بنات دار زايد انا جايتكم..

[soft_dreams]

السلام عليكم و رحمة الله و بركاته,,

بناات انا يايتكم ان شا الله الاسبوع الياي..
وراح اسكن بفندق روتانا الشارجه..

انا رايحه مع زوجي..

يعني ابي اماكن رومانسيه..
واماكن تونس..
حتى متاحف نحبها عادي..
و مطاعم حلوه فيها كباين او حتى ما فيها عادي المهم نذوق شي يديد..

بعد لو تسون لي برنامج اكوووون شاكره..
على فكره انا بروح اسبوع و ما ابي اضيع ولا لحظه..

[الامـــارات]

يا مرحباااااااااااابج .. بتنور دار زاااااايد الله يرحمه ..

عن المطاعم ..

تقدرين تروحين القيصر في الشارجه .. اكلهم لذيييييييييييييذ ..

وانصحج تروحين مطاعم دبي .. لانها اكثر واحلى ..

ومنها قصر الهند .. وفي مكان في جميرا اسمه القصر .. والمرسى ..

وفي متحف في الشارجه ..

وتقدرين تروحين سناتر ..

وبعد !!! .. امممممممممممممم !! ..

بس ماذكر .. خبريني شو الاماكن اللي تحبينها وبخبرج وين موجوده !! ..

اتمنى اكوون افدتج ..

السمووحه ع القصوور ..

[soft_dreams]

قدها و الله يا بنات الامارات..

مشكوره على سرعة الرد..

انا ابي استانس..
انتو اذا بغيتو تستانسون وين تروحون..
غير المجمعااات و السووق..

[الامـــارات]

همممممممممم نتمشى ع البحر مثلاً ..

سيري شاطئ جميرا .. كششششششششخى . .

قولي لي شو تحبين انتي وانا بخبرج ..

السمووووحه ..

[soft_dreams]

شرايج بجزيرة خالد...؟

بس مو حر..؟؟؟

[الامـــارات]

جريييييييرة خالد ؟؟ ..

اول مره اسمع بها :o ..

عن الحر .. واااااااااااااااااااااايد حر ..

بس جميرا احلى شي ..

والسموحه ..

[M a r i a]

السلام عليكم ورحمة الله وبركاته

اختي انتي يمكن قصدج (بحيرة خالد) اللي في الشارجه...اذا تقصدين هالمكان..فاكيد بيكون حر بس المكان حلو...

في دبي عندج مشروع مدينه جميرا وهو بالقرب من برج العرب هالمكان فيه فندقين فندق السلام والقصر وشاليهات ومركز سوق مدينة جميرا ومطاعم سواء في الفنادق نفسها او في السوق .. مطاعم وكوفيهات داخل السوق او مطله ع الممرات المائية اللي بين المباني بس الجو بيكون حار عكس جو الشتا..ايام الشتاء هالاماكن روعه حق الطلعات وتقدرين تركبين العبره اللي توديج بين الممرات المائية بس الجو ما اظني يساعد لانه حر ورطوبه في الصيف...

ومثل ما قالت الاخت..مطاعم دبي وايده وحلوه..المطاعم المعروفه هنيه اللي بالكباين..هي:
- قيصر وله فرعين واحد في بر دبي في الفهيدي
- والثاني في ديرة في الطوار ..انا يعيبني اللي في الطوار وخصوصا الكباين اللي فوق في الطابق الثاني احلى!!
- قصر الهند في ديرة
- مطعم الدار..في جميرا..مطعم لبناني..اكلهم عادي.. بس انتي طلبتي المطاعم اللي فيها كباين وهذا واحد منهم
- حاتم وهذا مطعم ايراني وله فروع كثيره..واكثرها في المراكز

والمطاعم اللي بدون كباين وايد عندنا في شارع الشيخ زايد في دبي منهم عندج (فراي ديز) في المركز اللي في فندق الهوليدي ان كراون بلازا..طبعا هذا زحمه وخصوصا بعد المغرب وفي الاجازات..يعني اذا ما تبين الزحمه سيري الظهر!!

والمتاحف عندج متحف دبي حلو
وفيه بعد سوق في الشارجه حلو هو على الطراز الجديم ويبيعون اشياء تراثية وجديمه بس ما اذكر اسمه يمكن (العرصه) والله ما اذكر ياريت بنات الشارجه يفيدونج اكثر ويصححون الاسم اذا غلط

وعندج بعد قرية البوم في دبي..وفيها مطاعم وكباين وفيها رحله بحرية عالخور

والله وايد اماكن هنيه بس الحين هذا اللي اتذكره واتمنى اني افدتج ولو بالشي القليل والسموحه عالقصور...

[soft_dreams]

يعطيج العافيه اختي DarkEngel

صح قصدي بحيرة خالد..
ان شا الله بروح الاماكن الي ذكرتيها..

بروح قرية البوم حلو شكلها..

الف شكر لكم..

[الامـــارات]

هيه صح اسم السوق " سوق العرصه " .. بصراااااااااااحه وااااااااااااايد حلوو ..

وعندج مكان اسمه المرسى و قرية جميرا ومكان اسمه القصر ..

كلهم في جميرا ..

والقصر مكاااااااااان راقي ع اصووول .. الكوفي اللي فيه بس يكفي !! ..

وشيليز ع شااااااارع القرهود ..

بس ما انصحج تروحين بحيرة خالد .. لانها حق الشباب .. يعني زحمه .. وما بيعيبج المكان لانه حر واااااااايد ..

والسمووحه ..

[نجوم الليل]

السلام عليكم

الله يهنيكم ان شاء الله

انا اعرف القليل من الاماكن في دبي
عندج حديقة الممزر فيها شاليهات صغيرة وكبيرة تقدرين تحجزين اللي تبين واعتقد الصغير اجاره 150 درهم تجلسين فيه لمدة يوم واحد واخذي اغراض شواء وحركات دلع ورومانسية ويا ليت البنات يخبرونج اذا الشاليه مغلق تتوافر في الخصوصية او لا

تقدرين تروحين مدينة مدهش فيها قاعات تونس وحلوة للكبار وفيها قاعة حديقة الحيوانات لكن حلوة وكبيرة وكلمة رائعة صغيرة عليها وما فيها تراب ولا شي يعني ما راح تتلعوزين

انصحج تزورين مجمع ابن بطوطة مكان رهييييييييييييييييييييييي ييييييييييييييييييييييييي ييييييب وتصميمه اكثر من رائع وكل قسم فيه يمثل بلدة وتحسين نفسك كانج صج فيها مو لازم تتسوقين فيه يكفي انج تمشين وتطالعين المكان الرائع وهذا المجمع كبير يعني اذا تبين تتسوقين فيه تحتاجين تقريبا لمدة يوم ونصف او هو اكثر على حسب حبك للسوق
وفيه المجمع الايطالي تصميمه رائئئئئئئئئئئئئئئئئئئئئئئ ع وحلو تحسين نفسج في ايطاليا ...حتى السيكورتي كانوا لابسين ثياب ايطاليا الرسمية
وفيه مشروع النخلة لكن ما ادري خلصوا منه او لا ان شاء الله البنات يفيدونج بخصوص هذا الامر
واذا تبين اماكن اكثر في دبي تقدرين تتصفحين موضوع هني باسمي كنت اسال فيه عن السياحة في دبي وما قصروا البنات