مشاهدة النسخة كاملة : عدم القدره على الاكل
white
02/09/2005, 11:27 PM
بناااااااااااااات السلام عليكم
شتسوي الحامل في الشهر الثاني الي ماتقدر تاكل ولا شي
والله قمت اخاف يصير بالجنين شي لان وزني نزل كيلو والصبح كل يوم ارجع واكل باليوم تقريبا صمونه الصبح ووحده بالليل وحاولت وايد اني اغصب نفسي بس ماقدر :pain:
عفيه الي مرت بهالتجربه تساعدني او الي عندها خبره
alina
03/09/2005, 09:45 AM
السلام عليكم ورحمة الله وبركاته
أختي الغالية white
أسأل الله العظيم رب العرش العظيم
أن يتمم عليك حملك على خير ويسهل ولادتك
ويرزقك الطفل السليم المعافى
اللهم آمين
شوفي هذا الموضوع وإجابتي على أخت لها نفس سؤالك
&& أغذية مُضرّة بالحامل والجنين && (http://www.3roos.com/forums/showthread.php?t=136667)
تحيتي لك
عذبـ الأحساس ـة
06/09/2005, 12:16 PM
غاليتي
((وايت))
هل تعانين من مشاكل نفسيه ؟؟
أو هالشي نتيجة لوعه وفقدان شهيه ..؟؟
أنتظر ردك
white
08/09/2005, 05:22 AM
لا بس لوعه قويييييييييييه حيل حيل وماقدر اكل اي شي والله اليوم وامس اي شي دخل حلجي طلع بعده بخمس دقايق ووزني نزل مادري شسوي الطبيبه قالت بتعطيني ادويه تخلي اللوعه تختفي بالمره بس انا صراحه خايفه ؟؟ تتوقعون عادي ؟؟
De3LaT_7aBeBY
08/09/2005, 08:52 AM
اختي عذبه الاحساس حبيبتي بغيت من عندج خدمه ابي جدول نظام اكل يساعدني علي المتن وعلي فكره اانا مو حامل .... مشكوره
white
10/09/2005, 07:15 PM
شدعوه محد يرد؟؟؟
omeasa
12/09/2005, 03:14 PM
اختي ابتعدي عن الشاي والقهوة والفلفل والبهار
اول متصحين الصبح اكلي ونتي بالفراش بسكويت مالح اوبسكويت شاي بعدها اكلي الصمونه على دفعات مثل كل ربع ساعه صح صعب بس فترا وتعدى حوالي تكلين حتي لو ترجعين لانه الاكل يبق منه شى بس لاتمتنعين عنه واخذى الدواء الانه يساعدك يخفف من القى ولاتخفين من نقص الوزن انا نقص وزني في الاشهر الثلاث الاولي 4كيلو بعدها تعدل وزني وزاد
عذبـ الأحساس ـة
13/09/2005, 09:55 AM
السلام عليكم ورحمة الله وبركاته
غاليتي
هذا وحم طبيعي يصير مع أغلب النساء ويمكن إنتي أول مره تحملين والدواء اللي راح تعطيك أياه
الطبيبه أكيد ماراح يضرك راح يخفف عنك ااوعه زي ماقالت الأخت أول ماتقومين الصباح كلي بسكويت مالح علشان يبعد عنك
اللوعه وحاولي تاكلين الساندويتش بدون ماتشربين معه سوائل إلا بشكل قليل
وإن شاء الله راح ترتاحين ..
لك مني تقديري
وبالنسبه للأخت اللي طالبه نظام غذائي للتسمين هناك موضوع مثبت في الركن فيه نظام غذائي وخلطات
أتمنى للجميع التوفيق
عذبة الإحساس ..
white
14/09/2005, 01:26 AM
مشكوريييييييييييييييييين وايد وايد خذيت الحبوب الي وصفتهم اسمه zofran وااااايد زيينين الحمد الله 5 دقايق وتروح اللوعه