقه ..

ابيكم تعطوني فكره حلوه و مميزه...

[وحدانيه]

ممكن انج تلفين الفلووس بطريقه دائريه وتعلقينها على اغصان ويكون تحت الغصن فلين على اساس يكون الغصن ثابت

اتمنى انج فهمتي قصدي انا سوويت الحركه يوم تخرجت اختي من الثانويه حطيت لها 500 بس وزعتهم 100 يعني 5 لفات وعلقتهم كانت الطريقه وايد حلوه

[فطًامي]

ما فهمت؟؟!!
بس وين الجماعه محد يساعدني ...

[شواقي]

ممكن اتسوين كسرات في الفلوس من بدايته لين نهايته وبعدين اتيبين اعواد خشبيه واتلصقين الفلوس عليه وبعدين اتودينه المحمصه يسويلج ايه على شكل باقه (مثل التوزيعات يعني) واتحطين البطاقات على كل عود.

ممكن اتروحين محلات الزهور وتطلبين اورود حمر وكل ورده يعدلها واتلفين الفلوس دائري واتعلقينه في شريط الورد من تحت.

ممكن تشترين شموع اطوال واشكالهم حلوه واتيبين شرايط وتربيطين فيه الفلوس وتربطينه في الشمعه.

ممكن اتروحين محلات الدرهم ودرهمين عندهم علب سراميك واااااايد حلوه تشترينهم واتحطين فيهم الفلوس وتلصقين البطايق في الغطاء من داخل العلبه.

ممكن تشترين البراويز الصغار الي طول الاصابع وتكتبين الكلام الي تبينه داخل البرواز وتلفينه بتور بورق شفاف بالي تبينه ويوم بتلفينه بشرايط اربطي الفلوس من فوق .

وانشاء الله اكون افدتج بشي والله انا ابروحي يالس افكر شو اسوي حق العيد لان في عائلتنا محد يسوي هل الاشياء فخاطري اسوي علشان اكون مميزه في توزيع العيديه

[شواقي]

ولو اتروحين سوق الجمله الي في دبي بتحصلين واااايد اشي وعندي فكره بعد لو تعرفين الجيس الصغيره الي نفس جيس القرقيعان الي من تحت كله خرز ومن فوق فيه شريطه تسحبينه اتصكر الجيس ويكون تور شفاف او خامة الاوركنزه مادري لو تعرفينه والا لا ممكن اتحطين فيه حلو واتحطين الفلوس في الجيس واتصكرينه.

ممكن اتروحين المحمصه وتطلبين منه ان ايسويلج اجيس من الخيشه ومن فوق تتجسفين الجيس كم جسفه وبعدين اترسينه ورد مجفف واتحطين الفلوس عليه ويلفلج ايه بورق شفاف .


واذا اتذكرت شي برجع بكتبلج بس انشاء الله يعيبج شي من الي قلته وانشاء تفهمين علي

[شواقي]

البارحه قعدت افكر وهذا الي طلع مني تشترين صناديق صغار بتحصلينه عند درهم ودرهمين وروحي محل الكلف واشتري كمية من اللولو الرخيص ويبي صمغ المسدس ولصقي اللولو داخله وحاوالي تنثرين اللولو لين برع وتحطين الفلوس فوق اللولوه وتصكرينهم بورق شفاف بيطلع شكله وااايد راقي .

ممكن اتجمعين علب اعواد الكبريت من النوع الصغار وتشترين خام مخمل عنابي بذهبي او ايلون تبينه ويكون الخام فيه شغل بارز وتلصقيين علب الكبريت بالخام الي تبينه وتجلدينه بس من فوق علشان ادرج يتبطل واتحطين فيه الفلوس واتبين سله كبيره واتعبينه بورق شفاف واتلصقين العلب عليه وكل ما ايلج طفل تشيلين وتعطين .

وهذي فكره ثالثه ممكن اتجمعين قشر البيض كمية كبيرة وتغسلينهم انظيف واتحطينهم في الصينيه وتحطينهم في شمس علشان يجف الماي من داخل وخليهم كم يوم ويوم بيجف اشتري لماعي بلون الي تبينه وممكن اي شي يعجيج حطي في داخل القشر وحطي الفلوس وبعد تقدرين اتسوين البطايق بالكمبيوتر بس احجام صغيره واتيبين لصق مال الكراتين وتلصقينه واتيبين الوان مائيه وتلونين من برع وجذي الياهل بيستانسوه هم بيتمون يفرفرون فيه وبينصب عليهم اللماعي وبيستانسون وهم بيقرون بطاقة العيد وبيستنسون بالعيديه .



وانشاء الله يعجبج شي
مع تحياتي :اختج شواقي

[سفيرة فوق العاده]

OHHHHHHHHHHHHH:eek2:

حتى العيديه صارو يشكلون لها

انا اخبر تعطين اليهال ويحطون بجناطهم ولا مخابيهم


oh my god



ما خليتو شي



سفيرة فوق العاده

[وحدانيه]

شووواقي الصراحه افكارج وااايد وااايد حلوه بس احنا ماعندنا هالسوالف يمكن مع الوقت



يعطيج العافيه

[الغالية22]

والله حركات بعد بفكر وبقولج

[شواقي]

ممكن تشترين الفانيلات الاصغار واتحطين عليهم صور اعيالج وفي نوع من الفانيلات يكون فيها مخابي وتحطين الفلوس في المخبه وتقدرين تكتبين كلام في الظهر بناسبة العيد

[فطًامي]

و الله بصراحه افكار حلوووووووووه وايد

بس ممكن حد يقول شو ممكن اكتب على الكروت؟؟؟( البطاقه)

[دلوعة حبيبي]

http://www.brightideas.com/school/images/popup_1443.jpg

1- حلويات من أي نوع يحبه الاولاد..
2- 2 جيوب مقصوصه من جينزات قديمه أوقماش جينز مقصوص بشكل جينز..قماش جلد او جوخ أو اي نوع اخر..
3- استيكرات.
4- مقص..
5_ صمغ..
6- قلم رصاص ومسطره..
7- حبال من صوف او جلد
8- خرامه..
9- كريستالات للزينه..

الطريقه..
1- باستعمال البترون الخاص بشكل الجيب قصي الأقمشه قطعتين من نفس القماش.. ثم اثني الأطراف والصقيها بالغراء.. و قومي بخرم الأطراف ثم أدخلي خيوط الصوف او الجلد فيها كأنك تخيطينها..
2- اكتبي اسم الطفل على الجيب.. وزينيه بالاستيكرات والكريستالات..
3- املي الجيب بالحلويات
4- لفي الفلوس بقطعة تل وادخليها بالجيب..

وهذا البترون..

http://www.brightideas.com/school/images/template_1443.jpg

[دلوعة حبيبي]

وهذا شكل ثاني..

http://www.brightideas.com/valentines/images/popup_1105.jpg

وهذا البترون..

http://www.brightideas.com/valentines/images/SmilingHearts_Stencil.jpg

وهذي فكره ثانيه..

http://www.brightideas.com/valentines/images/popup_179.jpg

دبدوب خليه يشيل صندوق صغير فيه حلويات وظرف فيه الفلوس..
أو ورد وظرف فيه الفلوس او ملفوفه بتل ومربوطه بشريط نازل من كل ورده..

واتمنى تكون عجبتك..

[مراوي]

صورت لك الهديه اللي جابوها لي زميلاتي حق زواجي

كانو معلقين فيها الفلوس بطريقه حلوه قالت عليها وحده من الاخوات حتى للحين مو شايله الفلوس ولا الكاكاو منها عشان خايفه شكلها يخترب :)

بس للاسف الموقع اللي بالعاده انزل عليه الصور مقفل وماعرف غيره لو تعرفين موقع تنزيل صور عطيني انزل لك الصوره

[فطًامي]

مشكورين
و اتمنى الكل يشارك بمثل هالافكار البسيطه لكن حلوه ..

طيب ما قلتوا لي شو اكتب بالبطاقه

[دلوعة حبيبي]

مراوي عندك موقع جيران (www.jeeran .com)
y1y1 (http://go.3roos.com/Uol0kFKcfce)

[soft_dreams]

ايواا

بعد نبي..

كملووو..

[مراوي]

مشكوره دلوعه حبيبي اهو y1y1 اللي انزل عليه الصور بس الحين يمكن فيه تصليحات

وجيران جربته قبل ماعرفت له

[دلوعة حبيبي]

جيران حلو لأنك تحفظين الصور فيه وتقعد للأبد.. ونظامه بيوزر وباسوورد خاص..

جربي اللوبي الخليجي.. (http://go.3roos.com/EqFUGRUF97H)