مشاهدة النسخة كاملة : دخلت التاسه الحمدلله....جاوبوني عسب ارتاااااح نفسيا ترا مالي غيركم..
wademah
10/09/2005, 07:15 AM
حبيباتي ادري اني بسأل اسئله متكرره بس جاوبوني عسب ارتاااااح نفسيا.
انا اليوم الحمدلله دخلت التاسع.أمييييييييييييي متروعه من الولاده.. و اسئلتي كما يلي(اونه لغه عربيه):
1. شو احط في شنطة البيبي بالضبط.
2. هل ابتدي اشرب اشياء معينه عسب اتسهلي هالمرحله و الولاده.
3.وكم دقيقه لازم امشي.
4. ويوم احس بالطلق شو اسوي كيف اتصرف و شو اشرب.
طوووووووووووووووووولت ادري شو اسوي متروعه اول بيبي فديته. بس هااا جاوبو ترا مالي غيركم.
ودعواتكم.
RoOoOmy
10/09/2005, 07:28 AM
بس حبيت ادعي لك انك تقومين بالسلامة ويسهل عليك ان شاء الله
مرموم
10/09/2005, 12:15 PM
السلام عليكم ورحمة الله وبركاته
أختي إعملي بحث في الركن...و ركن المواضيع المتميزة...
راح تلاقي إجابات مفصلة لكل أسئلتك
ام امنية
10/09/2005, 04:20 PM
انا نفس حالتج توكلي على الله
حلوة الشرقية
27/04/2010, 03:07 PM
وانامثلكم بس موب متروعة العكس ابى اعرفمتى الولادة
ام احمد 21
27/04/2010, 03:25 PM
شو احط في شنطة البيبي بالضبط.
شنطة البيبي
ست اطقم داخلية
اربع اطقم خارجية باكمام طويلة
طاقية راس عدد 2او 3
لفة او قماط عدد2
مناشف صغيرة لمسح الحليب من فم الطفل
هولدر للبيبي عند الطلوع من المستشفى باذن الله
شامبو وغسول للاطفال حديثي الولادة
فوطة
وتزيدين جان تبين المسك ودبة ماي صحي وشاش طبي عشان تنظفين الحلمة قبل الرضاعة وعقبها
هل ابتدي اشرب اشياء معينه عسب اتسهل المرحله و الولاده.
على راحتج حبيبتي لانة في ناس ينصحون و في ناس لا و انة رايي مع الي يقولون لا عشان يمكن جسمج مايتقبل هالي بتشربينة خلي كل شي على ربج انشاء الله و هونيها و تهون ماباقي شي بس انصحج بالتمر و العسل يقولون وايد زين يسهل الولادة
وكم دقيقه لازم امشي.
طبعا اكيد المشي زين
امشي على حسب ماتقدرين بس اهم شي ماترهقين نفسج يعني امشي من نص ساعة الى ساعة اذا تقدرين
ويوم احس بالطلق شو اسوي كيف اتصرف و شو اشرب
يوم الي تحسين بالطلق روحي المستشفى و خلي الشنطة في السيارة يمكن تروحين و يقولون في أي وثت ولادة
والله يسهل عليج وعلى كل حامل انشاءالله ويرزق كل محرومة بالذرية الصالحة ولا تنسين حبيبتي تغسلين كل الثياب قبل ما تحطينهم في الشنطة عشان جلد البيبي حساس ويتاثر بسرعة
ولاتنسين تدعين لي يمكن تولدين قبلي
أحب أولادي
28/04/2010, 05:37 PM
هلا حبيبتي ان شاالله تولدين بالسلامه
أنا راح أجاوبك عن سؤال إذا حسيتي بالطلق
شوفي وأنا بالبكركنت متشوقه يجيني طلق ولا أبي أولد قيصري تدرين ليه؟
أبي أحس بكل طلقه وكل ألم لأني عارفه الأجر اشقد عند رب العالمين عشان كذا لما حسيت بآلام بدل ما أخاف طرت من الفرحه لأني راح أصير أم ولأن ذنوبي راح تتساقط مع كل طلقه وكانت الساعه 2 الظهر بس ما رحت المستشفى إلا الساعه 12 في الليل وكنت رافضه أروح لأني سمعت إن البكر تطول بس زوجي ما رضى لأن بدا ينزل عندي ماي ودم والحمدلله لا تفكرين في الألم كثر ما تفكرين في الأجر
والحين أنا حامل في الشهر الرابع وانتظر متى أدخل التاسع عشان الولاده والأجر اللي راح أحصله
الله يقومك بالسلامه يارب
BINTDUBA
20/05/2010, 08:53 AM
صراحه انا ابا اقولج شي وها الشي نصيحه لج والله ان ربيعتي قالتلي يوم بتحسين بالويع على طووول سوي ها الحركه وبتشوفين كيف بترتاحيييين والله بيسهل عللللليج الحركه حبيبتي مجرد اتحسين بالويع سوي حركة الياهل يوم يحبي وااااايد زييييين
شكرا جزيييييلا
اصغر عروسة
20/05/2010, 04:07 PM
الموضوع قبل 5 سنين وانتون تردون عليه هههههههههههههههههه ضحكتوني كروشات