ساعدوني استحيت من زوجي بسبب,,,,,,

[تلوله]

ملالالالالالالالالالالالا لالالالالابسه

غسيلي ماله ريحة حلوة... مع اني استخدم كمفورت بس مجرد ما أنشر الغسيل و تنكوي تطير الريحة؟؟؟؟!!!!!

ابغاكم تساعدوني بأفكاركم ..

اي وحده عندها خلطة او طريقة تعطير تقولي الله يرضى عنها ..


و ابغى حاجة تنفع للملابس البيضاء يعني ما يكون فيها بقع ..لأني مرة خاطرت خلطت مويه الكوي مع عود و صار فيه بقع....


لا تخلوني الله يسعدكم

[بنت الإمــــــارات]

اختي لا تخلين الغسيل ينشف

عقب ما تغسلينه اشطفيه بكومفورت

عقب نشفيه بالنشاف وطلعيه بس 5 دقايق عقب اكويه مباشرة

ولو حابة زيادة ريحة اشتري عطر خفيف ورشي الثياب عقب لا تكوينها بس من بعيد

[مياسة]

عطري الثياب بكلونيا مخصص للملابس بعد الكوي

واستخدمي البخوور

[دلوعة حبيبي]

[CENTER]أهلين حبيبتي..

ممكن تضيفين شوي كومفورت في بخاخ الكوي..

[ღرومانسيةღ]

هلا حبيبتي

انا مع دلوعة حبيبي

...تعرفين البخاخ اللي يبيعونه بالجمعيات؟ اشتريه وحطي فيه كومفورت ولما تكوين رشي على الملابس شويه

تحياتي

#رومانسية#

[الغالـيه]

http://www.al-wed.com/pic-vb/74.gif
هلا والله حبيبتي
البنات ماشالله عليهـــــم ما قصرو
بس شوفي هالطريقه...
انتي بس تغسلين الملابس وتكوينها رشي عليها رشوش
يكون ريحته حلوه اللي يعجبج او يحبه ريلج ..
بعديــــــــــن
الملابس اللي تحتاج تعليق علقيها
واللي تتصفط صفطيها
ويبي مبخر وفيه ذاك البخور الطيب وخليــــه بالكبت
من تفتحين الكبت بتشمين الريحه الطيبه و راح تظل الريحه بالملابس
هذا اذا كان زوجج يحب هالسوالف
او في الاكياس المعطره اللي تنحط بين الملابس ريحتها بعد حلوه
جربي وشوفي حبيبتي
اتمنى اكون افدتج
:)
http://www.al-wed.com/pic-vb/74.gif

[ورد الخريف]

خذي لج عطر أحسن شي

[الشيخة]

اختى الكريمة

اعتقد انه طريقه غسالك يمكن يكون فيها غلط
لانه في الشطف الاخير مع كمفورررت
تتنشف الملابس وتنشر

ولما تجي تطوينها او تكوينها عشان تحطيها في الخزانة
اممممممممممممممممم ولا احلى

فأتمنى انك تتأكدي من طريقة الغساااال

وشيئ ثاني عزيزتي
أكياس كمفورت الي ترميها في الخزانة يم لهدوم بس تفتحي الخزانة
امممممممممممممممم ريحة طيبة

وشي ثالث
عندش مكعبات العنبر .. قطيها بعد بالخزانة وهم بتلاقين ريحة روووووعة
وفوق الرووعة

وشي رابع
عندش مخلطات ومرشات من أجمل وشوفي إذا عند سيد جنيد او الرصاصي
بلا شك انش تلاقين عندهم خلطات خاصة بالملابس

وشي اخير
حاولي تتركين زجاجات العطر في الخزانة نفسها خليها بطريقه محصنة وفتحيها شوي
بلا شك انها راح تتبخر شوي بس لا تخافين الريحة بتم معلقة بالملابس
وخصوصاً العطورات ذوات الرائحة القوية .. وتفضل طبعاً الرجالية عشان زوجك
ولك ولولادك عطورات نعومية


** نصيحة ذهبية **
هي متعبة شوي بس نتايجها طيبة
وهي انش قبل لا تنشف الملابس .. تاخذين بخوره وتبخرين بها الملابس
بس هني تحاااااسبين مرة
وبصراحه انا مجربتها على العباية
لكن على الثوب يبالش حرص
****


واتمنى اكون افدتك
تحياتي،،

[ام قصي]

الاخوات كفن ووفن.......................................... ..

[moaz]

مرحبــا أختــي


بقولـج عن طريقــتي وإنشـاء الله تعجبــج

إذا كنت تسـتخدمين كـواية البخار حطي مع المـاء بـس نقطـتين من عطر دهن

الورد وكوي الملابس بالطريقـه المعتاده،،،، و شوفـي النتيـجه ريحـة الثيـاب بتصـير واااايـد

حلـوه لا وريحـة الكبت بتصير روووووعة ........

[هيونه الكويتيه]

ههههههههههههههه

ما ينفع مع ريلك الا الكاز لانه يطير كل ريحه ويعطييك عطر فواح

[تلوله]

هههههههههههههههه


اما انتي يا هيونه الكويتية تبين رجلي يكفخني؟؟؟؟

يكفيني ما فيني خخخخخخخخخخخخخخخخخخخخخخ


يا بعد عمري يا بنات والله ماقصرتوا ...

بجرب كل اللي قلتو..


مشكلتي انا غسالتي هي الي تعبي نفسها و تشطف بالكمفورت و تنشف و بعد ما أطلع الغسيل احس الريحة طايرة و مو قوية ...

يعني رجلي يا عمري جايب لي غسالة مريحة مايدري انها كذا ...


جزاكم الله الف خير والله يسعدكم مع رجاجيلكم

[سمسمة]

الكمفورت ما احسه حلو مرة000
لكن خدي الداوني الزهري مرة راااائع
وخدي كور تعطير الملابس في الدولاب من سيتي بلازا والله روووعة تلقيها في لايف ستايل

[عذب القوافي]

انا دائما ابخر الملابس بعد ما تنشف واشوف الوضع زين

[تلوله]

سمسمة مشكووووورة على فكرة الكور بصراحة ماكنت اعرف عنها


الف شكر يا عذب بجرب البخور

[om 3moory]

كانت عندي نفس مشكلتك
ما كانت تطلع ريحة الكومفورت بالغسيل والمشكله بالغساله
لكني صرت اخلي الغساله توقف يعني تخلص غسيل
وبعدين اشغلها دقيقتين تعبي ماء واضيف معاه الكمفورت
وبعدها الغساله تشطف يعني تعصرهم شويمن الماء وبعدين احطهم في النشافه
وتطلع ريحتهم حلوه

[نبعه الريحان]

حبيبتي انا راح اقول لج عن طريقتي ...

دااااائما لما احط الملابس في الجولاب اشغل البخوره واحطها في الدولاب وابعدها شوي عن الملابس واسكر الباب وتصير الريحه ولااااااااااااااااا اروع...

او اني اخد كلينكس واحط فيها عود اترسهاااااااااا وبعدين احطها بين الملابس والريحه يججججججنن واضمن انه الثياب ماراح تصير فيها بقع.....

[تلوله]

والله عندكم افكار يا بنات

مو سهلين


مشكورة عنوس مشكورة نبعه

[محتاجه لك]

أهلين حبيبتي..

ممكن تضيفين شوي كومفورت في بخاخ الكوي..


اانا اضم صوتي للحبوبه

لاني ناويه اسويها ان شاءالله :)

[SHREEFA]

انا احط الملابس في الكمفورت وبعدين احطهم بالنشافه ما اشطفهم بعد الكمفورت واشرهم داخل المنزل يعني مو بره تحوشهم الشمس تطير منهم الريحه
وبعدين احط في الماي اللي ارش فيه الملابس للكوي شويه كمفورت تعالي شمي الملابس


دمتم سالمين
اختكم شريفة

[الصحراء الخاليه]

انا اسوي طريقه الرش والكومفرت

[**ام عبادي القمر**]

[QUOTE=الشيخة;1667681][size=4]اختى الكريمة






أكياس كمفورت الي ترميها في الخزانة يم لهدوم بس تفتحي الخزانة
امممممممممممممممم ريحة طيبة

عزيزتي وين يبيعونها واشلون شكلها:balloons:]

[صاحبة السمو الملكي]

اريل مع لمسة داوني مره حلو وما تحتاجي كومفورت بعده

والا الحاجات اللي تبيعها نكتار والا زهور الريف والا البودي شوب ولايف ستايل اللي تنقط في الدولاب والا بين الثياب عندهمم روايح بالهبل