المساعد الشخصي الرقمي

مشاهدة النسخة كاملة : بنات الكويت ... طلب بسيط.. !!!


نور الدوحه
21/08/2005, 08:15 PM
السلام عليكم ورحمة الله وبركاته

انا باذن الله جايه الكويت بعد يومين.. (كلكم انطروني في المطار ) :P


المهم.. اني خذت بعض المعلومات عن المجمعات والاسواق اللي في الكويت من خواتنا في المنتدى ومن احد المواضيع..

لكن المشكلة اللي اواجهها اني ماعرف هالمجمعات في اي منطقة؟؟
احتاج اعرف المناطق عشان مثلا لو رحنا حولي .. نخلص المجمعات اللي هناك مرة وحده .. وهكذا

انا باحط لكم اسامي المجمعات وانتو قسموهم لي على حسب الاماكن ...

السندس
العثمان
سنام
الصيفي
ماجيك
بيروت
شارع سالم المبارك
النقرة
دانه
مجمع مريم
الكوت
المهلب
البستان
اجيال
مارينا مول
ليلى جاليري
الصالحية
الربيع
تالا
غاليريا2000
الرايه
الثريا
الحمرا مول
مجمع الاوقاف
مجمع زهرة (سمعت انهم صكروه.. تعرفون وين انتقلت المحلات اللي فيه؟؟ )

وبس :)

اتمنى انكم تساعدوني وتزودوني بهالمعلومات
انا جاية الكويت من قبل بس بعض المجمعات الصراحه اول مرة اسمع عنها فياليت تدلوني عليهم..

ولكم مني كل الشكر يابنات دار جابر الخير
نور الدوحه
21/08/2005, 10:24 PM
وينكم يابنات الكويت؟؟؟؟؟

توقعت الاقي ردوود كثيرة :( :(
وردة العشاق^
22/08/2005, 02:12 AM
هلا والله بأختي

بتنورينا ان شالله وتوصلين للكويت السلامه

السندس حولي
العثمان حولي
سنام الصراحه هذا اول مره اسمع فيه يمكن بالجهراا
الصيفي وهذا بعد شنو الصيفي
ماجيك بالفحيحيل علي البحر
بيروت حولي
شارع سالم المبارك يالغاليه هذا شارع فيه سوق وعلي امتداد الشارع كله مجمعات
النقرة هذا سوق اسمه سوق النقره وفيه مجمعين النقره الشمالي والجنوبي
دانه والله مدري
مجمع مريم شارع سالم المبارك بالسالميه
الكوت بالفحيحيل علي البحر
المهلب حولي
البستان شارع سالم المبارك السالميه
اجيال الفحيحيل بس ما رحت له انا
مارينا مول السالميه تري هالمجمع حلو
ليلى جاليري السالميه شارع سالم المبارك
الصالحية بالديره داخل الكويت ترا ما ادل عد ل بس حلو الصالحيه
الربيع السالميه
تالا مدري هذا اعتقد السالميه
غاليريا2000 السالميه علي شارع سالم المبارك
الرايه بالديره هذا حلو
الثريا بالسالميه شارع سالم المبارك
الحمرا مول بالفروانيه
مجمع الاوقاف بالديره
مجمع زهره للحين مفتوح حلو بالسالميه بشارع سالم المبارك


واتمني اكون افدتج واي سؤال ان شالله بساعدج باللي اعرف واقدر


وحياج الله بالكويت
نور الدوحه
22/08/2005, 03:58 AM
وااااااااااااااااااااو يعطيج العافية حبيبتي وردة العشاق ماقصرتي وهذا العشم في بنات الكويت الطيبات



والله اشكرج من كل قلبي لانج ساعدتيني وعطتيني جزء من وقتج :)

وان شاء الله اذا فكرتي تجين الدوحه راح نشيلج بعيوننا :)
جـويـل
22/08/2005, 06:50 AM
حياج الله اختي والكويت بتنور بأهل قطر الطيبين


اختي وردة العشاق ما قصرت بس بكمل لج اللي ما عرفتهم

سنام بحولي ملاصق لمجمع النقره

مجمع مبارك الصيفي موجود بمنطقة الفروانيه شارع المطافي وفيه جناط ونعال تقليد

دانه سنتر بالسالميه

مجمعات السالميه موجوده بشارع سالم المبارك نفس السطره تشوفينهم يم بعض وانتي ماشيه و مجمعاتهم احلى شي اهم و الصالحيه وشرق


واذا تبين دراريع حلوه تلقينها بمجمع الدبوس بالفروانيه و الحمرامول والعربيد وكلهم بالفروانيه ..اما الاوقاف ترى يلوووع الجبد دراريع قديمه نفس دراريع حياة الفهد بمسلسلاتها دراريع جبعه و كاشه مدري شلون خخخ


و اتمنى لج سفره حلوه
نور الدوحه
22/08/2005, 10:52 PM
هلا والله بمشرفة احلى ركن عندي ((((( جويل)))))

مشكورة حبيبتي على مساعدتج لي واضافتج لبعض المعلومات

يعطيج العافية يالغالية وماقصرتي ...

وان شاء الله ادلهم كلللللللهم ... تسلمين حياتي