مشاهدة النسخة كاملة : أبي بنتي تطلع مميزه بالعيد(ساعدوني)
فطًامي
30/08/2005, 09:44 AM
الغاليات ...
أبي أجهز بنتي للعيد ... ابي محل اطفال يبيع ملابس اطفال تقريبا بسن السنه ابيها تكون احلى وحده بالعيد ممكن تعطوني فكره حلوه ... طريقه حلوه حتى لو فكره و افصل لها ... قولوا لي ابيها تكشخ عند اهل ريلي .. ساعدوني ....
و لو حد يعرف محل ممكن احصل عليه لبس الام و نفسه لبس البنت قولوا لي .. عطوني افكار تراها اول بيبي لي و ابي اكشخها ....
أشواق لا تنتهي
30/08/2005, 04:23 PM
انا بناتي شريتلهم بدلات روووووووووووووووووعه للعيد من سوريا
كلها جينز وشيفون وسلاسل واكسسوارات
هالعيد بشتري لهم بدلات كشخه عاديه وبيجامات من ريست وادم وغيره
:)
جربي تفصلين لها عند الخياط من البدلات الجينز مع جلد وحركات على ستايل موسكينو
um_fa6ame
30/08/2005, 04:27 PM
هههههههههه شراتي انتي
انا بعد بنتي عانيت اباها احلى ووحده
اتعرفين شي كشخه بس بحدوود الف درهم بدلات تجنن تطلبينها من الموقع بالانترنت من ايطاليا روووووووووووعه خبريني اذا بغيتي وبطرشلج اسمه
والسمووحه عالقصووووور
the rose
31/08/2005, 01:01 AM
الغالية عندج بيبي فاشن يبيع ماركات كريستيان ديور ولاكروا وموسكينو ووووووووووو
عندج بعد كنزو.. سيري محلات الماركات أشياءاتهم تخبل.. بس زهبي بوكج ههههههههه
بعد محل شيكو تلاقين بدل عال400 و600 وايد حلوة..
الله يخليلج اياها..
shagra
31/08/2005, 01:19 AM
فطامي بغيت الموقع الايطالي فديتج اذا تقدرين تطرشينلي وخاصة أحب ايطاليا وايد:shy:
البندقية
31/08/2005, 02:35 AM
السلام عليكم ورحمة الله
الغاليه ممكن طرشينلي على الخاص ومشكوره مقدما
فطًامي
31/08/2005, 10:21 AM
fa6ame
ما يمنع نشوف الموقع و لو احسه حرام على بنت بسنه يعني بلبسها مره وحده و بعدين بتكبر بيصغر عليها..
أم شمايل
31/08/2005, 11:22 AM
انا ناويهافصل حق بناتي مخاوير وبشتري لهم بدلات جاهزه :)
( janaa )
31/08/2005, 11:22 AM
بعد انا ابي الموقع لا هنتو
فطًامي
31/08/2005, 11:10 PM
هلا الغاليه الكل يطلب الموقع...
ألف شكر لج على الرد..
هههههههههه شراتي انتي
انا بعد بنتي عانيت اباها احلى ووحده
اتعرفين شي كشخه بس بحدوود الف درهم بدلات تجنن تطلبينها من الموقع بالانترنت من ايطاليا روووووووووووعه خبريني اذا بغيتي وبطرشلج اسمه
والسمووحه عالقصووووور
فجر الندى
06/09/2005, 08:56 PM
والله كلنا في نفس الموال بس بقولج شي و بتستانسين منه وايد .........................................
الحمد لله انا بناتي طلعوا مميزات مميزات بمعنى الكلمة في العيد اللي طاف تعرفين ليش
اكتشفت وحده اتفصل ملابس للاطفال روعة روعة روعة في غاية الشياكة والذوق
انا خذت لبناتي بعمر 8 شهور و 5 سنوات طقم بس للبنت الصغيرة فستان و البنت الكبيرة تنورة و قميص كويتي
اتخيلوا معاي اللبس
الاثنين موديلاتهم نفس الشي بس مثل ما قلت فوق بس يختلف الشكل الموديل روعة عبارة عن قطعة بيج و عليها شرايط املونة و تطريز فراشه و معها الربطة للشعرو القبعة بنفس اللون و الدرجات وعاد انت تختارين شو اتلبسينهم و حقيبة كيوت عليها تطريز فراشة يعنى طقم كامل و اشتريت لهم هيلاهوب بنفس الدرجات و بوت بنفس الالوان الصراحة في غاية الروعة....
المهم الكل اتخبل على اللبس و فصلت لهذا العيد بعد عندها والفستان روعة روعة انشالله اذا قدرت بحطي لكم الصور
و الحرمة اتفصل هي و اختها يعنى عندهم مشغل اصغير في البيت على ما اعتقد و الحلو في الموضوع كل شي عليها يعنى القطع و الاكسسوارات و القماش وكل شي يعنى ايج جاهز
بس انتي اطرشين القياس مع المبلغ بالارامكس او اي توصيلة و هي اطرشهم لج بعد ما يجهز
بس الحقوا عليها لانها ما بتاخذ طلبيات ابتداء من اول رمضان و اسعارها حلوه في حدود 500 لين 1000 على حسب الطلب.............
و اللي تبا الرقم اتراسلنى على الخاص و سلامتكم
سفيرة فوق العاده
06/09/2005, 09:10 PM
عليج بالعافيه اختي
تلبسينهم في عرسهم وفرحتهم ان شاء الله ويخليهم لج
مشكوره على المرور
بس انا مب من الأمارات
ان شاء الله بنات الأمارات يستفيدون
وفي النهايه
سفيرة فوق العاده
فجر الندى
06/09/2005, 09:33 PM
انشالله في عرس بناتج و مشكورة
و انشالله اتحصلين لهم احلى لبس و تلبسينهم لبس الجنه
اختج
فجر الندى الإماراتية
فطًامي
11/09/2005, 11:19 AM
هلا بج إخت فجر ...
شو تنتظرين أنقذيني الله يخليج ...
ياريت لو تسويلي مع بنتي نفس الشئ انطقم بالعيد...
حرابة
11/09/2005, 12:08 PM
الغالية ممكن اطرشيلي موقع الفساتين اللي من ايطاليا
مـــــــــــهـا
12/09/2005, 11:30 AM
فجر الندى
ممكن رقم حرمة اتفصل للأطفال ؟؟
مشكوووووورة الغالية
MooLy
12/09/2005, 10:58 PM
وأنا بعد خواتي لو سمحتوا
بغيت الموقع الإيطالي
ورقم الحرمة ألي اتفصل في البيت ....
أم ساره
12/09/2005, 11:07 PM
لو سمحتي انا بغيت رقم الحرمة واذا قدرتي نزلي صور ملابس بناتج اللي من عند الحرمة
والموقع الايطالي بعد
مـــــــــــهـا
13/09/2005, 07:04 AM
لو سمحتي انا بغيت رقم الحرمة واذا قدرتي نزلي صور ملابس بناتج اللي من عند الحرمة
والموقع الايطالي بعد
شواقي
20/10/2005, 09:13 AM
في وحده في الشارجه اتنزل بدال حلوه حق الكبار وحق الصغار اتيبهم طلبيات من الكويت واتفصل جلابيات كويتيته نفس المسلاسلات واسعارها واااااااااااااايد معقوله جلابيات حلوه تبداء اسعاره من 250 لين 800 حدها ومن فتره منزله مديلات زينب العسكري واللهام فضاله بس اشياها حلوه ومدرسات في الشارجه كل يروحون عندها ويطلبون طلبيات وحتى لو عندج صورة مديل تبينه اتفصلج ايه في الكويت واتيبلج ايه واتيب ملابس البيبي وكل تجهيزات البيبي واسعارها من 45 لين 400 حدها ماتتعده الا 400 واتيب شيل ملونه بعد حلوه واتيب جواتي وشنط راقيه واتسوي تجهيزات العرايس مثل القمصان النوم والملابس الداخليه وصدقوني روحولها ومابتندمون انا عن نفسي دووم اعتمد عليها في العيد وفي المناسبات لان مديلاتها راقيه واسعار معقوله وتقريبا اتنزل نفس مديلات محل الاسطوره الي في بوظبي بس فرق في الاسعار اربيعتي بغت تشتري من الاسطوره مديل زينب العسكري 460 وعندها نفس المديل بضبط اتبيعه 600 اتخيلو الفرق في السعر والحين منزله دفعه حق العيد اشياء اتخبل لحقو عليها قبل لا تخلص
فطًامي
20/10/2005, 06:58 PM
بس اختي شو اسم المحل ما قلتي؟؟
و بالنسبه للخوات الي قالوا حرمه تفصل بالبيت و لها مشغل .. انا اتصلت بها بس كلامها مب منطقي..
تقول طرشيلي الفلوس كاامله و بعدين ببدأ اشتغل لبنتج .. طيب شو يظمن لي انج بتستلمين الفلوس و شو يظمن لي انج ما بتاخذين الفلوس و تقطعين التيلفون وما تردين علي .. و يوم سألتها ابي اشوف الموديل تقول زوجي ما يرضى حد يزورني ..شلون اشتري شي و انا ما اشوفه ... حتى لو صوره تطرش لنا مااااشئ .. والله السالفه غريبه و يمكن ما يعجبني ...
شواقي
21/10/2005, 10:02 AM
اختي فطامي هي ماعندها محل هي عارضه الملابس في بيتها مسوي ميلس خاص لستقبال الزباين وبعدين لو بيتج في الشارجه ممكن اتيبلج الجلابيات لين البيت واتخلي عندج اتنقي الي تبينه واتمر تاخذهم بعد ماتخلصين هذا بنسبله للي ماعندهم توصيل ومستعيلين ويبون يشوفون الجلابيات اتوديلهم وحليله،
ومسوي كتولوج تخترين المديل واتفصلج ايه بس اتقول يمكن تعرض جلابيتها في المعارض واي حد يبا رقممها يطرشلي على الخاص
أموله أم نور
21/10/2005, 10:34 AM
السلام عليكم
لو سمحتوا انا ابغي عنوان المحل اللي في ايطاليا بليز
بنت الصقور
22/10/2005, 12:52 AM
شواقي ااذا ممكن رقم الحرمه
وابغي بعد عنوان لموقع الايطالي
بالانتظار
the dreamer
22/10/2005, 02:09 AM
الله يخليك لها ،،،
بنوتة الصفا
22/10/2005, 09:40 AM
عنوان لموقع الايطالي
ومض الحياة
22/10/2005, 09:53 AM
السلام عليكم و رحمة الله و بركاته
فيه في الملابلازا محل حرمة مواطنة تسوي ملابس روعة للأطفال
وكل كم يوم تنزل موديلات جديدة
ما خليت ثوب ما خذت من عندها حق بنات أخوي
أسعارها معقولة جدا جدا جدا
ملابس البيت في حدود 25-45 درهم
و الفساتين ما تتعدى 200 درهم و موديلات رووووووووووووووووووووووعة و أشياء جديدة و مبتكرة
مروا على الملا بلازا أظن أسم المحل ( سلطان وريم أو العكس) و الله ييسر لكم
فطًامي
22/10/2005, 11:28 AM
شواقي .. الي اقصدها هي غير الي تقصدينها ..
انا الي اقصدها هي ام سعود براس الخيمه ..
تسوي للأطفال .. و بعدين انا متاكده قلت بطرش وحده اعرفها هناك تروح تشوف شغلها او على الاقل نوعية القطعه قالت لها ما استقبل حد في بيتي...!!! مب منطقي ابد ..
dala3_dubai
28/10/2005, 02:19 AM
لو سمحتي شواقي ممكن تعطيني رقم الحرمه على الخاص
vampirexi
06/09/2007, 01:27 PM
, انا بعد اختي شواقي بغيت تفاصيل الحرمة على الخاص
بنت الصقور ماعليها قصور
24/08/2008, 01:54 AM
الله حلوه وايد
يمامه اليافعي
24/08/2008, 06:03 AM
الله يحفظ لج بنتج ،، ويرزقني بالذريه الصالحه ،، قولي امين
شوفي حبيبتي انا عندي فكره جنونيه مادري يمكن تعجبج ،، يعني بدال ما تروحين وتشترين بدله ممكن تلاقين حد لابس مثلها بالصدفه ساعتها بنتج ماراح تكون مميزه ،، بس اذا تبينها مميزه صج شوفي فكرتي ،، فصليلها فستان مع قفاز باليدين وجحفيه ( كبوس ) وشنطه بس مو اي شي لا ،، يكون موديلهم من الموديلات الاوروبيه الي فالقرن السابع عشر ،، يعني مثل الممثلات الي بفيلم تايتانك ،، عرفتي شلون ،، يكون الفستان كله دانتيل وكرستال ونافش بالمره ، مع كبوس فيه كرستاله عالجنب ودار ماداره شريطه حرير ،و دانتيل طايح عالاطراف ،، والشنطه بعد ،، تقدرين تاخذين موديله من المجلات او النت ,,
وكل عيد سويلها موديل من احد البلدان ( تراثي ) يعني ،، عاد شوفي الاهل فكل عيد راح ينطرون شوفة بنتج بفارغ الصبر لا وقبل العيد الكل راح يقعد يفكر بنت فلان هالعيد من اي بلد راح تاخذ موديلها ،، الله يوفقج
ام يساف
24/08/2008, 10:21 AM
الجنس الناعم وخصوصا الكتاكيت ايش مايلبسون دايم حلوين
انسانه بلا روح
24/08/2008, 05:22 PM
وربي مصخرررررررررررررررررررررر ره
شوو هالكلاااااااااام كل وحده تقول شي احسهم اخرطي
الله يعينج اخت فطامي ... انصحج تروحين محلات الي فالستي ولامجمع اصمغ
في بدلات حلووه ونقي الي يعجبج .. سبورتيه ولا انوثه كل شي
,,, ترى انا مب انسانه بلا روح انا اختها بنوته الوكره نرفزني بعض الردود
وعاد مايصير ماعلق كركركركركر
متابعه بصمت ^_"
سي يووووو شكلي بسجل بنكي الخاص في المنتدى
هيك بدها الدنيا
25/08/2008, 05:37 PM
فطامي الله لايهينك
ممكن ترسلين لي الموقع الايطالي الله يوفقك
فطًامي
24/10/2008, 06:03 PM
وينكم...
ابي الكل يكتب وين أقدر أشتري لبنتي فستان... عمرها 4 سنوات